Business Class - අපි බිස්නස් ක්ලාස්

ඔබටත් ඔබේ පවුලේ සැමටත් සුභ නව වසරක් වේවා! உங்களுக்கும் உங்கள் குடும்பத்தினருக்கும் இனிய புத்தாண்டு நல்வாழ்த்துக்கள்!
Wish you and your family a happy new year! 🌞

Business Class - Business Studies 34 වන කොටස

එකමත් එක කාලෙක ඈත ඈත යටගිය දවසක.....
නෑ නෑ මේ ප්‍රාග් ඓතිහාසික යුගයක් ගැන කතා කරන්නේ නැහැ ...

මේ කතා කරන්නේ මීට අවුරුදු දහයකට එහා තිබ්බ ප්‍රචාරණ මාධ්‍ය ගැනයි

ව්‍යාපාර ප්‍රචාරණය කරන්න විවිධ මාධ්‍ය අවුරුදු 10-20කට උඩදී යොදාගත්තා...

විශාල ප්‍රචාරක campaign එකකට බොහොම ප්‍රකට මාධ්‍යයක් උනේ රූපවාහිනියයි, මේකට අමතරව ගුවන් විදුලිය, පත්තර, මැගසීන් බැනර්, බිල්බෝඩ් විශාල ප්‍රචාරක මාධ්‍යය බවට ව්‍යාපාර තෝරගත්තා...

ඔන්න ඉතිං අන්තර්ජාලයේ වේගයෙන් වර්ධනය වෙනකොට වෙබ් සයිට් පටන් ගත්තා, ඒත් internet එකේ gaming site, search engine, chat room ඇරෙන්න හැමදාම රසිකයෝ online ඉන්න කාල සීමාව වැඩිකරගන්න මේ දේවල් වලට බැරිවුනා..

Facebook එකට කලින් චුටි චුටි සමාජ මාධ්‍ය බිහිවුණාට මාර්ක් මලයා(Mark Zuckerburg) කරපු වික්‍රමය කාටත් කරන්න බැරි වුණා.

Mark මලයා අමුතුම දෙයක් කලා, සමාජ මාධ්‍ය නිදහසේ පාවිච්චි කරන්න දුන්නා, මේකේ ප්‍රධාන අරමුණ වුණේ ඔයාලගේ පින්තූර , සිතුම් පැතුම්, ඔයාලා අත්විඳපු දේවල්, game, විහිළු තහළු, එදිනෙදා ඔයාලා කරන දේවල් සේරම මුහුණු පොතේ දාන එක.

හැබැයි මේ ඔක්කොම දත්ත. ඔයාලගේ කැමැත්ත අකමැත්ත , ඔයාලා ශෙයා කරන විඩියෝ, ඔයාලා කැමති භාණ්ඩ, ඔයාලා හොයන්න දේවල් මේ ඔක්කොම දත්ත එයාලා අලෙවිකරනවා.

කාටද?

දැන් අනිත් පැත්තෙන් මර්ක් මලයා, ව්‍යාපාර , ආයතන, මාධ්‍ය වලටත් facebook එකේ ලියාපදිංචි වෙන්න උදව් කලා. දැන් ඒගොල්ලො ගේ ව්‍යාපාර ලොකු ප්‍රේක්ෂක ජනග්‍රහණයකට ප්‍රචාරය කරනවට වඩා, algorythem එකකට තමන්ගේ භාණ්ඩ හෝ සේවා ලබාගැනීමට කැමති පාරිභෝගියන් ඉලක්ක කරගෙන ඔවුන්ගේ උවමනා , දමන post අනුව පෙන්වීමට සැලැස්වීම කරන හින්දා මේක ඉතාමත් සාර්ථක ප්‍රචාරක මාධ්‍යක් වුණා , දැන්ම ඔන්න youtube, instagram එකේ අපි කාලය ගත කරන ප්‍රමාණය වැඩි වෙනවාත් එක්කම සමාජ මාධ්‍ය අලෙවිකරණය සාම්ප්‍රදායික අලෙවිකරණයට පහර ගහන්න පටන් ගත්තා.

ලෝකේ වටේම රූපවාහිනියට යන ප්‍රචාරක ආදායම , එන්න එන්නම අඩු වෙනවා, ගොඩක් වෙලාවට මිනිත්තුවකට මිලියනයක් වගේ ගෙවන්න වුන දැන්වීම් වල ගණන් බහින්න පටන්ගත්තා

ඇමරිකාව, යුරෝපය වගේ තැන්වල ප්‍රචාරක ආදායම 11%-20% දක්වා වසරක අඩු වීමට පටන් ගෙන තිබෙනවා. දැන් බොහෝ දුරට ක්‍රීඩා උත්සව , වෙනත් සැණකෙලි විකාශය අතරතුර දැන්වීම් තිබුණත් ලොකු ව්‍යාපාරවල දැන්වීම් වැඩසටහන් අතරතුර හමුවන ආවකාශ කාලය (air time) අඩු වෙලා තියෙනවා.

දැන් Netflix වැනින් streaming services වල satellite tv වල ප්‍රචාරණය සිදුවන අතර අළුත් ම trend එකක් ප්‍රචාරණ ලෝකයේ සිද්ධවෙනවා. මේ තමයි youtubers ගෙන් වෙන ප්‍රචාරක වැඩපිළිවල

ඔන්න අපි අද කතා කරන්න යන්නේ සමහර ඔයාලගේ හිතේ තියෙන මේ අසාව හරියට කරන්නේ කොහොමද කියලා. හොද youtuber කෙනෙක් වෙන්නේ කොහොමද?

අනිත් ළමයින්ට මේක වැදගත් වෙන්නේ ප්‍රචාරක මාධ්‍යයක් විදිහට youtube වලින් ප්‍රචාරය කරන කොට සාර්ථක චැනලයක් කරන්නේ කොහොමද කියලා.

දැන් ඔන්න youtube වල ජනප්‍රිය වෙන චැනල බොහොමයක් තියනවා මේවා එක එක රටවල් වලට වෙනස් වෙනවා හැබැයි subscribers මිලියනය පනින චැනල් හුගක් වෙලාවට වෙන්නේ

විනෝදාත්මක (හාස්‍ය රසය තියෙන චැනල්)

අපේ ලංකාවේ නම් රැට්ටා, ලෝචි, block and dino, ජනයි ප්‍රියයි වගේ කට්ටිය ඉන්නවා

ක්‍රීඩා චැනල (ක්‍රිකට්, බාස්කට්බෝල්, බේස්බෝල්)

චිත්‍රපට ගැන කතාකරන channel

සංගීතය කරන හා කතාකරන channel

Reaction චැනල

Gaming ගැන කතාකරන චැනල

විද්‍යාත්මක ගවේෂණ ගැන කතාකරන චැනල

තාක්ෂණික උපදෙස්, ඉවුම් පිහුම් චැනල

Vlogger, සංචාරක චැනල්
(ලංකාවට ආපු nas daily, harald, budgeteers වගේ අය)

රූපවාහිනී වැඩසටහන්, talk show වැඩසටහන් පිළිබඳ චැනල්

අළුත් gadget ගැන හඳුන්වාදෙන channel

Car ගැන චැනල්

දේශපාලනික channel

ආගමික channel

මේවා තමයි ජනප්‍රිය වෙන්නේ, මේ චැනල්වලට ගොඩක් ව්‍යාපාර ආයතන කතා කරලා ඒගොල්ලොන්ගෙ target audience එක (ඒ කියන්නේ ඕගොල්ලෝ අලෙවිකරණයේ ඉගෙන ගත්ත target market - ඉලක්කගත වෙළඳපොළ ඛණ්ඩනයට ) කෙලින්ම ආමන්ත්‍රණය කරන්න තමන්ගේ නිෂ්පාදන මේ youtuber ලා හරහා අදුන්වලා දෙනවා

ඔන්න දැන් අපි වැදගත්ම කාරණය ට යමු, හොද youtuber කෙනෙක් වෙන්නේ කොහොමද කියලා,

1. ඔයාලා advertising
බලාපොරොත්තු වෙනවානම්
මුලින්ම මම කියපු ඉහළ
මාතෘකාවක් තෝරාගෙන
තමන්ගේ දක්ෂතාවය අනුව
චැනලයක් පටන්ගන්න ඕන

ලංකාවේනම් ඉතින්

විනෝදාස්වාදය
තාක්ෂණික දැනුම
Gadget
ඉවුම් පිහුම්
ක්‍රිකට්
සංගීතය
ටෙලිනාට්‍ය
නොයෙකුත් ජිවිත කතා තමයි
trend වෙන්නේ

2. ඔබ ආමන්ත්‍රණය කරන
ප්‍රේක්ෂකයන් හා ඔවුන්ගේ
ප්‍රජා සංයුතිය, බහුතර
කැමැත්ත හා අකමැත්ත මත
Content සෑදිය යුතුය.

3. තමන් ආමන්ත්‍රණය කරන
ප්‍රේක්ෂකයන් හා කාලෙන්
කාලෙට පවතින ප්‍රවනතාවයන්
අනුව තම වීඩියෝවේ
අන්තර්ගතය (content) වෙනස්
කිරීම සිද කල යුතුය.

4. තමන්ගේ ප්‍රේක්ෂක කාණ්ඩයට
ඔබ හා සමාන විඩියෝ සකසන
Youtubers අතුරින් ජනප්‍රිය
තරගකරුවන් සිදු කරන්නේ
කුමක්ද යන්න නිරීක්ෂණය කර
(මාතෘකා දාන්නේ කොහොමද?,
මුල් පින්තුර(thumbnails),
වීඩියෝ අන්තර්ගතය
නිර්මාණය වෙන්නේ
කොහොමද?)

5. සැමවිටම ප්‍රේක්ෂක අවධානය
(Audience Engagement) හා
ප්‍රේක්ෂක නැරඹීමේ වේලාව
(watch time) ගන්නේ
කොහොමද කියලා බලන්න
ඕන.

මෙහිදී විඩියෝ අතුරතුර සිනහ
මුසු තැන්, ජනප්‍රිය
ප්‍රවණතාවයක් සහිත තැන්
(trending memes, pop culture
references) හා අතරමැද වෙනත්
වීඩියෝ, ග්‍රැෆික් නිර්මාණ, video
effects, පසුතල වීඩියෝ හා
Copyright නොවන සංගීතයන්
(audio clips) යන සම්මිශ්‍රණයක්
පවත්වාගෙන යාම ප්‍රේක්ෂක
අවධානය හා ජනප්‍රියතාවය වැඩි
කරගැනීමට හැකි වේ.

6. තම විඩියෝ චැනලය ජනප්‍රිය
කිරීමට ගෙවීම තුළින් හෝ
සමාජ මාධ්‍ය තුළින් හෝ
යහළුවන් හතරේ ජනප්‍රිය
කිරීමෙන් තම ප්‍රේක්ෂකයන්
වර්ධනය කරගත හැක.

7. තමන් තෝරාගන්නා
මාතෘකාවට අදාලව කතා කිරීම

8. පැහැදිලිව තමන්ගේ
ප්‍රේක්ෂකයන්ට තමන් ප්‍රකාශ
කරන අදහස ලබාදීම.

9. ප්‍රති පෝෂණය හා ඒවාට
පිළිතුරු ලබාදීම පිළිබඳ උනන්දු
වීම.

10. අනවශ්‍ය ලෙස දීර්ඝ නොකොට
තොරතුරු සංක්ෂිප්ත කිරීම

11. තම ප්‍රේක්ෂකයාට ආචාරශීලි
වීම

12. තම වීඩියෝව දත්ත ප්‍රමාණය
(size එක) පුළුවන් තරම් අවම
කර ගැනීම. Hand brake වැනි
මෘදුකාංග මෙයට භාවිතා කළ
හැක.

13. පැහැදිලි ශබ්ද හා රූප
තත්ත්වයන් වීඩියෝව තුළ
පැවතීම

14. එක්තරා ජාතියකට ආගමක
එරෙහිව මතවාදයක් ඇතිකර
හෝ එය සම්බන්ධයෙන්
වීඩියෝ content ඉදිරිපත්
නොකිරීම.

15. මේකට අමතරව වීඩියෝ චැනලයක් කරගෙන
යනකොට අනෙක් තරඟකරුවන් ගෙන්
සුවිශේෂත්වයක් ඔබේ චැනලයට තිබිය යුතුය.
(Originality) තිබීම ඉතාමත් වැදගත්ය.

ඔතන සඳහන් සදහන් කරලා තියෙන මුලම එක ඒ කියන්නේ
ජනප්‍රිය විෂය පථයක් තෝරා නොගෙන විඩියෝ චැනල් පටන් ගත්තොත් ඔය ඉතිරි මං කියපු කාරණා කිසි දෙයක් වැඩක් වෙන්නෙ නෑ

බිස්නස් ක්ලාස් සමග ප්‍රශ්න 100 වැඩසටහන දෙසැම්බර් මාසයේ කොටස් 35න් අවසන් වෙනවා..(ඒ කියන්නේ තව එකයි දාන්නේ). හැබැයි නිවාඩු කාලේ විශේෂාංග youtube චැනලයේ, අපි බිස්නස් ක්ලාස් page එකේ දානවා. මේකේ සරාංශ ගත විඩීයෝවක් තියනවා youtube එකේ

එහෙනම් තවත් එක් වැඩසටහනකින් අපි නැවත හමුවෙමු..

නමක් කියන්නේ හරි වැදගත් දෙයක්... නමුත් ප්‍රධාන වශයෙන් කාලානුරූපී වෙන්න ඕන (කාලයට ගැලපෙන), ප්‍රදේශයට ගැලපෙන්න ඕන කෙටි වෙන්න ඕන, මතක තියාගන්න ලේසි වෙන්න ඕනේ, අර්ථයක් තියෙන්න ඕන.

හරි දැන් ඔයාගෙ නම ගන්නකෝ ..ඔයාගේ නමේ අර්ථය මොකක්ද ? COMMENT වල දාන්න දන්නවනම්..

දැන් හිතන්න ඔයාගේ නම හරි නමේ කෑල්ලක් හරි අප්පුහාමි හරි ගැහැණු ළමයෙක් නම් ඩිංගිරිමැණිකේ වුනා කියලා. මීට අවුරුදු හැට හැත්තෑවකට කලින් ඒව ලස්සන නම්, සාමාන්‍ය නම් හැබැයි දැන් එහෙම නෑ.. එහෙම ළමයෙක් ආවොත් ඉස්කෝලේ අනිවාර්යෙන්ම විහිළු තහළු වලට ලක් වෙනවා.
පුද්ගලයෙකුගේ නමක් මත විහිළු වලට ලක්වෙන එක නම් හොද නැති වැඩක් උනාට අපි සමාජයේ විවිධ ළමයි විවිධ මිනිසුන් අතර ජීවත් වෙන්නේ, සමාජ ආකල්පය කියන එක ගොඩක් වටිනවා, තමන්ට යම් යම් ඉලක්ක සපුරගන්න, සමාජයේ ජනප්‍රිය වෙන්න, පිළිගැනීමකට ලක් වෙන්න ගොඩක් වෙලාවට අපි දන්නෙවත් නැතුව අපේ නම් උපයෝගී වෙනවා. සමාජයේ වැරදි ආකල්පයක් ගොඩනැගෙනවානම්, ජනවහරින් කල් ඉකුත් වූ නම් පාවිච්චි වෙන කොට විශේෂයෙන්ම දකුණු ආසියාතික රටවල් වල තමන්ගෙ නම බාධාවක් වෙනවා.
ඒක නිසා ගායකයෝ, නළුවෝ, නිවේදකයෝ, INFLUENCERS වැනි සමාජ ප්‍රසිද්ධිය මත දියුණුවට පත්වන අය බොහෝ වෙලාවට අනවර්ත නාමත් යොදා ගන්නවා, මෙය වැරදි හෝ නිවැරදි ක්‍රියාවක් ලෙස නිගමනය කළ නොහැක්කේ තමන්ගේ වෘත්තීමය ජීවිතය ගොඩනැගීමට සමාජය පිළිගන්න සම්මතයන් (ඇතැම් විට වැරදි වුවත් ) ඒ අනුව යාමට සිදුවේ.

ව්‍යාපාරයක් ගොඩ නැගීමේදී මුලින්ම ගන්නා ප්‍රාථමික පියවර අතුරින් ප්‍රධාන පියවරක් වන්නේ තමන්ගේ ව්‍යාපාරය නාමය නිවරදිව තෝරාගැනීමයි.

මෙහිදී ප්‍රධාන වශයෙන් ව්‍යාපාරයක

1. අරමුණ
2. සන්නිවේදනය
3. අනුගත වීම හා දිගු කාලයක් තිබීම

ගැන අවධානයට ලක් කළ යුතුය.

නමක් දැමීමේදී කෙටි කාලීන ප්‍රවනතා , කෙටිකාලීන ප්‍රසිද්ධියට එන වචන , අදාළත්වයක් නොමැති නම් බැහැර කළ යුතු අතර එසේ නොවුනහොත් ව්‍යාපාරය නිෂ්පාදන කොතරම් වෙළෙඳ පොළට වඩා හොඳ වුවත් විශාල ඉල්ලුමක් ජනනය කළ නොහැකිය.

තමන්ගේ පෞද්ගලික නමට වඩා සන්නම් නාම හා වෙළඳ නාම ඇති කිරීමේදී සලකා බැලිය යුතු කරුණු බොහෝමයක් තිබෙන අතර එය නිවැරදිව නොකළහොත් ව්‍යාපාර දියුණුවට ප්‍රධාන බාධාවක් වේ

හොඳ සන්නම් නාමයක් හෝ වෙළඳ නාමයක් ව්‍යාපාරයකට දැමීමේ දී සැලකිය යුතු කරුණු

1. භාණ්ඩය හෝ ව්‍යාපාරය පිළිබඳ පාරිභෝගිකයාට
සන්නිවේදනය කිරීමේ ප්‍රධාන මාධ්‍යයක් ලෙස
වෙළඳ නාමය හෝ සන්නම් නාමය භාවිතා කළ
යුතුය.

මෙය පාරිභෝගිකයාට ව්‍යාපාරය පිළිබදවත් භාණ්ඩය පිළිබඳවත් එහි ගුණාංග පිළිබඳ පිළිබිඹු වීම ඉතා වැදගත්ය.

2. හොඳ සන්නම් නාමයක් කෙටි විය යුතු අතර එය
පාරිභෝගිකයාගේ මතක හි රඳවා ගැනීම එනම්
සන්නම් පක්ෂපාතීත්වය වර්ධනය කිරීමට උපකාරී
විය යුතුය.

සන්නම් නාම කෙටි වීම විශේෂයෙන්ම කරලියට ආවේ රූපවාහිනී වෙළඳ දැන්වීම් හා විද්‍යුත් වාණිජ්‍ය තුලින් තරඟ කරුවන් විශාල ප්‍රමාණයක් අතර ඇතිවන ප්‍රචාරණ යුද්ධය නිසා ය. විශේෂයෙන්ම තම වෙබ් අඩවිය, සමාජ මාධ්‍ය ජාලා පිටුව , චැනලය යන සියල්ල මතක තබා ගැනීමට උපකාරී වන්නේ මෙම නාමය සුවිශේෂී හා කෙටි වීම තුළින් ය .

3. ලාංඡනය වෙළඳ නාමයත් සමග ප්‍රචාරණය විය යුතු
අතර ආකර්ෂණීය වර්ණ ගැලපීමක් හා භාණ්ඩය
හා බැඳුණු පිළිගත් වර්ණ රටාවක් ඇතුළත් විය
යුතුය. අකුරු විශේෂයෙන්ම කැපී පෙනීම
වැදගත්ය .

(රතු , තද නිල් , ලා නිල්, කහ, ලා කොල, තැඹිලි)

4. ලාංඡනය හා බැඳුණු පාඨයන් (TAGLINE) භාණ්ඩය
අනිත් තරගකරුවන් ගෙන් වෙනස් වන්නේ ඇයි දැයි
පැහැදිලි කිරීම හෝ එහි සුවිශේෂී ගුණාංගයක් ,
ව්‍යාපාරය පාරිභෝගිකයා කෙරෙහි දක්වන
සැලකීමක් වැනි දෑ ඇතුළත් විය යුතුය.

5. පාරිභෝගිකයන් නිෂ්පාදනය හෝ තම
අවශ්‍යතාවය සපුරා ගැනීමට අසන ප්‍රශ්න වල
භාවිතා වන වචන හෝ සෙවීමට යොදා ගන්නා
ආකාර අනුව වෙළඳ හෝ සන්නම් නාම
සෑදීමේදි අවධානය යොමු විය යුතුය

වෙළඳ නාමයක් හෝ සන්නම් නාමයක් දැමීමට පෙර ක්ෂේත්‍රයේ අදාල සන්නම් නාම website වල සෙවුම් යන්ත්‍ර තුල (search engine) සොයන්නේ කෙසේදැයි එයට පාරිභෝගිකයන් භාවිතා කරන වචන පිළිබඳ (key words) හොඳින් අවබෝධ කරගත යුතුය. ඒ ඇසුරින් වෙබ් අඩවි , සමාජ මාධ්‍ය හා දැන්වීම් වල ඉහළ පිළිගැනීමකට ලක් වන නාමයන් භාවිතා කළ යුතුය.

6. එකම සන්නම් නාමයක් විවිධ භූගෝලීය
ප්‍රදේශවලට, හෝ වෙනත් ජනවර්ගයකට
ප්‍රචාරය කිරීම අපහසු බැවින් තම සන්නම් නාමය
විවිධ තත්වයන් යටතේ අනුගතවීමට ඇති
හැකියාව තිබිය යුතුය

බොහෝ වෙලාවට ලෝකය හතර කොන දන්නා භාෂාවකින් තම සන්නම් නාමය ගොඩනැගීමට බහු ජාතික සමාගම් උනන්දු වේ. එම නිසා බොහෝ සන්නම් නාම අපට ඉංග්‍රීසියෙන් දැකීමට හැක. එමෙන්ම හැමෝම දන්න වචන පාවිච්චි කරයි

FACE BOOK
APPLE

නමුත් ඇතැම් සන්නම් නාම ඉංග්‍රීසි අර්ථයක් නොමැති වුවත් උච්චාරණයට , ඕනෑම භාෂාවක් කතා කරන අය කතාකරන අයට ශබ්ද කිරීමට පහසු විය යුතුය.
TOYOTA, NISSAN, එසේම කෙටි විය යුතුය.

සන්නම් නාම වලට අත්‍යවශ්‍ය කාරණයක් නොවූවත් බොහෝවිට අන්තර්ජාතික වෙළෙඳපොළ ජය ගැනීමට ප්‍රධාන සාධකයක් මේ ගුණාංග සියල්ලම ඉටුකරනවා.

ඒක හින්ද බිස්නස් එකක් කරනවා නම් නමට, නමත් සමග බැඳී ප්‍රතිරූපයට වඩාත් අවධානය යොමු කරන්න

business class සමඟ ප්‍රශ්න 100 වැඩ සටහනේ #33
වන විඩියෝ SEGMENT එක
BUSINESS CLASS - BUSINESS STUDIES

YOUTUBE CHANNEL එක SUBSCRIBE කර බලා ගැනීමට අවස්ථාව ඇත.

තවත් එක වැඩ සටහනකින් හමුවනතුරු ඔබ සැමට සුබ දවසක්

කිකිලිද, බිත්තරයද ලෝකයේ මුලින්ම එන්නේ කියලා ඇහුවොත් මොකක්ද ඔයාට දෙන උත්තරය?

ප්‍රශ්නයක් නේ?

කිකිළි නැතුව බිත්තරය එන්නේ නෑ, බිත්තරය නැතුව කිකිළි එන්නේ නෑ..

මේ මොකක්ද ව්‍යාපාර අධ්‍යයනයැ?

නෑ, ව්‍යාපාර අධ්‍යයනය නම් නෙමෙයි හැබැයි ඒ වගේ ප්‍රශ්නයක් ගැන තමයි කතා කරන්නේ..

දැන් නිකම්ම මේ ප්‍රශ්නය දීලා උත්තරයක් දෙන්නෙ නැතුව මාරු වෙන්නේ නෑ ..

විද්‍යාඥයන් හොයාගෙන තියනවා... බිත්තර තමයි මුලින්ම ආවේ කියලා, බිත්තර ඇවිල්ල තියෙන්නෙ කුකුළන් වගේ හැබැයි වෙනස් සත්වයෙක්ගෙන් .. බිත්තරය තුළ ජාන විකෘතියකින් කිකිළියක් බිහිවෙලා තියෙනවා. ( මිලියන 300 කටත් එහා අතීතයක මේක වෙලා තියෙන්නෙ ) හරි අපි යමු මාතෘකාවට

ව්‍යාපාරයක් සැලසුම් කරද්දී මුලින්ම ආයෝජන තීරණ ද මූල්‍යන තීරණද ගන්න ඕන..

අයියෝ මේ ප්‍රශ්නෙ එහෙම අමාරු නෑනේ.. මූල්‍යන යන තීරණ නේද ?

ආයෝජන තීරණ කියන්නේ ව්‍යාපාරය විසින් සම්පාදනය කර ගත් අරමුදල් කෙටිකාලීන හා දිගුකාලීන ආයෝජන හා වත්කම් වලට යොදවන ආකාරය තීරණය කිරීමයි.

මූල්‍යන තීරණ කියන්නේ ව්‍යාපාරයක් කිරීමේ දී අවශ්‍ය වන අරමුදල් සම්පාදනය කිරීමට යොදා ගන්නා ක්‍රම පිළිබඳ තීරණය කිරීමයි (සරලව කිව්වොත් ණය විදිහට ද, ප්‍රාග්ධන ආයෝජන විදිහටද කියන එක )

දැන් මේක එන්නේ ව්‍යාපාර මූල්‍ය කළමනාකරණය හි සැලසුම් කිරීමේ අදියරේ. බැලූ බැල්මට උත්තරේ මූල්‍යන තීරණයයි.... එහෙමද?

මොනව කරන්නත් සල්ලි හොයාගන්නේ කොහොමද කියලා හිතලා බලන්න ඕන,ඒක හින්ද මූල්‍යන තීරණ තමයි ගන්න ඕන ! (ඒ කියන්නේ අරමුදල් සම්පාදනය කිරීමේ මාර්ග සකසා ගෙන ඉන්න ඕන, ආයෝජනය කරන්න කලින්), මේක හරිද ?, ගොඩක් කට්ටිය ශ්‍රී ලංකාවේ වගේම පිටරට මේ වගේ හිතනවා,

හරි අදට අපේ segment එක ඉවරයි.. අපි නැවත තව segment එකකින් හම්බවෙමු.. සුබ දවස...

හෝව් හෝව්...මේක නෙමේ හරි උත්තරේ

මෙන්න මේ විදියට හිතන්න ගිහිල්ලා ගොඩක් ව්‍යාපාර අසාර්ථක වෙනවා. සල්ලි හොයාගෙන ඉන්න ඕන තමා ඒත් .... සල්ලි හොයන්නේ මොකටද ?

ව්‍යාපාරයක් අළුතින් පටන් ගන්න කොට අපි ශක්‍යතා අධ්‍යයනයක් කරනවා (Feasibility report - මේකට swot analysis එකක් කියලත් කියනවා.. හැබැයි මේක පොඩ්ඩක් ඉන් එහාට කරන ගවේෂණශීලී වාර්තාවක් )

මුලින්ම ප්‍රධාන වශයෙන් සකසාගෙන ඉන්න ඕන, තමන් ව්‍යාපාරයක් කරගෙන යෑම සඳහා අත් කරගත යුතු ස්ථාවර වගේම කාරක ප්‍රාග්ධනයයි. මුල් අවස්ථාවේ , මුල් කාලච්ඡේදයේ මේවට යන වියදම ගණනය කල යුතුය.

මොකද ව්‍යාපාරයක් කිරීමට අවශ්‍ය අරමුදල්, තැන්පතු කොපමණ ප්‍රමාණයක් එක් රැස් කරගෙන සිටිය යුතුද යන්න ඔබට වැටහීමක ට ලක්විය යුතුය.

ව්‍යාපාරයට අවශ්‍ය ඉඩම් , ගොඩනැගිලි , යන්ත්‍ර සූත්‍ර , කොටස්, ගිණුම් තැන්පතු හා මුදල් කොපමණ ප්‍රමාණයක් අවශ්‍ය දැයි ගණන් බලා කාරක ප්‍රාග්ධන අවශ්‍යතා (වැටුප් , බිල්, බදු හා වරිපනම් ගාස්තු, මාසික වියදම් ) වලට ප්‍රමාණවත් මුදල් තිබෙනවාදැයි බැලිය යුතුය.

දැන් මේ ඉහත අන්දමට ව්‍යාපාරයක් කරගෙන යෑමට අවශ්‍ය සම්පත් වලට ආයෝජනය කරන මුදල කොපමණද යන්න ගණන් බලලා තමයි අරමුදල් සම්පාදනය කර ගන්න හිතන්නේ, ගන්න ඕන වත්කම් වල ස්වභාවය මත මොන වර්ගයෙන් ණය ප්‍රාග්ධනයක් ද, ආයෝජන ප්‍රාග්ධනයක් ද රැස්කරගන්න ඕන,

ආයතනයේ අයිතිය මොන වගේ වෙනස් වෙන්න ඕනෙද , ලාභය කොතරම් කැප කරන්න පුළුවන්ද?

ආයතනයේ පාලනය සම්බන්ධයෙන් තමන්ට ඉදිරි කාලය තියෙන බලාපොරොත්තු

මත මූල්‍යන තීරණ ගන්න එක තීරණය වෙනවා.

හැබැයි මුලින්ම ගන්නා ආයෝජන තීරණ බලන්න ඕන.. ආයෝජන තීරණ තමයි හරි උත්තරය, තමන්ට අවශ්‍ය අර මුදල් ප්‍රමාණයට වඩා වැඩියෙන් හෝ අඩුවෙන් අරමුදල් ගතහොත් එය ව්‍යාපාරය අයිතියට, ලාබයට, කාර්යක්ෂමතාවයට හා දිගුකාලීන දිගු කාලීන පැවැත්මට සෘජුව බලපෑම් ඇති කරනවා

ආයෝජන තීරණ වලට පස්සේ මූල්‍යන තීරණ මගින් දිගුකාලීන හා කෙටිකාලීන අරමුදල් සම්පාදනය සිදු කළ හැක. ඉන් පස්සේ නැවත පෙර සැලසුම් කර ගත් ආයෝජන ඉන්න ක්‍රියාත්මක කරනවා, අරමුදල් සම්පාදනයේදී වෙනසක් වුවහොත් නැවත ගන්නා සම්පත් හා ඒ හා බැඳුණු ආයෝජන තීරණ නැවත වෙනස් කරන්න සිදුවෙනවා.

සමහර වෙලාවට සම්පූර්ණ ව්‍යාපාර සැලැස්ම, අදහස වෙනස් කිරීමට සිදුවේ.

තමන්ට අවශ්‍ය මුදල් සම්පාදනය කරගත නොහැකි වුවහොත් නැවත ව්‍යාපාර අරමුණු සකසා ආයෝජන තීරණ වෙනස් කර මුල්‍යයන තීරණයට එළඹිය යුතුය.

මේ ඇවිල්ල Business Class - අපි බිස්නස් ක්ලාස් සමග ප්‍රශ්න 100 වැඩසටහනෙහි 32 වන කොටසට
අදාල බ්ලොග් පෝස්ට් එක තමයි බැලුවේ..

මේ පාඩමේ ම youtube video එක business class - busines studies වැඩ සටහන subscribe කරලා බලන්න පුළුවන්

ලෝකෙට තියන බරපතළ ම ප්‍රශ්නයක් වන කිකිළිද බිත්තරයද මුලින්ම ආවේ කියලා විසඳලා?, 😎😎
ඒ ගමන්ම අපි ව්‍යාපාර සම්බන්ධයෙන් මූල්‍ය කලමනාකාරණය තීරණවල ප්‍රශ්නයකුත් විසඳලා තවත් මේ වගේ ප්‍රශ්නයක් සාකච්ඡා කරන්න තව දවසක හමුවෙමු. එහෙනම් සුභ දවසක් !

අපි කතා කරා ව්‍යාපාර නාමයි වෙළඳ නාම යි අතර තියන වෙනස ගැන මීට පෙර segment එකක

#29 වෙනි කොටස , මේක ඔයාලාට business class - business studies youtube එකේ විඩියෝව බලන්න පුළුවන්

දැන් අපි කතා කරන්නේ වෙළඳ නාමයි සන්නම් නාමයි ගැන

වෙළඳ නාමය හා සන්නම් නාමය අතර ඇති වෙනස ගැන කතා කරන්න කලින් අපි මේ දෙක පැහැදිලිව හඳුනාගමු

වෙළඳ නාමය යනු ආයතනයක් ව්‍යාපාරය කිරීමේදී සමාජය හඳුනා ගන්නා නාමයයි. මෙය ඇතැම් විටක දී නීත්‍යානුකූල නාමය හා සමාන ද විය හැක.

සන්නම් නාමය යනු යම් කිසි ආයතනයක් හඳුන්වාදෙන්න භාණ්ඩ හා සේවා වලට දෙන නාමයන් ය

දැන් මොකක්ද මේ දෙක අතර තියෙන වෙනස ,නිර්වචනයෙන් පොඩ්ඩක් වෙනස පැහැදිලි කරාට මේ නිර්වචනයෙන් ගොඩනගන්න බෑ සම්පූර්ණ මේ දෙක අතර ඇති වෙනස

ව්‍යාපාරයකට වෙළඳ නාම කිහිපයක් තිබෙන්න පුළුවන් , ඒ වගේම වෙළඳ නාම සන්නම් නාමය ද වෙන්න පුළුවන් .

හැබැයි සන්නම් නාම ව්‍යාපාරයේ භාණ්ඩ හා සේවා අනෙකුත් තරග කරුවන් ගෙන් වෙන් කිරීමට හෝ විවිධ නිෂ්පාදන විවිධ සේවා විවිධ වෙළඳපොළ ඛණ්ඩනයන් ට , හා විවිධ භූගෝලීය ප්‍රදේශය යන් වලට ලබා දෙන විට විවිධ සන්නම් නාම වලින් ලබා දෙනවා. ඒ කියන්නේ වෙළඳ නාම වලට වඩා විවිධ වර්ගයේ සන්නම් නාම බොහෝදුරට භාවිතා කරනවා. මේ සන්නම් නාම හැම එකකම වෙළඳ ලකුණු සහ පාඨයන් වෙන වෙනම ලියාපදිංචි කරන්න ඕන

බොහෝ දුරට වෙනත් භූගෝලීය ප්‍රදේශ වලට යන විට වෙළඳ නාමය එලෙසින්ම පවතිනවා නමුත් සන්නම් නාම එම භූගෝලීය ප්‍රදේශ වල භාෂාව, කතා කරන ස්වරූපය , වචන උච්චාරණය කරන ආකාරය අනුව සන්නම් නාම වෙනස් වෙනවා. එකම සන්නම් නාමය විවිධ භාෂාවලින් විවිධ උච්චාරණ යන්ගෙන් වෙනස් වෙනවා. මේක හැබැයි ව්‍යාපාර ගොඩක් පුළුල් වෙනකොට සංකීර්ණ වෙනකොට තමයි මේ දේ සිද්ධ වෙන්නේ

සන්නම් නාම වර්ධනය, සන්නම් නාම මිල කිරීම හා සන්නම් නාම වෙනස් කිරීම අලෙවි කරණය යටතේ එන විශාල විෂය ක්ෂේත්‍රයක් ය.

මෙතැනදී ව්‍යාපාර වල සන්නම් නාම මිල කිරීම විශේෂයෙන් ම සංකීර්ණ ක්‍රියාවලියක් , විශාල සමාගම් වල සන්නම් නාම ශේෂ පත්‍රයේ බිලියන ගණන් ගණනය කරනකොට නිශ්චිත වශයෙන් විද්‍යානුකූල නොවූ පාරිභෝගික ප්‍රතිචාර යහ උපකල්පනය මත එක් එක් නිර්ණායක මත සන්නම් නාම අගය කරනු ලැබේ.

විශාල සමාගම් වල සන්නම් නාම මිල කිරීම් , සන්නාම ප්‍රවර්ධනය කිරීම ආදී විශේෂ වූ අලෙවිකරණයක් දෙන සමාගම් හා විශේෂි වු පුද්ගලයන්ට ව්‍යාපෘතියකට ....😎

හිතලා බලන්නකෝ ගානක්

ලංකාවේ රුපියල් වලින් නම් 1 පස්සේ බින්දු 1,23456 නැ නෑ තව වැඩි 7,8කින් උඩට දක්වා ගෙවන වෙලාවල් තියෙනවා

සන්නම් නාම හා වෙළඳනාම වෙන වෙනම තබාගැනීමේ වැදගත්කම වන්නේ තමන් ගේ නිෂ්පාදන තමන් ඉලක්ක කරගන්න වෙළෙඳපොළ කාණ්ඩයට ගැලපෙන ආකාරයට ආමන්ත්‍රණය කිරීමේ හැකියාව වැඩි වන නිසා ය.

එමෙන්ම සන්නම් පක්ෂපාතිත්වය වැඩිවන නිසාය.

ඒ වගේම තමයි සන්නම් නාම සමාජය ප්‍රවර්ධනය වෙනවා වගේම ව්‍යාපාර ක්‍රියාවලියක දී අඩුපාඩුව කදී සන්නන් නාමය පිළිබඳ අවිශ්වාසයක් ඇති වුනොත් බොහෝ දුරට පෙර තිබූ තිබූ තත්වයට ගෙන ඒමට නොහැක.

මෙන්න මේ නිසා තමයි සන්නම් නාමය ව්‍යාපාර ගොඩක් ආරක්ෂා කරන්නේ

අපි පස්සේ segment එකක සන්නම් නාම වල තිබිය යුතු ගුණාංග වෙන් වෙන් වශයෙන් කතා කරමු

ඔන්න එහෙනම් මේකට අදාළ 31 වෙනි වීඩියෝ segment එක බලන්න Youtube එකේ තියනවා

Business Class - Business Studies

ඔයාලාට මේවගේ විශේෂංග , ව්‍යාපාරික තොරතුරු , විෂය නිර්දේශය ගැඹුරින් ඒ වගේම විනෝදයෙන් බලන්න මෙම යූ ටියුබ් චැනලය subscribe කරන්න

හරි එහෙනම් නැවත හමුවෙමු.

උසස් පෙළ වාණිජ හදාරන ශිෂ්‍යයන්ගෙන් ඇහුවම ව්‍යවසායකයෙක් ව්‍යාපාරයක් පටන් ගන්න කොට මුලින්ම කරන පියවර මොකක්ද කියලා ?

හුඟක් කට්ටිය කියන්නේ ව්‍යාපාර සැලැස්ම කියලා

බැලූ බැල්මට මේ කතාව ඇත්ත වගේ නේ , සැලසුමක් නැතුව මොනවත් කරන්න බෑ ..

සැලසුමක් නැතුව මොනවත් කරන්න බැරිවුනත් මොකක් පදනම් කරගෙන සලසුමක් ගහන්නේ කියලා ප්‍රශ්නයක් එනවා ..

දැන් මෙතන ඔයාලා youtubers , පොඩි පොඩි බිස්නස් කරන කට්ටිය නම් හුඟක් කට්ටියට ව්‍යාපාර සැලැස්මක් නැහැ .. කොහාටද යන්නේ කියලා දන්නේ නෑ , හැබැයි බිස්නස් එක පටන් අරගෙන

එතකොට මුල් පියවර වෙනස් නේද ?

මේක තමයි කියන්නේ ව්‍යාපාර අධ්‍යනය විෂය නිර්දේශය තිබුනට ව්‍යාපාර අධ්‍යනය ගැන ප්‍රගුණ කරන්න මේ විෂය නිර්දේශය කරුණු ප්‍රායෝගික ලෝකෙත් එක්ක ගලපල කරන්න ඕන

දැන් අපි බලමු ව්‍යවසායකයෙක් ව්‍යාපාරයක් පටන් ගැනීමේදී මුල් පියවර ව්‍යාපාර සැලැස්ම ද ?

ව්‍යාපාර අධ්‍යයනය අවසාන පාඩමහි ව්‍යාපාර සැලැස්ම ගැන හා ව්‍යාපාරයක් ආරම්භ කිරීමට ගන්නා පියවර පිළිබඳ සාකච්ඡා කරනවා

නමුත් ව්‍යාපාර සැලැස්මක් ඉදිරිපත් කිරීමට පෙර ව්‍යාපාරයක් ගොඩ නැගීමට මෙම පියවර නොගතහොත් ව්‍යාපාරයක් ආරම්භ කිරීමට කිසිසේත් නොහැක.

අද අපි කතා කරන්නේ ව්‍යාපාර අදහස් පිළිබඳවයි

ව්‍යාපාරයක් යනු මිනිස් අවශ්‍යතා හා උවමනා සපුරාලීමේ ක්‍රියාවලියකි. මිනිස් ඉතිහාසය පුරාම විවිධ අවශ්‍යතා හා උවමනා සපුරාලන්නට මිලියන ගණනක ව්‍යාපාර බිහිවූනි. නමුත් මිලියන ගණනක වුවමනා ඇති කරමින් හෝ කාලානුරූපීව මතුවෙන උවමනා සපුරාලීමට තවම ව්‍යාපාර බිහි වෙනවා. ව්‍යාපාරය යනු සමාජයේ ප්‍රශ්න විසදීමේදී මිනිසා ආරම්භ කරනු ලබන ක්‍රියාවලියක් ලෙස හැඳින්විය හැක. ඉතිං ව්‍යවසායකයකු නව ව්‍යාපාර ක්‍රියාවලියක් සෑදීමේදී ව්‍යාපාර නව අදහසක් මතු කරගැනීම ඉතාමත් අපහසු දෙයක්.

අදහස් මතුවීම ඇත්තටම කියනවනම් ගොඩක් වෙලාවට සමාජ පර්යේෂණයන්ගෙන් ප්‍රතිඵලයක් නෙමේ, ගොඩක් සාර්ථක ව්‍යාපාර වල අදහස් අමුතු තැන් වලින් බිහි වෙන්නේ

1. ගොඩක් වෙලාවට හොඳ අදහස්
ව්‍යවසායකයොන්ට බිහිවෙන්නේ තමන්ට වෙච්ච
පුද්ගලික අත්දැකීම් වලින්, හරි
අපහසුතාවයන්ගෙන්

2. හීන වලින්
3. නාන ගමන්
4. රෑට ඇහැරිලා නින්ද යන්නේ නැති වෙනකොට
5. Toilet එකේ ඉන්න කොට 😂😂😂 (ඔව්,ඔව්
එහෙමත් කට්ටිය ඉන්නවා)

දැන් මේවට ගොඩක් පාදක වෙන්නේ , තමන් තනියම ඉන්නකොට තමන්ගේ සිතුවිලි අතර තනි වෙනකොට

යහළුවෝ සමග හරි සමීපතයන් සමග පිළිසඳරක යෙදෙන කොටත් ව්‍යාපාර අදහස් එනවා.

ව්‍යාපාර අදහස් වල මුල් සිතුවිල්ල කවදා හරි එහෙම
ඔයාලට ආවත් මේක කොලේක ලියලා තව ගැඹුරින් හිතන්න ඕන, එකපාරටම සිතුවිල්ලක් ඇවිල්ලා ව්‍යාපාරයක් කරන්න බෑ. ඔබට ආ ව්‍යාපාර අදහස
තම රටේ සිටින තරගකරුවන් ගෙන් , ගෝලීය තරග කරුවන් ගෙන් වෙනස්, කැපී පෙනෙන වාසියක් තිබෙන නිෂ්පාදන බිහි කිරීම හෝ අළුත්ම සමාජීය ප්‍රශ්න වලට විසඳුම් ලබා දීමට අදහස් නිර්මාණය කිරීම බුද්ධිමත්ව හා සමාජ තලය වටහා ගෙන සිදු කළ යුත්තක්.

මේ දෙකම එකතු උනාම ව්‍යාපාර අදහසක් වෙනවා, මේක ඔයාලට ව්‍යාපාර අදහස් කියන එකේ නිර්වචනය කියෙව්වම පැහැදිලි වෙනවා

"ව්‍යාපාර අදහස් ඇතිකර ගැනීම යනු පවතින වෙළඳපොළෙහි හෝ භූගෝලීය ප්‍රදේශයෙහි ව්‍යාපාර අවස්ථාව සොයා බැලීමයි."

දැන් මොකක්ද මේ ව්‍යාපාර අවස්ථාව?

ව්‍යාපාර අවස්ථාව යනු එක්තරා වෙළෙඳ පොළ ඛණ්ඩනය ක , හෝ වෙළෙඳපොළ ඛණ්ඩනයන් කිහිපයක හෝ සමස්ථ වෙළඳපොළට ම

සාමාජීය ගැටළුවක් නිරාකරණය කිරීම

පවතින විසඳුමක් වැඩිදියුණු කිරීම

තෘප්තිය වැඩි කිරීම

පවතින අවස්ථාවක් ලෙස හැදින්විය හැක. අවස්ථාවක් පවතිනවා යන්න වැටහෙන්නේ මෙම ගැටළුවට විසදුමක් හෝ අදහසක් පවතින විටය.

මේ අනුව ව්‍යාපාර අවස්ථාව ව්‍යාපාරයක් බවට පත්කිරීමට ලෙහෙසි පියවර තුනක් තියෙනවා

1. ගැටළුව හඳුනාගැනීම

2. අදහස උත්පාදනය කිරීම

3. හා අදහස ක්‍රියාවට නැංවිය හැකිවීම

මඟින් සිදුකල හැක

ව්‍යාපාර අදහසක් නිර්මාණශීලීව ගොඩ නැගුවත් එය ක්‍රියාවට නැංවීමට පෙර සලකා බැලිය යුතු ගුණාංග පවතිනවා

ව්‍යාපාරය හා ක්ෂේත්‍රය පිළිබඳ තමන්ගේ දැනීම හා අවබෝධය

තමන් සතුව තිබෙන සම්පත් (මිනිස්, මුල්‍ය, අමුද්‍රව්‍ය, තොරතුරු)

තමන් සතුව පවතින සම්බන්ධතා (සමාන ක්ෂේත්‍රයේ සිටින පුද්ගලයන්, සම්පත් ඇති පුද්ගලයන්, සම්බන්ධතා ඇති පුද්ගලයන් )

කලමනාකාරණ හැකියාව, ඇතැම් විට කළමනාකරණ හා නායකත්ව හැකියාව

ක්ෂේත්‍රයේ ප්‍රවණතා හා සාර්ව ආර්ථික බලපෑම්

මේ පිළිබඳ ශක්‍යතා අධ්‍යයනයක් කර ව්‍යාපාර සැලසුම් කිරීමේ ක්‍රියාවලියට එළැඹිය යුතුය.

මේ ඔක්කොම තියෙනවා නම් නාන කාමරේ , ටොයිලට් එකේ ආපු ඒ අදහස ඔයාලට ක්‍රියාත්මක කරන්න පුළුවන්.

දැන් මේක බලපු ඔයාලා කවද හරි ඔහොම අවස්ථාවකට මුහුණ දීලා ලොකු ව්‍යාපාරයක් කරලා අවුරුදු 25කට විතර පස්සේ රූපවාහිනියේ, සමාජ මාධ්‍යයේ ව්‍යාපාර වැඩසටහනක මම මෙහෙම ඉන්නකොට තමයි මේ බිස්නස් එක ගැන හිතුණේ කියලා කියන්න පුළුවන්.

" එතකොට මේ ලිපිය ගැන කියන්න අමතක කරන්න එපා 😉"

තව මේ වගේ විශේෂංග වීඩියෝ වලින් ව්‍යාපාර පිළබද ඉගෙනගන්න එන්න අපි එක්ක.

You tube එකේ business class - business studies
Subscribe කරන්න

අපි බිස්නස් ක්ලාස් face book page like කරන්න

තරාවට බෑ පත්තයෙක් වෙන්න පාත්තයට බෑ තාරාවෙක් වෙන්න
දෙන්න එක වගේ වුනාට දෙන්නම වෙනස්
ව්‍යාපාර නාමයක් හා වෙළඳ නාමයක් කියන්නේ එකක්ද ?
තරාවගේ පත්තයගේ කතාවත් එක්ක අපි විඩියෝව පටන්ගමු බිස්නස් ක්ලාස් සමග ප්‍රශ්න 100 වැඩසටහනේ 29 වෙනි කොටස