Міжнародны Кангрэс даследчыкаў Беларусі

ВЫНІКІ ПРЭМІІ КАНГРЭСА - 2025
26 верасня 2025 года ў Берліне былі падведзеныя вынікі Прэміі Міжнароднага Кангрэса даследчыкаў Беларусі за лепшыя навуковыя публікацыі 2024 года.
Апроч традыцыйных намінацый дадаткова экспертныя рады разглядалі англамоўныя манаграфіі за мінулыя 10 гадоў, а таксама разам з праектам Scholars for Belarus быў праведзены конкурс грантаў для публікацыі манаграфій і артыкулаў.
Абвяшчаем адзначаныя экспертамі спісы лепшых публікацый.
Конкурс грантаў ў падтрымку публікацыі навуковых тэкстаў:

Артыкулы:
Алена Ляшкевіч, Symbolic functions of the Belarusian Bagpipe (“Duda”) in Narratives of Modern Urban Bagpipes
Сцяпан Захаркевіч, “Вайна сімвалаў” падчас палітычных падзей 2020 г. і іх наступстваў у Беларусі: працэс генэзісу і развіцця барацьбы за сімвалічны кантроль прасторы жыцця.

Манаграфіі:
Вольга Лабачэўская. Аброк. Абыдзённік: Жаночыя рытуальныя практыкі
Уладзімір Валодзін. Misbehaving Under Socialism. Non-conformity at Universities in the Belarusian Soviet Socialist Republic of the Thaw Period (1953-1968)
Таццяна Арцімовіч, “WE ARE LIKE THE FOREMOTHERS” Traces of the Avant-gardes in Soviet Belarus

Лепшая англамоўная манаграфія замежнага аўтара за 2015-2024 гады:
1-2 месца (з роўнай колькасцю балаў):
Franziska Exeler. Ghosts of War. N**i Occupation and Its Aftermath in Soviet Belarus. Cornell University Press, 2022.
Simon Lewis. Belarus - Alternative Visions. Nation, Memory and Cosmopolitanism. Routledge, 2020.
3. Anika Walke. Pioneers and Partisans - An Oral History of N**i Genocide in Belorussia. Oxford University Press, 2015.

Лепшыя навуковыя публікацыі за 2024 год
Сацыяльна-палітычныя навукі (артыкулы):
1. Аляксей Кажарскі. An Authoritarian Spectacle: Visual Biopolitics and the Dramaturgy of the Poland-Belarus Border Migration Crisis, Visual Anthropology, 36:4, 373-396.
2. Генадзь Коршунаў. Калектыўная траўма: кейс Беларусі пасля 2020 года. Topos, 1 (52), 2024: 5-36.
3. Алеся Руднік. Co-option of Technology: Digital Repression and Legitimation Strategies of the Belarusian Regime. Communist and Post-Communist Studies, 1 December 2024; 57 (4): 28–55.

Гуманітарныя навукі (артыкулы):
1. Вольга Лабачэўская. (Уводзіны) Архіў забытай экспедыцыі, Экспедыцыя Вацлава Ластоўскага 1928 году. Лёндан: Skaryna Press; Варшава: Czabor Publishing, 2024. С. 10-43.
2. Ірына Лаппо. Незалежны беларускі тэатр у Польшчы: тры сезоны ў выгнанні „Studia Białorutenistyczne”, 2024, t. 18, s. 193-222.
3. Марыя Мартысевіч. Жанравы кантынуум ананімнай бурлескна-травестыйнай паэмы ў беларускай літаратуры ХІХ – ХХІ стагоддзяў: асаблівасці ўзнікнення і развіцця, „Studia Białorutenistyczne”, 2024, t. 18, s. 121-139.

Гуманітарныя навукі (манаграфіі):
1. Аляксандр. Дакукін. Мастацкі свет Алеся Разанава. Гомель: ГДУ імя Ф. Скарыны, 2024. – 282 с.
2-3 месца (агульная колькасць балаў)
Яніна Грыневіч. Як нацыя вучылася спяваць. Мінск: Беларуская навука, 2023.
Вольга Раманава. Другая история белорусского советского кино. Варшава: Янушкевіч, 2024.

Гісторыя (артыкулы):
1. Дзмітрый Віцько. Давыдаў камень ХІІ ст. з вёскі Камена Вілейскага раёна і яго сувязь з Барысавымі камянямі, “Homo Historicus”, 2024, tom 8, s. 10-51.
2. Ілля Вярбіла. Павільён БССР на Ўсесаюзнай выставе 1923 г. у Маскве: пошукі нацыянальнага стылю беларускай архітэктуры, „Bialoruskie Zeszytu Historyczne”, 2024, nr 57, s. 146-171.
3. Андрэй Чарнякевіч, Іна Соркіна. Станіславова: “Палац на пагорку”, “Homo Historicus”, 2024, tom 8, s. 203-239.

Гісторыя (манаграфіі):
1. Аляксандр Гужалоўскі. У светлую будучыню! Беларускае грамадства эпохі “адлігі” (1953-1968). Мінск: Р.М. Цымбераў, 2024.
2. Аляксандра Валодзіна. Вальдэнсы ў канцы ХІІ - пачатку XV стагоддзя: паміж ерэтычнай сектай і народнай рэлігійнасцю. Мінск: ІВЦ Мінфіна, 2024.
3. Віктар Шадурскі. Нараджэнне беларускага Левіафана. Беларусь: ад парламенцкай рэспублікі да аўтарытарнага рэжыма (1990-1996). Беласток: Камунікат, 2024.

Віншуем пераможцаў!

Звяртаем вашу ўвагу на праграму публічных мерапрыемстваў і прэзентацый, што адбудуцца падчас Кангрэса.
https://www.icbs.lt/_files/ugd/e243e9_c292ee30eaa24424897b96a3a7d6cd73.pdf

XII Міжнародны Кангрэс даследчыкаў Беларусі, які пройдзе 25-27 верасня 2025 у Берліне (у партнёрстве з Humboldt-Universität zu Berlin) запрашае да рэгістрацыі:

Гасцей (на публічныя мерапрыемствы; можна пазначыць панэль для наведвання як слухач).

Прадстаўнікоў СМІ (акрэдытацыя).

Валанцёраў.

Зарэгістравацца можна праз электронную форму: https://podio.com/webforms/30444787/2568323

Рэгістрацыя працягнецца да 12 верасня 2025 года.

podio.com

Шаноўныя калегі, прапануем вам азнаёміцца з папярэдняй праграмай Кангрэса.

www.icbs.lt

Шаноўныя калегі,

Арганізацыйны камітэт абвяшчае збор заявак на правядзенне круглых сталоў і публічных прэзентацый у межах XIІ Міжнароднага Кангрэса даследчыкаў Беларусі. Сёлета Кангрэс адбудзецца 25-27 верасня 2025 года ў Берліне (Нямеччына) у партнёрстве з Humboldt-Universität zu Berlin.

Сёлета, акрамя дысцыплінарных панэляў і секцый, мы таксама рады запрасіць да правядзення: круглых сталоў, публічных прэзентацый (напрыклад, навуковых праектаў, кніг, культурных ініцыятыў) ці іншых публічных імпрэз.

Удзельнікі могуць прадстаўляць новыя ідэі, даследаванні або садзейнічаць адкрытаму дыялогу ў міждысцыплінарнай супольнасці. Аргкамітэт не ўводзіць строгіх тэматычных абмежаванняў - прапануйце тое, што мае актуальнае значэнне для беларускай тэматыкі ў шырокім кантэксце. Круглыя сталы, публічныя дыскусіі і прэзентацыі дапамагаюць аб’ядноўваць акадэмічную супольнасць, запуск новых праектаў і адкрытым навуковым абменам.

Для падачы заяўкі неабходна да 20 жніўны 2025 года запоўніць наступную анлайн-форму:
https://podio.com/webforms/30131092/2519886

Дадатковыя пытанні можна задаць, напісаўшы на пошту [email protected]

podio.com

Арганізацыйны камітэт Міжнароднага кангрэса даследчыкаў Беларусі нагадвае пра дэдлайн для збору індывідуальных заявак на ўдзел у XII Кангрэсе, які адбудзецца з 25 па 27 верасня 2025 года ў Берліне (Нямеччына). Галоўны акадэмічны партнёр — Humboldt-Universität zu Berlin (Універсітэт ім. Гумбальта ў Берліне.

Каб прыняць удзел у Кангрэсе ў якасці выступоўцы, неабходна запоўніць анлайн-форму і прадставіць тэзісы памерам 2–4 тыс. знакаў. Дэдлайн — 16 чэрвеня 2025 года.

https://www.icbs.lt/post/cfp-2025

Арганізацыйны камітэт Міжнароднага кангрэса даследчыкаў Беларусі абвяшчае збор індывідуальных заявак на ўдзел у XII Кангрэсе, які адбудзецца з 25 па 27 верасня 2025 года ў Берліне (Нямеччына). Галоўны акадэмічны партнёр — Humboldt-Universität zu Berlin (Універсітэт ім. Гумбальта ў Берліне).

У 2025 годзе праца Кангрэса будзе адбывацца па 12 даследчых накірунках, якія ўключаюць усе асноўныя сацыяльныя і гуманітарныя дысцыпліны: гісторыю, міжнародныя адносіны і паліталогію, сацыялогію, лінгвістыку, літаратуразнаўства і іншыя.

Каб прыняць удзел у Кангрэсе ў якасці выступоўцы, неабходна запоўніць анлайн-форму і прадставіць тэзісы памерам 2–4 тыс. знакаў. Дэдлайн — 16 чэрвеня 2025 года.

Асноўныя працоўныя мовы Кангрэса — беларуская і англійская; дадатковыя — нямецкая, польская, украінская, літоўская, руская. Працоўныя мовы асобных панэлей вызначаюцца іх каардынатарамі.

Для ўдзелу ў Кангрэсе дазваляецца запаўненне толькі адной заяўкі; выступаць з двума дакладамі не дазваляецца.

Збор заявак на ўдзел у Кангрэсе гасцей і журналістаў, а таксама на арганізацыю прэзентацый навуковых, культурных, выдавецкіх праектаў і г.д. будзе аб’яўлены пазней.

cfp-2025 Арганізацыйны камітэт Міжнароднага кангрэса даследчыкаў Беларусі абвяшчае збор індывідуальных заявак на ўдзел у XII Кангрэсе, які адбудзецца з 25 па 27 верасня 2025 го....

Завершаны збор заявак на панэлі Міжнароднага Кангрэса даследчыкаў Беларусі ў Берліне (25-27 верасня 2025)

Арганізацыйны камітэт атрымаў рэкордныя 60 заявак на арганізацыю панэлей ад інстытуцый і даследчых груп. Гэта на некалькі дзясяткаў больш, чым мінулыя гады, што паказвае важнасці Кангрэса як галоўнай беларускай акадэмічнай падзеі года.

Найбольш заявак атрымана на гісторыі і філалогіі: “гісторыя” і “філалогія” па 10 адпаведна.

Грамадства, палітыка, міжнародныя стасункі і эканоміка: заяўлена 12 панэлей

Культурныя даследаванні: заяўлена 7 панэлей

Адукацыя: 5

У дадзены момант Арганізацыйны камітэт апрацоўвае і ўдакладняе звароты. Збор індывідуальных заявак будзе абвешчаны пасля 8 мая і працягнецца да 16 чэрвеня 2025 года

Сачыце за навінамі.

Прэмія за лепшую англамоўную манаграфію. Міжнародны Кангрэс даследчыкаў Беларусі рады абвесціць конкурс на наданне Прэміі за лепшую навуковую публікацыю для замежных аўтараў на англійскай мове, апублікаванай за апошнія дзесяць год (2015-2024 гады).
На прэмію могуць быць намінаваныя манаграфіі, напісаныя аўтарамі, якія не з’яўляюцца і не былі грамадзянамі Беларусі, і якія цалкам, альбо ў значнай ступені прысвечаны Беларусі. Усе спрэчныя пытанні намінавання вызначае камісія.
Прапановы можна падаць на адрас [email protected] да 1 чэрвеня 2025 года.

Урачыстае аб’яўленне пераможцаў адбудзецца 26 верасня 2025 года падчас XII Кангрэса ў Берліне

Гранты на падтрымку публікацый.

Арганізацыйны камітэт Міжнароднага Кангрэса даследчыкаў Беларусі разам з праектам Scholars for Belarus аб’яўляе конкурс на падтрымку публікацыі лепшых навуковых прац у галіне сацыяльных і гуманітарных дысцыплін.

Задача грантаў – спрыянне выданню і падрыхтоўцы да выдання найлепшых новых даследчых прац у сацыяльна-гуманітарных навуках у фармаце кніг і навуковых артыкулаў, а таксама павышэнне іх бачнасці і пашырэнне доступу (open access).

Запрашаем прадстаўнікоў акадэмічнай супольнасці падаваць свае працы на гранты да 1 чэрвеня 2025 года на адрас [email protected].

Асабліва заахвочваем да ўдзелу маладых навукоўцаў, якія хацелі б апублікаваць першую кнігу ці доктарскую дысертацыю. У рамках конкурса могуць быць падтрыманы як манаграфіі, так і навуковыя артыкулы. Конкурс не маетэматычных абмежаванняў.

Умовы падачы на грант:

1. матэрыял не публікаваўся раней ні часткова, ні цалкам;

2. артыкулы павінны адпавядаць структуры і стылю акадэмічных часопісаў (памер да двух аўтарскіх лістоў, наяўнасць назвы, абстракта, яўных структурных частак, спіса літаратуры і цытат, аформленых у адным з агульнапрынятых стыляў цытавання);

3. да намінацыі прымаюцца матэрыялы ў тым ліку з некалькімі аўтарамі, але колькасць аўтараў не ўплывае на памер гранту;

4. камісія прымае да разгляду працы на беларускай, англійскай і рускай мовах.

5. грант можа быць скарыстаны на падрыхтоўку тэксту для публікацыі (рэдагаванне, пераклад, вёрстка), аплату збораў для публікацыі, выкуп правоў на адкрыты доступ да публікацыі, дапрацоўку публікацыі.

Арганізацыйны камітэт Міжнароднага Кангрэса даследчыкаў Беларусі аб’яўляе пачатак працы камісіі па вызначэнні лепшых навуковых публікацый у галіне сацыяльных і гуманітарных дысцыплін па вынікам 2024 года.

Задача працы камісіі – вызначыць найлепшыя дасягненні ў сацыяльных, палітычных і гуманітарных навуках, а таксама спрыяць пашырэнню вынікаў лепшых беларускіх навуковых даследаванняў.

Запрашаем прадстаўнікоў акадэмічнай супольнасці дасылаць сваё меркаванні пра найлепшыя навуковыя публікацыі і зрабіць свой унёсак у папулярызацыю дасягненняў беларускай навукі.

Прапановы можна падаць на адрас [email protected] да 1 чэрвеня 2025 года.

Урачыстае аб’яўленне спісу лепшых публікацый адбудзецца 26 верасня 2025 года падчас XII Кангрэса ў Берліне.

У выніку працы камісіі будуць вызначаны па тры лепшыя публікацыі па наступным накірункам:
– Гісторыя (манаграфіі, артыкулы);
– Гуманітарныя навукі (манаграфіі, артыкулы);
– Сацыяльна-палітычныя навукі (манаграфіі, артыкулы).

Для ацэнкі камісіяй могуць таксама прымацца працы апублікаваныя ў 2023 годзе, якія раней не вылучаліся на конкурс.

Шаноўныя калегі,

Арганізацыйны камітэт абвяшчае збор заявак на стварэнне панэляў у межах XIІ Міжнароднага Кангрэса даследчыкаў Беларусі. Сёлета Кангрэс адбудзецца 25-27 верасня 2025 года ў Берліне (Нямеччына) у партнёрстве з Універсітэтам Гумбальта (Humboldt-Universität zu Berlin).

Панэлі могуць быць прысвечаны абмеркаванню даследчых праблем ці прэзентацыі вынікаў навуковай дзейнасці. Пры падачы матэрыялаў арганізацыйны камітэт не ставіць дакладных тэматычных ці дысцыплінарных абмежаванняў, пакідаючы магчымасць прадстаўнікам акадэмічнай і экспертнай супольнасці самастойна артыкуляваць свае прыярытэты і зацікаўленасці.

Колькасць удзельнікаў панэляў на стадыі падачы заяўкі таксама не абмяжоўваецца. Калі ўдзельнікаў будзе шмат, заяўленая панэль можа быць падзеленая на некалькі асобных панэляў, альбо вылучана ў асобную секцыю.

Арганізацыйны камітэт запрашае даследчыя і экспертныя арганізацыі і супольнасці, а таксама акадэмічных лідараў прыняць удзел у вызначэнні праграмы сёлетняга Кангрэса.

Заяўнікамі могуць выступаць асобы, а таксама зацікаўленыя інстытуцыі і арганізацыі. Для падачы заяўкі неабходна да 25 красавіка 2025 года запоўніць наступную анлайн-форму.

https://podio.com/webforms/30131092/2519886

Дадатковыя пытанні можна задаць, напісаўшы на пошту [email protected]
З павагай,
Арганізацыйны камітэт