الخطوة الاولى - First Step

💜 👇💌
مستقبلك ونجاحك مش لنفسك بس مستقبلك ونجاحك حتى لعائلتك .. وعشان هكي ديما هلنا يحبونا نكونوا متميزين 💜وناجحين في حياتنا واعمالنا .... وعندهم أمل كبير فينا وانهم يحبو يشوفونا ناجحين ومميزين في كل شي ،،، 🙏

من عمرك 7 سنوات ح تلقا البات والام اول 💜داعمين لك
من البداية لعند توصل للمرحلة اللي انت فيها مرحلة الجامعة … كبروك وربوك وتعبو معاك وقدمولك كل شي عشان يشوفوك ناجح مميز ... الشي هضا له رسالة ✉️لازم تفهمها الرسالة هذي معناها " ياولدي كيف ما تعبنا معاك وانت صغير شيل علينا التعب اليوم واعتمد ع نفسك بس ونحن فرحانين بيك وارفع راسنه قدام الناس وردلنا الجميل متاعنا بناجحك وتفوقك بس ي ولدي ونحن ديما معاك من وانت صغير وحتى انت كبير ❤️"
و هنا ندعو لهم بقوله تعالة " وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا (24 "

انتم مستعدين لبدء الرحلة مع الدكتور غيث 🙏
اهلا انا الدكتور غيث رفيقك في رحلتك الجامعية الى حياتك المهنية ما بعد الجامعة تسمحلي بالهدرزة معاك شوي
في البداية نعرفك عليا اسمي الدكتور غيث كان عندي حلم اني نكون مهندس من وانا صغير وكان باتي وامي عكس رغبتي بس شاء القدر بعد نجحت من الثانوية وخشيت لكلية الطب والحمدلله بعد تعب واجتهاد تحقق الحلم بعد توفيق الله ودعم الوالدين ،، ووفقني الله وانهيت الماجستير حاليا ، من الحاجة اللي نحبهم الرسم والمطالعة والكورة والسباحة ،،،
الجميل في الموضوع اني لما خشيت لكلية الطب حبيت الطب اكثر من الهندسة ..

كا نت بدايتي ك طالب عادي كنت متوقع انه دراسة الجامعة كيف دراسة الثانوية وللاسف اني انصدمت لقيت في فرق كبير بكل ومن كثر ما نسمع انه كلية الطب واعره وانه المواد صعبه صار عندي خوف وتشتت وحسيت اني مش ح نقدر عليها

هضا اثر فيا وشاء القدر انه تكون درجاتي ضعيفه في بداية السنه وحسيت روحي فاشل وانه الطب مش ليا ومش ح نقدر انكمل … بوكان السبب من الكلام السلبي اللي سمعته من الناس والطلاب اللي معاي ومالقيتش حد ينصحني ويساعدني في الخطوة الاولى …. لعند يوم من الايام تلاقيت مع دكتور صاحب باتي ذكرة الله بالخير الحاج محمد … وقعدة نحكي معاه انه صار معاي كدا وكدا واني حاس بروحي فاشل وشاف الحزن واليأس في عيوني ،،، قالي ياولدي نعطيك نصيحة وامشي بيها والنصيحة هذي هي الخطوة الاولى لك في نجاحك
انت مش فاشل انت عطيت فرصة للناس انها توسوس على عقلك وتقنعك انك فاشل وصدقت انه الطب صعب وواعر

1- اول شي يا ولدي معش تسمع الكلام السلبي من الناس
2-ولو كان عندك سؤال أسال حد فاهم وعارف وحد يحبك
3-اقرا واجتهد بنفسك وابحث واجتهد عشان توصل مافش شي يجي بالساهل
4-ما تفوتش المحاضرات وسال على افضل الدكاتره اللي يعطو واسمع منهم
5-اشتغل في وقت فراغك ونمي موهبتك اللي تحبها حب عملك وحب مجالك وطور من نفسك ديما في كل وقت

6-ابتعد عن العلاقات السامة واصدقاء السوء نصحية
اتعب اليوم عشان ترتاح بكره
7-اشتغل على نفسك وخليك انت الطبيب المميز
8-الناس اللي نجحو مش خير منك و انت تقدر وقدها مش ناقصك شيئ

9-اعتمد على نفسك واسسس مستقبلك بنفسك وما تعتمدش على حد النجاح يبي من يسعاله مش ح يجي لعندك

10- واجه مشاكلك اول باول وما تخلهاش تتراكم عليك

💜
المجموعة 3 من الصور من مقتطفات اليوم من فعاليات ندوة الخطوة الاولى
بالتعاون مع مساحة الهوية - Identity space
انتظرو باقي المقتطفات 🔥💜 وانتظرو الموعد الثاني
الخطوة الاولى - First Step

💜
المجموعة 2 من مقتطفات من فعاليات ندوة #الخطوة الاولى بالتعاون مع مساحة الهوية - Identity space
كل الشكر وتقدير للمشاركين والمتحدثين
انتظرو باقي المقتطفات 🔥💜 وانتظرو الموعد الثاني
الخطوة الاولى - First Step