BT/BW/Munaikkadu Vivekananda Maha vidyalayam

13/07/2025

இம்முறையும் கிழக்கு மாகாண பாடசாலைகளுக்கிடையிலான விளையாட்டு நிகழ்வில் சாதித்த மட்/மமே/முனைக்காடு விவேகானந்த மகா வித்தியாலயம்
-------------------------------
இம் முறையும் கிழக்கு மாகாண பாடசாலைகளுக்கிடையிலான மாகாணமட்ட மேசைப்பந்தாட்ட தொடரிலும் வெற்றிவாகை சூடி தங்களது திறமையை மீண்டுமொருமுறை நிரூபித்த மட்/மமே/ முனைக்காடு விவேகானந்த மகா வித்தியாலய மேசைப்பந்தாட்ட அணிகள்.

கிழக்குமாகாண பாடசாலைகளுக்கிடையிலான 2025ம் ஆண்டுக்கான மாகாண மட்ட விளையாட்டு நிகழ்வுகள் திருகோணமலையில் நடைபெற்றுவரும் நிலையில் அதன் ஒரு அம்சமான மேசைப்பந்தாட்ட போட்டியானது அனைத்து வயதுப் பிரிவினருக்கும் நேற்றும் இன்றும் ( சனி,ஞாயிறு) இடம்பெற்றிருந்தது.

இவ் மாகாண மட்ட போட்டிகளில் மட்டக்களப்பு மேற்கு கல்வி வலயம் சார்பாக பங்கு கொண்டிருந்த முனைக்காடு விவேகானந்த மகாவித்தியாலய மேசைப்பந்தாட்ட அணியினர் மீண்டுமொருமுறை தங்களது திறமைகளை நிரூபித்து பல வெற்றிகளை குவித்துள்ளனர்

அந்த வகையில் 18 வயதுக்குட்பட்ட பெண்கள் பிரிவு மற்றும் 18 வயதுக்குட்பட்ட ஆண் பிரிவுகளில் சம்பியனாக தெரிவானதுடன் 16 வயதுக்குட்பட்ட பெண்கள் பிரிவில் இரண்டாமிடத்தையும் பெற்றுக்கொண்டது

அத்தோடு 20 வயதுக்குட்பட்டோருக்கான தனிப்பட்ட வீராங்கனைகளுக்கான போட்டியில் M. நிவேதிதா சம்பியனானதுடன் சிறந்த வீராங்கனையாகவும் தெரிவானார் 2024 ம் ஆண்டு அதே வயதுப் பிரிவில் சம்பியனானமை குறிப்பிடத்தக்கது. 18 வயதுப் பிரிவு வீராங்கனையான இவர் திறந்த போட்டிப்பிரிவான 20 வயதுக்குட்பட்ட தனிப்பட்டோருக்கான பிரிவில் கலந்துகொண்டு தனது திறமையினை வெளிப்படுத்தினார்.

20 வயதுக்குட்பட்ட ஆண்களுக்கான தனிப்பட்ட போட்டிப்பிரிவில் K. டிபாணுஜன் இரண்டாமிடத்தையும் பா. குகேநிசன் 3ம் இடத்தையும் பெற்றுக்கொண்டனர் இவர்களும் 18 வயதுப்பிரிவு வீரர்களாக காணப்படுகின்ற வேளையிலும் திறந்த போட்டியான 20 வயதுப்பிரிவில் கலந்து கொண்டு தமது திறமையினை வெளிக்காட்டி மட்டக்களப்பு மாவட்டத்திற்கும் மட்டக்களப்பு மேற்கு கல்வி வலயத்திற்கும் முனைக்காடு விவேகானந்த மகாவித்தியாலயத்திற்கும் முனைக்காடு கிராமத்திற்கும் பெருமையினை தேடிக்கொடுத்திருக்கின்றனர்.

மட்/மமே/ முனைக்காடு விவேகானந்த மகா வித்தியாலய மேசைப்பந்தாட்ட அணி பாடசாலை மட்டங்களில் மாத்திரமன்றி திறந்த கழகமட்ட போட்டிகளிலும் முனைக்காடு இராமகிருஷ்ணா விளையாட்டுக் கழகத்திற்காக களம் இறங்கி சாதித்துக்காட்டிக்கொண்டிருக்கின்றனர்

31/01/2025

மட் /மமே/முனைக்காடு விவேகானந்த மகா வித்தியாலயத்தில் தரம் மூன்றில் கல்வி கற்கும் மாணவர்களின் புதுமுகச் செயற்பாட்டின் மகிழ்ச்சிகரமமான கண்காட்சி

23/01/2025

இன்று வெளியாகிய 5ம் தர புலமைப்பரிசில் பரீட்சை பெறுபேறுகளின்படி மட்/மமே/ முனைக்காடு விவேகானந்த மகா வித்தியாலயத்திலிருந்து பரீட்சைக்கு தோற்றியோரில் 81% மாணவர்கள் சித்தியடைந்துள்ளதுடன் 11 மாணவர்கள் வெட்டுப்புள்ளியை தாண்டியுள்ளனர்

11/11/2023

26/09/2023

சிசு பல நலன்புரி திட்டத்தின் கீழ் மட்/மமே/முனைக்காடு விவேகானந்த மகா வித்தியாலய மாணவர்களுக்கு #கற்றல் #உபகரணங்கள் வழங்கி வைப்பு.

சமுர்த்தி திணைகளம் மாணவர்களின் பாடசாலைக் கல்விக்கு உறுதுணை வழங்கும் நோக்குடன் நாடு பூராகவும் முன்னெடுத்து செல்லும் சிசு பல எனும் நலம்புரித் திட்டத்தின் ஊடாக இன்றைய தினம் கற்றல் உபகரணங்கள் வழங்கும் நிகழ்வு மட்/மமே/ முனைக்காடு விவேகானந்த மகா வித்தியாலயத்தில் வித்தியாலய முதல்வர் மதிப்பிற்குரிய மா. யோகேந்திரன் ஐயா அவர்களின் தலைமையில் இடம்பெற்றது.

இவ் நிகழ்ச்சித் திட்டத்தினூடாக வித்தியாலயத்தில் தரம் 5 ல் கல்வி கற்கும் 50 மாணவர்களுக்கு இவ் கற்றல் உபகரணங்கள் வழங்கிவைக்கப்பட்டது இந் நிகழ்வில் கொக்கட்டிச்சோலை சமுர்த்தி வங்கி முகாமையாளர் திருவாளர் புவிராஜ் அவர்களும் கொக்கட்டிச்சோலை சமூர்த்தி கிளையின் முகாமைத்துவ பணிப்பாளர் திருவாளர் சி. தியாகராஜா அவர்களும் சமூர்த்தி உத்தியோகத்தர்களும் கலந்து கொண்டிருந்தமை குறிப்பிடத்தக்கது

26/09/2023

எமது வித்தியாலயத்தில் இன்றைய தினம் ஒரு தொகுதி பூ மரக்கன்றுகள் சுற்றாடல் கழகத்தினால் நடப்பட்டது

22/09/2023

வலய மட்ட சிறுவர் மெய்வல்லுனர் போட்டியில் சாதித்த மட்/மமே/ முனைக்காடு விவேகானந்த மகா வித்தியாலய மாணவர்கள்

மட்டக்களப்பு மேற்கு கல்விவலய பாடசாலைகளுக்கிடையிலான 2023ம் ஆண்டுக்கான வலய மட்ட சிறுவர் மெய்வல்லுனர் விளையாட்டு போட்டியில் மட்/மட்/முனைக்காடு விவேகானந்த மகா வித்தியாலயத்தை பிரதிநிதித்துவப்படுத்தி கலந்து கொண்ட ஆரம்பப் பிரிவுகளை சேர்ந்த 3 மாணவர் குழுக்கள் மாகாண மட்ட போட்டியில் கலந்து கொள்ள தெரிவாகி எமது பாடசாலைக்கும் வலயத்திற்கும் பெருமை சேர்த்துள்ளனர்.

அந்த வகையில்
தரம் 03 - ஆண்கள் அணி - 01 ம் இடத்தையும்
தரம் 04 - ஆண்கள் அணி - 02 ம் இடத்தையும்
தரம் 04- பெண்கள் அணி - 02 ம் இடத்தையும்
பெற்றுக்கொண்டுள்ளமை குறிப்பிடத்தக்கது.

இம் மாணவர்களை வழிப்படுத்தி வெற்றிக்கு வித்திட்ட வித்தியாலய அதிபர், ஆரம்ப பிரிவு ஆசிரியர்கள், விளையாட்டு பயிற்றுவிப்பாளர்கள் மற்றும் பெற்றோர்களுக்கும் பாடசாலை கல்விச் சமூகம் சார்பாக மனமார்ந்த வாழ்த்துக்களை தெரிவித்துக் கொள்கின்றோம்.

06/07/2023

வணிக வாரத்தை முன்னிட்டு இன்றைய தினம் மக்கள் வங்கி, பிரதேச சபை என்பவற்றுக்கு மாணவர்கள் கல்விச் சுற்றுலா சென்றிருந்தனர்

02/07/2023

முனைக்காடு மண்ணுக்கு பெருமை சேர்த்த முனைக்காடு விவேகானந்த மகா வித்தியாலய பெண்கள் உதைப்பந்தாட்ட அணி

வேல் முருகன் டிஸ்றிபியூட்டஸ் மட்டக்களப்பு மாவட்டத்தில் உள்ள 16 பாடசாலைகளை சேர்ந்த மகளிர் உதைப்பந்தாட்ட அணிகளை இணைத்து நடார்த்திய மாபெரும் உதைப்பந்தாட்டத் தொடரில் இரண்டாவது இடத்தை பெற்றுக்கொண்ட மட்/ மமே/ முனைக்காடு விவேகானந்த மகாவித்தியாலய பெண்கள் அணி பெற்றுக்கொண்டது

22/06/2023

மட்/ மமே/முனைக்காடு விவேகானந்த மகா வித்தியாலயத்தில் தரம் 1 மற்றும் 2 மாணவர்களால் நேற்றும் இன்றும் கொண்டாடப்பட்ட தமிழ் சிங்கள புதுவருட நிகழ்வு
☀☀☀☀☀☀☀☀☀☀☀☀☀☀☀☀
மட்டக்களப்பு மேற்கு கல்வி வலயத்திற்குட்பட்ட முனைக்காடு விவேகானந்த மகா வித்தியாலயத்தில் தரம்1, மற்றும் தரம் 2ல் கல்வி பயிலும் மாணவர்களால் நேற்றைய தினமும் இன்றைய தினமும் சித்திரை புதுவருட கொண்டாட்ட நிகழ்வுகள் செயற்பாட்டு ரீதியாக வெகு சிறப்பாக மேற்கொள்ளப்பட்டது.

இலங்கையிலுள்ள அரச பாடசாலைகளில் தரம் 1மற்றும் தரம் 2ல் கல்வி பயில்கின்ற மாணவர்கள் ஒவ்வொரு வருடமும் சித்திரை புதுவருட நிகழ்வினை பாடசாலைகளில் கொண்டாட வேண்டும் என்ற கல்வி அமைச்சின் சுற்றறிக்கைக்கு அமைய ஒவ்வொரு பாடசாலைகளிலும் சித்திரை புதுவருட நிகழ்வுகள் இந்த பருவ காலத்தில் கொண்டாடப்பட்டு வரும் நிலையில் முனைக்காடு விவேகானந்த மகா வித்தியாலயத்திலும் சித்திரை புதுவருட கொண்டாட்ட நிகழ்வானது வித்தியாலய முதல்வர் மதிப்பிற்குரிய கை. தெய்வேந்திரகுமார் ஐயா அவர்களின் தலைமையில் ஆசிரியர்கள், 1ம், 2ம் தர மாணவர்கள் அம் மாணவர்களின் பெற்றோர்களின் பங்கு பற்றுதலுடன் வெகு சிறப்பாக இடம்பெற்றது.

இவ் சித்திரை புதுவருட கொண்டாட்ட நிகழ்வில் வலுவூட்டப்பட்ட பாடசாலைகள் மேம்பாட்டுத்திட்ட இணைப்பாளர் திரு லச்சுதன் ஐயா அவர்களும் பாடசாலை முன்னாள் அதிபர் மா. சத்தியநாயகம் அவர்களும் ஒய்வு பெற்ற கிராம சேவை உத்தியோகத்தர் திரு அருள்ராசசிங்கம் அவர்களும் வித்தியால ஆசிரியர்கள் மாணவர்கள் பெற்றோரும் கலந்து சிறப்பித்திருந்தமை குறிப்பிடத்தக்கது.

இவ் சித்திரைபுதுவருட கொண்டாட்ட நிகழ்வில் சித்திரை புதுவருட தினத்தன்று நிகழ்த்தப்படும் பல்வேறு சம்பிரதாய அம்சங்களும் சிறுவர்களுக்கான சில விளையாட்டுக்களும் இடம்பெற்றமை குறிப்பிடத்தக்கது

20/06/2023

இன்றைய தினம் இடம்பெற்ற மட்டக்களப்பு மேற்கு கல்வி வலயத்திற்குட்பட்ட மண்முனை தென்மேற்கு கல்விக் கோட்ட பாடசாலைகளுக்கிடையிலான உதைப்பந்தாட்ட தொடரில் மட்/மமே / முனைக்காடு விவேகானந்த மகா வித்தியாலயத்தினை பிரதிநிதித்துவப் படுத்தி உதைப்பந்தாட்ட போட்டியில் கலந்து கொண்ட 17 வயதுக்குட்பட்ட மகளீர் காற்பந்தாட்ட அணி 1ம் இடத்தையும் 20 வயதுக்குட்பட்ட காற்பந்தாட்ட மகளீர் அணி 2 ம் இடத்தையும் பெற்று பாடசாலைக்கு பெருமையினை சேர்த்துள்ளனர்.

இவ் இரு அணிகளும் இறுதிப்போட்டியில் அம்பிளாந்துறை கலைமகள் மகாவித்தியாலய மகளீர் உதைப்பந்தாட்ட அணியினை எதிர்த்தாடியிருந்தமை குறிப்பிடத்தக்கது.