සිංහල කළු black

නම - කළුතරවෙදගේ ඉසුරු උදය කුමාර ෆොන්⁣සේකා

වයස - 39

කෙල්ලෙක් ඉන්නවද - බැඳලා බබාලා දෙන්නෙකුත් ඉන්නවා

බිරිඳ මොකද කරන්නේ - එයා ලොකු ඉස්කෝලෙක චූටි ළමයින්ට උගන්නන ලස්සන ටීචර් කෙනෙක්

ඉගෙන ගන්නවද? ජොබ් කරනවද ? - ඕ ලෙවල් ලියන ළමයින්ට පොඩි පන්තියක් කරනවා.. ඉගෙන ගන්න නම් දැන් ආස නැහැ.. ඉස්සරත් ඉතින් ආස නැහැ..

කොහෙද ජොබ් කරන්නේ? - උගන්නන්න පුළුවන් ඕනෙම තැනක මට Job එක කරන්න පුළුවන්

ගම - වාද්දුව

පොඩි කාලේ ට්‍රයි කරේ කවුරු වෙන්න ද? - මුලින්ම ආස කරේ ලංකාව නියෝජනය කරලා රට රටවලට ගිහින් දුවන්න. ඊට පස්සේ හිතුවා army
එකට ගිහින් Red බෙරස් එක දාන කමාන්ඩෝ කෙනෙක් වෙන්න . ඒක ඒ කාලේ ම⁣ගේ පිස්සුවක්.රට වෙනුවෙන් වීරයෙක් වගේ මැරෙන්න. ඊට පස්සේ campus ආවා. පස්සේ ඒ හීනය වෙනස් වුණා

දැන් කවුද - ඇඟ හදාගත්ත ගුරුවරයෙක්😁

දකින්න ආසම හීනය - මම හිතනවා ඒක ටික ටික ඉටු වෙන ගමන් තියෙන්නේ කියලා

වැඩියෙන්ම බය - බීලා ගෙදර එනකොට 🤭

ආගම - ආගම කතෝලික , සංස්කෘතිය බෞද්ධ

වැඩියෙන්ම විශ්වාස කාවද - අපේ නෝනාව තමයි

වැඩියෙන්ම ආදරේ කාටද? - අපේ නෝනට තමයි. හැබැයි එයා කියන්නේ බොරු කියලා

හොඳම යාළුවා - කැමිපස් එකේ රැපා

ආසම සතා - සත්තුන්ට ආස නැහැ

කන්න ආසම - බිත්තර,මස්,බෝංචි,බාස්මතී ඕට්ස්, ⁣කෙසෙල් තමයි

යන්න කැමතිම තැන - Gym එකට තමයි

ට්‍රැවල් කරන්න ආස ද- නැහැ

අඳින්න ආසම - තුවාය ඇඳන් ඉන්න තමයි ආසම

වරමක් හම්බුනොත් ඉල්ලන්නෙ - ණය ප්‍රශ්න ඔක්කොම ටික විසඳලා මට සැනසීමෙන් ඉන්න ලැබෙන්න කියලා

වැඩියෙන් දුක දැනුණු දවස - මාස 10ක⁣ට උඩ මට හාට් ඇටැක් එකක් ඇවිල්ලා හොඳටම අමාරු වුණා. එදා මැරෙයි කියලා හිතුනේ.. ළමයි දෙන්නවයි නෝනාවයි දාලා යන්න දුක හිතුනා.. මැරෙන්න බය නැහැ.. මම පව් කරලා නැහැ.. හැබැයි මම නැති වුනොත් එයාලා අසරණ වෙනවා කියලා පට්ට දුකක් හිතුනා

කැමති ගායකයා/ ගායිකාව - කාලෙන් කාලෙට වෙනස් වෙනවා

තනියම ඉන්න වෙලාවට මොකද කරන්නේ - නිදියනවා

විනෝදාංශය - එකම විනෝදාංශය gym යන එක

නරකම පුරුද්ද - කවුරුත් කියන දේ අහන්නේ නැහැ.. මට ඕන දේ කරන්නේ

හොඳම පුරුද්ද - බින්දුවට වැටුනත් නැගිටින්න මට පුළුවන්

මිනිස්සුන්ව අතහැරලා තියෙනවද - නැහැ. වළ කපපු උන් එක්කත් හිනා වෙලා ඉන්නවා

අකමැති දේ - මං ගැන බොරු ප්‍රචාර යනවට

ජීවත් වෙන්න ආසම කොහෙද - මගේ රටේ

ඇයි මේක ෆේස්බුක් දැම්මේ - රැල්ලට

පල්ලෙහා තියෙන ෆොටෝ එක දැම්මේ ඇයි - ඊයේ Shangri-La එකට ගියා.. ආසාවට ගහපු ෆොටෝ එකක්.. අපේ කව්වා තමයි photo එක ගත්තේ📸

සමහර හීන වලට පුළුවන් මිනිස්සුන්ට ජීවිතේ දෙන්න

අවුරුදු 20ක් තිස්සේ මාව ජීවත් කරවපු ලස්සන හීනයක් මේක
2002 අවුරුද්දේ ශිෂ්‍යභටයෙක් විදියට පාසලේ ශිෂ්‍යභට කණ්ඩයට එකතු උනු දවසේ ඉඳලා 2006 අවුරුද්ද වෙනකන්ම මම දැකපු ලස්සනම හීනයක් මේක
මට ඒක මගේ මහන්සියෙන් කරගන්න බැරි උනා...
එත් අද...
අද ඉතිහාසය රන් අකුරෙන් ලියවෙන දවසක්
අද දවස ශාන්ත සෙබෙස්තියානුවන්ට සුවිශේෂී,ජයග්‍රාහී දවසක්
අවුරුදු 42ක්,දශක 4ක් අපි බලන් හිටපු,
සෙබෙස්තියානු ශිෂ්‍යභට කණ්ඩයක් බලඇණියක ලබාගත්තු විශිෂ්ටතම ජයග්‍රහණය පාසලට අරගෙන එන්න අපේ කොල්ලන්ට අද පුළුවන් වෙලා..
සතුටුයි..සතුටුයි කියන්නේ පපුව පිරෙන්න සතුටුයි...
කොල්ලනේ බොහොම ස්තූතියී අපිව,අපේ පාසල මෙතන්ට අරගෙන ගියාට...
ශිෂ්‍යභට කණ්ඩය කියන්නේ සාමුහිකත්වය..මේක සාමුහිකත්වයේ ජයග්‍රහණයක්...
මේ වෙනුවෙන් කැපවුණු පාසලේ ගරු විදුහල්පති දයා දර්ශන පියතුමන්,ප්‍රාථමික අංශයේ විදුහල්පති දිලූෂ චාමර පියතුමන්,කණ්ඩභාර නිලධාරී ලුතිනන් රංග ප්‍රනාන්දු මහතා සහ ආදි ශිෂ්‍යයින් යන සියළු දෙනාට ස්තූතියී අපේ කොල්ලන්ව ගොඩ දාන්න දුන්න හයියට...

මේ ආරම්භයක් විතරයි..අපේ සෙබෙස්තියන් ශිෂ්‍යභටයන්ගේ ගමන තව සෑහෙන්න දුරයි..ඒ දුර ගමනටත් අපේ කොල්ලන්ට අපි පුළුවන් උපරිමෙන් හයියක් වෙමු..
සෙබෙස්තියන් කොල්ලනේ උඹලා ගැන හදවතින්ම ආඩම්බරයි!💚🤍💛

මේ වගේ විශිෂ්ට ජයග්‍රහණයකට යම් තරමකින් හෝ දායකත්වය දැක්වීමට ලැබීම මා ලබාගත් භාග්‍යක් බවට මා තරයේ විශ්වාස කරනවා..
පාසල් මාතාවට ජය වේවා!❤️👑

මේ දවස් වල බුකියේ උඩට පහළට යනකොට හැමෝම යුධ වීරයෝ ගැන මතක් කරනවා
ඒ වීරයන් අතරේ මටත් තියෙනවා මතක් කරන්න චරිතයක්...
පුංචි කාලේ ඉඳලම මගේ ආසාව උනේ Army එකට යන්න.රට වෙනුවෙන් යුද්ධ කරන්න,ත්‍රස්තවාදීන්ගෙන් රට බේරගන්න..
ඒත් ඒ හීනේ Campus යන්න තේරෙනවත් එක්ක වෙනස් උණා.
ඒත් මම මේ කියන්නේ මාත් එක්ක එකට හිටපු මගෙ යුධ වීරයෙක් ගැන
ඒ දිනුක් මෙන්ඩිස්...

දිනුකුයි මමයි 2003 දි එකට Cadet කරපු එකට රන්ටැඹේ ගිය දෙන්නෙක්.ඌ හිත හොඳ කොල්ලෙක්.පොර 2004 OL ලියලා ඉහළින්ම Pass වෙනවා..
හැබැයි දිනුක් එක්ක එකට OL කරපු කොල්ලො ටික පෑන අරන් AL වලට යද්දි...දිනුක් Weapon එකත් අරගෙන ගියේ යුද භූමියට. හරියටම 2005 අවුරුද්දේ...
2005 ඉඳන් 2009 වෙනකන් දිනුක් යුද භූමියේ අපේ රට වෙනුවෙන් සටන් කරනවා..
2009.05.18 දා යුද්දේ අවසන් වෙන වෙලාවෙත් දිනුක් ඒ යුධ වීරයන් අතර හිටපු වීරයෙක්.
ඒ විතරක් නෙවෙයි ඔහු,
- මානුෂික මෙහෙයුම - උතුරු නැගෙනහිර (මුහමාල,එලිඳුමඩ්ඩුවාල් ,චලෙයි, චැම්පියන්පත්තු,වෙල්ලමුල්ල ව්‍යික්කාල්,නන්දිකඩාල්,මුලතිව්)
⁠සහභාගී වූ අතර යුද හමුදාවෙන් ඔහු ,
- ⁠රණ වික්‍රම
- ⁠උත්තම සේවා
- ⁠මානුෂික මෙහෙයුම උතුරු නැගෙනහිර
- ⁠දීර්ඝ සේවා
- ⁠පූර්ණ භූමි උතුරු නැගෙනහිර
- ⁠දේශපුත්‍ර
- ⁠සේවා/සේවා අභිමානි සම්මාන ලබාගත් අතිදක්ශ සෙබලෙක්.

සාමාන්‍ය පෙළ විතරක් ලියලා Army එකට සොල්දාදුවෙක් විදියට ගිය දිනුක් දැන් ලුතිනන් වරයෙක් ලෙස අධිකාරි නිලයක් දරනවා...
ඇත්තටම උඹ ගැන අපිට ආඩම්බරයි

අපේ හැමෝම OL ඉවර වෙලා AL ලියන්න යනකොට උඹ ගියේ රට බේරගන්න.අපිට ජීවත් වෙන්න නිදහස් රටක් හදන්න.

මේ විදියට නිදහස් රටක නිදහසේ හුස්ම ගන්න අපේ එකෙක් විදියට උඹත් උර දීපු එක අපි හැමෝටම මහා ආඩම්බරයක් මිත්‍රයා...
ඇත්තටම උඹ තමයි 2007 Batch එකේ යුද වීරයා.අපේ 2003/2004 Cadet Platoon එකේ අපිත් එක්ක හිටපු සෙබෙස්තියානු ලේ උරුමේ ඇති සෙන්පතියා

උඹ වගේම අපේ රට ජාතිය වෙනුවෙන් ජීවිත පරිත්‍යාග කරපු තමන්ගේ පෞද්ගලික ජීවිතය පොදු මිනිසුන් වෙනුවෙන් කැප කරපු ශාන්ත සෙබෙස්තියානු වීර හදවත් සියල්ලන්ටත් හදවතේ ඉහලම උත්තමාචාරය පුද කරනවා!

ඉතින් දිනුක්,
උඹයි අපේ හදවතේ ඉහළින්ම ඉන්න යුධ වීරයා♥️

මම උඹත් එක්ක 2004 එකට Camp ගිය Senior Cpl/sgt ඉසුරු කළුතරවෙදගේ
💚🤍💛