විමලජෝති දහම් පාසල

20/01/2026

ශ්‍රී ලංකා අමරපුර මූලවංශික මහා නිකායේ කොළඹ කළුතර දිස්ත්‍රික් සංඝ සභාවේ ගරු සභාපති ලෙස තේරී පත් වූ,

අමරපුර මූලවංශික මහා නිකායේ කොළඹ කළුතර දෙදිසාවේ ප්‍රධාන සංඝනායක, ධර්මාධීශ්වර සාසන කීර්ති ශ්‍රී විනයාලංකාර, සිරි පවර මේධාරාම තිස්ස වංශාවතංස සද්ධර්ම කීර්ති ශ්‍රී, කළුතර උතුර ශාසනාරක්ෂක බල මණ්ඩලයේ ගරු නියෝජ්‍ය සභාපති, නුගගොඩ කවුඩුදූව ශ්‍රී නාගරුක්ඛාරාම විහාරස්ථානය ඇතුළු විහාර ගණයේ විහාරාධිකාරී, අතිපූජ්‍ය වස්කඩුවේ ධම්මාරාම තිස්ස නායක සංඝ පීතෘවරයාණන් වහන්සේට..

අපගේ සුභාශිංසනය...!

චිරං ජයතු..!

ශ්‍රී විමලජෝති දහම් පාසල | ශ්‍රී නාගරුක්ඛාරාමය, නුගගොඩ

20/01/2026

සුභ උදෑසනක් වේවා...!

20/01/2026

තෙරුවන් සරණයි 🙏

2025 වර්ෂයට අදාළව දහම් පාසැල් වසර අවසාන විභාගය පැවැත්වෙන කාලසටහන..

08/01/2026

🙏🌸

සුබ දවසක් වේවා!

02/01/2026

අද දුරුතු පුර පසළොස්වක පොහෝ දිනයයි...! 🌸🙏

1. බුද්ධත්වයෙන් නව වැනි මස දුරුතු පුර පසළොස්වක පොහෝ දිනක බුදුන් වහන්සේගේ ප්‍රථම ලංකා ගමනය සිදුවීම.

2. බුදුන් වහන්සේ සමන් දෙවිඳුන්ට පූජා වස්තුවක් ලෙස කේශ ධාතු මිටක් පරිත්‍යාග කිරීම.

3. බුදුන් වහන්සේ වැඩ සිටි ස්ථානයේ කේශ ධාතු නිදන් කොට මහියංගන චෛත්‍යය ඉදි කිරීම.

4. බුදුන් වහන්සේ දහසක් ජටිල රහතන් වහන්සේ සමඟ රජගහ නුවරට වැඩම කිරීම.

5. බුදු සසුනේ පළමු ආරාම පූජාව වන වේළුවනාරාම පූජාව බිම්බිසාර රජු විසින් සිදු කිරීම.

උදාවන දුරුතු පුර පසළොස්වක පොහොය දිනයට ශාසන ඉතිහාසය තුළ ඉතා වැදගත් තැනක් හිමි වෙයි. බුදුරජාණන් වහන්සේ විසින් උරුවෙල් දනව්වේ සිටි දහසක් වූ තුන්බෑ ජටිල පිරිස දමනය කරනු ලැබීමෙන් පසුව ප්‍රථම වරට ලංකාවට වැඩමවීම හා එහිදී යක්ෂ ගෝත්‍රිකයින් දමනය කිරීම කේශ ධාතු නිධන්කොට මහියංගණ දාගැබ තැනවීම ආරම්භ කිරීම, බිම්බිසාර මහ රජු ගේ ආරාධනය පරිදි බුදුරජාණන් වහන්සේ දහසක් රහතන් වහන්සේලා ද සමඟ රජගහ නුවරට වැඩමවීම, මිය ගිය ඤාති පේ‍්‍රතයන්ට පින් අනුමෝදනා කිරීමේ චාරිත්‍රය අනුමත කිරීම, සිරිසඟබෝ කුමරු මහියංගණ චෛත්‍යය අසල දී රජ බවට පත් කරවීම යනාදිය දුරුතු පොහොය දිනය හා සබැඳි ඓතිහාසික සිදුවීම් අතර ප්‍රමුඛස්ථානයෙහිලා සැලකිය හැකි ය.

☸️ යක්ෂ නාග අසමගිය දුරු කිරීම

බුද්ධත්වයෙන් නව වැනි මාසයේ දී දුරුතු පුර පසළොස්වක පොහොය දිනෙක බුදුරජාණන් වහන්සේ මහියංගණයෙහි මහවැලි ගඟ අසබඩ යොදුන් තුනක් දුරින් පිහිටි මහානාග වනෝද්‍යානයට වැඩම කරවීමේ පුවත මහාවංසයෙහි පළමු පරිච්ඡේදයෙහි දැක්වෙන්නේ මෙසේ ය.

බොධිතො නවමෙ මාසෙ
ඵුස්සපුණ්ණමියං ජිනො
ලංකාදීපං විසොධෙතුං
ලංකාදීප මුපාගමි

එදින මහානාග වනෝද්‍යානයෙහි යක්ෂ ගෝත්‍රිකයන් ගේ මහා සමුළුවක් පැවතිණ. ඒ වන විට ලක්දිව ඉතා බලසම්පන්න ව සිටියේ රාවණ සමයේ සිට පැවත ආ යක්ෂ ගෝත්‍රිකයින් ය.

මෙරට ප්‍රාග් ඓතිහාසික පුරවැසියන් ලෙස හඳුන්වා දිය හැකි වන්නේ නාග ගෝත්‍රිකයන් ය. මෙම දෙපිරිස අතර කාලාන්තරයක පටන් පැවැති අසමගිය දුරු කිරීම බුදුරජාණන් වහන්සේ ගේ ප්‍රථම ලංකාගමනයෙහි ප්‍රධාන අරමුණ විය. මේ සඳහා ලක්දිවට වැඩමවන ලෙස බුදුරජාණන් වහන්සේට ඇරයුම් කළේ සුමන සමන් දිව්‍යරාජයා වන බව ද බෞද්ධයෝ විශ්වාස කරති.

☸️ මහියංගණ සෑය ඉදිකිරීම

දැනට මහියංගණ චෛත්‍යය පිහිටි ස්ථානයෙහි පත්කඩය අතුරා වැඩසිටි බුදුරජාණන් වහන්සේ යක්ෂ සේනාව දමනය කිරීම සඳහා ධර්මය දේශනා කළ හ. එම බණ ඇසු ඉතා විශාල පිරිසක් ධර්මාවබෝධය ලැබූහ. යක්ෂ ගෝත්‍රිකයන් රුදුරු ගති පැවතුම් ඉවතලා යහපත් පිරිසක් බවට පත්වීම ද මෙහිදී ඉතා වැදගත් වෙයි.

බණ අසා සෝවාන් බවට පත් වූ සුමන සමන් දිව්‍ය රාජයා විසින් “ස්වාමීනි අපට පූජාර්හ වස්තුවක් දුන මැනවැ”යි, ආයාචනා කරන ලදී. බුදුරජාණන් වහන්සේ ඔහුට කේශ ධාතු මිටක් දී පෙරලා උරුවෙල් දනව්ව බලා වැඩම වූහ. ඉක්බිති සුමන සමන් දිව්‍ය රාජයා බුදුරදුන්ගේ කේශධාතුන් වහන්සේ ස්වල්පය රන් කරඬුවක තැන්පත් කොට සත් රියනක් උස සෑයක නිධන් කළේ ය. එම සෑය ඉදිකළේ එදා බුදුරදුන් ධර්මය දේශනා කරමින් වැඩ සිටි ස්ථානයේ ම ය. මෙසේ ලෝකයේ ප්‍රථම දාගැබ වූ මහියංගණ දාගැබ බුදුරදුන් ජීවමාන ව සිටියදී ම නිර්මාණය කොට පූජෝපහාර දැක්වීමේ ගෞරවය සුමන සමන් දිව්‍ය රාජයාට හිමි වෙයි.

මෙකී මහියංගණ සෑය හෙවත් මියුගුණ සෑය ලොව ප්‍රථම බෞද්ධ සංකේතය වන අතර, ප්‍රථම ථූප මූර්තිය ද වේ. මියුගුණ සෑය එදා පටන් යක්ෂ, නාග දෙපිරිස ගේ ම වන්දනාමානයට ලක් විය.

☸️ කඤ්චුක චෛත්‍යය

පසු කාලයක සැරියුත් මහරහතන් වහන්සේ ගේ අතවැසි වූ සරභූ රහතන් වහන්සේ විසින් කුසිනාරා නුවර පිරිනිවී බුදුරදුන් ගේ ශ්‍රී දේශය ආදාහනය කළ චිතකයේ ගී‍්‍රවා ධාතූන් වහන්සේ ගෙන නිධන් කොට මියුගුණ සෑය වටකොට දොළොස් රියන් චෛත්‍යයක් ඉදි කරන ලදහ. එය පළමු චෛත්‍යය වට කොට කළ හෙයින්”කඤ්චුක චෛත්‍යය” නම් විය.

පසුකාලීන ව දේවානම්පියතිස්ස රජු ගේ සොහොයුරකු වු උද්ධ චූලාභය රජු මහානුභාව සම්පන්න වූ මෙම මනෝහර මියුගුණ සෑය දැක බෙහෙවින් තුටුපහටු වී දොළොස් රියන් සෑය වසා තිස් රියන් කොට සෑයක් කරවීය. දුටුගැමුණුූ රජු එම තිස් රියන් සෑය වසා අසූ රියන් උස්කොට කඤ්චුක චෛත්‍යයක් කරවීය. ඉන් පසු නොයෙක් කාල පරිච්ඡේදවල දී ගරාවැටුණු මෙම චෛත්‍යය ධාතුසේන, සිරිසඟබෝ , අග්බෝ. පරාක්‍රමබාහු ආදි ශ්‍රේෂ්ඨ නරවිරුවන් විසින් ප්‍රතිසංස්කරණය කරවන ලදහ.මේ වනවිට ලෝකයා ගේ වන්දනාමානයට යෝග්‍ය වන අයුරින් මියුගුණ සෑයෙහි සියලු ප්‍රතිසංස්කරණයන් නිමකොට තිබේ. අද අප දකින මියුගුණ සෑය බුදුරජාණන් වහන්සේගේ ප්‍රථම ලංකාගමනය සිහිපත් කරවන ප්‍රබලතම සාධකයක් වනු ඇත.

☸️ ප්‍රථම ආරාම පූජාව

ප්‍රථම ලංකාගමනයෙන් පසු බුදුරජාණන් වහන්සේ මගධයේ අධිපති බිම්බිසාර මහ රජු ගේ ආරාධනයෙන් උරුවෙල් දනව්වේ සිට දහසක් ජටිල රහතන් වහන්සේලා ද සමඟ රජගහ නුවරට වැඩම කළහ. "කිංසච්චගවේසී ව" සිටි සමයේ බිම්බිසාර මහ රජු කළ ඉල්ලීම ඉටු කිරීම එහි වැඩමවීමට හේතුවයි. එහිදී බිම්බිසාර මහරජු බුදුරදුන් හමුවීමට පැමිණියේ විසි දහසක් පමණ වූ පිරිසක් ද පිරිවරාගෙන ය. බුදුරදුන් රජු ප්‍රමුඛ පිරිසට ධර්මය දේශනා කළ අතර, මෙය බිම්බිසාර මහ රජුගේ ප්‍රාර්ථනා පහම ඉටු වූ අවස්ථාව විය. පසුව බිම්බිසාර මහරජු වේළුවනාරාමය බුද්ධ ප්‍රමුඛ මහ සඟනට පූජා කළේ ය. මෙම ප්‍රථම ආරාම පූජාවෙන් පසු වාසය සඳහා ආරාම පිළිගැනීම යෝග්‍ය බව බුදුරදුන් භික්ෂූන් වහන්සේලා සඳහා නියම කළේ ද මෙම දුරුතු මහේ දී ය.

තෙරුවන් සරණයි..!

උපුටා ගැනීම 👇
සිරි ධම්මජෝති දහම් පාසල යටියන්තොට
Link https://www.facebook.com/share/18A2dc7ftD/

31/12/2025

ලබන්නා වූ 2026 නව වසර ඔබ සැමට සාමය, සතුට, සෞභාග්‍යය සපිරි සුභ නව වසරක් වේවා..!

තෙරුවන් සරණයි෴!

31/12/2025

සුභ මුහුර්තයෙන් විවෘත වූ විහාරස්ථ මහා බෝධි ප්‍රාකාරය වටා ඉදිවුණු අභිනව රන් වැට 🙏

පින්සාර නෙතින් දැක බලා ඔබත් පින් රැස් කර ගනිත්වා 🙏

තෙරුවන් සරණයි....! 🌸🙏

30/12/2025

නමෝ බුද්ධාය..!

නුගගොඩ කවුඩුදූව ශ්‍රී නාගරුක්ඛාරාම විහාරස්ථ

"මහා බෝධි මූලයේ අභිනවයෙන් ඉදිකරන ලද රන් වැට නිරාවරණය කිරීම සහ අධිෂ්ඨාන පූජාව"

අයහපත් කාලගුණ තත්වය හමුවේ දිවි අහිමි වූ සහෝදර ජනතාව වෙනුවෙන් පුණ්‍යානුමෝදනා කිරීම, ආපදාවට ලක් වූවන් වෙනුවෙන් දිරියෙන් නැගී සිටීමට හා 2026 නව වසර පිළිගනිමින් රටටම සෙත් ප්‍රාර්ථනා කරමින් පවත්වනු ලබන අධිෂ්ඨාන පූජාව හා අභිනවයෙන් ඉදි කරන ලද රන් වැට නිරාවරණය කිරීම

දෙසැම්බර් මස 31 වන බදාදා පස්වරු 06.00 ට

අමරපුර මූලවංශික මහා නිකායේ කොළඹ කළුතර දෙදිසාවේ ප්‍රධාන සංඝනායක, ධර්මාධීශ්වර සාසන කීර්ති ශ්‍රී විනයාලංකාර, සිරි පවර මේධාරාම තිස්ස වංශාවතංස සද්ධර්ම කීර්ති ශ්‍රී, කළුතර උතුර ශාසනාරක්ෂක බල මණ්ඩලයේ ගරු නියෝජ්‍ය සභාපති, නුගගොඩ කවුඩුදූව ශ්‍රී නාගරුක්ඛාරාම විහාරස්ථානය ඇතුළු පංච මහා විහාරාධිපති,

පූජ්‍යපාද වස්කඩුවේ ධම්මාරාමතිස්ස නායක මාහිමිපාණන් වහන්සේගේ ප්‍රධානත්වයෙන් පැවැත්වේ.

අධිෂ්ඨාන පූජාවට පැමිණෙන ඔබ පහනක්ද රැගෙන සුපහන් සිතින් විහාරස්ථානයට පැමිණෙන්න.

ආශිර්වාද පූජාව සඳහා බැතිබර දායකත්වය
Hitha mithuro Community Development Foundation

19/12/2025

නිමාෂා මධුෂානි දියණියට හදපිරි සුභ පැතුම්

අපේ ගමෙන් බිහිවූ නවක තරුව.........
හිත මිතුරෝ සමාජ සංවර්ධන පදනම _ නුගගොඩ
( ගම වෙනුවෙන් අපි )
2025.12.19
#සුභ_පැතුම්