طاهر العوامي - Taher alawami

طاهر العوامي - Taher alawami طاهر العوامي - taher alawami

✅ medical student🥼🩺

✅ محاضر لبعض العلوم الطبيه الاساسيه 📹
{ طب البشري ، صيدله ، تقنيه الطبيه }

10/01/2026

✅ اتجاه عام طب 2007 🥼🩺
بحكم كثرة الأسئلة على العملي
🔸 بالنسبة لجزئية العملي سواء مقرر { الهيومن أو البوتني }
العملي حيتم شرحه بشكل مجاني زي الدفعات اللي قبلكم 🔥🔥🔥
الاشتراك يكون فقط ف جزئيه النظرية (المنهج يعني ) ❕

🔸 بهي شن العملي؟
العملي هنا عبارة عن رسمات موجودة في الشيت وبعدين دكتور المادة ح يدير شيت فيه الرسمات اللي ح تمتحنوا فيها عملي
يعني في الامتحان يجيبلك رسمة
وانت المطلوب منك:
تكتب اسم الرسمة
وتكتب الـ data اللي هي الـ structures

طاهر ✍️

28/12/2025

✅ دكاترة اتجاه عام طب 2007 🥼🩺
جامعة عمر المختار - البيضاء 🏫

🔸 جزئيه مهم جدا ف شابتر ثاني mitochondria

🔸 بالنسبة الشرح حيكون أونلاين 📹 كما هو موضح في الفيديو + خاصية notifications ✍️🔥
ح يتم شرح شيت جامعه بالكامل شرح ك فهم + شرح نظري وح يكون ايضا في اسئلة تدريبية للمنهج بحيث نغطوا كل شي ف Human و botany 📄🔥

باقي تفاصيل ع https://t.me/taher_alawmy
رقم 0919055674 📌

21/12/2025

✅ دكاترة اتجاه عام طب 2007 🥼🩺 بالنسبة ل ماده Botany 🌱
🔸 ماده تعتمد ع فهم قبل الحفظ لان كلام الي ح تقروها ف بوتني كلام علمي
🔸 ماده دسمه جدا و تعتبر ادسم من الهيومن ف تبي منك دراسه اول بأول
و بعد كل فتره حاول تراجع ماده كويس

بالنسبة ل دكاترة الي يسالوا ع شرح شرح طبعا جاهز بالكامل منهج جزئي 📹
وبخصوص اسئلة تدريبية و سابقه ح نجهزهم ف اقرب وقت 📄🔥

16/12/2025

✅ دكاترة اتجاه عام طب 2007 🥼🩺
هذي خطه دراسيه ننصحكم بيها
أول حاجة حاجة كويسة إن عندكم 3 محاضرات في الأسبوع مش زي زمان المحاضرات كانت شبه يومي 😂
🔸 مهم عندكم تقريبا 6 مواد فيهم مادتين محتاجات مجهود وتركيز وحفظ أكثر وهم { هيومن بيولوجي 🫀 و بوتاني 🌱 }
المادتين هذين يعتمدوا اساسا على الفهم قبل الحفظ لكن أثناء الدراسة تبي تعب لأن المعلومة لازم تنقرا وتتكرر أكثر من مرة بحيث تثبت

⏰ أفضل وقت للدراسة الهيومن والبوتاني
تكون الصبح بعد الفجر يعني من الساعة 6 أو 7 إلى حدود الظهر
🔸 ليش الوقت هذا افضل شي بعد الفجر يكون مستوى هرمون الكورتيزول عالي هرمون الكورتيزول
• هو يساعدك انك تركز كويس و يعطي الجسم طاقة ذهنية
عاليه وف نفس وقت اي مجهود تقوم بيه م تحسش بالتعب بكل
و أعلى مستوى للكورتيزول يكون ف صبح ويبدأ ينخفض تدريجيا خلال اليوم ويكون أقل في الليل عشان هكي الصبح يعتبر وقت ممتاز للمواد اللي فيها حفظ وتركيز عالي زي الهيومن والبوتاني.
و تقدر حتى تضيف مادة ثالثة خفيفة أو متوسطة زي الكيمياء لو وقتك يسمح

✅ بعد الظهر والعشية
بعد ما تريح شوية من بعد الظهر إلى العصر أو العشية خليه لــ المواد الحسابية { زي فيزياء - كيمياء - إحصاء }
المواد هاذي تعتمد أكثر على الفهم وحل المسائل ومش حفظ مباشر زي الهيومن والبوتاني.
🔸 مرات لو كنت فاهم المادة كويس تقدر تكمل في وقت قصير ومن غير تعب كبير
لكن أهم حاجة فيها انك تحل اسئلة كل م تحل أسئلة أكثر كل ما مستواك يكون افضل

✍️🥼

10/12/2025

✅ دكاترة التقنية العلوم الطبية اتجاه عام 2007 🥼🩺
شرح ل مقرر معدات الطبية🧬😎
فيديو محاضرة الأولى 📹

07/12/2025

✅ دكاترة اتجاه عام طب 2007 🥼🩺

اول محاضرة لكم جزئيه هذي مهم جدا ركزوا كويس ف شرح

🔸 بالنسبة الي يسألوا ع شرح الشرح حيكون أونلاين 📹 كما هو موضح في الفيديو + خاصية notifications ✍️🔥
ح يتم شرح شيت جامعه بالكامل شرح ك فهم + شرح نظري وح يكون ايضا في اسئلة تدريبية للمنهج بحيث نغطوا كل شي ف Human و botany 📄🔥

04/12/2025

✅ دكاترة اتجاه عام اعداد طب دفعه 2007
بعض النصائح المهمة قبل بداية الدراسة الأسبوع القادم
🔸 أولا : التوكل على الله عز وجل
ابدا عامك الدراسي وأنت متوكل على الله لان توفيق والنجاح بيده سبحانه وهو وحده من ييسر لك الطريق ويعينك ع اتخاذ القرارات الصحيحة التي تخدمك في سنة أولى
قال تعالى: {وَمَن يَتَوَكَّلْ عَلَى اللَّهِ فَهُوَ حَسْبُهُ}.

🔸 ثانيا الرغبة والإرادة
الرغبة هي المحرك الأساسي للاستمرار.
خلي عندك عزيمة قوية وإصرار بأنك قدها وأنك قادر تتعامل مع المنهج وتعدى سنة الإعداد بنجاح و تخصص بعدين لتخصص الي عندك فيه رغبه

🔸 ثالثا : الحضور
الالتزام بالمحاضرات وخاصة المهمه نفس هيومن، كيمياء، فيزياء، علم النبات بحيث توفر ع نفسك وقت وجهد كبير
لما تحضر تفهم أسلوب الدكتور وشن يركز عليه وبهكي تختصر على روحك نص المنهج بدل ما تضطر تقرا الشيت كامل بروحك وتضيع وقت.

🔸 رابعا اقرأ أول بأول
نظّم وقتك من البداية…
دراسة ساعتين يوميا أفضل واجد من أنك تقرا كل شيء آخر السنة أو قبل الامتحان حتى لو كنت ذكي أو سريع حفظ التراكم الكبير يخليك تتعب وما يطلع منك أفضل أداء.

🔸 خامسا المصطلحات واللغة الإنجليزية
من الطبيعي انك تواجه صعوبة في المصطلحات أول شهر خصوصًا في مواد نفس هيومن، علم النبات، المصطلحات الطبية لكن صدقني بعد فترة بسيطة جدًا ح تلقى روحك تفهم وتترجم وتحفظ بسهولة.

و بإذن الله أنا معاكم في الفهم والترجمة والحفظ خطوة بخطوة 🔥🔥🔥🤝🏼
و أسأل الله أن يوفقكم ويكتب لكم النجاح.
أنتوا قدها متاكد دكاترة المستقبل 🥼

✍️

✅ بداية قوية لدُفعة تقنية وطب 2007 🔥🔥🔥🔥🔥نتمنى لكم كل التوفيق والسداد 👨🏼‍🏫
12/11/2025

✅ بداية قوية لدُفعة تقنية وطب 2007 🔥🔥🔥🔥🔥
نتمنى لكم كل التوفيق والسداد 👨🏼‍🏫

تهانينا من القلب 🎉ألف ألف مبارك لطلبتي المجتهدين بمناسبة حصولهم على مراتب الأوائل في المرحلة الثانية – قسم التغذية / الك...
11/11/2025

تهانينا من القلب 🎉
ألف ألف مبارك لطلبتي المجتهدين بمناسبة حصولهم على مراتب الأوائل في المرحلة الثانية – قسم التغذية / الكلية التقنية 👩‍🎓👨‍🎓🤩
🥇 الترتيب الأول: امبيريكه حامد
🥈 الترتيب الثاني: رجاء حميد محمود

فخور جدًا بكم وبجهودكم ومبارك أيضًا لباقي الطلبة الناجحين 🎉🔥
مع تمنياتي لكم بدوام التفوق والتميّز والنجاح المستمر 🌟

✍️

25/05/2025

✅📍دكاترة اعداد طب دفعة 2006🥼🩺
حمد الله وبتوفيق الله عز وجل هكي نكون كملت معاكم سنه
ومشاء الله كلكم حليتوا ف ( الهيومن و البوتني ) وهذا شئ ايجابي جدا وعقبال باقي المواد 🤩🔥🔥
أنا فخور بيكم كلكم، 🫶🤍 كل واحد فيكم تعب وسعى وسأل، وحاول، وما استسلمش رغم الصعوبات اللي واجهتوها.
وفخور إنّي كنت معاكم في كل خطوة، ولو بجزء بسيط، في هالرحلة التعليمية اللي ما كانتش سهلة أبداً..

لكن وبما إننا وصلنا لنهاية السنة، نحب نشارككم حاجة مهمة، يمكن ما حد يذكرها في قاعات الدراسة، لكنها واقع بتواجهوه عاجلًا أو آجلًا.

🔸 اليوم، كطلبة دوركم الأساسي هو إنكم تركزوا على التحصيل والفهم لكن بكرا لما تبدوا تشتغلوا سواء كأطباء، أو كمحاضرين أو مدربين في مجالاتكم، أو حتى في المؤسسات الصحية حتكتشفوا جانب آخر من المهنة... جانب فيه تحديات من نوع مختلف.

🔸 لما تبدأ تبرز وتكون عندك بصمة مش دائمًا الكل حيصفقلك.👏 مرات يطلعلك شخص في نفس مجالك، أو حد حاقد أو متضرر من وجودك يحاول يعرقلك أو يشوش عليك، مش بالضرورة يهاجمك بشكل مباشر لكن ممكن يدز حد يتكلم عليك بالسوء أو ينشر إشاعات أو حتى يوصل وساوس لطلبتك.
وهذا للأسف، أمر طبيعي... مش لأنك غلط، بل لأنك بدأت تكون مميز.
ما تشيلوش هم وما تردوش على كل كلمة تنقال ركزوا على شغلكم خلو نيتكم صافية واستمروا في طريقكم. 💪🔥

🔸 أنا شخصيًا مش شخص كبير ولا صاحب منصب ولا جاي أتفاخر أو نشكر في نفسي انا مجرد طالب طب نفسكم لكن ف سنوات متقدمة نعطي في كورسات بشغف حقيقي وحب للمجال، هدفي اني نعطيكم أساس قوي جدا يساعدكم بعدين ف اي تخصص طبي 🤍🔥📚
لكن واجهت بعض من هالأمور، فحبيت نحكي معاكم بصراحة، عشان تكونوا مستعدين وتعرفوا تتعاملوا معاها بحكمة.🧠

ربي يوفقكم، ويكتبلكم النجاح والبصمة الطيبة.
أتمنى لكم من كل قلبي النجاح والتوفيق في كل خطوة جاية في حياتكم ،🌟✨
ومزال مش هكي بس ح نكون معاكم بإذن الله تعالى ف طب البشري
لمقرر ال { Anatomy و Histology } 🤩🔥✨

🥼✍️

✅ دكاترة اعداد طب 2006 🥼🩺غدا الأحد بإذن الله تعالى ح يبدا مكثف #الهيومن 🔥🫀غدا محاضرة مهمة جدا ح ناخذوا :،1- ال Tissues ...
10/05/2025

✅ دكاترة اعداد طب 2006 🥼🩺
غدا الأحد بإذن الله تعالى ح يبدا مكثف #الهيومن 🔥🫀
غدا محاضرة مهمة جدا ح ناخذوا :،
1- ال Tissues الي عندكم فيه مشكلة
2 - ال digestive system
3 - ال respiratory system

ح نغطوا جيمع نقاط المهمه و زبدة الهيومن ف ثلاث ايام 🤩🔥🔥🔥🔥

Address

البيضاء
Al Bayda'

Telephone

+218919055674

Website

Alerts

Be the first to know and let us send you an email when طاهر العوامي - Taher alawami posts news and promotions. Your email address will not be used for any other purpose, and you can unsubscribe at any time.

Shortcuts

Share

Category