Pulathisipura National College of Education

පුලතිසි වෙසක් ! 💙🏮

වෙසක් සඳ සිසිලස මැද,
බුදු ගුණෙන් සිත් සනසන්න...
දහම් සෙවනක් තනන්නට,
දුන් ශ්‍රමය මහා පින්කමකි...
නිවන් දකිනා ජාති දක්වා,
මේ පිනම උතුම් සෙවනක් වේවා ! 🙏🏼

පුලතිසිපුර ජාතික අධ්‍යාපන විද්‍යාපීඨයේ වෙසක් සතියට සමගාමීව, 2026.05.25 දින පොලොන්නරුව මහමෙව්නා අසපුවේදී විශේෂ සීල සමාදාන වැඩසටහනක් පැවැත්විණි.

අසපුවාසී ලොකු ස්වාමීන්වහන්සේගේ සහ ගරු පීඨාධිපතිතුමාගේ ප්‍රධානත්වයෙන් පැවැති මෙම පින්කමෙන් අනතුරුව, 21 කණ්ඩායමේ ආදරණීය ගුරු සිසුන් එකා වන්ව අත්වැල් බැඳගත්තේ බෞද්ධ සාරධර්ම ක්‍රියාවෙන්ම ජීවමාන කරමිනි. ඔවුන් අසපු භූමියේ සංවර්ධන කටයුතු වෙනුවෙන් තම ශ්‍රම දායකත්වය ඉතා ශ්‍රද්ධාවෙන් පූජා කළහ. 🏮🤍

මෙත් සිතින් දායක වූ සැමටත්, දැකබලා සිත පහදවා ගන්නා ඔබ සැමටත් උතුම් වෙසක් මංගල්‍යයක් වේවා! 🌸✨

"පුලතිසි පුරවරේ විසි වසරක් රැඳී,
සාරිපුත්තයෙන් මෙහෙවර නිමා කරනා...
සුනිල් ආනන්ද ගුරු පියාණෙනි,
ඔබේ නාමය අප හදේ සදා රැඳෙනා..."

පුලතිසිපුර ජාතික අධ්‍යාපන විද්‍යාපීඨයේ වසර 20 ක අමතක නොවන මෙහෙවරකින් පසු, නිට්ටඹුව සාරිපුත්ත විද්‍යාපීඨයෙන් සිය සේවා කාලය නිමා කරන අපගේ ආදරණීය ජේ.එම්. සුනිල් ආනන්ද සර්...
​දශක දෙකකට අධික කාලයක් ඔබතුමන් විසින් දැයේ දූ පුතුන්ගේ නැණැස පාදන්නටත්, දහස් සංඛ්‍යාත ගුරු පරපුරක් බිහි කරන්නටත් ඉටුකළ ඒ මහා මෙහෙවර වචනයෙන් විස්තර කළ නොහැකි තරම් අගනේය. ඔබ අපට ඉගැන්වූයේ විෂය කරුණු පමණක් නොව, ජීවිතය ජය ගන්නා ආකාරයයි. 🎓❤️

​කථිකාචාර්යතුමනි, ඔබ කළ ඒ ඉමහත් සේවයට අපගේ හෘදයාංගම කෘතගුණ පූර්වක ප්‍රණාමය මෙසේ පුද කර සිටින්නෙමු!
​ඉදිරි විශ්‍රාමික ජීවිතය නිදුක්, නිරෝගී, වාසනාවන්ත වේවායි අපි එක සිතින් ප්‍රාර්ථනා කරමු! 🙏🌟

ගුරු පරපුරක මග පෙන්වන්නාණෙනි, ඔබට සුභ විශ්‍රාම දිවියක්! 🌸✨


​
​
​
​

පුලතිසිපුර ජාතික අධ්‍යාපන විද්‍යාපීඨයේ නව ගුරු සිසුන් බඳවා ගැනීමේ පළමු වටයේ සම්මුඛ පරීක්ෂණ 2026.04.23 දින සිට 2026.04.26 දක්වා පීඨාධිපතිතුමාගේ ප්‍රධානත්වයෙන් ඉතා සාර්ථකව විද්‍යාපීඨ පරිශ්‍රයේදී පැවැත්වුණි .

ගුරු වෘත්තියට පිවිසීමට පෙරුම් පුරන ඔබ සියලු දෙනාට ජයග්‍රාහී හෙට දවසක් ප්‍රාර්ථනා කරමු !

"ගුරු වෘත්තියේ පළමු පියවර සාර්ථක වේවා!

විද්‍යාපීඨ සම්මුඛ පරීක්ෂණයට පෙනී සිටීමට නියමිත සියලුම දෙනාට පුලතිසිපුර ජාතික අධ්‍යාපන විද්‍යාපීඨයෙන් උණුසුම් සුබපැතුම්!"

පුලතිසිපුර ජාතික අධ්‍යාපන විද්‍යා පීඨයේ පුස්තකාලය සදහා 16 වන කණ්ඩායමේ (2017-2020) පොත් පරිත්‍යාගය.

"එරබදු මල් පිපෙන වසන්තයේ...
සූර්ය දෙවිඳුන්ගේ ආශිර්වාදය මැද..." 🌼🌞

​"සූර්යයා මීන රාශියෙන් මේෂ රාශියට සංක්‍රමණය වන්නටත් පෙර... පුලතිසි පින්බිම වසන්තයේ අසිරියෙන් ඔපවත් වූ වගයි!" 🌞🏮

​නැවුම් බලාපොරොත්තු අරන් එන අවුරුදු කුමාරයා එන්නටත් කලින්, සහෝදරත්වයේත්, අපේකමේත් අසිරිය අරන් ආපු ඒ සොඳුරු දවස මතකද?

​"කාටත් කලියෙන් පුලතිසියට අවුරුදු"

ඒ හුදෙක් උත්සවයක් පමණක්ම නොවූයේ, අප බෙදාගත් ඒ අව්‍යාජ සිනහවන් සහ නිම කළ නොහැකි බැඳීම් නිසාමය. රබන් හඬේ රිද්මයත්, අවුරුදු ක්‍රීඩාවන් මැද ඇසුණු ජයග්‍රාහී හඬත්, කැවිලි මේසයේ සුවඳත් එකට මුසු වී එදා අපේ විද්‍යා පීඨ පරිශ්‍රයම ගම්මානයක් කළ අයුරු තවමත් නැවුම්ව මතකයේ පවතී. 🍃

​එදා ඒ සොඳුරු හෝරාවන් හි නෙත් මානයට හසු වූ අමතක නොවන නිමේෂයන් පෙළගැස්මයි මේ...

​📸 පින්තූර අතරින් එබී බලන්න... ඒ සුන්දර මතකයන් අතරේ ඔබත් කොහේ හෝ ඉන්නවා ඇති!

​අපේකම රැකගන්නට වෙර දරන, හෙට දවසේ ගුරු පරපුරේ "පුලතිසි වසන්තය" මෙලෙස සටහන් කර තබමු.

ආවඩා ආයුබෝ වේවා...!

🙏💙

✍️🎓