28/05/2026
*2026 වත්තේගම කලාප මලල ක්රීඩා බාලක / බාලිකා සමස්ත ශුරතාවය වළල ඒ රත්නායක මධ්ය මහා විද්යාලයට .......*
2026 වත්තේගම කලාප මලල ක්රීඩා සමාප්ති උළෙල වත්තේගම කලාප අධ්යාපන අධ්යක්ෂ තරංගා ගුණරත්න මහත්මියගේ උපදෙස් සහ මග පෙන්වීම මත ජ්යෙෂ්ඨ ප්රවීණ ඔලිම්පික් මලල ක්රීඩා පුහුණුකරු සුසන්ත ප්රනාන්දු මහතාගේ ප්රධානත්වයෙන් හා මධ්යම පළාත් ක්රීඩා සහකාර අධ්යාපන අධ්යක්ෂ K. K. C. D. පොරෝගම මහතාගේ සහභාගිත්වයෙන් (26) දිගන මධ්යම පළාත් ක්රීඩා සංකීර්ණයේදී පැවැත්විණි.
වත්තේගම අධ්යාපන කලාපයේ සියලුම පාසල් නියෝජනය කරමින් මෙම තරගාවලිය සඳහා බාලක/ බාලිකාවන් තරග වැදුණි. මෙහිදී සමස්ත ශුරතාවය වළල ඒ රත්නායක මධ්ය මහා විද්යාලයට හිමි වූ අතර බාලිකා අනුශූරතාවය වත්තේගම බාලිකා මහා විද්යාලයට හා බාලක අනුශූරතාවය මහනුවර ආදර්ශ විද්යාලයට හිමි විය.
මධ්යම පළාත් පාසල් ක්රීඩා උළෙල සඳහා වත්තේගම කලාපය නියෝජනය කිරීමට දක්ෂ ක්රීඩක ක්රීඩිකාවන් තෝරා ගැනීම වෙනුවෙන් මෙම තරගාවලිය සංවිධානය කර තිබුණු අතර මෙහිදී ජයග්රාහකයින් වෙත ජය සංකේත ප්රදානය කිරීම ද සිදු කරන ලදී.
වත්තේගම අධ්යාපන කලාපයේ සහකාර අධ්යාපන අධ්යක්ෂ (ක්රීඩා, සෞඛ්ය හා ශාරීරික අධ්යාපන ) තුෂාරි ඔබේසේකර මහත්මියගේ පූර්ණ අධීක්ෂණය හා මඟ පෙන්වීම මත කලාප ක්රීඩා අංශය මගින් මෙය සංවිධානය කර තිබුණි.
