Sujith Gamage - History

මියගිය ස්වාමියා එනකම් අවුරුදු 12ක් කරපු කැපකිරීම නිසා
ඒ පළාතේ හැමෝම මේ සුනඛයාට ගරු කරන්න පටන් ගත්තා..
ලෝකයක් හැඬවූ ක්‍රිමියාවේ ආදරණීය සුනඛයා මුක්තාර්

මනුස්සයෙක් තවත් මනුස්සයෙක්ට කොච්චර කාලයක් ආදරය කරයිද? අවුරුද්දක්, දෙකක්, නැත්නම් දශකයක්? හැබැයි ඒ හැම ආදරයකටම පිටුපසින් මොනයම් හෝ බලාපොරොත්තුවක්, ප්‍රතිලාභයක් හැංගිලා තියෙන්න පුළුවන්. ඒත්, කිසිම ප්‍රතිලාභයක් නැතුව, තමන්ගේ හදවතේ ඉන්න එකම එක පුද්ගලයා වෙනුවෙන් තමන්ගේ මුළු ජීවිත කාලයම එකම එක තැනකට වෙලා කැප කරන්න පුළුවන් කාටද? ඒක කරන්න පුළුවන් මනුස්සයෙක්ට නෙවෙයි, මිනිස්සුන්ට වඩා ගුණගරුක, ආදරණීය, කතා කරන්න බැරි අහිංසක තිරිසන් සතෙක්ට විතරයි.

අද අපි ඔබට කියන්න යන්නේ, මුළු ලෝකයේම මිනිස්සුන්ගේ ඇස් කඳුළින් තෙත් කරපු, ආදරයේ සහ විශ්වාසවන්තකමේ උපරිම සීමාව සනිටුහන් කරපු, ලෝක ප්‍රකට ජපානයේ හචිකෝ බල්ලාට සමාන කරපු ක්‍රිමියාවේ ජීවත් වුණු මුක්තාර් කියන අසිරිමත් සුරතල් බල්ලාගේ සැබෑ ආදර කතාවයි. 🌍❤️

කතාව ආරම්භ වෙන්නේ දෙදහස් එකොළොස් අවුරුද්දේ ක්‍රිමියාවේ පිහිටි කළු මුහුදු වෙරළ තීරය කියන්නේ සංචාරකයන්ගෙන් පිරුණු ඉතාම සුන්දර ප්‍රදේශයක්. මේ වෙරළ අසල බොහොම සතුටින් ජීවත් වුණු එක්තරා පුද්ගලයෙක් සහ ඔහුගේ පණ වගේ ආදරය කරපු බල්ලා තමයි මුක්තාර් කියන්නේ. මුක්තාර් කියන්නේ නිකම්ම නිකන් බල්ලෙක් නෙවෙයි, උගේ ස්වාමියාට එයා තමන්ගේ පණ වගේ වටිනා සහෝදරයෙක්, දරුවෙක් වගෙයි. ඔවුන් දෙදෙනා හැමදාම කළු මුහුද අද්දරට වෙලා සෙල්ලම් කළා, ඇවිදින්න ගියා, එකට කාලය ගත කළා හැබැයි, දවසක් මේ සුන්දර ලෝකය එකපාරටම කඩාගෙන වැටුණා.

එදා දෙදහස් එකොළොස් අවුරුද්දේ එක අවාසනාවන්ත දවසක, මුක්තාර්ගේ ආදරණීය ස්වාමියා කළු මුහුදේ දියේ ගිලීමෙන් අකාලයේ මෙලොව හැර ගියා. මනුස්සයෙක් මියගියහම ඒ මිනිය වළදාලා සති කිහිපයකින් මිනිස්සුන්ට ඒක අමතක වෙලා යනවා. හැබැයි මුක්තාර්ට තමන්ගේ ස්වාමියාව අමතක කරන්න පුළුවන් වුණේ නැහැ. එයාගේ පුංචි මොළයට තේරුණේ නැහැ තමන්ගේ ස්වාමියා සදහටම තමන්ව දාලා ගිහින් කියලා. එයා හිතුවේ තමන්ගේ යාළුවා මුහුද අස්සට ගියේ ආයෙමත් තමන්ව හමුවෙන්න එන්න බලාපොරොත්තුවෙන් කියලයි. 🌊💔

එදා එයාගේ ස්වාමියා දියේ ගිලුණු දවසේ ඉඳන්, මුක්තාර් හැමදාම උදේම නැගිටලා කළු මුහුදු වෙරළේ ඒ නිශ්චිත ස්ථානයට පැමිණියා. පාරේ මොන තරම් මිනිස්සු එහා මෙහා ගියත්, වාහන ගියත්, මුක්තාර් මුහුද දෙස බලාගෙන පැය ගණන්, දින ගණන් එකදිගට වාඩිවෙලා හිටියා.

උගේ දෑස්වල තිබුණේ එකම එක බලාපොරොත්තුවක් විතරයි. "කවදා හරි මගේ යාළුවා අර දිය රළ අස්සෙන් මාව හොයාගෙන එයි..." කියන අහිංසක විශ්වාසය විතරයි.
කාලය ඉතාම වේගයෙන් ගෙවිලා ගියා. අවුරුදු පහක්, දහයක්, අන්තිමේදී අවුරුදු දොළහක්ම ගතවුණා මුක්තාර් තමන්ගේ ඒ දෛනික වගකීම එකම එක දවසක්වත් පැහැර හැරියේ නැහැ. වැස්ස ආවත්, දරුණු සීතල ආවත්, අව්ව වැටුණත් ඌ ඒ කළු මුහුද අද්දර තමන්ගේ ස්වාමියා වෙනුවෙන් රැකවල් ලාගෙන බලා සිටියා. මේ පුදුමාකාර දර්ශනය ඒ අවට ජීවත් වුණු ප්‍රදේශවාසීන්ට වගේම එතනට පැමිණි සංචාරකයන්ටත් මාරම ලොකු කුතුහලයක් සහ සංවේදී හැඟීමක් ඇති කළා. මිනිස්සු උගේ මේ උදාර විශ්වාසවන්තකම දැකලා, ඔහුට ගෞරවයක් වශයෙන් ක්‍රිමියාවේ හචිකෝ කියලා නමක් පටබැන්දා. 🐕👑

මුක්තාර්ට කන්න බොන්න දෙන්න වෙරළ අවට හිටපු කඩවල්වල මිනිස්සු වගේම සංචාරකයෝත් නිතරම ඉදිරිපත් වුණා. එයා හැමෝගෙම ආදරය දිනාගත්තා. හැමෝම මුක්තාර් සුරතල් කළා. හැබැයි එයා කාගෙවත් පස්සෙන් ගියේ නැහැ. කෑම ටික කාලා, ආයෙමත් තමන්ගේ පරණ ස්ථානයටම ගිහින් මුහුද දෙස බලාගෙන හුදෙකලාව කල්පනා කරන්න ගත්තා. එයාගේ මුළු ජීවිතයම ඒ කළු මුහුදු වෙරළේ ඒ වැලි කැට මත ලියැවිලා තිබුණා.

එහෙම ඉද්දී තමයි දෙදහස් විසිතුන අවුරුද්ද උදා වුණේ. ඒ වෙනකොට මුක්තාර්ට වයස අවුරුදු දහහතරක් බල්ලෙක්ගේ ආයු කාලයත් එක්ක බලද්දී ඌ ඉතාම මහලු වයසකට පත්වෙලා හිටියේ. අවුරුදු දොළහක් පුරා හිතේ තියාගෙන හිටපු ඒ දරාගත නොහැකි බලාපොරොත්තුවේ බර වගේම මහලු වයස නිසා ඇතිවුණු රෝගී තත්ත්වයන් හමුවේ, දෙදහස් විසිතුන අවුරුද්දේ දවසක මුහුද දිහා බලාගෙනම මුක්තාර් තමන්ගේ දෑස් සදහටම පියාගත්තා.😭🕊️

මුක්තාර්ගේ මේ අසිරිමත් කතාව සහ එයාගේ විශ්වාසවන්තකම නිකම්ම අමතක වෙලා යන්න දෙන්න ප්‍රදේශවාසීන් කැමති වුණේ නැහැ. ඔවුන් තීරණය කළා මුක්තාර් හැමදාම තමන්ගේ ස්වාමියා එනකම් බලාගෙන හිටපු ඒ කළු මුහුදු වෙරළ තීරයේම, එයා වෙනුවෙන් අලංකාර ලෝකඩ ස්මාරකයක් නිර්මාණය කරන්න. දැන් ඒ පිළිරුව ඉදිවෙමින් පවතිනවා. ඒ හරහා ඉදිරි පරම්පරාවට වගේම එතනට පැමිණෙන ලෝකවාසී හැමෝටම සැබෑ ආදරය සහ විශ්වාසවන්තකම කියන්නේ මොකක්ද කියලා කියාදෙන්න ඔවුන් බලාපොරොත්තු වෙනවා. 🗿🐕

✍️ අවුරුදු 12ක් පුරා තමන්ගේ මියගිය ස්වාමියා එනකම් කළු මුහුද දෙස බලා සිටි මේ ආදරණීය "මුක්තාර්" ගැන ඔබට මොකද හිතෙන්නේ? 👇🐾✨

💔එකම පවුලේ සිව්දෙනෙකු අවසන් ගමන් ගිය මීගොඩ බිහිසුණු අනතුර: මියගිය පිරිසට නිවන් සුව අත්වේවා!

මීගොඩ හයිලෙවල් මාර්ගයේ දන්සලක් අසලදී සිදු වූ බිහිසුණු රිය අනතුරකින් එකම පවුලේ ඥාතීන් සිව්දෙනෙකු අකාලයේ දිවික්ෂයට පත්වීමේ ශෝකජනක පුවතක් වාර්තා වේ. මෙම අවාසනාවන්ත ඛේදවාචකයෙන් ජීවිතක්ෂයට පත්ව ඇත්තේ පිළියන්දල වෑවල පදිංචි 56 හැවිරිදි පී. බී. ඉන්ද්‍රාණි මහත්මිය, ඇයගේ 35 හැවිරිදි දියණිය වන නවීෂා නිලක්ෂි, 38 හැවිරිදි බෑණනුවන් වන ලසික ප්‍රියංකර සහ ඉන්ද්‍රාණි මහත්මියගේ සහෝදරයාගේ 15 හැවිරිදි දියණියයි. අවිස්සාවේල්ලේ පදිංචි දියණිය සහ බෑණනුවන්ව නැවත නිවස බලා ඇරලවීම සඳහා ඔවුන් ත්‍රිරෝද රථයකින් ගමන් කරමින් සිට ඇති අතර, මාර්ගය අසල පැවැති දන්සලක පෝලිමේ රැඳී සිටි අවස්ථාවේදී මෙම අනපේක්ෂිත අනතුරට මුහුණ දී තිබේ. කෙසේ වුවද, අනතුර සිදුවන අවස්ථාවේ ත්‍රීරෝද රථය තුළම රැඳී සිටි ඉන්ද්‍රාණි මහත්මියගේ ස්වාමිපුරුෂයා සහ දියණියගේ වැඩිමහල් දරුවා ආශ්චර්යමත් ලෙස කිසිදු අනතුරක් නොමැතිව දිවි බේරා ගැනීමට සමත්ව ඇත.

මේ අතර, මුළු රටම කම්පා කළ මෙම අනතුර සම්බන්ධයෙන් දැඩි නීතිමය පියවර ගන්නා බව රථවාහන පාලන හා මාර්ග ආරක්ෂාව දිසාව භාර නියෝජ්‍ය පොලිස්පති ඩබ්.පී.ජේ. සේනාධීර මහතා අවධාරණය කර සිටියි. මූලික විමර්ශනවලට අනුව මෙම අනතුර චේතනාන්විතව සිදු කරන ලද්දක් බවට කරුණු අනාවරණය වී ඇති බැවින්, සැකකාර රියදුරුට එරෙහිව මිනීමැරීමේ චෝදනාව යටතේ නඩු පවරා ලබා දිය හැකි උපරිම දඬුවම් ලබා දීමට කටයුතු කරන බව හෙතෙම වැඩිදුරටත් ප්‍රකාශ කළේය. දන්සලක් වැඳපුදා ගැනීමට ගිය අහිංසක මිනිසුන් පිරිසකගේ ජීවිත මෙලෙස සාහසික ලෙස බිලිගත් මෙම ඛේදවාචකය, රියදුරන්ගේ අපරීක්ෂාකාරී හැසිරීම් හේතුවෙන් මහමඟ සිදුවන ව්‍යසනයන්හි බියකරු බව නැවත වරක් සමාජයට පසක් කර දෙන්නකි.

එල්ලංගා පද්ධති ඇතුළු පරිසර පද්ධති ආරක්ෂා කරගැනීමේ අරමුණින් අනුරාධපුර දිස්ත්‍රික්කයේ වනාන්තර 05 රක්ෂිත ලෙස ප්‍රකාශයට පත් කරයි.

සතර නිර්මාතෘ සහ සතර ප්‍රධාන කතෘ චන්ද්‍රසෝම පෙරේරා මහතාට නිවන් සුව අත් වේවා!!!