29/07/2026
සංසාරික දුකෙන් වෙලී සිටි සත්වයා මුදවාලනු පිණිස පෙරුම් පිරූ සිද්ධාර්ථ බෝසතාණන් වහන්සේගේ ප්‍රතිසන්ධිය, මහා අභිනිෂ්ක්‍රමණය මෙන්ම රාහුල කුමරුගේ උපත සිදුවූයේද අද වැනි උතුම් ඇසළ පුර පසළොස්වක පෝදිනකය.
*එතෙක් මෙතෙක් මිනිස් ඉතිහාසයේ සිදු වූ ශ්‍රේෂ්ඨතම සහ අසිරිමත්ම සිදුවීම වන ධම්මචක්කප්පවත්තන සූත්‍ර දේශනාව බරණැසයේ ඉසිපතන මිගදායේදී පස්වග තවුසන් උදෙසා දේශනා කර වදාළේ අද වැනි පූජනීය දිනයකයි.*
අන්ත දෙකක අතරමංව සිටි ලෝකයාට:
අධික ලෙස සැප විඳීමේ කාමසුඛල්ලිකානුයෝගයත්,
ශරීරයට අධික ලෙස දුක් දීමේ අත්තකිලමථානුයෝගයත්
යන අන්ත දෙකම බැහැර කරමින්, සසර දුකින් මිදීමේ එකම මග වන "මධ්‍යම ප්‍රතිපදාව" (ආර්ය අෂ්ටාංගික මාර්ගය) සහ "චතුරාර්ය සත්‍යය" උන්වහන්සේ ලොවට හෙළි කළ සේක.
දේශනාව කෙළවර අඤ්ඤාකොණ්ඩඤ්ඤ තවුසාණන් සෝවාන් ඵලයට පත්වීමත් සමඟ, බුද්ධ, ධම්ම, සංඝ යන උතුම් තෙරුවන්ම ලොව සම්පූර්ණ වූයේද මෙම උතුම් ඇසළ පෝදිනකය. එමෙන්ම මාතෘ දිව්‍ය රාජයා ප්‍රමුඛ දෙවියන්ට අභිධර්මය දේශනා කිරීම, හේමමාලා-දන්ත කුමරුන් විසින් ශ්‍රී දන්තධාතූන් වහන්සේ ලංකාවට වැඩම කරවීම, වැනි ශාසනික රන් සලකුණු රැසකින් ඇසළ මහ ශ්‍රී ලාංකීය අපට අතිශය පූජනීය වේ.
