22/01/2026
"مرات الدواء اللي تحسابه فيه الأمان كله... يكون هو نفسه سبب نهايتك.💔
🩺وصلتنا اول امس للطوارئ شابة في بداية العشرينات، جايبها بوها وهو شبه منهار. البنت كانت صفراء زي الكركم، واعية لكن بالكاد تقدر تتكلم، وبطنها منتفخة وتتألم.
- الأب وقت سألناه خيرك يابوي لاباس عليها قال وهوا يرجف...
«يا دكتور بنتي مرضت قبل أيام مزكومة وعندها حرارة مشيت خذيتها شوي دويات من الصيدلية لكن بعد يومين ولت اترجّع وتعبانة، واليوم بدت صفراء هكي. وعا ماعندها شي، مجرد إنفلونزا عادية عندها من بداية الأسبوع.»
- أول ما شفت درجة الاصفرار (اليرقان) الشديدة هذي، مع ألم في البطن، وسمعت كلام بوها كل أجراس الخطر بدت ترن في راسي الحق . هذا مش مجرد "صفار" عادي... هذا باين فشل كبدي حاد.
🩺
* بين يرقان شديد في العيون والجلد (Deep Jaundice).
* وألم حاد عند لمس 🖐️ منطقة الكبد (أعلى يمين البطن).
* بداية توهان وعدم تركيز.
* ضغط الدم عندها : 90/50 mmHg (منخفض).
💬 سألت الأب سؤال مباشر وكان هو مفتاح لهاذي الكارثة كلها:
– «يا بوي شن خدت دويات للإنفلونزا لما كانت مريضى؟ وكم الجرعات ؟»
قال: «خدت عادي شوي حبوب #بنـ.. ـادول يا دكتور... بس كانت تاخذ في حبتين كل 4 ساعات، مرات حتى كل 3 ساعات، باش تسكّن الوجع والحرارة وترتاح. ليها قريب 4 أيام على الحال هذا.»
⚠️هني، تجمد الدم في عروقي بصراحة. هادي جرعة قاتلة وين كنتي ماشية يا اختى..
#التحاليل 🧪
وظائف الكبد (AST/ALT) طلعت الأرقام بالآلاف!
(AST: 9,500, ALT: 11,000).
والـ (الطبيعي مفروض، تحت الـ 40) أرقام فلكية تعني أن خلايا الكبد قاعدة تتدمر بالكامل.
(سيولة الدم (INR) كانت مرتفعة جداً، علامة على أن الكبد فقد قدرته على تصنيع عوامل التجلط.
*
👈 Acute Liver Failure secondary to Paracetamol Overdose
(فشل كبدي حاد نتيجة من الباراسيتامول)
#العلاجات 💉
* فوراً بدينا بالترياق (Antidote) اللي هو N-acetylcysteine (NAC)
عن طريق الوريد، في محاولة شبه يائسة بصراخة لإنقاذ ما تبقى من خلايا الكبد.
* وعلى الفور تم إدخالها للعناية المركزة (ICU) وبدأنا في إجراءات #دعم الحياة ليها.😔
#لكن للأسف... 💔 مقدرنا انديروا شي وكان الأوان قد فات. والجرعات عالية جداً واخدتها على مدى أيام وكانت قد دمرت الكبد بشكل لا يمكن إصلاحه. دخلت البنت في غيبوبة كبدية المسكينة، وبعد صراع مرير لمدة 24 ساعة في العناية، امبارح باليل توقف قلبها... وتوفيت. 💔
❕ #العبرة من هذه المأساة يا أهلي ؟
البنادول الي هوا (الباراسـ. ـيتامـ.. ـول) دواء صح آمن وتقريباً كلنا ناخدوا فيه نستعملوا فيه بشكل شبه يومي ** لكن لما يكون في جرعاته الصحيحة (فقط) ولو حصل اي تجاوز للجرعة الموصى بها (4 جرام في اليوم للبالغين، أي 8 حبات من فئة 500 ملغ) نتيجة إهمال او جهل يحوله إلى سم فتاك للكبد بدون ما نشعروا.
والمشكلة أن أعراض التسمم الأولى تبان (غثيان وتعب) تشبه أعراض الإنفلونزا نفسها، فالمريض يستمر في ماخدت الدواء، ويزيد وهوا مفكر نفسه قاعد مريض وياخد في علاج وهوا يدمر في كبده بدون ما يعلم.
💌 #رسالتي ليكم من قلب محروق الدواء مش "بونبوني" صغيرون نلعبوا بيه كل مرة وكيف مانبوا، باللهي ركزوا واقروا النشرة، كويس ديما والتزموا بالجرعة، ولا تتجاوزها أبداً مهما كان الألم. ووعو عائلاتكم ، لان اي خطأ بسيط بسبب جهل أو الاستهتار، كلف هذه الشابة حياتها، وترك أباها في حسرة أبدية كبيرة.
باللهي عليكم كونوا واعيين و متكونوش الضحية الي حتكون بعدها.
🖊° وديما طيبين.. .
منقول من يوميات طبيب عام - General Physician Diaries🩺
