16/05/2026
වයසට වඩා වැඩියෙන් තම දක්ශතා පෙන්වූ පුද්ගලයින් පිළිබද ඔබ අසා තිබෙනවා නේද? අද මේ කතා කරන්න යන්නේ එවැනි අති දක්ශ ගැටබෙර වාදනයේ ප්රවීණයකු සම්බන්ධවයි. එනම් සත් කෝරළයේ වදුරැස්සෙගම පරම්පරාවෙන් පැවත එන අසංක ජයරත්න Asanka Jayarathne නම් ප්රවීණ . අති දක්ශ වාදන ශිල්පියානන් ය. මෙතුමා තම කුඩා අවදියේ සිට සිරිල් වදුරැස්සෙගම නම් ගාන්ධර්වයානන් තුරුලේ නර්තනය හා ගැටබෙර වාදනය හැදෑරුවේය. කෙතරම් එය ප්රගුණ කලාද කිවතොත් කොහොඹා කංකාරි ශාන්තිකර්මයට අද වනවිට අත්යවශ්ය වාදන ශිල්පියෙකු බවට පත් වී ඇත. මෙතුමාගේ මා දකින සුවිශේෂීම දක්ශතාවය නම් මෙතුමා සතුව ඇති දැනුම් සම්භාරයයි. එය කෙසේද කිවහොත් බෙර වාදනයේ ඕනෑම ස්තානයක් පිළිබද හසල දැනුමක් මෙතුමා සතු වේ. තවද විශේෂම ලක්ශණය නම් ඕනෑම වාදන ශිල්පියෙකු වාදනය කරනා පදයක් ක්ශනිකව අවබෝධ කරගෙන එය එසැනින් වාදනය(බෙර ගෙවීම) කිරීමට මෙතුමාට හැකි වීමයි. අප අසා ඇති ආකාරයට එවැනි ශිල්පීන් ඇත්තේ ඉතා සුළු ප්රමාණයකි. සත් කෝරලයේ සිටි දැවැන්ත රුක්ශයන් බදු අදවන විට මෙලොවින් සමුගත් කලා ශිල්පීන් සමග පෙලෙහි අන්තිමට හෝ සිට බෙර වාදනය කිරීමේ වාසනාවද මෙතුමාහට හිමි වීම ඉතාමත් භාග්යවන්ත කරුණකි උදාහරණයක් ලෙස සිරි අහුගොඩ, සෝමදාස අහුගොඩ, සිරිල් වදුරැස්සෙගම ,රණවන මාටින්, සියඹලාවැහැර චාලි වැනි ශේෂ්ඨ වාදන ශිල්පීන් සමග මෙතුමා කුඩාකල සිට කංකාරි මඩුවේ ඇසුර ලබා ඇත. එසේම ගරායක් කංකාරිය, පන්දම් දොලහ ශාන්තිකර්මය වැනි ශාන්තිකර්ම වලට අදාල බෙර පද හා වාදන ශෛලිය පිලිබදව ද මෙතුමා සතු දැනුම් සම්භාරයක් ඇත. බෙර වාදනය පමණක් නොව තම්මැට්ටම් වාදනයෙහි ද මොහුට මනා හැකියාවක් හා දක්ශතාවයක් ඇත. සුවිශේෂීම කරුණ නම් මෙතුමා ශාස්ත්රපති උපාධිධාරියෙක් , බාහිර කථිකාචාර්ය වරයෙකු හා පර්යේශකයකු වැනි අධ්යාපනික වපසරියක් ගොඩනගා තිබීමයි. මෙතුමා කුරුණෑගල මලියදේව විද්යාලයෙන් අධ්යාපනය ලබූ කීර්තිමත් ශිෂ්යයෙකි. මෙවැනි කලා ශිල්පීන් රටට ජාතියට මහා සම්පතකි.බෙර වාදන ශිල්පීන් ඇත,තවත් බිහිවේ මාගේ ඒකායන ප්රාර්ථනය ඔබවැනි ගාන්ධර්ව වාදකයින් මේ ධරණි තලයේ පහල වේවා. කලාවේ පිනට උපන් ඔබට තව තවත් කලාලොව බැබලෙන්නට ශක්තිය ධෛර්යය වාසනාව ලැබේවා!! උතුම් ත්රිවිධ රත්නයේ පිහිටයි ඔබට ආදරණීය කලාකරුවානනී 💗🙏
