ضياء بن رمضان - Dyaa bin ramadan

كريد من غير قناة خاصة لطلابه و 1000 سؤال 🤣

والكيمياء ف الجيب 🤣🤣😂

تقبل الله منا ومنكم وغفر الله لنا ولكم وكل عام وانتم بخير عيدُكم مباركك .

اللَّهُمَّ لَا تَدَعْ طَالِبًـا إِلَّا نَجَّحْتَـه ❤️

السلام عليكم موضوع ع السريع ضروري انبه عليهه وهوا كالتالي :
لأي طالب يفكر يقرا عندي او يقرا عندي ضروري تكون فاهم نقطة مهمة والي هيا أني مهمتي ف القاعة انّ نفهمك ونشرحلك ونوصلك المعلومة بالشكل الصحيح
موضوع ان الاستاد ميضحكش وميبصرش ف المحاضرة

نحب نقولك لو موضوعك ضحك وتسهويك وتلقيح وصوروني وديرولي ف أعرف انك جاي للشخص الغلط
ومننصحكش بيا
لان اني محاضرتي عِلم فقط صح مرة مرة نضحكوا مافيش باس لاكن ف حدود المعقول وحدود القدر والإحترام .


وربِّ يوفقكم ويفتح عليكم جميعاً .
خوكم ضياء بن رمضان

كمحاسب اوصفلي شعورك فِ اللحظة هادي 😎؟

هدا وين وصلتني 🙂‍↔️

شهادة لله اقوى طلاب واقوى مركز ، ربِّ يوفقكم ويفتح عليكم ونشوفكم ف اعلى المراتب ❤️‍🔥

يودي هادي فوق التقييمم 😎
مَركز أثير أكاديمِي. اقوى مركز ف العالم 🔝🤣

المهم متنسوش المجموعة C غدوا البداية من 4:30

بداية النهاية... وبعون اللّٰه ختامها مسك ❤️‍🔥

نبدوا ع بركة اللّٰه مكثف الفترة الثالثة والي حنكون معاكم أنا أ. ضياء بن رمضان في مادة الإحصاء للقسم " العلمي " ✅

حيكون شرح مفصل من البداية مع حل تمارين الكتاب وأسئلة سنوات سابقة وامتحان في نهاية كل باب

حنكون متواجد بمنطقتي " تاجوراء - عين زارة "

وهده الخطة الفل مارك اللي حنمشو بيها في المكثف

• الباب الاول ( من المحاضرة 1 الي المحاضرة 4 )
• الباب الثاني ( المحاضرة 5+ 6)
• الباب الثالث ( المحاضرة 7 + 8+ 9)
• الباب الرابع (المحاضرة 10 + 11 + 12)
•الباب الخامس ( المحاضرة 13 + 14)

نسأل اللّٰه لكم التوفيق وبعون اللّٰه الفل مارك مضمونة