WP/NE/Basilica Primary School - Ragama

ඔක්තෝම්බර් 05 වන දිනට යෙදෙන ලෝක ගුරු දිනයට සමගාමීව අධ්‍යාපන සහ වෘත්තීය අධ්‍යාපන අමාත්‍යාංශයෙන් පාසල් පද්ධතියේ ගුරුවරුන් හා විදුහල්පතිවරුන් ඇගයීම සඳහා “ගුරු ප්‍රතිභා ප්‍රභා” ගුරුභවතුන් හා විදුහල්පති ඇගයීම් උළෙල 2025.10.03 වන අද දින පැවැත්වුණේ අධ්‍යාපන , උසස් අධ්‍යාපන හා වෘත්තීය අධ්‍යාපන අමාත්‍යාංශයේ දීය.

පාසල්වල සමස්ත අධ්‍යාපන ක්‍රියාවලිය අඛණ්ඩව සහ ගුණාත්මකව ඉදිරියට පවත්වාගෙන යාම සඳහා විදුහල්පතිවරුන් සහ ගුරුභවතුන් විසින් සුවිශේෂීව ක්‍රියාත්මක කරන ලද විවිධ විශිෂ්ට ව්‍යවහාර පාදකව ප්‍රණාමලාභීන් තෝරාගන්නා ලදී.

ඒ අනුව අප පාසල තුළ ක්‍රියාත්මක කරන ලද විශිෂ්ඨ ව්‍යාවහාරය වන " #පන්හිඳ #සුමිතුරෝ" වෙනුවෙන් ඇගයීම් සම්මාන හිමි විය.

එම සංකල්පයට උපත ලබා දෙමින් නව ප්‍රාණියෙකු ලෙස අප පාසල තුළ එය ක්‍රියාත්මක කළ ගුරුවරියක ලෙස තම කාලය , ශ්‍රමය කැපකරනා වචනයේ පරිසමාප්ත අර්ථයෙන්ම දරුවන්ට ගුරුහරුකම් ලබා දෙන දෙවැනි මවක් වූ #අචිනි #කුමාරසිංහ ගුරුමවුන්
" #ගුරු #ප්‍රතිභා #ප්‍රභා" සම්මානයෙන් පුදනු ලැබිණි.

ඒ සඳහා උපකාර කළ ගුරුභවතුන් හා විශේෂයෙන් දෙමාපියන් හටද මාගේ ආදරණීය ස්තුතිය පුදනෙමි.

පළමු වතාවට ජාතික තලයේ ගෞරවයක් පාසලට ලබා ගැනීමට හැකිවීම වසර 108ක ඉතිහාසයකට බැසිලිකා ප්‍රාථමික විදුමවුන්ට ආඩම්බරයකි .

දෙවසරක මාගේ සේවා කාලය තුළ මගෙන් යමක් උගෙන අත්නොහැරුනු වීර්‍යයකින් මාගේ බල කිරීමටම මේ වෙනුවෙන් කැපවු අචිනි ගුරුතුමියට මා කෘතඥ පූර්වකව තුති පුදමි.. ඒ නිහතමානී ආඩම්බරයක් ද සිත තුළ තැන්පත් කර ගමිනි.

ඔබ වටී..
මට වටී..
දරුවන්ට වටී...
බැසිලිකා මවුන්ට වටී..
රටට ද වටී..

අචිනි කුමාරසිංහ ගුරුතුමියනි....ලෝක ගුරු දිනය වෙනුවෙන් මාගේ ගුරු ප්‍රණාමය ද මෙලෙස පුදමි..

ස්තුතියි
ජේසු පිහිටයි
W. S. U. ප්‍රනාන්දු මිය.
සහාකාර අධ්‍යාපන අධ්‍යක්ෂිකා
අධ්‍යාපන අමාත්‍යාංශය .

2025 ශිෂ්‍යත්ව විභාගයේ ප්‍රතිඵල නිකුත් වී ඇති අතර අප පාසලේ දරුවන් 13 දෙනෙකු කඩයිම සමත් වී ඇත.
💐💐💐💐💐💐💐💐
ඒ සඳහා වෙහෙස වෙමින් තම කාලය, ශ්‍රමය කැප කළ පන්ති භාර එරන්දි කරුණාරත්න මිය, දිනිති පීරිස් මිය, සඳුනිකා හේරත් මෙය හා නදීශා ගුණරත්න මියට මාගේ කෘතවේදීත්වය පුද කර සිටිමි.
🙏🙏🙏🙏🙏🙏🙏🙏🙏
සියලුම 5 ශ්‍රේණියේ දරුවන්ට මාගේ සුභපැතුම් එක් කරමි..
❤️❤️❤️❤️❤️❤️❤️❤️❤️
ශිෂ්‍යත්ව විභාගය ජීවීතය කර නොගෙන අනාගතය දකිමින් ලොව දිනන්න ආශිර්වාද කරමි.
❤️❤️❤️❤️❤️❤️❤️❤️
ස්තුතියි
හිටපු විදුහල්පතිතුමිය

❤️

2023.08. 28 වන දින බැසිලිකා ප්‍රාථමික විදුහලේ විදුහල්පතිනිය ලෙස රාජකාරි අරඹමින් දෙවසරක් පුරාවට පාසලේ දියුණුව උදෙසා හැකි පමණින් දායක වෙමින් සමුගැනිම සනිටුහන් කරමි.

අනේක විධ බාධක හමුවේ ආ මේ ගමන පිළිබඳව ඇත්තේ සතුටකි.

ආරම්භයේ සිටම මා වෙත එල්ල වූයේ සාමාන්‍ය පුද්ගලයෙකුට දරා ගත නොහැකි තරමේ ගල් මුල්, වාග් ප්‍රහාර, පෙත්සන්, තාඩන පීඩන පමණි.

ඒ සඳහා මූලීකත්වය ගත් මෙම පාසලේම සේවය කළ නිලධාරින්, පරිපාලන නිලධාරීන්, දෙමාපියන්, ආදි ශිෂ්‍යයින් හා අවට ප්‍රජාව ස්තුතිපූර්වකව සිහිපත් කරන්නේ තලන යකඩය මුවහත් වන්නාක් සේ ඒ සියල්ලගෙන්ම මා තියුණු ආයුධයක් වූ නිසාවෙනි. "යකඩ වුණත් ඕනෑවට වඩා තලන්න යන්න එපා.. මොකද ඊට පස්සේ උත්තර දෙන්නේ යකඩ නෙමෙයි, මුවහත....."

එලෙසම ඒ සෑම අවස්ථාවකදීම මා සමඟින් නොවෙනස්ව සිට මේ අවසාන දිනය තෙක් මට ශක්තියක් වූ මාගේ සහෝදර විදුහල්පතිවරුන්, ආචාර්‍ය මණ්ඩලය, සහෘද දෙමාපියන්, අනධ්‍යන කාර්‍ය මන්ඩලය , ආදි ශිෂ්‍යයින් කිහිපදෙනාව ද ආදරයෙන් සිහිපත් කරමි.

ගැහැණියක වූ මා හට එල්ල කළ චෝදනාවලින් ඔබ තෘප්තිමත් වූයේ නම් මට කම් නැත. ඔබේ මව, සහෝදරිය, යෙහෙළිය, දියණිය, බිරිඳ හෝ පෙම්වතියට එවැනි චෝදනා එල්ල වූයේ නම් ඔබ දක්වන්නේ කෙබඳු ප්‍රතිචාරයක් ද ??? නමුත් මා වැටුනේ නැත. වැටෙන්නේ ද නැත. වට්ටන්නට ද නොහැකි බව සිහිපත් කරනු කැමැත්තෙමි.

වසර 108 ක ඉතිහාසයක් හිමි බැසිලිකා ප්‍රාථමික විදුමාතාව වෙනුවෙන් ඔබ යමක් කලේ ද? දැන්වත් සිතා බලන්න. මෙය මාගේ උපන් ගමත් නොව, උගත් පාසලත් නොවන බව ද දන්වමි. පාසල වෙනුවෙන් ඔබට යමක් කළ නොහැකි නම් යමක් කිරීමට උත්සහා ගන්නෙකුටවත් පාසල දියුණූ කිරීමට ඉඩ දෙන්න.

2025.09.01 දින සිට මා ශ්‍රි ලංකා අධ්‍යාපන පරිපාලන සේවයට එක් වන්නේ සමත්වීමට අපහසු විභාගයකින් සමත්ව අධ්‍යාපන අමාත්‍යාංශයේ සම්මුඛ පරීක්ෂණයෙන් ද සමත්ව General cadre හී දිවයිනෙන්ම තෝරාගත් 40දෙනා අතරට එක් වෙමිනි. එය මට ආඩම්බරයකි. එයද සමහරුන්ට ගැටලුවක් වී ඇති බවක් පෙනේ.

මේ සියල්ල පවසන්නේ උදම් ඇනීමට නොව, ඔබ යොමු කළ ප්‍රශ්නවලට පිලිතුරු වශයෙනි.

ඉතින් තුටින් සමුගනිමි. නිවැරදී නිසාම කාලය එනතුරු නිහඬව සිටියෙමි.වටිනාකමක් දැනෙන තැනකට කැපවීමක් කිරීමට පිටත් වෙමි.
අත්පොළසන් ලැබුණත් නැතත් මට කළ හැකි උපරිමයෙන් මම කළෙමි.. ඒ බැව් මම හොඳින් දනිමි..
දෙවසරකුත් සිව්දිනකුත් ගෙවා 2025 අගෝස්තු 31 වන දිනෙන් නික්මෙන්නේ බැසිලිකා ප්‍රාථමික විදුහලට සුබ අනාගතයක් පතමිනි.

ස්තුතියි..
ජේසු පිහිටයි..
හිටපු විදුහල්පතිතුමිය.
W. S. U. ප්‍රනාන්දු මිය.

මාගේ සේවා කාලය තුළ සිදු කළ අවසන් වැඩසටහන ලෙස දරුවන්ගේ සුරක්ෂිතතාවය පිළිබඳව දෙමාපියන් දැනුවත් කිරීමක් කොළඹ ප්‍රජා පොලිස් කොට්ඨාසයේ ප්‍රධාන පොලිස් පරීකෂක මනෝජ් සමරසේකර මහතා විසින් සිදු කරන ලදී.