Prefects' guild of Sri Mahinda Dhamma School

02/05/2026

2026-2027 වසර සඳහා ශ්‍රී මහින්දාරාම විහාරස්ථානයේ ශ්‍රී මහින්ද දහම් පාසලෙහි ශිෂ්‍ය නායක නායිකා නිල ලාංචන පැළඳවීමේ උත්සවය ගරු විහාරධිපති මීගහතැන්නේ චන්දසිරි නායක ස්වාමීන් වහන්සේ ඇතුලු මහා සංඝරත්නයේ ප්‍රධානත්වයෙන් සහ ප්‍රධාන ආරාධිත අමුත්තා ලෙස ශ්‍රී මහින්ද දහම් පාසලේ ආදී ශිෂ්‍ය හිටපු උප ප්‍රධාන ශිෂ්‍ය නායක නීතීඥ ඩිලාන් නයනජිත් මහතා ඇතුළු සම්භාවනීය අමුත්තන්ගේ සහ දහම් පාසල් ගුරු මණ්ඩලයේ ප්‍රධානත්වයෙන් 2026 මාර්තු මස 29 වන දින දහම් පාසල් භූමියේදී පැවැත්වුනි එදින අභිනවයෙන් පත්වුණු 2026-2027 ශිෂ්‍ය නායක සංසදයේ ප්‍රධාන ශිෂ්‍ය නායක මඩුල්ල ඇතුළු සියලුම ශිෂ්‍ය නායක නායිකාවන්ට සුභාශිංසන පුද කර සිටිමි.

22/02/2026

අද දින (22) සිය දිවියේ සුපින්බර 75 වන ජන්මදිනය සමරන ඇතුල් කෝට්ටේ ශ්‍රී මහින්දාරාමාධිපති ශ්‍රී ලංකා නිප්පොන් අධ්‍යාපනික හා සංස්කෘතික කේන්ද්‍රයේ මහා ලේකම් ශ්‍රී ජයවර්ධනපුර කෝට්ටේ පරිපාලන අගනුවර ප්‍රධාන සංඝනායක ශාස්ත්‍රපති අතිගෞරවාර්හ මීගහතැන්නේ චන්දසිරි නායක මාහිමිපානන් වහන්සේට ත්‍රිවිධ රත්නයේ ආශීර්වාදයෙන් නිදුක් නීරෝගී චිර ජීවනය සපිරි සුභ ජන්මදිනයක් වේවා !!! යි සුභාශංසනය කරමු

11/02/2026

*පෙබරවාරි මස 17 වන දින ආරම්භ වීමට නියමිත අ.පො.ස (සා. පෙළ )විභාගය* සදහා පෙනී සිටින සිසු සිසුවියන් වෙනුවෙන් 2025-2026 ශිෂ්‍ය නායක සංසදය විසින් පවත්වන්නට යෙදුණු *ආශිර්වාද සෙත් පිරිත් දේශනාව* ,ගරු මීගහතැන්නේ චන්දසිරි නායක ස්වාමීන් වහන්සේගේ උපදෙස් සහ අනුශාසනා ඇතුව ප්‍රධානාචාර්ය ගරු වත්තහේනේ මලියදේව ස්වාමීන් වහන්සේගේ ඇතුළු විහාරවාසී ස්වාමීන් වනසේලගේ ප්‍රධානත්වයෙන් දහම් පාසලේ ගුරුවරු, දරු දැරියන්ගේ සහ දෙමව්පියන් ගේ සහභාගිත්වයෙන් අති උත්කර්ෂවත් අයුරින් මහින්දාරාම විහාරයේදී 2026.02.08 වන දින පැවැත්වුනි

21/10/2025

වාර්ෂිකව ශ්‍රී මහින්දාරාම විහාරස්ථානයේ පවත්වන්ට යෙදෙන කඨින මහා පිංකමට සමගාමිව පවත්වන්ට යෙදුන කඨින චීවරය රැගත් දාර්ශනික පෙරහැර 2025.10.18 දින අති උත්කර්ෂවත් අන්දමින් ශ්‍රී මහින්දාරාම විහාරස්ථානයෙන් ආරම්භ කොට වීථි සංචාරය කරන්නට යෙදුනි. ශ්‍රී මහින්දාරාම විහාරාධිපති ගරු මීගහතැන්නේ චන්දසිරි නායක මාහිමිපාණන්ගේ මග පෙන්වීම මත ශ්‍රී මහින්ද දහම් පාසලෙහි ප්‍රධානාචාර්ය වත්තහේනේ මලියදේව ස්වාමීන් වහන්සේ ප්‍රමුඛ මහා සංඝරත්නයේ සහ ගුරු මණ්ඩලයේ සංවිධානයෙන් ශ්‍රී මහින්ද දහම් පාසලෙහි ශිෂ්‍ය නායක මණ්ඩලය , මාධ්‍ය ඒකකය සහ නිප්පොන් නර්තන පාසල සහ දහම් පාසලෙහි සිසු සිසුවියන් සහ ආදරණීය දෙමාපියන් රැසකගේ සහභාගීත්වයෙන් අති උත්කර්ෂවත් අන්දමින් පැවැත්වුණි .

10/10/2025

ගුරු දින සැමරුම 2025

උන්මාදයකින් නොව උත්සාහයෙන් පාඩම් වලට වඩා එහා ගිය අපේ ජීවිතය ගැන පාඩම් කියා දෙමින් අපව හරවත් ජීවිත කරා ගෙන යාමට යහමඟ පෙන්වා දෙමින් රටට දැයට ගුණවත් දරුවන් පිරිසක් බිහි කිරනු වස් ගෞරවනීය ගුරුමෑණිවරුන්ටත්, ගුරුපියවරුන්ටත් ගුරු පඬුරු පුදකිරීම සඳහා ශ්‍රී මහින්ද දහම් පාසලේ 2025/2026 ශිෂ්‍ය නායක සංසදය විසින් 2025 ඔක්තෝම්බර් මස 5 වන දින පවත්වන්නට යෙදුන ගුරු දින සැමරුම් උපහාරය.

05/06/2025

"වෛශාක්‍ය මංගල්‍ය 2025"* වෙසක් කලාපය

ශ්‍රී මහින්දය මෙවරත් උත්කර්ෂවත් අයුරින් තෙමගුල සැමරීම සඳහා , ගරු නායක ස්වාමීන් වහන්සේ ඇතුළු සියලුම ස්වාමීන් වහන්සේලාගේ මග පෙන්වීම යටතේ, ගුරුවරුන් ශිෂ්‍ය නායක සංසදය ප්‍රමුඛ සියලුම සිසුදරුවන් මෙන්ම දෙමව්පියන්ගේ සහභාගීත්වෙයෙන් වෙසක් කුඩු, වෙසක් තෝරන්,වර්ණවත් විදුලි ආලෝකයන්ගෙන් සහ විවිධ සැරසිලි වලින් ශ්‍රී මහින්දය සරසනු ලැබුවේ මෙලෙසය.

තෙදින පුරාවට සවස් වරුවේ පැමිණි බැතිමතුන් සඳහා ප්‍රනීතවත්ව සකසන ලද " සව් කැඳ" සහ "කොස්" දන්සල්, විහාරස්ථානයේ ස්වාමීන් වහන්සේලා සහ ශිෂ්‍ය නායක සංසදය විසින් ලබා දෙන ලදී.

08/05/2025

ඔබ සැමට බැති සිතින් ආරාධනා..

20/04/2025

බක් මහේ අපගේ හිතවත් කම් අලුත් කරනු වස් බක් මස 06 වන ඉරුදින ශ්‍රී මහින්දාරමධිපති මීගහතැන්නේ චන්දසිරි නායක ස්වාමීන් වහන්සේගේ සහ අනෙකුත් ස්වාමීන් වහන්සේලාගේ ප්‍රදානත්වයෙන් ද ශ්‍රී මහින්ද දහම් පාසලේ ගුරුවන් සහ වත්මන් ශිෂ්‍ය නායක සංසදයේ සංවිදනයෙන් “කෝකිල උදානය 2025” බක් මහා උළෙල ඉතා උත්කර්ෂවත් අන්දමින් මහින්ද දම් පියසේදී දහම් පාසල් සිසු සිසුවියන් සහ දෙමාපියන්ගේ සහභාගීත්වයෙන් පැවැත්වුනි.

මෙවරත් සියලුම ත්‍යාග සඳහා අනුග්‍රහය දැක්වුයේ ශ්‍රී මහින්දයේ ආදී ශිෂ්‍යයන් වූ ප්‍රවීන දේශක ගයන් ඉද්දමල්ගොඩ මහතා , රවී තරංග මහතා ,තරුෂ්ක ජයවර්ධන මහතා සහ තුෂාර ප්‍රියදර්ශන මහතා විසිනි. ඔවුනටද දහම් පාසැල වෙනුවෙන් හදපිරි ස්තුතිය පුද කර සිටිමි.

02/04/2025

31/03/2025

2025-2026 වසර සඳහා ශ්‍රී මහින්දාරාම විහාරස්ථානයේ ශ්‍රී මහින්ද දහම් පාසලෙහි ශිෂ්‍ය නායක නායිකා නිල ලාංචන පැළඳවීමේ උත්සවය ගරු විහාරධිපති මීගහතැන්නේ චන්දසිරි නායක ස්වාමීන් වහන්සේ ඇතුලු මහා සංඝරත්නයේ ප්‍රධානත්වයෙන් සහ ප්‍රධාන ආරාධිත අමුත්තිය ලෙස කෝට්ටේ ආනන්ද ශාස්ත්‍රාලයේ ගරු විදුහල්පතිනය වන D.C නිල්මිණි හාමිනේ මහත්මියද දහම් පාසලේ ආදී ශිෂ්‍ය වෛද්‍ය උපාධිදාරී තරිදු තිවංක මහතාගේ සහ එම මැතිනියගේ සහභාගීත්වයෙන් ඇතුළු සම්භාවනීය අමුත්තන්ගේ සහ දහම් පාසල් ගුරු මණ්ඩලයේ ප්‍රධානත්වයෙන් 2025 මාර්තු මස 09 වන දින දහම් පාසල් භූමියේදී පැවැත්වුනි.

එදින අභිනවයෙන් පත්වුණු 2025-2026 ශිෂ්‍ය නායක සංසදයේ ප්‍රධාන ශිෂ්‍ය නායක මඩුල්ල ඇතුළු සියලුම ශිෂ්‍ය නායක නායිකාවන්ට සුභාශිංසන පුද කර සිටිමි.

16/03/2025

හෙට දින ආරම්භ වීමට යෙදෙන 2024 (2025 ) අ.පො.ස. සාමාන්‍ය පෙළ විභාගය සඳහා මුහුණ දෙන දරු දැරියන් සඳහා 2024-2025 ශිෂ්‍ය නායක සංසදය විසින් පවත් වන්නට යෙදුන *" ආශීර්වාද සෙත් පිරිත් පූජාව "* ගරු මීගහ තැන්නේ චන්ද්‍රසිරි නායක ස්වාමීන් වහන්සේගේ සහ සෙසු ස්වාමීන් වහන්සේලාගේ ප්‍රධානත්වයෙන් දරු දැරියන් , ගුරු මහත්ම මහත්මීන් සහ දෙමව්පියන්ගේ සහභාගීත්වයෙන් 2025 .03.08 දින ඉතා උත්කර්ෂවත් අයුරින් මහින්දාරාම විහාරස්ථානයේදී පැවැත්විණි.

හෙට දින එම විභාගය සඳහා මුහුණ දෙන සියලු දෙනාට එම කඩ ඉම ජයගැනීමට ශක්තිය ධෛර්ය ලැබේවායි පතමු.

තෙරුවන්සරණයි !!