Diyoni Diaries

2026 වෙසක් සංචාරය සුපුරුදු විදියටම මේ පාරත් ඩියොනිව එක්කන් ගියේ කිරි ආච්චි,ශෙහා නැන්දයි .ඒකට එකතු වුනා ලකිත බාප්පයි,නවීන් මාමායි ,නැන්දල දෙන්නයි... ඩියෝ වෙනුවෙන් ස්තූතියි මේ ආදරයට....

වීරවිල ගුවන් හමුදා කදවුරේ වෙසක් කූඩු ටිකට තමයි වැඩියම හිත ගිහින් තියෙන්නේ...

දවස ඉවර වුනේ කිරි ආච්චි 999 𝐂𝐚𝐟𝐞' & 𝐑𝐞𝐬𝐭𝐚𝐮𝐫𝐚𝐧𝐭 - Tissamaharama එකේ අපිට දුන්න රයිස් දන්සලෙන් 😍

වෙසක් පෝය දවස පුරාම ඩියෝ වෙනුවෙන් වෙන් කරපු හැමෝටම ස්තූතියි....

26.05.30

වෙසක් පෝ දා හිමිදිරියෙ ම තිස්ස පන්සල දි ලොව්තුරු බුදු පියාණන් වහන්සේ වෙනුවෙන් කිරිපිඩු පූජාව ,මල් පහන් පූජාව සිද්ද කරන්න අපි ගියා... පුංචි කාලෙ ඉදල මේ දේවල් දරුවන්ට හුරු කරන්න ඕනි..

තමන්ගේ ආගම සහ සංස්කෘතිය ගැන අවබෝදයක් ලැබෙන්නේ මේ දේවල් වලින්..

සම්බුදු තෙමගුල ගැන අවබෝදයත්,පිං කුසල් රැස් කරගන්න මේ දේවල් ජීවිතයට හුරුවක් ලබා දෙනවා...

ළමා සාරිය ඩියොනි වෙනුවෙන් මැහුවේ දිලිනි තුශාරි ලියනවඩුගේ අක්කා..ඩියෝ වෙනුවෙන් ආපු ලස්සන උපන්දින තෑග්ගක්....

උදේම ආසවෙන් ළමා සාරිය ඇදගෙන ගියේ මිහේන් අයියා එව්ව කියල.....

26.05.30

මේ ගෙවෙන්නේ අපේ ගෙවල් දොරවල් සහමුලින් කණපිට පෙරළන කාලයක්.ඉතින් කාලයක් අහුමුළු අස්සේ හැංගිලා හිටිය ඩියෝගේ පොඩි කාලෙ මතක ගොඩක් අද එළියේ ආවා.මාස 5 ඉදන් කාපු ප්ලේට් එකයි,මාස 4 1/2න් බොන්න පටන් ගත්ත කිරි බෝතලෙයි තමයි ඒ අතරින් ඩියෝගේ හිත වැඩියම ගියේ...

ඇයි අම්මා මට මෙහෙම බෝතල්? ඉතින් දෙන්න පුළුවන් සරලම ඇත්තම හේතුව මම පැහැදිලි කලේ ඇත්තටම සතුටින්.ගෙවුණු අවුරුදු හතර ඇතුලේ හරි හිමින් මතක් කරන ඒ චූටිම දවස් ගෙවුනෙ ඊයක වේගයෙන් වගේ...

අම්මා මාස 4 1/2න් වැඩට ගිය නිසා බබාට බොන්න ඩොක්ටර් අංකල් දුන්න ෆෝර්මියුලා එක බබා බිව්වේ මේ බෝතලෙන්...

විස්තරේ අහන් ඉදල ෆොටෝ එකකුත් පෙන්නුවට පස්සේ පොඩි කාලෙ විදියට ම මම මෙහෙමද අම්මා කිරි බිව්වෙ කියල වතුර බීපු විදිය මම ආසවෙන් ෆොටෝ ගත්‍තේ ඔයාගේ හැම මතකයක්ම අම්මා ෆොටෝ වල එකතු කරන නිසා...දවසක ඔයාට ඔයාගෙ ජීව්තේ ගෙවුණු හැමදවසක් ම ආය ලස්සනට බලන්න පුළුවන් මැණික...

ඔයා ලොකු වුණ දවසක මටයි තාත්තටයිත් ඒ ෆොටෝ ලස්සන මතක වෙයි..

26.05.20

ඩියොනි අද හදපු Brain Gym Activity එක..

"මට පුළුවන්" කියන විශ්වාසයෙන් දරුවෙක් යමක් කරනවා නං ඒ පුංචි මනස ඇතුලේ සිද්ද වෙන නිර්මාණශීලි බව අපි අගයන්නම ඕනි.පුංචි මොළයකින් කරන හැම දෙයක්ම අනාගතය වෙනුවෙන් තබන මුල් පියවරක් බව අපි තේරුම් ගන්න ඕනි.

අද මම මගෙ ක්ලාස් එකකට ලෑස්ති වෙන ගමන් ඉද්දි මගේ පෑන්,කොළ,අඩිරූල් අරගෙන එයත් පැත්තක ඉදන් දෙයක් කරනවා මම දැක්කට මේක ගෙනත් පෙන්නුවම මම සප්‍රායිස් වුණා කිව්වොත් තමයි හරි.

මේ කොටු ගහල වෙන් කරල මම එයා වෙනුවෙන් හදන Brain Gym Activity වගේ ම එකක් එයා හදල මේ ඉරි තියෙන පැත්තට අත් දෙක තියලත් මට පෙන්නුව මේ ක්‍රියාකාරකම කරන්නෙ කොහොමද කියල...

මේ වගෙ දෙයක් කරනවා කියන්නේ දරුවාගෙ විශ්ලේෂණාත්මක ච්න්තනය වගේම සියුම් චාලක කුසලතා හොඳින් වර්ධනය වෙලා කියන එකයි.

තිරස් ,සිරස් රේකා හදුනා ගැනීම

කොටු ඇදල වෙන් කරන එක

කාගෙන්වත් උදව් නැතුව තනියම තමන්ගෙ දෙයක් නිර්මාණය කිරීම

මේ හැමදේකින්ම අම්මා විදියට වගේ ම,මගෙ දරුවාගෙ පළවෙනි ගුරුතුමිය විදියටත් මම අද අප්‍රමාණව සතුටු වෙනවා.

මොකද ඉගෙනීම ප්‍රායෝගික කරන්න ගෙදර ඉස්කෝලෙ මම පටන් ගත්තෙ සෙල්ලමෙන් උගන්වන්න...ඉතින් අද සාර්ථක බව පේනවා..

උගන්වන එක නෙවි හපන්කම...තනියම හිතල දෙයක් කරන්න පුළුවන් මට්ටමට දරුවාගෙ මනස නිර්මාණය කරන එක..

අම්මා කෙනෙක් වෙන්න කළින් ගුරුවරියක් විදියට මම ප්‍රගුණ කරපු ඒ කුසලතාවන් අද මගේ දරුවා තුළ රෝපණය වෙලා තියෙනවා දකින එකත් සතුටක්...

මේ හැමදේම අපෙ ගෙදර ඉස්කෝලේ සෙල්ලමෙන් සතුටින් ඉගෙන ගත්ත එකට හොදම උදාහරණ....

26.05.15

ඊයේ ගෙවුණු Mother's day එකෙ දි රෑ නින්දට යන වෙලාවෙ ඩියොනි තෝරගෙන ආපු මේ පොත ඇත්තට ම දවස වෙනුවෙන් ගැළපෙන පොතක් ම නේද කියල හිතුණේ ඩියොනි මාව බදාගෙන "අම්මගෙ දවසෙ දි මේ පොත කියවමු.මේ ටිකෙ මටත් පාළුයි අම්මා නැතුව ඒත් අම්ම වැඩ නිසා ලාමා වගේ මම කරදර කරන්නෙ නෑ." කියල කිව්වම.

අපි තුන්දෙනා වෙනුවෙන් අසීමිතව මහන්සි වෙන දවස් ගණනාවක් මේ ගෙවන්නේ.මගෙ මැණිකව මට ගොඩාක් දවල් කාලෙ දි ඒ නිසා ම මග ඇරෙනවා.ඒත් ලාමා වගෙ නෙවි තමයි,මගෙ පණ ආච්චි එක්ක දවස ගෙවනවා මට වැඩ ටික කරගන්න.

ඇනා මේ පොතේ අපූරුවට අම්මගෙ ආදරය ගැන ,අම්මා කාර්‍යබහුල වුණ වෙලාවට අවදානය ඉල්ලල කලබල කරන දරුවෝ වෙනුවෙන් අම්මා ළග නැති වුණත් අම්මගෙ ආදරය හැම වෙලාවක ම දරුව එක්ක තියෙන බව පෙන්නල තියෙනවා.

මේ පොත ඩියොනිට නිකං ම පොතක් නොවි ජීව්ත අත්දැකීමක් පවා එකතු කරල කියල මට අද තේරුණේ මේ පොතම තෝරන් ආපු නිසා..

පොත් කියන්නෙ මැජික් එකක් බව මම නිතර ම කියන්නේ ඒ නිසාමයි.

දරුවෝ ජිවිතය ඉගෙන ගන්නවා පොත් එක්ක.

අම්මා මොන තරම් කාර්‍යබහුල වුණත් අම්මගෙ ආදරය නොවෙනස්ව තියෙන බව හරිම සරලව කියල දෙන පොතක් මේ.

අම්මා කාර්‍යබහුල බහුල වුණත් දරුවා ගැන බලන බව ඒත්‍තු ගන්වන පොතක් මේ.

දරුවෙක්ට දැනෙන බය,තනිකම වගේ හැඟීම් අදුරගෙන ඒවා පාලනය කරගන්න උදව් වෙන පොතක්..

Book Kiddy පේජ් එකෙන් මේ පොත ලැබුණු දවසේ දැනුනු වටිනාකම තාමත් ඒ විදියට ම දැනෙනවා මේ වගේ තැන්වල දි.

ඩියෝ මගේ මැණික අම්මා හැමදාම ඔයාට ගොඩාක් ආදරෙයි.

මේ අමාරු දවස් කීපය ඉවසන් ඉන්න මගේ මැණිකට ලස්සන දවස් ගොඩක් දෙන්නයි අම්මයි තාත්තයි දෙන්නම මේ මහන්සි වෙන්නේ...❤❤❤

ලාමාට අම්මා කිව්ව වචන මගෙ මැණිකටත් අම්මා කියන්නේ ඒ නිසාමයි.

"Mama Llama's gone to do some work,she's not forgotten you"

ස්තූතියි මැණික අපිව දරාගෙන ඉන්නවට.

26.05.10
පොතක් එක්ක බැදුණු ආදරණීය මතකයක්

අම්මලාගේ දවස අම්මා එක්ක කරපු දේවල්..ගෙදර ඉස්කෝලේ ලස්සනම දවසක් 🩷🩷🩷

26.05.10

Labubuu collection එකට අලුතින් ම එකතු වුනු යාලුවා ❤️

අවුරුදු හතරකට කළින් මගේ ජීව්තයට ආපු පණ ටික.මට අලුත් ජීව්තයක් දුන්න මගේ මැණික...

අද අම්මාවරුන්ගේ දවසේ මම ඔයාට ගොඩාක් ස්තූතිවන්ත වෙනවා මගේ මැණික මාව අම්මා කෙනෙක් කරන්න මගේ ළගට ආවට...ඔයාගේ පුංචි ඇස් දෙකෙන් දකින ලෝකය ලස්සන කරන එක තමයි මගේ ජීව්තේ එක ම අරමුණ...

අම්මා කෙනෙක් වෙන එක අමාරුයි...එත් ඔයා නිසා ඒ හැමදේම දරාගෙන ඉවසගෙන ඉස්සරහට යන්න මාත් ඉගෙන ගත්තා...

අම්මා කියන නම මට දුන්න මගේ මැණිකට ගොඩාන් ස්තූතියි ..

26.05.10

ඉතින් අපි ගෙදර ඉස්කොලෙ වැඩ පටන් ගත්තා අම්මලගෙ දිනය වෙනුවෙන්... ඩියොනි ආසම පාට කරන්න,චිත්‍ර අඳින්න. ඒ නිසා ම ඕනම දවසක් මම පටන් ගන්නෙම එයාට පාට කරන්න චිත්‍රයක් දීල..ඉතින් අම්මලගෙ දිනය වෙනුවෙන් මම දුන්නේ අම්මවයි බබාවයි පාට කරන්න....

අම්මයි බබයි මේ ඉන්නේ කිව්වා...
26.05.08

අම්මට ඕනි නිදාගන්න.බබාට ඕනි සෙල්ලම් කරන්න...
26.05.03
9.45pm

උගත් පාඩම් - හවස නින්ද වැඩි වුනාම ත් අමාරුවෙ වැටෙන්නෙ මමම තමයි..