Sri Somananda Dharma Vidyalaya

දැනට ළමුන් දහසකට අධික ප්‍රමාණයක් ඉගෙනුම ලබන සිද්දමුල්ල ශ්‍රී සෝමානන්ද ධර්ම විද්‍යාලය ප්‍රදේශයේ කීර්තිමත් ධර්ම ආයතනයකි. අපේ දහම් පාසලේ වර්ෂ 1971 අවුරුද්දේ ජනවාරි 01 වන දින ශ්‍රී සංඝාරාම දහම් පාසල නමින් ගමේ නම යොදා විශ්‍රාමලත් විදුහල්පති, ධර්මාචාර්‍ය ටී.ඩී.ඇම් ගුණරත්න මහතා විසින් මෙම දහම් පාසල විහාරස්ථානයට යාබදව ඇති මද්දුම බණ්ඩාර කනිෂ්ඨ විද්‍යාලයේ ආරම්භ කරන ලදී. ධර්මාචාර්‍ය ටී.ඩී.ඇම් ගුණරත්න මහතා එ

වකට විදුහල්පති විය. උප විදුහල්පති ලෙස කටයුතු කලේ කේ.ඩී.සිරිපාල මහතාය. ගමේ ළමයින් විශාල පිරිසක් දහම් දැනුම ලබාගත් මෙම පාසල රට තුල පැවති අර්බුදකාරී තත්වයන් නිසා සිසු දරුවන්ගේ පැමිණීම අඩු වුණි. ඉන් පසු පාසලේ තිබුණු දහම්පාසල යාබදව පිහිට තිබෙන ශ්‍රී සංඝාරාම විහාරස්ථානයේ බණ මඩුවේ පිහිටුවා නැවත ආරම්භ කරන ලදී. එයට මුල් වී ඇත්තේ අප ගුරු දේව කෝට්ටේ ශ්‍රී කල්‍යාණි සාමග්‍රී ධම්ම මහා සංඝ සභාවේ අනු නායක පදවියෙන් පිදුම් ලැබූ ගරු කටයුතු කිරැලපනේ ශ්‍රී සෝමානන්ද අනු නාහිමියන් සහ ගමේ වැඩිහිටි දායක දායිකාවන්ය.
ශිෂ්‍ය පිරිස දිනෙන් දින අධික වූ බැවින් නව ගොඩනැගිල්ලක අවශ්‍යතාව මතු වුයෙන් සංඝාරාම පුරාණ විහාරස්ථානය ඉදිරියේ පන්සලට අයත් ඉඩම් කැබැල්ලක රුපියල් ලක්ෂ පනස් අටක් පමණ වැය කර දෙමහල් ගොඩනැගිල්ලක් සකස් කරන ලදී. දහම් පාසලට කිරුලපනේ ශ්‍රී සෝමානන්ද දහම් පාසල නමින් නම් කර 2006 ජනවාරි මස විවෘත කරන ලදී. ඉන්පසු ක්‍රමවත්ව මෙන්ම විධිමත්ව මෙම පාසල පවත්වාගෙන යන ලදී.
අනු නාහිමියන්ගේ අපවත් වීමෙන් පසු එහි විදුහල්පති තනතුර සඳහා ත්‍රිපිටකවේදී ශාස්ත්‍රපති පුජ්‍ය සිද්දමුල්ලේ විමල ස්වාමින්වහන්සේ තෝරා පත් කෙරුනි. ඉන් අනතුරුව නියෝජ්‍ය විදුහල්පතිනිය ලෙස එන්.සී.එම්.ඒ අත්තනායක මහත්මිය පත්කරන ලදී. සිද්දමුල්ලේ ශ්‍රී සංඝාරාම පුරාණ විහාරයේ විහාරාධිපති ලෙස කටයුතු කරන රාජකීය පණ්ඩිත ශාස්ත්‍රපති පුජ්‍ය බ්‍රාහ්මණගම මුදිත ස්වාමින්වහන්සේගේ පුර්ණ අනුශාසකත්වයෙන් මෙන්ම ගුරුභවතුන් හා දෙමාපියන්ගේ සහයෝගයෙන් දැනට මෙම දහම් පාසල පවත්වාගෙන යනු ලැබේ.