KM/Ak/ Al Hidaya Ladies College

28/04/2026

"Hidaya pearls" Award Night - 2026
___________________________________

எமதுபாடசாலையின்சாதனையாளர்களை பாராட்டி விருது வழங்கும் வரலாறு காணாத நிகழ்வு 2026.04.18 அன்று பி.ப.4.30 மணியளவில் எமது கல்லூரியின் அதிபர் MTM.சியாத் ஷேர் அவர்களின் தலைமையில் மிகவும் கோலாகலமாக நடைபெற்றது. இவ்விருது வழங்கும் விழா வானது 2017ஆம்ஆண்டு முதல் இது வரை க்கும் க.பொ.த.உயர்தர பரீட்சையில் தோற்றி அதி சிறந்த பெறுபேறுகளைப்பெற்றுபல்கலைக்கழகம், மற்றும் கல்வியியல் கல்லூரிகளுக்கு தெரிவான மாணவிகளை பாராட்டி விருது வழங்கி கௌரவிப்பதற்காக ஏற்பாடு செய்யப்பட்டது. இந்நிகழ்வில் பிரதம அதிதியாக அக்கரைப்பற்று வலயக்கல்வி பணிப்பாளர் அஷ்ஷேக் AM.றஹ்மத்துல்லா ஷேர் அவர்கள் கலந்து கொண்டதோடு,கௌரவ அதிதியாக கல்முனை மாவட்ட உதவி பொலிஸ் அத்தியட்சகர்(Assistant Superintendent of Police) MKM.இப்னு அஸார் ஸேர் அவர்களும் கலந்து சிறப்பித்தனர். இவர்களோடு எமது கிராமத்தின் கல்வி யியலாளர்கள், அக்கரைப்பற்று வலயக்கல்வி பிரதிக் கல்வி பணிப்பாளர் கள்,எமது கிரா மத்தின் வைத்தியர்கள், பொறியியலாளர்கள்,சட்டத்தரணிகள், அதிபர்கள், கல்லூரியின் ஆசிரியர்கள்,கல்வி சாரா ஊழியர்கள்,ஓய்வு பெற்ற அதிபர்கள்,அரசியல் பிரமுகர்கள், சமூக செயற்பாட்டாளர்கள், பாடசாலை அபிவிருத்தி நிறைவேற்றுக்குழு, பழைய மாணவர்கள்,மற்றும் பெற்றோர் கள் என பல தரப்பினரும் கலந்து சிறப்பித்தனர்.

தலைமைஉரை நிகழ்திய கல்லூரியின் அதிபர்அவர்கள் தனது உரையில் எமது பாடசாலை பல சவால்களுக்கு மத்தியில் எவ்வாறு சிறப்பாக கற்றல் கற்பித்தல் செயற்பாடுகளில் இப்பிராந்தியத்தில் முன்னிலையில் திகழ்கிறது என்பனை தெழிவுபடுத்தியதோடு எம் கல்லூரியின் உடனடித் தேவையான வகுப்பறை அமைக்கத் தேவையான பாடசாலைக்கு அருகாமையில் உள்ள நிலத்தினை கொள்வனவு செய்வது தொடர்பான யோசனையினையும் முன் மொழிந்தார். இதன்போது அவர் தனது உரையில் இவ்விழா இவ்வளவு சிறப்பாக நடைபெற ஒத்துழைப் வழங்கிய SDEC செயலாளர் மற்றும் உறுப்பினர்கள், தனவந்தர்கள், பழையமாணவர்கள், பெற்றோர்கள், பாடசாலையின் ஆசிரியர்கள், கல்வி சாரா ஊழியர்கள் என பலருக்கும் தனது மனம் நிறைந்த நன்றிகளை தெரிவித்துக் கொண்டார். இதனைத்தொடர்ந்து அதிதிகளால் மாணவர்கள் மெடல் அணிவித்து நினைவுச்சின்னம் வழங்கி பாராட்டி கௌரவிக்கப்பட்டனர். இதன்போது அவர்களது பெற்றோர்களும் பிரசன்னமாயிருந்தது குறிப்பிடத்தக்கது.

இதனைத்தொடர்ந்து அதிதிகள் சார்பாக எமது பிராந்தியத்தின் பெண் ஆளுமை சம்மாந்துறை கல்வி வலய பிரதிக் கல்வி ப்பணிப்பாளர் MM.சித்தி பாத்திமா அவர்கள் உரைநிகழ்தியதோடு, பாடசாலை சார்பாக உதவி அதிபர் UL. அஸ்வத் அவர்களும் SDEC சார்பாக கலாநிதி AH. றிபாஸ் விரிவுரையாளர் அவர்களும் உரை நிகழ்த்தினர். இதனைத்தொடர்ந்து விருது பெற்ற முன்னிலை மாணவிகளில் ஒருவரான Mrs.T. பாத்திமா நதா அவர்களால் ஏற்புரை நிகழ்த்தப்பட்டது.

தொடர்ந்து பிரதம அதிதி உரை இடம்பெற்றது. வலயக்கல்வி ப்பணிப்பாளர் அஷ்ஷேக் AM. றஹ்மத்துல்லா ஸேர் அவர்கள் தனது உரையில் பாராட்டி கௌரவம் பெறுகின்ற மாணவர்களை வாழ்தியதோடு இப்பிரமாண்டமான நிகழ்வை ஏற்பாடு செய்த பாடசாலை சமூகத்தினரையும் அதிபரை யும் பாரா
ட்டியதோடு இவ்வாறான சாதனைகளுக்குப்பின்னால் பாடசாலை அதிபர் ஆசிரியர்கள் பெற்றோர்கள் போன்ற தரப்புகளின் தியாகம் இருப்பதுபோன்று வலயக்கல்வி அலுவலகம் எவ்வாறான பங்களிப்பு களை செய்தது என்பது தொடர்பாகவும் சிலாகித்துப்பேசினார். இதனைத்தொடர்ந்து 2025 ஆம் ஆண்டு A/L பரீட்சையில் அதிசிறந்த பெறுபேறுகளை பெற உழைத்த ஆசிரியர்கள் பாராட்டப்பட்டதுடன் சான்றிதழ் வழங்கி கௌரவிக்கப்பட்டனர். இதனோடு இணைந்ததாக இப்பாடசாலையின் அதிபராக நியமிக்கப்பட்டது முதல் மிக சிறந்த முன்னெடுப்புகளை கல்விப் புலத்தில் மேற்கொண்டுவருவதோடு
இந்நிகழ்வு சிறப்புற அமைய அயராது பாடு பட்டு உழைத்த அதிபர் MTM.சியாத் ஸேர் அவர்களை SDEC உறுப்பினர்கள் பொன்னாடை அணிவித்து கௌரவித்தமை இந்நிகழ்வின் முக்கிய அம்சங்களில் ஒன்றாகும்.

இறுதியாக SDEC உறுப்பினர் தென்கிழக்கு பல்கலைக்கழக அபிவிருத்தி உத்தியோகத்தர் Mr.ALM.ஹஸ்மிர் அவர்களின் நன்றி உரையுடன் இராப்போசன நிகழ்வு இடம்பெற்றது. இறுதியாக புகைப்படம் எடுக்கின்ற நிகழ்வு இடம்பெற்றதுடன் விழா இனிதே நிறைவு பெற்றது. அல்ஹம்துலில்லாஹ்.

19/04/2026

*நல்லுள்ளங்களுக்கு நன்றி!*

நேற்று நடைபெற்ற பல்கலைக்கழகம் மற்றும் உயர் கல்வி நிலையங்களுக்கு தெரிவு செய்யப்பட்ட மாணவர்களைப் பாராட்டிய "Hidaya Pearls Award Night” நிகழ்வு சிறப்பாகவும் வெற்றிகரமாகவும் நிறைவு பெற்ற மகிழ்ச்சியை உங்களுடன் பகிர்ந்து கொள்கிறேன்.

இந்த நிகழ்வை திட்டமிட்டு சிறப்பாக நடத்த உழைத்த எங்கள் பாடசாலை ஆசிரியர்கள் மற்றும் பணியாளர்கள் அனைவருக்கும் எனது இதயப்பூர்வ நன்றிகள். உங்கள் அர்ப்பணிப்பும் ஒற்றுமையும் இந்த வெற்றியின் முதுகெலும்பாக அமைந்தது.

எங்கள் அன்பான பெற்றோர்களுக்கு, உங்கள் இடையறாத ஆதரவு, நம்பிக்கை மற்றும் ஊக்கம் எங்கள் மாணவர்களின் உயர்வுக்கும் பாடசாலையின் அபிவிருத்திக்கும் வலிமையான அடிப்படையாக உள்ளது — இதற்காக உங்களுக்கு எனது மனமார்ந்த நன்றிகளை தெரிவித்துக் கொள்கின்றேன்.

எங்களை எப்போதும் உறுதுணையாக இருந்து ஊக்குவிக்கும் தாராள மனதுடன் உதவி செய்த நன்கொடையாளர்களுக்கும் எனது மனமார்ந்த நன்றிகளை தெரிவித்துக் கொள்கிறேன். உங்கள் பங்களிப்பு இந்த நிகழ்வை மேலும் சிறப்பாக மாற்றியுள்ளது.

மேலும், SDEC உறுப்பினர்களின் அயராத உழைப்பும் தொடர்ச்சியான ஆதரவும் இந்த முயற்சியை வெற்றியடையச் செய்த முக்கிய காரணமாகும்.

அனைவரின் ஒற்றுமை, அர்ப்பணிப்பு மற்றும் அன்பு இந்த நிகழ்வை ஒரு வரலாற்று நினைவாக மாற்றியுள்ளது.

இதற்காக மீண்டும் ஒருமுறை அனைவருக்கும் எனது மனமார்ந்த நன்றிகளை எனது ஆழ்மனத்திலிருந்து தெரிவித்துக் கொள்கின்றேன்.

நன்றி.

*MT. Mohamed Siyath*
*Principal*
Ak/ Al Hidaya Ladies' College Palamunai.
19.04.2026

13/04/2026

06/04/2026

மகத்தான வெற்றிக்கு மனமார்ந்த பாராட்டு
____________________________________________

எமது பாடசாலையில் இன்று (6.4.2026) காலை, க.பொ.த (உ/ த) பரீட்சை-2025 இல் சித்தி பெற்ற மாணவர்களைப் பாராட்டும் நிகழ்வு மிக விமர்சையாக நடைபெற்றது.

பாடசாலையின் அதிபர் MT. Mohamed Siyath சேர் அவர்களின் தலைமையில் நடைபெற்ற இவ்விழாவில், சித்தி பெற்ற மாணவர்களுக்கு மாலை அணிவித்து, பேன்ட் வாத்திய மரியாதையுடன் பிரதான வீதியில் இருந்து பாடசாலை வளாகத்துக்குள் ஊர்வலமாக அழைத்து வரப்பட்டனர்.

காலை கூட்டத்தில் அனைத்து ஆசிரியர்களும் மாணவர்களும் இணைந்து வெற்றியாளர்களை வரவேற்று வாழ்த்தினர்.

இம்முறை எமது பாடசாலை உயர் தரப் பரீட்சையில் 95% சித்தியைப் பெற்றிருப்பதுடன் 10 மாணவர்கள் பல்கலைக்கழகத்திற்கு தெரிவு செய்யப்பட்டுள்ளனர்.
இம்மாணவர்களில் மூன்று மாணவர்கள் சட்டத்துறையை தெரிவு செய்வதற்கான தகைமை பெற்றிருப்பது வரலாற்று பெரும் சாதனையாகும்.

இந்நிகழ்வில் பாடசாலை அதிபர் வெற்றி பெற்ற மாணவர்களை பாராட்டியதோடு கற்பித்த ஆசிரியர்கள், உயர் தர வலயத் தலைவர், ஒத்துழைப்பு வழங்கிய பெற்றார்கள் மற்றும் முன்னாள் அதிபர் B. Muhajireen Sir அவர்களையும் வெகுவாக பாராட்டினார்.

இந்த நிகழ்வு ஏனைய மாணவர்களுக்கு மேலும் ஊக்கம் அளிக்கும் வகையில் அமைந்திருந்தமை ஒரு சிறப்பான அம்சமாகும்.

01/04/2026

26/03/2026

மாணவர்களுக்கு துவிச்சக்கர வண்டிகள் உத்தியோகபூர்வமாக கையளிப்பு
________________________________________________

பாலமுனை அல்-ஹிதாயா மகளிர் கல்லூரியின் அதிபர் எம்.ரி. சியாத் வேண்டுகோளிற்கிணங்க கட்டார் நாட்டின் சமூக சேவை நிறுவனம் அட்டாளைச்சேனை பாலமுனை பிரதேசத்தில் குறைந்த வருமானம் கொண்ட குடும்பங்களைச் சேர்ந்த, மற்றும் தூரமான இடங்களில் இருந்து வருகின்ற மாணவர்களுக்கு பாடசாலை செல்வதற்காக துவிச்சக்கர வண்டிகள் இன்று (25) அன்பளிப்பு செய்யப்பட்டது.

இந் நிகழ்வில் கலாநிதி ஏ.எச்.றிபாஸ், பிரதி அதிபர் ஏ.கெ.நழீம், உதவி அதிபர் எம்.எம். அலீம், பாடசாலை அபிவிருத்தி சங்க செயலாளர் எஸ்.எச். அனஸ், உறுப்பினர்கள், ஆசிரியர்கள், மாணவர்கள் மற்றும் பெற்றோர்கள் என பலரும் கலந்து கொண்டனர்.

இதனை வழங்குவதற்கு உறுதுனையாக இருந்த பாடசாலை அபிவிருத்தி சங்க செயலாளர் SH. அனஸ் அவர்களுக்கும் கட்டார் சமூகசேவை அமைப்பிற்கும் பாடசாலை சமூக நன்றிகளை தெரிவித்துக் கொள்கின்றனர்.

20/03/2026

RAMADAN QUIZ WINNERS
(08 ) (09) (10)

15/03/2026

இப்தார் நிகழ்வு -2026.03.14
_______________________________

எமது பாடசாலையின் 2026 ஆம் ஆண்டுக்கான இப்தார் நிகழ்வு எமது கல்லூரியின் அதிபர் MTM.சியாத் சேர் அவர்களின் தலைமையில் பாடசாலை முன்றலில் வெகு விமர்சையாக நடைபெற்றது. அதிபர் அவர்களின் வழிகாட்டலில் அதிபர் மற்றும் சில ஆசிரிய தனவந்தர்களின் உதவியோடு இந்நிகழ்வு ஏற்பாடாகியிருந்தது. உதவி அதிபர் UL. அஸ்வத் அவர்களின் வரவேற்பு உரையைத்தொடர்ந்து மௌலவி MHM. அம்மார் அஸ்ஸுரி ஹக்கானி அவர்கள் விசேட மார்க்க சொற்பொழிவு நிகழ்த்தினார். இதனைத்தொடர்ந்து அதிபர் அவர்களின் உரை இடம்பெற்றது. அவர் தனது உரையில் இந்நிகழ்வு சிறப்பாக நடைபெற உதவிய ஆசிரியர்கள், கல்வி சாரா ஊழியர்கள் அனைவருக்கும் நன்றி தெரிவித்ததோடு கலந்துகொண்ட ஆசிரியர்கள்,அவர்களது குடும்ப உறவுகள் மற்றும் SDEC உறுப்பினர்களுக்கும் தனது நன்றியினை தெரிவித்துக்கொண்டார்.

08/03/2026

Qiuz (06)
Winners

06/03/2026

Quiz (05)
Winners

01/03/2026

Quiz 04

Winners