World Buddhist Communication Forum

15/05/2026

15/05/2026

🔴කැනඩාව මැයි මාසය
‘බෞද්ධ උරුම මාසය’ ලෙස
නිල වශයෙන් නම් කරයි

ලෝක බෞද්ධ ඉතිහාසයේ සුවිශේෂී සන්ධිස්ථානයක් සනිටුහන් කරමින්, සෑම වසරකම මැයි මාසය ‘බෞද්ධ උරුම මාසය’ (Buddhist Heritage Month) ලෙස ප්‍රකාශයට පත් කිරීමට කැනඩාව පියවර ගෙන තිබේ. ජාතික මට්ටමින් බෞද්ධ උරුමය සැමරීම සඳහා මෙලෙස සම්පූර්ණ මාසයක් නිල වශයෙන් වෙන් කළ ලොව ප්‍රථම රාජ්‍යය ලෙස කැනඩාව මෙලෙස ඉතිහාසගත වේ.

මෙම ඓතිහාසික තීරණයට පදනම වී ඇත්තේ ශ්‍රී ලාංකික සම්භවයක් සහිත කැනේඩියානු බෞද්ධ නායකයකු වන විසිත සිරින් ලීලාරත්න මහතා විසින් ඉදිරිපත් කරන ලද e-6893 දරන මහජන පෙත්සමයි. රට පුරා විසිරී සිටින කැනේඩියානුවන් 3,102 දෙනෙකුගේ අත්සනින් යුත් මෙම පෙත්සම කනාටා ආසනය නියෝජනය කරන පාර්ලිමේන්තු මන්ත්‍රී ජෙනා සඩ්ස් (Jenna Sudds) මහත්මිය විසින් කැනේඩියානු පාර්ලිමේන්තුවට නිල වශයෙන් ඉදිරිපත් කරනු ලැබීය.

කැනඩාව තුළ බෞද්ධයන් ලෙස තමන්ව හඳුන්වා ගන්නා පිරිස 300,000 ඉක්මවන අතර, ඔවුන් එරට අධ්‍යාපන, සෞඛ්‍ය සහ ප්‍රජා සේවා ක්ෂේත්‍රයන්ට දක්වන දායකත්වය මෙහිදී ඇගයීමට ලක්ව ඇත. ලොව පුරා පිළිගැනීමට ලක්ව ඇති වෙසක් උත්සවය යෙදෙන මැයි මාසය, බෞද්ධ උරුමය සැමරීමට වඩාත් සුදුසු කාලය බව පාර්ලිමේන්තු මන්ත්‍රීවරිය මෙහිදී අවධාරණය කළාය.

මෙම ප්‍රකාශනයට සමගාමීව, ඔටාවා නගරාධිපති මාක් සට්ක්ලිෆ් (Mark Sutcliffe) මහතා විසින් ඔටාවා නගරය තුළද 2026 මැයි මාසය ‘බෞද්ධ උරුම මාසය’ ලෙස නිල වශයෙන් ප්‍රකාශයට පත් කරන ලදී. බෞද්ධ උරුම මාසයක් ප්‍රකාශයට පත් කළ ප්‍රථම බටහිර අගනගරය ලෙස ඔටාවා නගරය වාර්තාගත වේ. එමෙන්ම කැනේඩියානු අගමැති මාක් කාර්නේ (Mark Carney) මහතා ද නිල ප්‍රකාශයක් නිකුත් කරමින්, බෞද්ධ සම්ප්‍රදායන් සහ වටිනාකම් පිළිබඳ ගැඹුරු අවබෝධයක් ලබා ගැනීමට කැනේඩියානුවන් දිරිමත් කර තිබේ.

මෙම නීතිය සම්මත වීමත් සමඟ, බෞද්ධ ජනතාවගේ සංස්කෘතික සහ ආගමික දායකත්වය ජාතික මට්ටමින් ඇගයීමට ලක් කරන ලොව පුරෝගාමී බටහිර රාජ්‍යය බවට කැනඩාව පත්වීම ශ්‍රී ලංකාව ඇතුළු ලෝක බෞද්ධ ප්‍රජාව ලැබූ සුවිශේෂී ගෞරවයකි..

24/11/2025

Religious Programme in Commemoration of the 70th Anniversary of Diplomatic Relations between Sri Lanka and Thailand, at Wat Wachira Thammaram, Phra Nakhon Si Ayutthaya,

07/05/2025

United Nations Day of Vesaak 2025 -Vietnam

06/05/2025

United Nations Day of Vesak 2025- Most Venerable prof, Dr, Phra Brahmapundith, president of the International Day of vesak Council.