09/09/2026
අමතක නැති උතුම් මිනිස්කම..."
ව්‍යාපාරික ලෝකය ජයගෙන සාර්ථකත්වයේ ඉහළටම ගියත්, තමන් පැමිණි මඟ අමතක නොකරන මිනිසුන් ලෝකයටම ආදර්ශයකි. පන්නල ජාතික පාසලෙන් අකුරු කර, අද NDC Exports (Pvt) Ltd ආයතනයේ කළමනාකාර අධ්‍යක්ෂ ලෙස ව්‍යාපාරික ක්ෂේත්‍රයේ දැවැන්ත සංකේතයක් බවට පත්ව සිටින කීර්තිමත් ව්‍යවසායක මංගල සමරසිංහ මහතා, සිය සාර්ථකත්වයේ සැබෑ හිමිකරුවන්ට හදවතින්ම උපහාර දැක්වූ අතිශය සංවේදී මොහොතක් NDC Exports ආයතන පරිශ්‍රයේදී සලකුණු විය.
එදා තමන්ට නිවැරදි මඟ පෙන්වමින්, අනාගතය එළිය කරන්නට දහඩිය හෙලූ, අද විශ්‍රාමික සුවයෙන් පසුවන ආදරණීය ගුරු මව්පියන් සිය ව්‍යාපාරික ස්ථානයට කැඳවා, ඔවුන් වෙනුවෙන් කාලය වෙන්කරමින් අතීතයේ මිහිරි මතකයන් ආවර්ජනය කරන්නට තරම් උතුම් හදවතක් ඔහු සතු විය.
ඔවුන්ගේ ආශිර්වාදය මැද සතුටු සාමිච්චියේ යෙදෙමින් ගත කළ ඒ සුන්දර හෝරා කිහිපය, නූතන සමාජයටම කියාදෙන්නේ උතුම් "ගුරු භක්තියේ" සහ "කළගුණ සැලකීමේ" සැබෑ අර්ථයයි.
ගුරු දෙගුරුන්ගේ අඩිතාලම මත ගොඩනැඟුණු ඒ උතුම් ආදර්ශමත් හදවතටත්, අදටත් විශ්‍රාමික සුවයෙන් පසුවන ඒ ආදරණීය ගුරු මව්පියන්ටත් අපගේ හදපිරි නමස්කාරය! 🙏
