KM/Al-Hilal Vidyalaya Sainthamaruthu

18/09/2026

17/09/2026

🎨✨ A Special Invitation to Our Art Exhibition! ✨🎨

Our Art Exhibition will remain open for one more day—tomorrow, Friday—until 6.00 p.m.

We warmly invite all our dear students and respected parents to visit the exhibition,
enjoy the wonderful collection of paintings, drawings, arts and crafts, and other creative works,
and celebrate the artistic talents of our students.

🌟 Your presence, appreciation, and encouragement will inspire our young artists to explore their creativity and reach even greater heights.

📅 Date: Tomorrow – Friday
🕕 Time: Until 6.00 p.m.
📍 Venue: School Auditorium

💚 Come, enjoy, appreciate, and encourage our talented young artists! 🎨🌸

We look forward to welcoming you all!
💚💚💚
Enjoy your day!!!

Al-Hilal Vidyalaya, Sainthamaruthu.

17/09/2026

17/09/2026

எமது பாடசாலையின் மாணவர்களும் ஆசிரியர்களும் இணைந்து, மாணவர்களின் படைப்பாற்றல், திறமை, அறிவியல் சிந்தனை மற்றும் கற்றல் ஆற்றல்களை வெளிப்படுத்தும் வகையில் சிறப்பான கண்காட்சி ஒன்றை ஏற்பாடு செய்துள்ளனர்.

இக்கண்காட்சியை நாளை வெள்ளிக்கிழமை காலை 8.00 மணி தொடக்கம் மாலை 5.00 மணி வரை பெற்றோர் மற்றும் பொதுமக்கள் அனைவரும் பார்வையிட முடியும்.

எனவே மாணவர்களின் திறமைகளை பார்வையிட்டு, அவர்களை ஊக்கப்படுத்துமாறு அன்புடன் அழைக்கின்றோம்.

அன்புடன்,
அதிபர்

10/09/2026

சிறப்புடன் நடைபெற்ற பாடசாலை மீலாதுன் நபி விழா - 2026

எமது பாடசாலையில் மீலாதுன் நபி விழா 09.09.2026 புதன்கிழமை அதிபர் கே. எல். ஏ. ஜௌபர் அவர்களின் தலைமையில் மிகவும் சிறப்பாகவும், ஆன்மீக எழுச்சியுடனும் நடைபெற்றது.

நபிகள் நாயகம் (ஸல்) அவர்களின் உன்னத வாழ்க்கை, சிறந்த பண்புகள், மனிதநேயம், அன்பு, சகோதரத்துவம் மற்றும் நல்லொழுக்க விழுமியங்களை மாணவர்கள் மத்தியில் எடுத்துச் செல்லும் வகையில் இவ்விழா ஏற்பாடு செய்யப்பட்டிருந்தது குறிப்பிடத்தக்கது.

கல்வி அமைச்சின் சுற்றுநிருபத்திற்கு அமைவாக ஒழுங்குபடுத்தப்பட்ட இந்நிகழ்வின் ஏற்பாடுகள் பாடசாலையின் பிரதி அதிபர் திருமதி ரோஷன் டிப்றாஸ் அவர்களின் வழிகாட்டலில் பகுதித் தலைவர் கே.எம் .நாசர், எம். எஸ். எஸ்.சிப்லி ஆசிரியர் ஆகியோரின் ஒருங்கிணைப்பில் சிறப்பாக முன்னெடுக்கப்பட்டன.

விழாவின் பிரதான சிறப்பம்சமாக, மௌலவி ஏ. எம். தௌபீக் (நளீமி) அவர்களினால் நபிகள் நாயகம் (ஸல்) அவர்களின் சிறப்புகள், உயரிய நற்பண்புகள் மற்றும் அவர்களின் வாழ்க்கை எமக்கு வழங்கும் முன்மாதிரிகள் தொடர்பான சிறப்பான ஆன்மீகச் சொற்பொழிவு நிகழ்த்தப்பட்டது.

அவரது பயனுள்ள உரை மாணவர்களுக்கும் ஆசிரியர்களுக்கும் சிறந்த அறிவுரைகளையும் சிந்தனைகளையும் வழங்குவதாக அமைந்தது.

அதனைத் தொடர்ந்து, மாணவர்களின் திறமைகளையும் படைப்பாற்றலையும் வெளிப்படுத்தும் வகையில் பல்வேறு கலை, கலாச்சார மற்றும் ஆன்மீக நிகழ்வுகள் இடம்பெற்று விழாவிற்கு மேலும் சிறப்பூட்டின.

நிகழ்வின் நிறைவாக, விழாவில் கலந்து கொண்ட அனைத்து மாணவர்களுக்கும் நார்சா உணவு வழங்கப்பட்டு உபசரிக்கப்பட்டது.

இதன் மூலம் மாணவர்களிடையே மகிழ்ச்சியும் சகோதரத்துவ உணர்வும் ஏற்படுத்தப்பட்டது குறிப்பிடத்தக்கது.

இந்நிகழ்வில் பாடசாலையின் பிரதி அதிபர் எம். எச். லாபீர், பகுதித் தலைவர்கள், ஆசிரியர்கள் மற்றும் அபிவிருத்தி உத்தியோகத்தர்கள், கல்வி சாரா ஊழியர்கள் அனைவரும் கலந்துகொண்டு சிறப்பித்தனர்.

மாணவர்களின் மத்தியில் இஸ்லாமிய விழுமியங்கள், நல்லொழுக்கம், அன்பு, ஒற்றுமை மற்றும் மனிதநேயப் பண்புகளை வளர்ப்பதற்கு வழிவகுத்த இம்மீலாதுன் நபி விழா, அனைவரினதும் அர்ப்பணிப்பான பங்களிப்புடன் மிகவும் சிறப்பாகவும் வெற்றிகரமாகவும் நிறைவடைந்தது.

09/09/2026

புலமைப்பரிசில் பரீட்சையில் சாய்ந்தமருது கல்விக் கோட்டத்தில் முதலாம் இடத்தைப் பெற்ற மாணவனையும், வெட்டுப்புள்ளிக்கு மேல் தகைமை பெற்ற மாணவர்களையும் பாராட்டி வாழ்த்தும் நிகழ்வு எமது பாடசாலையில் சிறப்பாக நடைபெற்றது.

இந்நிகழ்வில் சாய்ந்தமருது கோட்டக் கல்விப் பணிப்பாளர் திருமதி ASMA MALEEK, ஆசிரிய ஆலோசகர் திரு SMM. ANSAR, SDEC செயலாளர் பொறியியலாளர் MC. KAMAL NISATH, அதிபர், பிரதி அதிபர்கள், ஆசிரியர்கள், அபிவிருத்தி உத்தியோகத்தர்கள், கல்விசாரா ஊழியர்கள் மற்றும் பெற்றோர் குழு உறுப்பினர்கள் ஆகியோர் கலந்துகொண்டனர்.

இந்நிகழ்வின்போது, சாய்ந்தமருது கல்விக் கோட்டத்தில் அதிகூடிய புள்ளிகளைப் பெற்று முதலாம் இடத்தைப் பெற்ற மாணவன் நினைவுச் சின்னம் மற்றும் பரிசில்கள் வழங்கி கௌரவிக்கப்பட்டார். அத்துடன், வெட்டுப்புள்ளிக்கு மேல் தகைமை பெற்ற மாணவர்களும் பாராட்டி வாழ்த்தப்பட்டனர்.

சாதனை படைத்த அனைத்து மாணவர்களுக்கும் எமது மனமார்ந்த வாழ்த்துக்களைத் தெரிவித்துக்கொள்கிறோம். அவர்களின் எதிர்காலக் கல்விப் பயணம் மேலும் சிறப்பாக அமைய இறைவனைப் பிரார்த்திக்கிறோம்.