Peradeniya Central College

🌸 2026 අ.පො.ස. (උසස් පෙළ) විභාගයට පෙනී සිටින අපේ දූ දරුවන්ට උණුසුම් සුබ පැතුම්! 🌸

වසර ගණනාවක් පුරා ඔබ ලැබූ දැනුම, කළ කැපවීම සහ නොපසුබස්නා උත්සාහය අද ඔබේ ශක්තියයි. 💪📚

ඔබේ සිහින සැබෑ කරගැනීමට අවශ්‍ය ධෛර්යය, විශ්වාසය සහ සාර්ථකත්වය ඔබට ලැබේවා! ✨

📝 විභාගයට සාර්ථකව මුහුණ දෙමින්,
🏆 ඔබේ උපරිම දක්ෂතා දැක්වීමට හැකි වේවා!

ඔබ සැමට ජයග්‍රාහී අනාගතයක් වේවා! ❤️

🙏 විදුහල්පතිතුමන් ඇතුළු ආචාර්ය මණ්ඩලය
මහ/පේරාදෙණිය මධ්‍ය මහා විද්‍යාලය

පේරාදණිය මධ්‍ය මහා විද්‍යාලයේ කාර්යාලීය කටයුතු සදහා නවතම පරිඝණකයක් මහනුවර ESOFT ආයතනය විසින් අද දින පරිත්‍යාග කරන ලදි.

මේ සඳහා දායකත්වය දැක්වූ ESU CAMPUS කළමණාකරු ලක්ප්‍රිය වීරසිංහ මහතා ඇතුළු කණ්ඩායම වෙත අපගේ ගෞරවාන්විත ස්තූතිය පුද කර සිටිමු.

2026.07.30 දින 17න් පහළ පේරාදෙණිය ම.ම.වි සහ ධීරානන්ද මහා විදුහල අතර පැවති තරගයේ කඩුලු 6 ක ජයග්‍රහණයක් ලැබීමට අප විදුහල් ක්‍රිකට් කණ්ඩායම සමත් විය.
අද තරගයත් සමග17න් පහළ පළමු වටයේ සියලුම තරග ජයග්‍රහණය කිරීමට අප විදුහල් කණ්ඩායම සමත් විය

DSI සුපර් ස්පෝර්ට් වොලිබෝල් තරගාවලිය - 2026 මහනුවර දිස්ත්‍රික්කය,

19 න් පහල බාලක - ප්‍රථම ස්ථානය
17 න් පහල බාලිකා - ප්‍රථම ස්ථානය
15 න් පහල බාලිකා - දෙවන ස්ථානය

දිනාගනිමින් පේරදෙණිය මධ්‍යම මහා විද්‍යාලය සමස්ත ලංකා තරග සදහා සුදුසුකම් ලැබූහ.

වසර දෙක හමාරක කාලයක් පුරාවට රතුකුරුස වැඩසටහන් සඳහා දැක්වූ සක්‍රීය දායකත්වය අගය කරනු වස් පේරාදෙණිය මධ්‍ය මහා විද්‍යාලයේ ප්‍රථම රතුකුරුස කවයේ සියළුම සාමාජික සාමාජිකයින් සඳහා 2027/07/28 වන දින ක්‍රියාකාරි දායකත්ව පදක්කම මහනුවර රතුකුරුස ශාඛාවේ දී පිරිනමන ලදී. මෙය ඔවුන් ලබා ගත් සිව්වැනි පදක්කම බවද සතුටින් දන්වා සිටිමි .

ශ්‍රී ලංකා රතුකුරුස සමාජයේ මහනුවර ශාඛාව මගින් සංවිධානය කල 2026/07/28 වන දින පරවැති මහනුවර දිස්ත්‍රික්කයේ පාසල් රතුකුරුස කව අතර දැනුම මිනුම තරගයෙන් පේරාදෙණිය මධ්‍ය මහා විද්‍යාලයේ පළමු කවය නියෝජනය කරමින් සහභාගි වූ කවයේ සාමාජික , සාමාජිකයින් එම තරගයේ අනුශූරතාවය දිනා ගන්නා ලදී. සහභාගි වී ජයග්‍රහණය කල සියළුමදෙනාට විද්‍යාලයේ උණුසුම් සුභ පැතුම් 💐💐💐💐

නව පරපුරේ ICT දැනුම සවිබල ගැන්වීමට තවත් අගනා පියවරක්.

Infortec International Technologies 🎓විසින් සංවිධානය කරන ලද G.C.E. Ordinary Level ICT Practical Seminar වැඩසටහන, පේරාදෙණිය මධ්‍ය විද්‍යාලයේ O/L සිසුන්ගේ ක්‍රියාකාරී සහභාගීත්වයෙන් සාර්ථකව පැවැත්විණි.

මෙම සම්මන්ත්‍රණය තුළ ICT විෂයයේ ප්‍රායෝගික අංශ පිළිබඳ නිවැරදි අවබෝධයක් ලබාදීම, විභාගයට අදාළ ප්‍රායෝගික කුසලතා වර්ධනය කිරීම සහ නවීන තාක්ෂණික මෙවලම් කාර්යක්ෂමව භාවිතා කිරීම පිළිබඳ ප්‍රායෝගික මඟපෙන්වීම් සිදු කරන ලදී.

සිසුන්ගේ විශ්ලේෂණාත්මක චින්තනය, ගැටලු විසඳීමේ හැකියාව සහ ඩිජිටල් කුසලතා තවදුරටත් වර්ධනය කිරීම මෙම වැඩසටහනේ මූලික අරමුණ වූ අතර, ඔවුන්ගේ උද්යෝගිමත් සහභාගීත්වය එහි සාර්ථකත්වයට විශාල දායකත්වයක් ලබා දුන්නේය.

අනාගතයේ තාක්ෂණික ක්ෂේත්‍රයට සූදානම් වූ, දැනුමෙන් හා කුසලතාවයෙන් සවිබල ගැන්වූ සිසු පරපුරක් බිහිකිරීම වෙනුවෙන් Infortec International Technologies Campus අඛණ්ඩව කැපවී සිටී.

Empowering Future Innovators Through Technology Education.

17 න් පහළ අන්තර් පාසල් ක්‍රිකට් තරගාවලිය 2026
iii කාණ්ඩයේ ක්‍රිකට් තරගාවලියේ ප්‍රථම තරගය
පේරාදෙණිය මධ්‍ය මහා විදුහල සභ ගන්නෝරුව රණබිම රාජකීය විදුහල අතර 2026.07.07 වන දින රණබිම රාජකීය විදුහල් ක්‍රීඩාංගණයේදී පැවති අතර පේරාදෙණිය මධ්‍ය මහා විදුහල ලකුණු 365 ක් ලබා ගනිමින් රණබිම රාජකීය පිළ ලකුණු 115 කට දවාලීමටද සමත්වූ අතර ලකුණු 250 ක අතිවිශිෂ්ට ජයග්‍රහණයක් ලබා ගන්නා ලදි.