St. Anthony's Girls' School

🙏 75 වැනි අන්තෝනි මුනිඳුන්ගේ දිනය 2026 🙏

සුබ පතන්නන්ගේ සංගමය මඟින් සංවිධානය කරන ලද 75 වැනි අන්තෝනි මුනිඳුන්ගේ දිනය පාසලේදී ඉතා ගෞරවාන්විතව හා ආධ්‍යාත්මික වාතාවරණයක් තුළ සාර්ථකව පැවැත්විණි.

මෙම අවස්ථාව සාර්ථක කර ගැනීමට කැපවූ සුබ පතන්නන්ගේ සංගමයේ සියලු සාමාජිකයින්ටත්, සහයෝගය ලබාදුන් වැඩබලන විදුහල්පතිතුමිය, ආචාර්ය මණ්ඩලය, අවට පාසල් වල දියණියන් , දෙමාපියන් සහ සියලු දෙනාටත් අපගේ හෘදයාංගම ස්තූතිය පුද කරමු.🙏❤️

✨ සොඳුරු පාසල් මතක යළි අවදි කළ ආදි ශිෂ්‍ය සුහද හමුව ✨

පාසලේ සුබ පතන්නන්ගේ සංගමය විසින් සංවිධානය කළ ආදි ශිෂ්‍ය සුහද හමුව පාසලේ ප්‍රධාන ශාලාවේදී ඉතා උත්කර්ෂවත් අන්දමින් පැවැත්විණි.

දිගු කාලයකින් යළි හමුවුණු යාලුවන් සමඟ පැරණි මතකයන් ආදරයෙන් සිහිපත් කරමින්, සතුටු සිනා අතර කතාබහ කළ අවස්ථාවක් ලෙස මෙය විශේෂ විය. 📸

එමෙන්ම පාසලේ 75 වැනි සංවත්සර සැමරුම පිළිබඳ විශේෂ දැනුවත් කිරීමක් විදුහල්පතිතුමිය විසින් සිදු කරන ලදී.
සංවත්සරය උත්කර්ෂවත් අන්දමින් සැමරීමට සැලසුම් කර ඇති වැඩසටහන් පිළිබඳව මෙහිදී ආදි ශිෂ්‍යයන් දැනුවත් කළ අතර, ඒ සඳහා සියලු දෙනාටද ආරාධනා කරන ලදී. ✨

එමෙන්ම මතකයන් සදාකාලික කරගැනීමට ඡායාරූප රැසක් ලබාගත් අතර, සතුටින් විනෝද වෙමින් සුහද සංග්‍රහයක රස විඳීමටද සියලු දෙනාට අවස්ථාව හිමි විය.

හදවතින්ම සතුට රැගෙන, අලුත් මතකයන් ගොන්නක් සමඟ නැවත හමුවෙමු යන බලාපොරොත්තුවෙන් සියලු දෙනා පාසලෙන් පිටව ගියහ. 💖

🙏 ශ්‍රී බුද්ධ වර්ෂ 2570 වන වෙසක් සතියට සමගාමීව රාජ්‍ය වෙසක් උත්සවය නිමිත්තෙන් සංවිධානය කළ

“වෙසක් සතිය” වැඩසටහන යටතේ,

සම්බුද්ධ දේශනාවන්ට අනුව සෞඛ්‍ය සම්පන්න ජීවිතයක් ගොඩනැගීම අරමුණු කරගත් සෞඛ්‍ය ප්‍රවර්ධන වැඩසටහනක් බප/කළු ශාන්ත අන්තෝනි බාලිකා මහා විද්‍යාලයේදී සාර්ථකව පැවැත්විණි. ✨

මෙම වැඩසටහන සඳහා මිරිහාන ශ්‍රී විවේකාරාම විහාරවාසී, වැල්ලවත්ත ශ්‍රී ධර්මෝදය පිරිවෙණෙහි ආචාර්ය, ශාස්ත්‍රපති, රාජකීය පණ්ඩිත, මනෝ විද්‍යා උපදේශක පූජ්‍යපාද කුට්ටිකුලමේ පේමාලංකාර ස්වාමීන්වහන්සේ විසින් අගනා ධර්ම දේශනයක් හා ජීවිතානුබෝධාත්මක උපදේශන ලබා දෙන ලදී. 🙏

මෙම අවස්ථාවට පාසලේ සියලුම දියණියන් සහ ආචාර්යය මණ්ඩලය උනන්දුවෙන් සහභාගී වූහ. 🌼

🏆✨ සමස්ත ලංකා නර්තන තරගාවලිය – 2026 ✨🏆

කලාප තරගාවලියේදී විශිෂ්ට දක්ෂතා පෙන්වමින් ජයග්‍රහණ රැසක් අත්කර ගත් බප/කළු ශාන්ත අන්තෝනි බාලිකා මහා විද්‍යාලය වෙත උණුසුම් සුබාශිංසන! 🌸

🥇 1000 ට වැඩි අංශය
👭 ගැහැණු / සමූහ / නිර්මාණාත්මක තම්මැට්ටම් වාදනය
🏆 ප්‍රථම ස්ථානය

🥇 ගැහැණු / ඒකල / උඩරට ආවැන්දුම
👧 ඩී. ඔශිනි කාවින්ද්‍යා ද සිල්වා
🏆 ප්‍රථම ස්ථානය

🥉 ගැහැණු / සමූහ / කතක් ථුම්රි නර්තනය
🏅 තෙවන ස්ථානය

මෙම ජයග්‍රහණ සඳහා කැපවීමෙන් කටයුතු කළ සියලුම දරු දැරියන්ට, වෙහෙස මහන්සි වූ නිලක්ෂි සූරියආරච්චි ගුරුතුමියටත් ටස්නි ජයසිංහ ගුරුතුමියටත් , දෙමාපියන්ටත් වැඩබලන විදුහල්පති අචිනි පල්ලියගුරු විදුහල්පතිතුමිය, සහකාර විදුහල්පතිතුනියන් සහ ආචාර්ය මණ්ඩලය ඇතුළුහෘදයාංගම සුබ පැතුම් පිරිනමමු! 💐

ඉදිරි තරග සඳහාත් තවත් ජයග්‍රහණ රැසක් අත්කර ගැනීමට හැකි වේවා! ✨

සුහද හමුව සඳහා කෙරෙන ගෞරවනීය ආරාධනයයි!

පාසලේ සුබ පතන්නන්ගේ සංගමය මගින් සංවිධානය කරනු ලබන විශේෂ සුහද හමුව සංග්‍රහය සඳහා ඔබ සැමට ලෙන්ගතුව ආරාධනා කර සිටිමු.

🏮දිනය:2026 මැයි 28 වන බ්‍රහස්පතින්දා
🏮වේලාව:පස්වරු 3:00 ට
🏮ස්ථානය:පාසල් ප්‍රධාන ශාලාව
🏮ප්‍රවේශ පත්‍රය:රු. 1,000/-

පාසල වෙනුවෙන් පෙළගැසෙන මේ සොඳුරු සැඳෑවට සහභාගී වී, පැරණි මතකයන් අලුත් කරගනිමින්, කුඩා සංග්‍රහයක් සමග සංගීත මුසුවක් සමග (DJ Music) විනෝද වීමට පැමිණෙන්නැයි ආදරයෙන් මතක් කර සිටිමු.

ස්තූතියි,
සුබ පතන්නන්ගේ සංගමය

> 📞 ප්‍රවේශ පත්‍ර ලබාගැනීම සහ විමසීම්:චතුමි 0779889123
> 📌 කරුණාවෙන් සලකන්න: සංවිධාන කටයුතු ලෙහෙසි කිරීම පිණිස 2026.05.26 දිනට පෙර ඔබගේ ප්‍රවේශ පත්‍රය වෙන්කරවා ගන්නා මෙන් කාරුණිකව ඉල්ලා සිටිමු.

🏐 ජයග්‍රාහී අභිමානයක් 🏆

2026 කළුතර කලාප බාලිකා වොලිබෝල් තරගාවලියේදී,

🥇 අවුරුදු 16න් පහළ ශූරතාවය
සහ
🥇 අවුරුදු 20න් පහළ ශූරතාවය

දිනා ගනිමින්,

පානදුර බප/කළු ශාන්ත අන්තෝනි බාලිකා මහා විද්‍යාලය බස්නාහිර පළාත් වොලිබෝල් තරගාවලිය සඳහා සුදුසුකම් ලබා ගැනීමට සමත් විය.

මෙම විශිෂ්ට ජයග්‍රහණය වෙනුවෙන් කැපවීමෙන් සහ අධිෂ්ඨානයෙන් ක්‍රීඩා කළ අපේ දක්ෂ සිසු දියණියන්ටත්,
ක්‍රීඩා භාර ගුරුතුමිය වන ඩොමිකා මිලන්ති මහත්මියටත්,
ක්‍රීඩා පුහුණුකාරිනී යශෝධා බෝධිනායක මහත්මියටත්,
ක්‍රීඩා පුහුණුකරු ලසන්ත මහතාටත්

උණුසුම් සුභ පැතුම් එක් කරමු! 💐👏

ඔබ සැමට ඉදිරි තරගාවලිය සඳහාත් ජයග්‍රහණ රැසක් හිමිවේවා! 🏐✨

🌿💚 ‘හරිතාභිශේක මංගල්‍යය’ – 2026 💚🌿
“පරිසරය අප රකී – රකිමු අපි පරිසරය”

අද දින බප/කළු/ ශාන්ත අන්තෝනි බාලිකා මහා විද්‍යාලයේ පරිසර දිනය ඉතා අලංකාරවත් අයුරින් පැවැත්වුණි. 🌱✨

මෙහි ප්‍රධාන ආරාධිත දේශක ලෙස මොරටුව විශ්වවිද්‍යාලයේ සිවිල් ඉංජිනේරු අංශයේ ජ්‍යෙෂ්ඨ මහාචාර්යවරයෙකු වන, පරිසර හිතකාමී නව නිපැයුම් රැසකට දායක වූ, ජාත්‍යන්තර සම්මානලාභී විද්‍යාඥයෙකු වන ළාබාලතම ජ්‍යෙෂ්ඨ මහාචාර්ය ගරු රංගික උමේෂ් හල්වතුර මැතිතුමා පැමිණිය අතර ,

විශේෂ ආරාධිත දේශක ලෙස කොළඹ විශ්ව විද්‍යාලයේ අධ්‍යාපන පීඨයේ මනෝවිද්‍යා අධ්‍යන අංශයේ හිටපු අංශාධිපති, ජ්‍යෙෂ්ඨ කථිකාචාර්යය චින්තක චන්ද්‍රකුමාර මැතිතුමා ද සහභාගී විය.

වැඩබලන විදුහල්පති අචිනි පල්විලියගුරු විදුහල්පතිතුමියගේ මනා මෙහෙයවීම යටතේ, පරිසර නියමු ආචාරිනි ඉෂාන්ති අරුණිකා ගුරුතුමිය ඇතුළු පරිසර නියමු කණ්ඩායමගේ ගුරුවරුන්ගේ කැපවීම හා මහන්සියෙන් මෙම වැඩසටහන සාර්ථකව සංවිධානය කර තිබුණි. 🍃

පරිසරය සුරකිමින් හෙට දින ලස්සන ලෝකයක් ගොඩනැගීමට එක්වූ සියලුම දියණියන්ට උණුසුම් සුබ පැතුම්! 💚🌍

🌿

🏆💫 අන්තෝනියට අභිමානයක්!!! 💫🏆

♟️ශ්‍රී ලංකා පාසල් චෙස් සංගමය සංවිධානය කළ 2026 කළුතර කලාප පාසල් කේවල චෙස් තරගාවලිය මැයි 16 හා 17 දෙදින තුළ පානදුර ශ්‍රී සුමංගල විද්‍යාලයේදී පැවැත්විණි. ♟️

එහිදී බප/කළු ශාන්ත අන්තෝනි බාලිකා මහා විද්‍යාලයේ දියණියන් විශිෂ්ට දක්ෂතා දක්වමින් පහත ජයග්‍රහණ හිමිකර ගැනීමට සමත් වූහ. 🏆✨

🔹 අවුරුදු 18න් පහළ බාලිකා
🥇 ප්‍රථම ස්ථානය – රමාශා ශානි (12 ශ්‍රේණිය)
🥉 තෙවන ස්ථානය – ගයාත්මා නෙත්මිණි (After O/L)

🔹 අවුරුදු 16න් පහළ බාලිකා
🏅 කුසලතා සහතික – යසස්මි සංජනා (11D)

🔹 අවුරුදු 14න් පහළ බාලිකා
🏅 කුසලතා සහතික – විහඟි නෙත්මිකා (9C)
🏅 කුසලතා සහතික – සුපේශලා ආසංසා (8C)

🔹 අවුරුදු 12න් පහළ බාලිකා
🥉 තෙවන ස්ථානය – යෝග්‍යා ඉමන්දි (6A)

🏅 කුසලතා සහතික –
• ලිතුලි ලොහාරා (7C)
• හංසනා නෙත්රු (6D)
• ඔනෙති යෙසංසා (7B)
• නෙතුනි බිහංසා (7A)

🎗️ඒ අනුව අප පාසලේ දියණියන් 10 දෙනෙකු ඉදිරියේදී පැවැත්වීමට නියමිත 2026 බස්නාහිර පළාත් පාසල් කේවල චෙස් තරගාවලිය නියෝජනය කිරීමට සුදුසුකම් ලබාගෙන ඇත. ඔවුන් තරග වට 6න් 4කට වඩා ජයග්‍රහණය කිරීමට සමත්වීම විශේෂත්වයකි. ♟️✨

👏 තවද, තවත් දියණියන් 11 දෙනෙක් තරග 3ක් ජයග්‍රහණය කරමින් කැපී පෙනෙන දක්ෂතා ප්‍රදර්ශනය කළහ.

🙏 මෙම ජයග්‍රහණය වෙනුවෙන් අඛණ්ඩව වෙහෙස මහන්සි වී දියණියන් පුහුණු කළ චෙස් පුහුණුකරු බුද්ධික මහතාටත්, පාසලේ චෙස් ක්‍රීඩාවට මහඟු පිටුවහලක් සපයන එම්.ටි.එම්.ටි. කුමාරි ගුරු මහත්මියටත්, පාසලේ වැඩබලන විදුහල්පතිතුමිය ඇතුළු ගුරුභවතුන් ගෞරවනීය ස්තූතිය පුද කරමු. 🙏✨

💐 සහභාගී වූ සියලු දියණියන්ට උණුසුම් සුභ පැතුම්!

💛 ඉදිරි තරගාවලි සඳහාත් ජයග්‍රහණ රැසක් අත්කර ගැනීමට ශක්තිය හා ධෛර්යය ලැබේවා! ✨♟️

🙏 බෞද්ධ සමිතිය 🙏

වෙසක් පුන් පොහෝ මාසය නිමිත්තෙන් බප/කළු ශාන්ත අන්තෝනි බාලිකා මහා විද්‍යාලයීය බෞද්ධ සමිතිය මගින් සංවිධානය කරන ලද බෞද්ධ රැස්වීම 2026.05.15 වන දින විද්‍යාලයීය ප්‍රධාන ශාලාවේදී ඉතා සාර්ථකව පැවැත්විණි. 🌼✨
පූජ්‍ය හේල්ලල දීපාලෝක හිමිපාණන්ගේ අනුශාසනාවෙන් සහ සහකාර විදුහල්පති දර්ශනී විජේසූරිය මහත්මියගේ නිසි මගපෙන්වීමෙන් මෙම කාර්‍යය සංවිධානය විය.

විද්‍යාලයේ ගුරු මණ්ඩලය සහ ආදරණීය සිසු දියණියන්ගේ සක්‍රීය සහභාගිත්වයෙන් පැවැත්වුණු මෙම සමිතිය, මුළු මහත් පාසල් ප්‍රජාවගේම සිත් තුළ ආගමික භක්තිය, ශාන්තිය සහ ගුණධර්ම වර්ධනය කිරීමට මහෝපකාරී විය. 😇🌸

🙏✨

☸️🙏🪔 බක් මස පෙර පෝය බෝධි පූජාමය වැඩසටහන 🪔🙏☸️

අද දින පාසලේදී මුදිත ස්වාමින් වහන්සේගේ සහ හේල්ලල දීපාලෝක ස්වාමින් වහන්සේගේ අනුශාසනා යටතේ,වැඩ බලන විදුහල්පතිනි අචිනි පල්ලියගුරු මැතිනිය, සහකාර විදුහල්පතිනි දර්ශනී විජේසූරිය මැතිනිය සහ සහකාර විදුහල්පතිතුමියන්ගේ උපදේශනයෙන්, පාසලේ 10 ශ්‍රේණියේ ගුරුභවතුන් සහ දියණියන් විසින් ඉතා අලංකාර ලෙස සංවිධානය කර පවත්වන ලදී. ✨🌺