31/08/2026
இனிய நல் வாழ்த்துக்கள்
நிந்தவூர் கமு/அல் அஷ்றக் தேசிய பாடசாலையின் 80 ஆவது *அமுத* விழவின் நினைவான வாழ்த்துக்கள்
கிழக்கின் ஒளிக்கீற்று எனும் பொருள் பட அழைக்கப்படும் அல் அஷ்றக் தேசிய பாடசாலையானது நிந்தவூர் பிரதேசத்தின் அழியா சொத்து.
பல்வேறு வரலாற்றுப் பெருமையும் கல்விச் சிறப்பும் கொண்ட எமது அன்பிற்குரிய பாடசாலை தனது 80 ஆவது ஆண்டு அமுத விழாவினை கொண்டாடுவதையிட்டு எனது உளமார்ந்த வாழ்த்துக்களைத் தெரிவித்துக் கொள்வதில் பெருமகிழ்ச்சி அடைகின்றேன்.
கடந்த 80 ஆண்டுகளாக அறிவையும், ஒழுக்கத்தையும், பண்பாட்டையும், மனித நேயத்தையும் மாணவர்களிடையே வளர்த்து, சமூகத்திற்கும் நாட்டிற்கும் மிகச் சிறந்த ஆளுமைகளை உருவாக்கியுள்ள இப்பாடசாலையின் கல்விப் பயணம் பாராட்டுக்குரியது.
இப்பாடசாலையின் வளர்ச்சிக்காக அர்ப்பணிப்புடன் பணியாற்றிய அதிபர்கள், ஆசிரியர்கள், கல்விசாரா பணியாளர்கள், பாடசாலை அபிவிருத்திச் சங்க பிரதி நிதிகள், பழைய மாணவர்கள், பெற்றோர்கள், கல்வி அதிகாரிகள், அரசியல் பிரமுகர்கள், மாணவர்கள் மற்றும் நலன் விரும்பிகள அனைவருக்கும் இந்நன்னாளில் நன்றியையும் பாராட்டையும் தெரிவித்துக் கொள்கிறேன்.
இன்றைய மாணவர்கள் நாளைய சமூகத்தின் தலைவர்களாகவும், நாட்டின் வளமான எதிர்காலத்தை உருவாக்குபவர்களாகவும் திகழ வேண்டும் என்பதே எமது எதிர்பார்ப்பாகும். அந்த வகையில், இப்பாடசாலை மேலும் பல ஆண்டுகள் சிறப்புடனும், புகழுடனும் வளர்ந்து, பேர்பெற்று கல்வி மற்றும் சமூகத் துறைகளில் பல சாதனைகளைப் படைக்க இறைவனைப் பிரார்த்திக்கின்றேன்.
கடந்த 80 ஆண்டுகள் வரையில் இப்பாடசாலை பல்வேறு சாதனைகளைகள் புரிந்து எமதூருக்கும் தேசத்துக்கும் பெருமை தேடித் தந்துள்ளன. அதிலும் விஷேமாக கடந்த 5 வருடங்களில் பாடவிதான, இணைப்பாட விதான செயற்பாடுகளில் ஈட்டிய தேசிய மட்ட சாதனைகள் காலத்தால் அழியாதது.
இந்நிலையில் 80 இல் கால் பதிக்கும் இப்பாடசாலையின் சிறப்பான சாதனைகள் தொடர அனைவரும் சேர்ந்து யயணிக்க வேண்டியது இன்றியமையாதது. .
அதற்காக அனைவரையும் அன்புடன் அழைக்கின்றேன்.
இன்னிலையில் 80 ஆவது ஆண்டு விழாவைக் கொண்டாடும் பாடசாலை சமூகத்தினர் அனைவருக்கும் எனது இனிய வாழ்த்துக்கள்.
வாழ்க பாடசாலை!
வளர்க கல்விப் பணி!
வெல்க மாணவர் சமூகம்!
தொடரட்டும் சிறப்பான சாதனைகள்
Regards
A.Abdul Gaffoo,r
Principal,
KM/Al - Ashraq M.M.V.
(National school),
Nintavur.
