Nagalakanda College ICT Club

ඔබගේ පුංචි ආධාරය ඔවුන්ට ජීවිතය ගෙනෙයි..

මේ වන විට අප පාසලේ 9 වන ශ්‍රේණියේ ඉගෙනගන්න M.K ලක්ෂාන් සඳරුවන් පුංචි පුතා වකුගඩු රෝගය හේතුවෙන් පේරාදෙණිය මහ රෝහලේ ප්‍රතිකාර ලබා නිවසට පැමිණි අතරවාරයේ නැවත අසාධ්‍යව පොළොන්නරුව මහ රෝහලේ ප්‍රතිකාර ලබමින් සිටියි.

ඔහුගේ වැඩිමහල් සොහොයුරාද වසර කිහිපයක සිට වකුගඩු රෝගයෙන් පීඩා විඳිමින් සිට පසුගිය දිනක පොළොන්නරුව වකුගඩු රෝහලේදී පියා විසින් පරිත්‍යාග කරන ලද වකුගඩු බද්ධ කිරීමේ සැත්කමකට මුහුණ දෙන ලදී.ඔහුද අප පාසලේ 11 ශ්‍රේණියේ ඉගෙනුම ලැබූ ශිෂ්‍යයෙක්.

එකම පවුලේ මේ දරුවන්ට සිදුව ඇති මෙම අවාසනාවන්ත තත්වය හමුවේ දරුවන්ගේ ප්‍රතිකාර වියහියදම් දරාගත නොහැකිව මව්පියන් දැඩි අසරණභාවයකට පත්ව ඇත.

මෙම පවුලට ශක්තියක් වෙමින් මේ පුංචි අහිංසක ජීවිත බේරාගැනීමට ඔබට හැකි අයුරින් කුමන හෝ මුදල් ආධාරයක් ලබාදීමට කාරුණික වන මෙන් විද්‍යාලයීය විදුහල්පතිතුමා ඇතුළු ආචාර්‍ය මණ්ඩලය ලෙස අප ඉතා ගෞරවයෙන් ඉල්ලා සිටිමු.

බැංකු ගිණුම් විස්තර

නම - M.K සුනිල් ශාන්ත(පියා)
බැංකුව - ලංකා බැංකුව
ගිණුම් අංකය - 70909332
ශාඛාව - මින්නේරිය

2025 අ.පො.ස උසස් පෙළ විභාගයෙන් නාගලකන්ද මහා විද්‍යාලයෙන් මෙවර කලා විෂය ධාරාව ඔස්සේ පෙනී සිටි සිසුන් පස් දෙනාගෙන් දෙදෙනෙකුම විශ්ව විද්‍යාල වරම් හිමිකරගෙන ඇත.
ඔවුන් දෙදෙනාම සියලු විෂයන්ට විශිෂ්ට සාමාර්ථ හිමිකරගැනීමට සමත්ව ඇත.

🟢හසිනි උමායා

සිංහල A
බෞද්ධ ශිෂ්ටාචාරය A
ඉතිහාසය A

🟢ලකීෂා සෙව්මිණි

සිංහල A
ක්‍රිස්තියානි ධර්මය A
භූගෝල විද්‍යාව A

පාසලෙන් උසස් පෙළ අංශය අවසන් කිරීමට කටයුතු යෙදෙමින් ඇති මෙවන් මොහොතක ඔබ පාසලට ලබා දුන් මෙම ජයග්‍රහණය නාගලකන්ද උසස් පෙළ අංශය ප්‍රදේශයේ දිරිය දරුවන්ට තවදුරටත් වරම් ලබාදෙන තෝතැන්නක් බව තවදුරටත් නැවත නැවතත් ඔප්පු කරමින් සිටියි.

දියණියනි, ඔබ නාගලකන්ද විදුහල් මෑණියන්ගේ අභිමානයයි..!

විදුහල්පතිතුමා ඇතුළු මඟ පෙන් වූ සියලු ගුරුභවතුන්ට පාසල් මෑණියන්ගේ ප්‍රණාමය!

ඔබට උණුසුම් සුබ පැතුම්!!!

2026/27 වර්ෂය සඳහා පො/නාගලකන්ද මහා විද්‍යාලයීය උ/පෙළ වෘත්තීය විෂය ධාරාවට අයදුම්පත් කැඳවීම 2026-03-20 දින සිට සිදුවන අතර 2026-03-26 වන දින පාසල තුළ සිසුන් ලියාපදිංචිය සිදු වේ. එදිනට අප හා එක්වන්නට ඔබ සැමට ආරාධනා...❤

අයදුම් කිරීම සඳහා ආකෘති පත්‍රය comment section එකේ..👍

2026 මාර්තු 14 වන දිනට යෙදෙන "ජාත්‍යන්තර ගණිත දිනය (Piday)" නිමිති කරගෙන අප පාසල තුළදී වැඩසටහනක් දියත් කෙරිණි.

2026 වර්ෂයට 6 ශ්‍රේණිය සඳහා නවක සිසු දුවා දරුවන් පාසලට ඇතුළත් කරගැනීම නිමිති කොටගෙන සංවිධානය කරන ලද සරල වූ අභිමානවත් උළෙල පසුගිය ජනවාරි 09 වන සිකුරාදා දින විද්‍යාලයේදී පැවැත්විණි.

නව අධ්‍යාපන ප්‍රතිසංස්කරණයන්හි මූලික පියවර ඇරඹෙන මෙම වසරේ මේ පුංචි මල් කැකුළු වල ඉදිරි අනාගතය සර්වප්‍රකාරයෙන් සාර්ථක වේවා යි අපි සියලු දෙනා ඉත සිතින් ප්‍රාර්ථනා කරමු.

"එන්න පිපෙන්න නාගල කඳු පාමුල..
සරසමු අපි ලෝකයම.."💐

ශාන්ති රාජකරුණා ගුරුමෑණියන්ගේ ගුරු දිවියේ අවසන් දිනය නාගලකන්ද විදු පියසේදී
මෙසේ සනිටුහන් විය..

2025 ඔක්තෝබර් 06දින ට යෙදී තිබූ ලෝක ගුරු දිනය නිමිත්තෙන් නාගලකන්ද සිසු දරුවන් සංවිධානය කර තිබූ ගුරු උපහාර උළලේ අවස්ථා කිහිපයක්..

"ගුරුවරයෙකුට ඔබ දක්වන උසස්ම උපහාරය වන්නේ ගුරුවරයා පෙන්වන යහමඟ ගමන් ගැනීමයි..අන් කිසිදු උපහාරයක් ඒ තරම් වටින්නේ නැත..💛"