Dhammissara National School

ෂය සමගාමි ක්රියාකාරකම් තුළින් ශිෂ්ය කේන්ද්රීය වූ ගුණාත්මක අධ්යාපනයක් ලබා දී ගුණ නැණ සුව බල සපිරි දූ පුතුන් සමාජයට දයාද කිරීම.’’

විද්යාලයීය ආදර්ශ පාඨය
පඤ්ඤා නරානං රතනං
“මිනිසාට නුවණ මැණිකකි.”

විද්යාලයීය ගීතය

හෙළ ශිල්ප කලා ලෝකේ
ගෙන දුන් මහා ආලෝකේ
පෙම්බර විදුහල් මවුනි සදා
අත් මුදුනේ තබා වැන්දා
සකු මගධ සිහල භාෂා
ලොව ගණිත මිණිත විද්යා //

සිප් සත රස කොට පොවා සදා
දියුණුව දෙයි පහදා
ඔබ හැදුව සිඟිති දරුවෝ
අද පසිඳු කලාකරුවෝ
මේ ඔබේ කලා භවනේ
බිහිවේවා මහා කිවියන්//
සව් සිරියෙන් ඉතිරේවා
ධම්මිස්සර විදුහල් මාතා
ලෝකෙට සෙත සදමින් බැබලේ
අප පෙම්බර විදුහල් මාතා !
සැරදේ ! සැරදේ ! සැරදේ !!
විදුහල් මවු නිති සැරදේ !

පාසලේ ආරම්භය සහ ඉතිහාසය සැකෙවින්
• වයඔ පළාතේ පුත්තලම් දිස්ත්රික්කයේ නාත්තන්ඩිය ප්රාදේශීය ලේකම් කොට්ඨාසයේ ග්රාම සේවා වසම් දෙකකට මෙම විදුහල් පරිශ්රය අයත් වේ. ප්රාථමික අංශය අයත් වන්නේ නැගෙනහිර වීරහේන ග්රාමසේවා වසමටය. ජ්යෙෂ්ඨ අංශය අයත් වන්නේ මැද නාත්තන්ඩිය ග්රාම සේවා වසමටය.
• ධම්මිස්සර පාසල පිළිබඳ ව වූ ඉතිහාසය 1913 වර්ෂය දක්වා දිව යයි. යටත් විජිත යුගයේ පාසල් ද්විත්වයක බිහිවීමකින් ඇරඹී, මෙම පාසල නාත්තන්ඩිය වලහපිටිය ප්රධාන පාරේ තෙල් මෝල සමීපයෙහි වූ අක්කරයක පමණ වූ භූමිභාගයක පිහිටා තිබිණි.
• ආරම්භයේ දී ශිෂ්ය සංඛ්යාව 15 ක් විය. එවකට මෙම විදුහල ඒ.වී.ස්කුල් (Anglo Vernacular) (ඉංග්රීසි / සිංහල) යන නමින් මෙය හදුන්වන ලදී. මෙකල “මැන්ඩිස්” නම් මහත්මියක විසින් විද්යාලයේ ප්රධානාචාර්ය ධූරය හොබවන ලද අතර එතුමිය 1913 -1919 තෙක් කටයුතු කරන ලදී.
• මෙම පාසල හා සමගාමී ව 1913 දී නාත්තන්ඩිය වී මෝල අසල බාලිකාවන් සඳහා පාසලක් ද ආරම්භ විය. එහි ප්රධානාචාර්යවරිය වේයන්ගොඩ ප්රදේශයේ “තිසේරා” නම් වූ මහත්මියක් වුවාය.
• 1920 දී ශ්රි ලංකාවේ ප්රථම වරට ඇරඹු ද්වීභාෂා ක්රමයේ පාසල් 12 න් එකක් බවට පරිවර්තනය වීමෙන් පසුව “Government Bilingual School” හෙවත් “රාජ්ය ද්වීභාෂා පාසල” ලෙස මෙහි නාමය වෙනස් කරන ලදී.
• 1953 වන විට විද්යාලයේ ශිෂ්ය පිරිස 183 ක් විය. 1953 ජනවාරි මස පළමු වන දින විදුහල්පති ධූරය සඳහා ඩග්ලස් බෝගහලන්ද මහතාගේ සම්ප්රාප්තියත් සමග පාසලේ ස්වර්ණමය යුගය උදාවූ බව ආදී ශිෂ්යන්ගේ මතයයි. ඊට හේතුව වුයේ එතුමාගේ සේවා කාලයේදී විදුහලෙන් නිසි අධ්යාපනය ලබා සරසවි වරම් ලද්දාවූ ශිෂ්ය පිරිසක් බිහිවූ බවට සාධක ඇත.
• 1956 වර්ෂයේ පවතී රජයේ ප්රතිපත්ති වලට අනුකුලව ඉංග්රීසි මාධ්යයෙන් අධ්යාපනය කරගෙනයාම අත්හිටවූ අතර වයඹ පළාත් පුත්තලම් දිස්ත්�රික්කයේ ප්�රථම මහා විද්යාලය වුයේ අප පාසලයි.
• එමෙන් ම 1960 වර්ෂයේ දෙසැම්බර් 4 වන දින පවත්වන ලද උසස් පෙළ විභාගයෙන් උසස් සාමාර්ථයන් ලබා ප්රථම වරට ශිෂ්යයින් දෙදෙනෙකු විශ්ව විද්යාල වරම් ලැබීම විද්යාල ඉතිහාසයේ රන් අකුරින් සනිටුහන් විය යුතු අතිශය වැදගත් කාරණාවකි.
• ශිෂ්යයින් දෙදෙනා වුයේ ගුණසිරි ධර්මපාල සහ සමන් එදිරිසිංහ යන දෙදෙනාය. ගුණසිරි ධර්මපාල මහතා ශ්රි ලංකා පරිපාලන සේවයේ ජ්යෙෂ්ඨයෙකු ලෙස සේවය කොට විශ්රාම සුව විද අභාවයට පත් විය.
• සමන් එදිරිසිංහ මහතා අධ්යාපන ක්ෂේත්රයෙන් විශ්රාම ලබා මාරවිල ශ්රේෂ්ඨාධිකරණයේ නීතීඥ වෘත්තියෙහි නියැලේ.
• 1961 -1969 දක්වා පර්සි බෝයි මහතා විදුහල්පති ලෙස පත්ව සිටි සමයේ 1963 වර්ෂයේ මෙම පාසලට “ධම්මිස්සර” යන නාමය එක් වූ බව පැවසේ. එවකට වයඹ පළාතේ ප්රධාන සංඝනායක පදවිය දැරූ , නාරාවිල ධම්මිස්සර හිමියන් ආදර්ශවත් නායක ස්වාමින් වහන්සේ නමක් වීමත්, උන්වහන්සේ බෞද්ධ අධ්යාපන උපදේශක කමිටුවේ සාමාජිකත්වය දරමින් පළාත් සාමාජීක සංස්කෘතික හා අධ්යාපන අංශය වෙත විශිෂ්ඨ සේවාවක් සැපයීමත් නිසා, පාසල් ගුරු දෙගුරු සංගමයේ යෝජනාවක් අනුව “ධම්මිස්සර” යන නාමයෙන් විද්යාලය නම් කිරීමට සම්මත වීමෙන් පසු සිට අද දක්වා ම “ධම්මිස්සර” නාමය භාවිතයේ පවතී.
• ඉන්පසුව විදුහල්පති ධූරය දැරුවේ සී.බී. බිබිලේ (1968-1969) මහතාය. එතුමාගේ සේවා කාලයෙන් අනතුරුව නැවත වතාවක් පර්සි බෝයි මහතා (1969-1970) විදුහල්පතිධුරය සඳහා පත්වී ආවේය. වසරක පමණ කෙටි කාලයක් සේවය කල එතුමන් ගෙන් පසුව එස්.එම්.සෝමරත්න මහතා (1970-1977) විදුහල්පති තනතුරට පත්විය. මෙම කාලය තුල 1050 ක පමණ ශිෂ්ය සංඛ්යාවකට දම්සුරු මාතාවගේ ශිල්ප ඥානය ලබාදෙන්නට යෙදුනි. මෙතුමා විද්යාලයේ භෞතික සම්පත් සංවර්ධනය සඳහා ඉදිරිපස භුමිය පවරා ගන්නට කටයුතු කරන ලදී. මෙතුමා විද්යාලයේ දියුණුව තව තවත් ඉහල නංවාලීමේ අරමුණින් උසස් පෙළ විද්යා අංශය ආරම්භ කරන ලද්දේ මේ වකවානුවේය. එවකට විදුහල්පතිතුමා සහ ගුරුභවතුන් කැපවීමෙන් කටයුතු කිරීම නිසා ම 1974 දී විද්යා අංශයේ ප්රථම වතාවට සිසුන් 2 දෙනෙකුට විශ්ව විද්යාල වරම් ලබාදීමට ධම්මිස්සර විදුහල සමත් විය. එලෙස උසස් අධ්යාපනයට වරම් ලබාගත් සිසුන් දෙදෙනාගෙන් එක් අයෙක් වන්නේ සී.පී.එස්.ඩිවෝටා මෙනවියයි. ඇය ගෞරවාන්විත සේවයකින් පසු 2016 වර්ෂයේ මෙම විදුහලෙන් විශ්රාම ලැබුවාය.
• වර්ෂ 1975 දී ප්රථම වරට එලෙස වෛද්ය සරසවි වරම් ලද ශිෂ්යයන් වුයේ කපිල ගුණවර්ධන, හර්මාන්පිල් පෙරේරා කාන්ති කැකුලාවල යන අයයි. මළල ක්රීඩා විද්යාලයේ ආරම්භ කළේ ද මේ වකවානුව තුළදීය. පාසල් භෞතික සම්පත් සංවර්ධනයද මේ කාලය තුළ දැකිය හැකි වුයේ විදුහල්පතිතුමාගේ දැඩි කැපවීම නිසාම බව මෙහි ලා දැක්විය හැකි වේ.
• ඩී.ඩී.ඒ පෙරේරා මහතා විදුහල්පතිධුරය දැරූ සමය පාසලේ ක්රමික සංවර්ධනයක් ඇති කිරීමට දායක විය. පසු කලක කේ.එම්.පී.රණවීර මහතා(1977-1990) විදුහල්පති ධූරය හෙබ වීය. 1978 දී ප්රථම වතාවට සමස්ත ලංකා 19 න් පහල බාලක එල්ලේ ශුරතාවය දිනා ගැනීමද සුවිශේෂී ජයග්රහණයක් විය.
• වොලිබෝල් ක්රීඩාවට අතිවිශේෂ අනුග්රහයක් දක්වමින් විද්යාලයට රටේ කීර්ති නාමයක් ගෙන ඒමට එතුමා දායක විය. එකල වොලිබෝල් කණ්ඩායම භාර ආචාර්යවරයා ලෙස කටයුතු කළේ ක්රීඩා ගුරු උපදේශක එච්.එස්.මදුරප්පෙරුම මහතාය.එතුමාගේ නිවැරදි මාර්ගෝපදේශකත්වය නිසාම වොලිබෝල් ක්රීඩාව තුලින් ප්රථම වරට ජාතික කණ්ඩායමට ක්රීඩකයකු බිහිකිරීමට අප පාසල සමත් විය. 1985 දී කීර්ති ජයසේකර ශිෂ්යයා හා ඔහුගේ සහෝදරයකු වන චන්න ජයසේකරද 1985 දී ජාතික කණ්ඩායමට තේරී පත් වුයේ මදුරප්පෙරුම මහතාගේ මඟ පෙන්වීම යටතේය. වර්තමානයේදී ක්රීඩා භාර ආචාර්යවරයා වශයෙන් කටයුතු කරන කීර්ති ජයසේකර මහතා වොලිබෝල් ක්රීඩාවේ මෙන්ම අනෙක් සියලු ක්රීඩා වල උන්නතියට නිරන්තරයෙන්ම වෙහෙස වෙමින් ඉමහත් ධෛර්යකින් යුතුව කටයුතු කරමින් දරුවන් ජයග්රහණය කරා මෙහෙයවීම විදුහල් මාතාව ලද භාගයක්ම වේ.
• 1990 වර්ෂයේදී ඉතා දක්ෂ මළල ක්රීඩකයකු බිහිකිරීමට විද්යාලය සමත්විය. ඒ.රත්න කුමාර නම් වූ මෙම ක්රීඩකයා සමස්ත ලංකා තරඟ වලින් ඔබ්බට ගොස් ආසියාතික මළල ක්රීඩා තරග වලටද සහභාගී වීමේ වරම් ලද්දේය. බී.ඩබ්.එම්.එස්.බණ්ඩාර මහතා(1991-1998) විදුහල්පතිධුරය සඳහා පත්වුයේ 1991 දීය. ඒ වන විට ශිෂ්ය ශිෂ්යාවන් සංඛ්යාව 2600 ක් පමණ සිප්සතර හැදෑරු අතර 85 ක් පමණ වූ අදුරු මඩුල්ල ශිල්ප ලබාදීමට සිටි බව පෙනේ.
• එතෙක් පැවති අඩුපාඩුවක් සපුරාලමින් පාසලේ ආදී ශිෂ්ය සංගමය පිහිටුවා ගැනීම සිදුවුයේ මේ වකවානුවේ දීය.
• 1994.08.05 දින ධම්මිස්සර විද්යාලය ජාතික පාසල් බවට පත් විය.
• විද්යා අධ්යාපනය හදාරන සිසුන්ගේ අධ්යාපන කටයුතු වඩාත් සාර්ථක කිරීම පිණිස නව තෙමහල් විද්යාගාරය ඉදිකිරීම සිදුවුයේ ද මේ සමයේදිය. මෙම විදුහලෙන් ප්රථම වරට සරසවි වරම් ලැබූ ඊ.ඒ.එස්.පී.එදිරිසිංහ මහතා (1998 - 2001) විදුහල්පති ධූරය සඳහා පත්ව ආවේ 1998 වර්ෂයේදී ය.
• මෙකල තවත් ඉඩමක් විද්යාල භූමියට එක් කර ගන්නා ලදි.
• ප්රාථමික අංශයේ සෙල්ලම් මිදුල, මහා විද්යාල අංශයේ ක්රීඩා පිටිය, වොලිබෝල් සංකීර්ණය, ප්රධාන රංග ශාලාව ඉදිකරමින් භෞතික සම්පත් සංඛ්�යාව වැඩි කර ගැනීම .
• ඉන් පසු විදුහලේ විදුහල්පති ධූරයට පත්වුයේ ඩබ්.එම්.ආර්. සිල්වා මහතාය (2001-2005). පරිපාලනයෙහි මනා දක්ෂයෙක් වූ මෙතුමා පාසලේ අධ්යාපනික, ක්රීඩා හා අනෙකුත් බාහිර අංශ විධිමත් දියුණුවකට කරන ලදී.
• 2003 වර්ෂයේ ඉංග්රීසි මාධ්ය පන්ති ආරම්භවීම.
• 2004 වර්ෂයේ දී වොලිබෝල් කණ්ඩායම් විසින් කිසිදා නොබිඳිය හැකි වාර්තාවක් පිහිටුවන ලදි. එනම් සමස්ත ලංකා ශූරතා 05ක් හා අනු ශූරතාවයක් හිමි කර ගැනීම.
• 2008 වර්ෂයේ දී 100% ක් ප්රතිඵල පෙන්වමින් දිස්ත්රික්කයේ ප්රථම ස්ථානයට පත්වීම.
• විද්යා අංශයෙන් එන්.ඩබ්. රනීතා දුලාරි ශිෂ්යාව පළමු ස්ථානය ලබා ගැනීම.
• 2009 වර්ෂයේ ප්�රාථමික අංශය සහ මධ්ය විද්යාල අංශය යා කරමින් ගුවන් පාලමක් ඉදිකිරීමද සිදු විය.
• ආර්.කේ.ජේ. ගුණසේකර මහතා 2014 මැයි මස විශ්රාම යාමෙන් අනතුරුව විදුහල්පති ධුරයේ වැඩ භාරගනු ලැබුවේ ඩබ්.එස්.එස්.ආර්.එම්.එස්.එස්. විජේසේකර මහතාය. එතුමා අ.පො.ස.(උ/පෙ) ප්රතිඵල වල වර්ධනයක් පෙන්නුම් කළ අතර දම්සුරු ඉතිහාසය රන් අකුරින් සනිටුහන් කරමින් ප්රථම වතාවට උසස් පෙළ ජීව විද්යා අංශයේ එන්.ඩබ්.රනීතා දුලාරි පෙරේරා ශිෂ්යාව දිස්ත්රික් පළමු ස්ථානය දිනාගනිමින් දස්කම් දක්වූවාය.
• 2015 මැයි 11 දින සිට විදුහලේ නව විදුහල්පතිවරයා ලෙස වැඩ භාරගත්තේ ඩී. සුමතිපාල සිල්වා මහතා ය. විද්යාලයීය මෙහෙවර අනුව යමින් “නිපුනතා පිරිපුන් ජගත් පුරවැසියෙකු දම්සුරුවෙන් විශ්ව ගම්මානයට” යන දැක්ම සාක්ෂාත් කර ගැනීම විදුහලේ එකම පරමාර්ථය වේ. ඊට ගුරු මණ්ඩලය ඇප කැප වී සිටි. 2015 වර්ෂයේ හලාවත කලාපයේ පහ ශ්රේණි ශිෂ්යත්ව අ.පො.ස. (සා.පෙළ ) අ.පො.ස.( උ.පෙළ) යන ජාතික විභාග ප්රතිඵල වලින් ප්රමුඛස්ථානය ලැබීම විශේෂ ජයග්රහණ විය.
• මෙතුමා විසින් නිවැරදි සැලසුම් ක්රම, නිවැරදි මූල්ය ක්රමවේදයන්, ගුරුවරුන් නිසි ලෙස කළමනාකරණය කිරීම මෙම කාලය තුළ කාර්යාලයීය කළමනාකරණය විධිමත් කරන ලදි. සියලුම නිලධාරින්ට හා සේවකයින්ට රාජකාරි ලැයිස්තු ලබා දීම සිදු කරන ලදි.
• 2016 වර්ෂයේදී ද සියලුම ජාතික විභාග ප්රතිඵල වර්ධනය රැක ගැනීමට ධම්මිස්සර ජාතික පාසල සමත් විය. පසු ගිය කාල පරිච්ඡේදය තුළ දී විෂය හා විෂය සමගාමී ජයග්රහණ රැසක් හිමිකර ගෙන ඇත. AAT වාර්ෂික සම්මාන උළෙලේ දී වයඹ පළාතේ හොඳම මූල්ය වාර්තාවට හිමි සම්මානය 2016 හා 2017 යන වර්ෂ දෙක සඳහාම හිමි කර ගත් අතර, වසර 7කට පසුව 2017 වර්ෂයේ දී සමස්ත ලංකා 19 න් පහළ වොලිබෝල් ප්රථම ස්ථාන ජයග්රහණය ලබා ගනිමින් ධම්මිස්සර විදුහල් මාතාව දිනෙන් දින ජයටැඹ කරා ගෞරවාන්විත වූ ගමනක් යන්නීය. ඒ අතර 2017 වර්ෂයේ දී උසස් පෙළ විෂය විභාග සඳහා තාක්ෂණ විද්යා විෂය ධාරාව ද අධ්යාපන අමාත්යාංශයේ අනුමැතිය මත ආරම්භ කිරීමට හැකි වීම විශේෂ ජයග්රණයකි.

වත්මන් විදුහල්පති
එස්.ඒ.අනිල් පුෂ්ප කුමාර මහතා.( 2018 වර්ෂයේ සිට )

ධම්මිස්සර මාධ්ය ඉතිහාසය

•ධම්මිස්සර FACEBOOK ACCOUNT ආරම්භය - 2019.01.10
•ධම්මිස්සර FACEBOOK PAGE ආරම්භය - 2019.06.10
•ධම්මිස්සර TV YOUTUBE CHANNEL ආරම්භය -2020.04.20

ධම්මිස්සර ජාතික පාසල මාධය ඒකකය
All rights reserved