18/07/2026
Let’s talk about entrepreneurship and finance
D’SchülerInnen vun de Klasse 4C1, 4C2, 4GSO1,4GSO2, 3CB, 3CC, 3CD, 3CG, 3CLB an 3TPCM hunn de 6. Juli 2026 um Event „Let’s talk about entrepreneurship and finance“ am Kulturzentrum Machera deel geholl. Dësen Event gouf vun dem Caroline Haas an dem Martina Prosperi, Economie’s Enseignanten aus dem Maacher Lycée,organiséiert.
Zil ass et de SchülerInnen d’Thema vum Entreprenariat a Finanze méi no ze bréngen an si ze motivéieren zukünfteg eventuell selwer de Wee an d’Onofhängegkeet als Entrepreneur ze woen.
No enger kuerzer Begréissung duerch de Mike Moro, Sous-Direkter vum Maacher Lycée, goung et lass matt enger Präsentatioun vum Lola Valerius – Chocolatier du Luxembourg. D’Lola huet de SchülerInnen ee flotten Abléck a säi Betrib ginn, d’Virdeeler awer och d’Challenger vun der Onofhängegkeet erkläert.
Weider goung et matt 4 flotten Atelieren.
Den 1. Atelier gouf vum Patrick Malget geleet. An dësem Atelier sinn d’Paiziedelen an d’Steiererklärung thematiséiert ginn.
Am 2. Atelier kruten d’SchülerInnen vum Max Glesener een Abléck an d’Bourse (Aktien an Obligatiounen).
Am 3. Atelier, dee vum Jerôme Krecké gefouert gouf, waren d’Kreditter um Programm. De Max Glesener an de Jerôme Krecké schaffen alle béid bei der Spuerkees.
Deen 4. Atelier gouf vum Dan Tana (Assurances Foyer) geleet an hat d’Assurancen als Schwéierpunkt.
Zum Ofschloss war nach Quiztime ugesot. D’Schüler goufen an 8 Gruppen opgedeelt an hu missen op 20 Froen zu den Theme vum “Let’s talk about entrepreneurship and finance” äntweren.
Déi 3 beschte Gruppe kruten ee Preis.
De Christophe Zender, attaché à la direction,huet des Editioun clôturéiert.
Mir freeën eis schonn op déi nächst Eventer wou am Kader vun den „Sustainable Entrepreneurial Schools“ an dem „Financial Literacy Label“ 2026/2027 um Programm stinn.
