NCOE applicants 2023-2024

09/03/2026

Error 404
Brain not braining 😂

05/01/2026

සුබ දවසක් වේවා
දැනටමත් 2025 වර්ෂයට අදාළව විද්‍යාපීඨ ගැසට් පත්‍රය 2025.11.07 වන දින නිකුත් උනා.ඒවගේම තමයි අයැදුම්පත් සම්පූර්ණ කිරීමේ කාලයත් මේවෙද්දි අවසන් වෙලා තියෙනවා.
දැන් විද්‍යාපීඨ යන්න බලන් ඉන්න හැමෝටම තියෙන ප්‍රශ්නයක් තමයි කවද වගේ විද්‍යාපීඨ interview list එක නිකුත් වෙයිද කියන එක?

හොඳයි අපි දැන් බලමු මීට පෙර අවසාන විද්‍යාපීඨ බඳවා ගැනීමේ කණ්ඩායම වෙච්ච 2021/2022 උසස් පෙළ කණ්ඩායම් වලට කොයි වගේ කාල රාමු වලදීද interview list එක නිකුත් වුණේ කියලා.

2021/2022 උසස් පෙළ කණ්ඩායම් වල අයැදුම් කරුවන්ට ජාතික අධ්‍යාපන විද්‍යාපීඨ සඳහා බඳවාගැනීමේ ගැසට් පත්‍රය නිකුත් වුණේ 2024 මාර්තු 15 වෙනිදා.
ඒ වගේම තමයි ඒ අවුරුද්දේ විද්‍යාපීඨ අයැදුම් කළ හැකි අවසාන දිනේ උනේ 2024 අප්‍රේල් 05 වෙනිදා.
2021/2022 උසස් පෙළ වර්ෂ වලට අදාළව විද්‍යාපීඨ interview list එක නිකුත් උනේ 2024 ජුනි මාසයේ අග (ජුනි 20 ත් 27 ත් අතර) දිනයකදී.
ඒ අනුව 2021/2022 ජාතික අධ්‍යාපන විද්‍යාපීඨ සඳහා අයැදුම් කරපු අයැදුම් කරුවෙක් උපරිම වශයෙන් "මාස 02 දවස් 22 ක්" වගේ කාලයක් අයැදුම් කිරීමේ අවසාන දිනයේ ඉඳලා interview list එක නිකුත් වෙනකන් බලන් ඉඳලා තියෙනවා.

දැන් අපි යමු 2023/2024 උසස් පෙළ වර්ෂවලට අදාළව විද්‍යාපීඨ ගැසට් පත්‍රය සම්බන්ධ දින වකවානු පිළිබඳව,

2023/2024 උසස් පෙළ වර්ෂවලට අදාළව ජාතික අධ්‍යාපන විද්‍යාපීඨ ගැසට් පත්‍රය නිකුත් වුණේ 2025 නොවැම්බර් 07 වෙනිදා.ඒ වගේම තමයි අයැදුම් කිරීම සඳහා තිබූ අවසන් දවස තමයි 2025 දෙසැම්බර් 05.

අපිට කලින් අවුරුද්දෙ දින වකවානු අනුව අද (ජනවාරි 05) අනුමානයක් කරන්න පුළුවන් තව මාස 01 දවස් 22 කින් interview list එක නිකුත් කරාවි කියලා.

දැන් කෙනෙක් තර්ක කරන්න පුළුවන් කොහොමද කලින් අවුරුද්දෙ දින වකවානු එක්ක මේ අවුරුද්ද සංසන්දනය කරන්නෙ? ඒක එහෙම වෙනවද කියලා.
ඒ අයට නොවැම්බර් 07 වෙනිදා ආපු ගැසට් පත්‍රය පිළිබඳව 2025 ජූලි 31 වෙනිදා කරපු අනුමානයක් ගැන සටහනක් පහතින් යොමු කරන්නම්.

විද්‍යාපීඨ යන්න බලාපොරොත්තුවෙන් ඉන්න හැමෝම දැන් අහන දෙයක් තමයි.

*"කවද්ද පීඨ ගැසට් වෙන්නේ ?"* කියන ප්‍රශ්නය,

මීට කලින් විද්‍යාපීඨ ගැසට් වුණු අවුරුද්ද වෙච්ච 2024 දී ගැසට් උනේ 2021(22) උසස් පෙළ කණ්ඩායමට සහ 2022(23) උසස් පෙළ කණ්ඩායමටයි.

_අපි දැන් බලමු මේ කණ්ඩායම් දෙක එයාලගේ උසස් පෙළ ප්‍රතිඵල වලින් පස්සේ කොච්චර කාලයක් විද්‍යාපීඨ ගැසට් වෙනකන් ඉඳලද කියලා_

* 2021(22) උසස් පෙළ කරපු අයට එයාලගේ උසස් පෙළ ප්‍රතිඵල ලැබුණේ 2022 අගෝස්තු 28 වෙනිදා (2022.08.28)
* 2022(23) උසස් පෙළ කරපු අයට එයාලගේ උසස් පෙළ ප්‍රතිඵල ලැබුණේ 2023 සැප්තැම්බර් 04 වෙනිදා.(2023.09.04)
මේ දෙගොල්ලන්ටම විද්‍යාපීඨ ගැසට් වෙන්නේ *2024 මාර්තු 15 වෙනිදා.*

ඒ විදියට බලද්දී,
* 2021(22) උසස් පෙළ කරපු ළමයෙක් තමන්ගේ උසස් පෙළ ප්‍රතිඵල ලැබුණු දවසේ ඉඳලා
*අවුරුදු 01 මාස 06 දින 17* ක්
විද්‍යාපීඨ ගැසට් වෙනකන් බලන් ඉඳලා තියෙනවා.
* 2022(23) උසස් පෙළ කරපු ළමයෙක් තමන්ගේ
උසස් පෙළ ප්‍රතිඵල ලැබුණු දවසේ ඉඳලා
*මාස 06 දින 11* ක්
විද්‍යාපීඨ ගැසට් වෙනකන් බලන් ඉඳලා තියෙනවා.
* මේ ගැසට් එක එද්දී වඩා අඩු කාලයක් ඇතුලත තේරුණු කණ්ඩායම වෙච්ච 2022 උසස් පෙළ කණ්ඩායමේ විශ්ව විද්‍යාල ප්‍රවේශ කඩඉම් ලකුණු ඒ කියන්නෙ 2022 Cut off marks තුත් ඇවිත් ඉවරයි.

හරි,අපි දැන් කතා කරන්න යමු මේ අවුරුද්දේ පළවීමට නියමිත ගැසට් එක ගැන.
ගොඩක් අය කියන්නේ හෙටින් පටන්ගන්න අගෝස්තු මාසෙ මේක ගැසට් වෙයි කියලා.
*නමුත් එයාලවත් දන්නේ නෑ හරියටම අගෝස්තු වල ගැසට් වෙයිද කියලා.*

හැබැයි 2023(24) සහ 2024(25) උසස් පෙළ කණ්ඩායම් දෙකම ගන්නවනං ගැසට් එක අගෝස්තු ඒවි කියලා හිතන්න අමාරුයි.
මොකද සාමාන්‍යයෙන් 2024 cutoff marks ආවාට පස්සෙ තමයි විද්‍යාපීඨ ගැසට් වෙන්නේ.

කොහොම උනත් 2023(24) කණ්ඩායම අනිවාර්යයෙන්ම මේකෙදි තෝරාගැනෙන කණ්ඩායම නේ.
අද 2025 ජූලි 31 වෙද්දී,
* 2023(24) උසස් පෙළ කණ්ඩායමේ ළමයෙක් තමන්ගේ උසස් පෙළ ප්‍රතිඵල ආපු 2024 මැයි 31 වෙනිදා ඉඳලා *අවුරුදු 01 මාස 02* ක කාලයක් බලාගෙන ඉඳලා තියෙනවා.

කලින් අවුරුදු වල දින ගනන් එක්ක බලද්දී,ඒ ගැසට් උනු විදියට කාල වකවානු සැලකුවොත් තව මාස 4 ක් වත් යාවි ගැසට් වෙන්න.

*(සැ.යු.:- මං මේ කිව්වේ පොතේ හැටියට වෙන්න පුළුවන් දෙයක්.මේක වෙනස් වෙන්න පුළුවන්.)*

10/10/2025

කොන්ද පණ නැති පීඨ page වල වැඩ.

සුබ දවසක් වේවා.අපි හොඳටම දන්නවා දැනටමත් 2023/2024 batch වලට විද්‍යාපීඨ ගැසට් වෙන එකේ සැලකිය යුතු ප්‍රමාදයක් තියෙනවා කියලා.
ඉතින් මේ ගැන විස්තර හොයන්න ළමයි දිනපතාම වගේ අමාත්‍යාංශ වලට දුරකථන මාර්ගයෙන් සම්බන්ධ කරගනිමින් තොරතුරු ලබාගන්නවා.
ඒ වගේම තමයි ළමයි මේ ඉන්න පීඩනකාරී තත්ත්වය උපයෝගී කරගෙන තමන්ගෙ බඩ වඩාගන්න උදවියත් අපි දකිනවා.
ඒ වගේ බඩ වඩාගන්න තුප්පහි වැඩ කරන පීඨ page එකක් ගැන තමයි මං දැන් මේ කියන්න යන්නේ.
මේ Facebook පේජ් එක නමින් peeta page පීඨ අපේ පිටුව
2023/2024 ළමයින්ට වෙච්ච අසාධාරණය ගැන ගිය සතියේ ලියල දාපු post එකට පොරත්වයක් ආරූඪ කරගෙන කොන්දක් තියෙනවද කියලා අපෙන් අහපු උත්තමයා.
ඒත් 2025.10.10 මේ උත්තමයා කාගෙවත් අනුදැනුමකින් තොරව වෙනත් කෙනෙක් ගේ Call recording එකක් තමන්ගේ youtube channel එකේ පළ කරලා තියෙනවා.
හොඳම දේ කියන්නේ මේ උත්තමයා අරගෙන තියෙන්නෙත් මේ උත්තමයා ගිය සතියේ කොන්දක් තියෙනවද කියලා අහපු 2023/2024 විද්‍යාපීඨ අයදුම් කරන්න බලාපොරොත්තුවෙන් ඉන්න මගේ හිතවත් සහෝදරයෙක් ගේ call recording එකක්.
ලැජ්ජයි ඕයි.
නිකන් ළමයින්ගෙ පීඩනය පාවිච්චි කරලා තමන්ගේ Youtube channel එක up කරගන්නවාට වඩා හොඳයි හිඟා කන එක.

04/10/2025

අධ්‍යාපනය පීචං කරන සිරි ලංකාවේ වැඩ

අපි දන්නවා 2023(24) උසස් පෙළ ළමයින්ගේ ප්‍රතිඵල ඇවිල්ලා දැනට අවුරුදු එකහමාරක් වෙනවා.නමුත් තවමත් එම උසස් පෙළ වර්ෂයට අදාළ ජාතික අධ්‍යාපන විද්‍යාපීඨ ගැසට් පත්‍රය නිකුත් වෙලා නැහැ.

2025 මැයි මාසයේ ඉඳන්ම ළමයි අධ්‍යාපන අමාත්‍යාංශයේ විද්‍යාපීඨ ශාඛාව සම්බන්ධ කරගෙන මේ පිළිබඳව විමසීමේදී එයාලාගෙ පිළිතුර වුණේ 2025 අගෝස්තු මාසයේදී ගැසට් පත්‍රය නිකුත් වනවා කියලයි.

නමුත් 2025 අගෝස්තු මාසයේ සම්බන්ධ කරගත්තම ඔවුන් කිව්වෙ තව මාස එකහමාරක් විතර යනවා ඉන්පස්සෙ ගැසට් පත්‍රය නිකුත් කරනවා කියලයි.

2025 සැප්තැම්බර් මාසයේදී අධ්‍යාපන අමාත්‍යාංශය සම්බන්ධ කරගත්තම ඔවුන් කිව්වෙ තව සති දෙකකින් ගැසට් පත්‍රය නිකුත් කරනවා කියලයි.

නමුත් මේ වෙද්දිත් ඔවුන් ගැසට් පත්‍රය නිකුත් කරන නිශ්චිත දිනයක් ප්‍රකාශ කරලා නැහැ.මොකක්ද මේකේ තේරුම?
නොසැලකිලිමත් නිලධාරීන්ගෙ මුග්ධ ක්‍රියා නිසා නිකන් නිරපරාදේ නාස්ති වන්නේ ළමයින්ගේ කාලය නෙවෙයිද?

තව කිහිප දිනකින් විද්‍යාපීඨ වලින් කණ්ඩායමක් සීමාවාසි ගුරු පුහුණුවට නික්මෙනවා.ඒ වගේම ලබන අවුරුද්දේ ජූලි මාසයේදි ඉතිරි කණ්ඩායම විද්‍යාපීඨ වලින් සීමාවාසි ගුරු පුහුණුවට නික්මෙනවා.
අලුත් කණ්ඩායමක් බඳවා ගන්න හොඳාකාරවම ඉඩප්‍රස්ථා සැලසිලා තියෙද්දිත්,ගැසට් පත්‍රය නිකුත් නොකර තව තවත් ළමයින්ගේ කාලය අපතේ යැවීමද ඔය කියන මහලොකු අධ්‍යාපන ප්‍රතිසංස්කරණ?

මුග්ධ අලස නිලධාරීන් නිසා ළමයින්ගේ වටිනා කාලය සෑහෙන්න අපතේ යනවා.ගැසට් වීමේ නිශ්චිත දිනයක් නොමැති නිසා ළමයින් හට පාඨමාලාවකටවත් බැඳෙන්න අවස්ථාවක් නෑ.මේ ගැන කවුරුවත් හඬ නගන්නෙ නැත්තෙ ඇයි?

මේ දේවල් වලට සමස්ථ විද්‍යාපීඨ පද්ධතිය,අධ්‍යාපන අමාත්‍යාංශය සහ ජාතික අධ්‍යාපන ආයතනය සම්පූර්ණයෙන්ම වගකිව යුතුයි.

විශ්වවිද්‍යාල ගැටලු පිළිබඳව කඩිනම්ව සොයා බලන අගමැතිනියවත් මේ ගැන කිසිදු තැකීමක් නොකර සිටීම මගින්ම කියන්න පුළුවන් රටේ ගුරු ප්‍රජාව පිළිබඳව ආණ්ඩුවේ තැකීම කොයිතරම් ද කියලා.

කිසිම වගකීමක් නැති නිලධාරීන්ගේ අමන,මුග්ධ,කාලකණ්ණි ක්‍රියාවන් හමුවේ තවදුරටත් නිද්‍රා සහගතව සිටීම විද්‍යාපීඨ ගුරු වෘත්තිය වළ පල්ලට යැවීමක් නොවේද?

අවධානයට ❗️

02/10/2025

ප්‍රතිසංස්කරණ මුවාවෙන් විද්‍යාපීඨ ගැසට් පත්‍රය නිකුත් කිරීම තව තවත් ප්‍රමාද කිරීම ළමයින්ගේ කාලය අපතේ යැවීමක් නොවේද?

15/09/2025

ජාතික අධ්‍යාපන ආයතනයේ ඉබි ගමන

සුබ දවසක් වේවා.
අද මං මේ කතා කරන්න යන්නේ ජාතික අධ්‍යාපන ආයතනයේ රාජකාරී කරන මහත්ම මහත්මීන්ගේ මුග්ධ සහ අලස ක්‍රියාකලාපය ගැනයි.
ලංකා ගුරු සේවා සංගමය 2024.09.13 වෙනිදා ප්‍රකාශයක් කරනවා 2023/2024 වර්ෂ වලට අදාළ විද්‍යාපීඨ බඳවා ගැනීමේ ගැසට් පත්‍රය නිකුත් නොවීම නිසා ළමයි 8000 ක් පමණ අපහසුතාවයට පත් වෙලා ඉන්නවා කියලා.
මෙහෙම රටේ ළමයි අපහසුතාවයට පත්වෙලා ඉඳිද්දි මුඛයයි අධෝමාර්ගයයි වසාගෙන ජාතික අධ්‍යාපන ආයතනයේ නිලධාරීන් පුටු රත් කර කර ඉන්න එක කොච්චර අශික්ෂිතද?
ළමයි ඔවුන්ව සම්බන්ධ කරගත්තු හැම මොහොතෙම ඔවුන් කියන්නේ විෂය කිහිපයක් සම්බන්ධ ගැටලු තියෙන නිසා තව මාස දෙකක් විතර පරක්කු වෙනවා කියලා.
අධ්‍යාපන ප්‍රතිසංස්කරණ ගැන පුවත පළවෙන්නේ ජූලි 24.ඒත් තවමත් ජාතික අධ්‍යාපන ආයතනයේ නිලධාරීන් විෂය නිර්දේශ සකස් කරනවා කියලා හිතලවත් නැතිලු.
ළමයි විශාල සංඛ්‍යාවක් පීඩා විඳිනවා වත් පේන්නේ නැද්ද?
හරියට ගැසට් එක නිකුත් කරන දිනයක් කියන්න බැරි,ළමයෙක් ප්‍රශ්නයක් අහපුවම හරියට පිළිතුරක් දෙන්න බැරි, මේකද රාජ්‍ය සේවය කියන්නේ?

මේ ගැටලුවට මේ ආණ්ඩුවත් වගකිව යුතුයි.මාධ්‍ය සාකච්ඡා වලදී ලොකුවට අධ්‍යාපනය පිළිබඳ රටපම්පෝරි ගසා මේ ප්‍රශ්නය පිළිබඳ තවමත් සොයා නොලැබීම පිළිබඳව නම් ඇතිවෙන්නේ මහත් වූ ලැජ්ජාවක්.

12/09/2025

අධ්‍යාපන අමාත්‍යාංශයේ හා ජාතික අධ්‍යාපන ආයතනයේ බාලගිරි දෝෂය

සුබ දවසක් වේවා.
අද මං කතා කරන්න යන්නේ ලංකාවෙ අධ්‍යාපන අමාත්‍යාංශයේ හා ජාතික අධ්‍යාපන ආයතනයේ "සති දෙකේ බාලගිරි දෝෂය" ගැනයි.
ජූලි මාසයේ පටන් මෙතෙක් වෙනකන්ම අධ්‍යාපන අමාත්‍යාංශයේ විද්‍යාපීඨ සම්බන්ධ ශාඛාව දුරකථන මාර්ගයෙන් සම්බන්ධ කරගෙන විද්‍යාපීඨ සම්බන්ධ ගැසට් පත්‍රය නිකුත් වෙන්නේ කවදාද යන ප්‍රශ්නය ළමයි ඇහුවාම එයාලගෙ උත්තරය උනේ "තව සති දෙකකින් දානවා"
අපි මේ තාක් වෙනකන්ම මේ සම්බන්ධව විමසුවාට අපට ලැබුණේ මේ සති දෙකේ පිළිතුර විතරයි.
ඉන්පස්සේ මෙයාලගේ විජ්ජාව උනේ බොරු අයැදුම්පතක් දාලා ළමයින්ගේ කරදරයෙන් නිදහස් වීම.
අද (2025.09.12) අධ්‍යාපන අමාත්‍යාංශයට කතා කරාම දැන් කියනවා තව මාසයක් යනවා කියලා.

හරි ලොකුවට මාධ්‍ය ඉස්සරහ අධ්‍යාපන ප්‍රතිසංස්කරණ ගැන කියවලා දැන් මෙහෙම ළමයින්ගේ කාලය එක්ක සෙල්ලංකරන එක පීචං නේද?

11/09/2025

"ඔයාගෙ Z score එකෙන් පීඨ යන්න පුළුවන් වෙයිද.......?"

මම දැකලා තියෙනවා FB එකේ ළමයි එයාලගෙ රිසල්ට් ශීට් එක post කරලා අහල තියෙනවා "මට මේකට විද්‍යාපීඨ ඒවිද ?" කියලා.
අද මං කතා කරන්න යන්නෙ තමන්ගෙ රිසල්ට් එකට විද්‍යාපීඨ එයිද කියලා තමන්ටම බලාගන්න පුළුවන් method එකක්.
01. ඉස්සෙල්ලාම ඔයා කරන්න ඕන ඔයාගේ උසස් පෙළ සහ සාමාන්‍ය පෙළ ප්‍රතිඵල කොළයක ලියාගන්න එක.

02. ඉන්පස්සේ ඔයා කලින් අවුරුද්දේ ගැසට් පත්‍රය අරගෙන හොඳින් කියවන්න ඕන.(මේක සැලකිල්ලෙන්ම කරන්න ඕන පියවරක්.)

03.දැන් ඔයා ගැසට් එක සැලකිල්ලෙන් කියවලා ඉවරයි.ඔයාට තියෙන්නේ ඔයාගෙ සුදුසුකම් වලට හොඳටම ගැළපෙන විශයන් 3 ක් තෝරාගැනීමයි.

04.මේ පියවරේදී කරන්න ඕන කලින් පියවරේදී තෝරාගත්ත විශයන් තුනේ කලින් අවුරුද්දේ interview list එක එහෙමත් නැත්නම් සම්මුඛ පරීක්ෂණ නාම ලේඛනය පරීක්ෂා කිරීමයි.(මෙතනදී ඔයාට ඔයාගෙ දිස්ත්‍රික්කෙන් කොච්චර ප්‍රමාණයක් interview call කරලද කියල හිතාගන්න පුළුවන්.)

05.ඔයාගෙ දිස්ත්‍රික්කයෙන් Z score එක ආසන්නයෙන් යන z score interview list එකේ තියෙනවනම් ඔයා Select වෙන්න චාන්ස් එකක් තියෙනවා.(එහෙම නැතිවුණා කියලා කලබල වෙන්නෙපා.ඒත් ඉල්ලන්න.)

මං ඔයාලගෙ පහසුව සඳහා කලින් අවුරුද්දෙ ගැසට් පත්‍රය සහ සම්මුඛ පරීක්ෂණ නාම ලේඛන ටිකේ link ටික පහළ comment section එකෙන් දාන්නම්.

Interview List - Admission of Students for National Colleges of Education (NCoE / Vidyapeeta / Teaching Course) 2023 (2024) to GCE A/L Batch 2021/2022

10/09/2025

සුබ උදෑසනක් වේවා.
අද මං කතා කරන්න යන්නෙ විද්‍යාපීඨ ගැසට් එක එනකල් බලාගෙන ඉන්න 2023-2024 අයදුම්කරුවන්ට පොඩි අනාවැකියක් හා තව තව තොරතුරු කීපයක්.

හොඳයි,දැනටමත් විද්‍යාපීඨ අයැදුම් පත අන්තර්ජාලයට නිකුත් කරලා තියෙන නිසාත්,එම වෙබ් අඩවියේ මේ මාසෙ විද්‍යාපීඨ ගැසට් එක එන බව දාලා තියෙන නිසාත්.අපිට කරන්න පුළුවන් නිගමන ටිකක් තියෙනවා.
* සැප්තැම්බර් මාසෙ පීඨ ගැසට් වෙනවා.
* බොහෝවිට ඒක 19 වන සිකුරාදා වෙන්න පුළුවන්

මම 19 වන සිකුරාදා ගැසට් එක එයි කියලා බලාපොරොත්තු වෙන්න හේතුවක් තියෙනවා.
* සැප්තැම්බර් 16 තමයි 2024 උසස් පෙළ ප්‍රතිඵල වලින් විශ්වවිද්‍යාල ලියාපදිංචියේ අවසාන දවස වෙන්නේ.සාමාන්‍යයෙන් සම්ප්‍රදායට අනුව විශ්වවිද්‍යාල ලියාපදිංචියකට පස්සෙ තමයි සාමාන්‍යයෙන් පීඨ ගැසට් වීම සිද්ධ වෙන්නේ

හොඳයි, සැප්තැම්බර් මාසයේ ගැසට් වීම සිද්ධ උනොත් 2023-2024 කණ්ඩායමේ ළමයි දෙසැම්බර් වෙද්දි විද්‍යාපීඨ ඇතුලට ගන්නවා.

ඒත් සැප්තැම්බර් ගැසට් එක ආවෙ නැති උනොත්.......😕
එහෙම වුනොත් නම් 2026 අප්‍රේල් වල තමයි එයාලව විද්‍යාපීඨ ඇතුලට ගන්න වෙන්නේ.
(මේක කියවලා කලබල වෙන්නෙපා,මං මේ වෙන්න පුළුවන් දෙයක් කිව්වේ)

*ඇත්තටම විද්‍යාපීඨ යන්න බලාගෙන ඉන්න ළමයි ඉන්න පීඩනය තේරෙන්නෙ ඒ ළමයින්ටයි,එයාළගෙ පවුල් වල අයටයි විතරයි.*

ඒ නිසා මං මේ කියපු අනාවැකියෙන් උනත් පොඩ්ඩක් හිත සැහැල්ලු වෙයි කියලා හිතනවා.මොකද ඔයාලා වගේම මමත් ගොඩක් ලොකු පීඩනෙන් ඉන්නෙ මේ නිසා.

ළමයි මෙච්චර පීඩනෙන් ඉඳිද්දි අධ්‍යාපන අමාත්‍යාංශයේ අය සහ ජාතික අධ්‍යාපන ආයතනයේ අය පුටු රත් කර කර නිදි කිරනවද කියල තමයි අහන්න තියෙන්නේ.