Sportlycée Lëtzebuerg

📣🚀 Mir rekrutéieren!
Schéckt är Kandidatur op [email protected].

Porte ouverte 2026 ✨

Ronn 600 Leit hunn e Samschden eis Schoul an eis sportlech Infrastrukturen besicht! 👏
E besonnesche Merci geet un eis 3ièmes Schüler, déi d’Visite mat vill Engagement geleet hunn. Super Aarbecht! 🙌
Mir freeën eis elo schonn, vill vun iech am September bei eis dierfen ze begréissen. 🎓
Villmools Merci och un eist Personal an un eis Enseignanten, déi eis Schoul esou gutt representéiert hunn. 💙

Eis Handballer si gutt zu Skopje (Mazedonien) ukomm. Hir Géigner an der Poule: Schweden, Serbien, Zypern a China 🇨🇳. Mir wënschen hinne vill Erfolleg!

✨ De 25. Mäerz war et rëm esou wäit! ✨

Fir dat 3. Joer hannert eneen hunn eis 3ièmes Schüler mat vill Engagement an Häerz beim Young Athletes Day vun de Special Olympics matgehollef 💙 Si hunn d'Sportatelieren begleet an domat fir vill Freed, Beweegung an onvergiesslech Momenter gesuergt 🏃‍♂️🤝
D’Special Olympics Luxembourg () ginn op dësem Dag Jonke mat mentaler Beanträchtegung d’Chance, sech duerch de Sport ze entwéckelen an ze entfalen – ganz ouni Leeschtungsdrock, mee mat vill Spaass an Zesummenhalt 🌟

Merci Special olympics fir dëse schéinen Dag a fir déi gutt Zesummenaarbecht!

🎉 Ofschloss-Table Ronde – Sportlycée Formation pour Parents 2026 🎉
Gëschter hu mir mat iwwer 60 Elteren den Ofschloss vun eiser Formation pour Parents 2026 gefeiert, an dat mat enger ganz interessanter Table Ronde, moderéiert vum Shari Schenten.
E grousse Merci un eis Invitéen, déi mat hiren Erfarungen an Ablécker fir vill Reflexiounen an Inspiratioun gesuergt hunn:
🔹 Shaheen Helminger – aktuelle SLL Schüler ( )
🔹 Liz Schmitz – SLL-Enseignante an Trainerin
🔹 Tessy Hetting – COSL Vertriederin
🔹 Sarah De N***e – eemooleg SLL-Schülerin an haut Elittesportlerin
🔹 Luc Nothum – Papp vun zwou Nowuesssportlerinnen an Trainer
Si hunn d’Realitéiten, Erausfuerderungen an d’Freed vun enger Dual Career aus ganz verschiddene Perspektive beliicht: e Choix de Vie, deen ouni déi richteg Ënnerstëtzung net méiglech wier.
🎁 Als flott Ofschlossaktivitéit konnten d’Eltere perséinlech Kaddoe vun eisen Invitéen an engem Quiz gewannen. 🎁
❤️En emotionalen Héichpunkt war de Videomessage vun hire Kanner, déi hinne Merci gesot hunn - fir hir Ënnerstëtzung, hir Zäit an hiert Engagement. ❤️
🙏 E groussen MERCI u jiddereen, deen dobäi war oder hanner de Kulisse matgehollef huet. Ouni Iech wier dës Formatioun net méiglech gewiescht! 🙏