නිරෝෂන් විජයවර්ධන dancing academy

🌻ගුරුවරුන්ට වැදගත් වෙබ් අඩවි

🌻 ගුරුවරුන්ට අවශ්‍ය අධ්‍යාපනික තොරතුරු, චක්‍රලේඛ, විෂය නිර්දේශ සහ අනෙකුත් පරිපාලනමය තොරතුරු ලබාගත හැකි ප්‍රධාන නිල වෙබ් අඩවි කිහිපයක් ...

🌻 අධ්‍යාපන අමාත්‍යාංශය
(Ministry of Education - MOE)

🌸 ගුරු මාරුවීම්, උසස්වීම්, නිල නිවේදන, චක්‍ර ලේඛ සහ අධ්‍යාපන ප්‍රතිපත්ති පිළිබඳ තොරතුරු ලබා ගැනීමට ඇති ප්‍රධානතම වෙබ් අඩවියයි.
වෙබ් අඩවිය:- moe.gov.lk

🌻. ජාතික අධ්‍යාපන ආයතනය
(National Institute of Education - NIE)

🌸 විෂය නිර්දේශ , ගුරු මාර්ගෝපදේශ (Teacher Guides) සහ වෙනත් අධ්‍යාපනික ප්‍රකාශන භාගත කර ගැනීමට ඇති නිල මූලාශ්‍රයයි.
වෙබ් අඩවිය:- nie.lk

🌻 ශ්‍රී ලංකා විභාග දෙපාර්තමේන්තුව
(Department of Examinations)

🌸 විභාග කාලසටහන්, ප්‍රතිඵල, විභාග වාර්තා සහ පසුගිය විභාග ප්‍රශ්න පත්‍ර ලබා ගැනීමට මෙය භාවිතා කළ හැක.
වෙබ් අඩවිය:- doenets.lk

🌻 අධ්‍යාපන ප්‍රකාශන දෙපාර්තමේන්තුව
(Educational Publications Department)

🌸 පාසල් පෙළපොත්වල මෘදුකාංග පිටපත් (E-Textbooks) නොමිලේ භාගත කර ගැනීමට මෙම වෙබ් අඩවිය ඉතා ප්‍රයෝජනවත් වේ.
වෙබ් අඩවිය:- edupub.gov.lk

🌻 ඊ-තක්සලාව
(e-Thaksalawa)

🌸 අධ්‍යාපන අමාත්‍යාංශයේ නිල ඉගෙනුම් කළමනාකරණ පද්ධතිය (LMS) මෙයයි. මෙහි 1 වසරේ සිට 13 වසර දක්වා සිසුන්ට සහ ගුරුවරුන්ට අවශ්‍ය අභ්‍යාස සහ පාඩම් මාලා ඇතුළත් වේ.
වෙබ් අඩවිය:- e-thaksalawa.moe.gov.lk

🌻 රාජ්‍ය සේවා කොමිෂන් සභාව
(Public Service Commission - PSC)

🌸 ගුරු සේවයේ ව්‍යවස්ථාපිත කරුණු, බඳවා ගැනීම් සහ විනය පටිපාටි සම්බන්ධ රීති දැන ගැනීමට මෙය වැදගත් වේ.
වෙබ් අඩවිය:- psc.gov.lk

moe.gov

පාසල් සිසුන් කොණ්ඩය කොටට කපා පිළිවෙළකට සිටීමේ වැදගත්කම

පාසල් පද්ධතියක් තුළ ශිෂ්‍යයන්ගේ පෙනුම සහ පිළිවෙළ පිළිබඳව දැඩි නීති රීති පවතින්නේ හුදෙක් පාලනයක් සඳහාම පමණක් නොවේ. ඒ පිටුපස දරුවන්ගේ පෞරුෂ වර්ධනයට සහ අධ්‍යාපනයට හිතකර කරුණු රැසක් පවතී.

1. සමානත්වය රැක ගැනීම (Equality)

පාසල යනු විවිධ ආර්ථික සහ සමාජ මට්ටම්වල දරුවන් එකට මුණගැසෙන ස්ථානයකි. විවිධ විලාසිතා අනුගමනය කිරීමට ඉඩ දුන්හොත්, ඉහළ මට්ටමේ විලාසිතා කළ හැකි දරුවන් සහ එසේ කළ නොහැකි දරුවන් අතර මානසික පරතරයක් ඇති විය හැකිය. කෙටි හිසකෙස් සහ පොදු නිල ඇඳුම මගින් සියලු දෙනාම 'ශිෂ්‍යයන්' යන පොදු ලක්ෂණය යටතේ සමාන බව හැඟවෙයි.

2. විනය සහ ස්වයං පාලනය (Discipline)

පාසල් කාලය යනු දරුවෙකුගේ විනය හැඩගස්වන කාලයයි. පොදු නීති පද්ධතියකට අනුගත වීම මගින් දරුවා සමාජය තුළ වගකීම් සහගතව හැසිරීමට පුහුණු වෙයි. උදෑසන අවදි වී තමන්ගේ පෙනුම පිළිවෙළකට සකසා ගැනීම මගින් ස්වයං පාලනයක් (Self-discipline) ඇති වේ.

3. සෞඛ්‍යය සහ පිරිසිදුකම (Hygiene)

නිවර්තන කලාපීය රටක් වන ශ්‍රී ලංකාව වැනි රටක දරුවන් ක්‍රීඩා කිරීමේදී සහ දහඩිය දැමීමේදී දිගු හිසකෙස් නඩත්තු කිරීම අපහසුය. කෙටි හිසකෙස් නිසා:

උකුණන් වැනි පරපෝෂිතයන් බෝවීම පාලනය වේ.

දහඩිය දැමීම නිසා ඇතිවන හිස්හොරි සහ චර්ම රෝග අවම වේ.

පහසුවෙන් පිරිසිදුව තබා ගත හැකිය.

4. අවධානය අධ්‍යාපනයට යොමු කිරීම (Focus)

විවිධ විලාසිතා සහ පෙනුම පිළිබඳව පමණට වඩා උනන්දු වීම නිසා දරුවන්ගේ අවධානය අධ්‍යාපනයෙන් බැහැර විය හැකිය. කොණ්ඩය සකස් කිරීමට වැය කරන කාලය සහ අවධානය ඉතිරි කරගෙන එය අධ්‍යාපනික කටයුතුවලට යොමු කිරීම මෙහි තවත් බලාපොරොත්තුවකි.

5. බාහිර බාධා අවම කිරීම

විශේෂයෙන් පන්ති කාමරයක් තුළ ලිවීමේදී හෝ කියවීමේදී දිගු හිසකෙස් මුහුණට වැටීම නිසා දරුවාට සිදුවන අපහසුතාවයන් මගහරවා ගැනීමට කෙටි හිසකෙස් හෝ පිළිවෙළකට බැඳි හිසකෙස් වැදගත් වේ.

6. පෞරුෂ වර්ධනය

පිළිවෙළකට සිටින දරුවෙකු දෙස සමාජය බලන්නේ ගෞරවනීය අයුරිනි. මෙය දරුවාගේ ආත්ම විශ්වාසය වර්ධනය කිරීමට මෙන්ම අනාගතයේදී වෘත්තීය ජීවිතයට අවශ්‍ය කරන 'වෘත්තීය පෙනුම' (Professional look) හුරු කිරීමටද පදනමකි.

සාරාංශය:
පාසලක මෙම නීති ක්‍රියාත්මක කරන්නේ දරුවාගේ පෞද්ගලික නිදහස සීමා කිරීමට නොව, ඔවුන්ව යහපත් ගතිගුණවලින් හෙබි, පිරිසිදු සහ විනයගරුක පුරවැසියන් ලෙස සමාජයට දායාද කිරීමටයි.

🙏🙏🙏

වෙස් පැළඳ ඊළඟ වසරෙදි වෙස් මංගල්ල කරනා යුගයක වෙස් පැළඳ අවුරුදු 20 කට පසු කරන ලද පළමු වෙස් මංගල්‍ය
😍 🙏😍😍😍😍😍😍😍

උපන් ගමෙන් පිට බිමකදී ජන්මය දෙන්නට මා හට හැකිවීම 😍කෙතරම් අභියෝගයක්දැයි දන්නෝ දනිති

කෙසේ වෙතත් අද වන් දිනකදී එය එසේ සිදුවිය..මා හට ශිල්පය ලබාදුන් Dammika Jayalath ගුරුතුමන්, sisira kumara ගුරුතුමන් ,සරසවියේදී මා හට ශිල්ප දුන් සියලුම ගුරුවරුන් නිසා අද මා නර්තන ගුරුවරයෙකු ලෙස මේ අයුරින් තවත් පරම්පරාවක් බිහිකරමින් ඉදිරියට ගමන් කරමි.
එමෙන්ම මාතර ගාමිණි කලායතනය මඟින් නර්තන කලාව රැකගැනීමට මහඟු සේවයක් කළ බෙරලපනාතර ශාන්ත නායක හාමුදුරුවන් වහන්සේට, අත්තුඩාවේ ධම්මාරාම හාමුදුරුවන් වහන්සේට , පාද නමස්කාරයෙන් යුක්තව පිං අනුමෝදන් කළ යුතුමය.
මාතරින් ලද ලේ උරුමය නිසාවෙන් මාතරින් බැහැපු එකා මාතරින් බහින ලද යක්ඛ පුතෙක්ම කරන්නට හයිය කරන්නට අභියෝග දුන් සැමට ස්තූතියි ! 💪💪💪💪💪💪
තිස්සමහාරාමයේ ජන්මය ලද මා බිරිඳ Subhashini Agampodi හා පවුලේ අය ලබාදෙන හයිය නිසා තිස්සම පැලවිය .
😁😁😁😁😁😁😁😁😁😁😁😁😁😁😁😁
🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏

වෙස් මංගල්‍ය කිරීම සඳහා වචනයකින් හෝ උදව් උපකාර කළ සියලුම දෙනාට
බොහොමත්ම ස්තූතියි 🙏🙏🙏🙏🙏🙏🙏🙏🙏

රුහුණු මාගම්පුරයට මලය රජ උරුමය දායාද කරනු වස්, ත්‍රෛනිකායික මහ සඟ රුවනේ අනන්ත ආශිර්වාදයෙන්, නිරෝෂන් විජයවර්ධන රංගායතනයේ අංකුර කලාකරුවන් කලඑළි ගැන් වූ හිසවෙස් හා ශීර්ෂාභරණ මංගල්‍යය.! 2024

ශ්‍රී ලංකා ධරණීතලය ඒකාලෝක කල ශ්‍රේෂ්ඨ නරපතීන්ගේ ජන්ම කේන්ද්‍රස්ථානය වූ රෝහණ රාජධානියේ මාගම්පත්තුවෙන් කලා කෙතට පිදෙන නවමු පරම්පරාවට කොසොඹා දෙවි ආනුභාවයෙන් සුභාශිර්වාද වේවා.!

නිරෝෂන් විජයවර්ධන dancing academy

ආවඩා ආයුබෝවේවා !
කොසඹා දෙව් අනුහසින් ආවඩා ! ආයුබෝවා !

ශ්‍රී ලංකා සුදුසුකම් රාමුව (Sri Lanka Qualification Framework - SLQF)

ගොඩක් සිසු සිසුවියන් මගෙන් අහල තියෙන ප්‍රශ්නයක් තමයි. උසස් පෙළින් පසුව තම අධ්‍යාපන සුදුසුකම් වර්ධනය කරගන්නෙ කොහොමද කියල.

ශාස්ත්‍රවේදී (සාමාන්‍ය/ විශේෂ) උපාධි සම්පූර්ණ කළ විද්‍යාර්ථීන්ද මේක මගෙන් අහල තියෙනව. ඒ නිසා ඒ පිළිබඳව පැහැදිලි කිරීමක් කරන්නට හිතුන. මෙය බොහෝ දෙනෙකුට තම අධ්‍යාපන සුදුසුකම් වර්ධනය කරගන්නට වැදගත් වේවි.

සාමාන්‍ය පෙළ/ උසස් පෙළ සමත් වූ අයෙකුට පියවරෙන් පියවර තම සුදුසුකම් ඉහළ නංවාගන්නට පුළුවන්.

1. සහතික පත්‍ර පාඨමාලාව (Certificate Course).

2. උසස් සහතික පත්‍ර පාඨමාලාව (Advanced Certificate Course).

3. ඩිප්ලෝමා පාඨමාලාව (Diploma).

4. උසස් ඩිප්ලෝමා පාඨමාලාව (Higher Diploma).

5. ශාස්ත්‍රවේදී (සාමාන්‍ය) (Bachelor General). මේකෙත් පංති සාමාර්ථ ලබාගන්න පුළුවන්.

6. ශ්‍රාස්ත්‍රවේදී (විශේෂ - Special). ශ්‍රාස්ත්‍රවේදී ගෞරව උපාධියක් (Bachelors Hons). කියන්නෙත් මේකට. මේකෙත් පහළ පෙළ පංති සාමාර්ථය, දෙවන පෙළ ඉහළ පංති සාමාර්ථය, පළමු පෙළ පංති සාමාර්ථය නැතහොත් ප්‍රථම පංති සාමාර්ථය ආදී වශයෙන් පංති සාමාර්ථ ලබාගන්න පුළුවන්.

7. පශ්චාත් උපාධි සහතිකපත්‍ර පාඨමාලාව (Post Graduate Certificate), නැතහොත් පශ්චාත් උපාධි ඩිප්ලෝමා පාඨමාලාව (Post Graduate Diploma).

8. ශාස්ත්‍රපති උපාධිය (Master of Arts - MA) නැතහොත් සමාජීයවිද්‍යාපති උපාධිය (Master of Social Sciences - MSSC).

9. දර්ශනපති උපාධිය (Master of Philosophy - MPhil).

10. දර්ශනශූරී උපාධිය (Doctor of Philosophy), ආචාර්ය උපාධිය (PhD) කියන්නෙ මේකට

ශ්‍රී ලංකා සුදුසුකම් රාමුව Sri Lanka Qualification Framework - SLQF) විශ්වවිද්‍යාල ප්‍රතිපාදන කොම්සම් සභාව මගින් ඉදිරිපත් කරන ලද්දකි.

ආචාර්ය.එන්.ඩී.ජී ගයන්ත
ජ්‍යෙෂ්ඨ කථිකාචාර්ය
කැලණිය විශ්වවිද්‍යාලය.

පහත ලින්ක් එකෙන් ඔබට ඒ පිළිබඳ වැඩි විස්තර කියවිය හැකිය.

www.ugc.ac.lk