Sangabo Dhamma School - Mount Lavinia

🙏🙏🙏

සියලුම ලක්වාසීන්ට පිංබර දුරුතු පොහොය දිනයක් වේවා

දුරුතු පොහොය දිනයේ වැදගත්කම

-> බුදුරජාණන් වහන්සේ ප්‍රාටම වතාවත ශ්‍රී ලන්කාවට වැඩම කිරීම

-> නාග ගෝත්‍රිකයන්ගේ හා යක්ශ ගෝත්‍රියකයන්ගේ ආරවුල සමතයකට පත් කිරීම

-> තුන්බෑ ජටිලයන් ප්‍රධාන දහසක් ජටිලයන් දහම් දෙසීම

-> බිම්බිසාර රජුගේ ආරාධනය පරිදි බුදුරජුන් උරුවේල් දනවීමේ සිට රජගහ නුවරට වැඩම වීම

-> ආරාම පිලිගැනීමට සුදුසු යැයි බුදුරදුන් බික්ශූන් අමතා නියම කිරීම

සම්මා සම්බුදු රජාණන් වහන්සේ බුද්ධත්වයට පත්වන අවසන් භවයේ උන්වහන්සේගේ ශරීරය තුල පිහිටි මහා පුරුෂ ලකුණු 32

1.සුප්පතිට්ඨිත පාදෝ - මනාව පිහිටන ලද පා ඇති බව

2.පාදතලේසු චක්කලක්ඛණං - යට පාතලයන්හි චක්‍ර ලකුණ

3.ආයතපණ්හි - දික් විලුඹ ඇත්තේය

4.දීඝංගුලී - දිගු ඇගිලි ඇත්තේය

5.බ්‍රහ්මුජ්ජුගත්තෝ - මහබඹහුගේ බදු සෘජු සිරුර ඇත්තේය

6.සත්තුස්සදෝ - සත් තැනක උස්ව පිහිටි මාංශ ඇත්තේය

7.මුදුතළුණහත්ථපාදෝ - මෘදු යොවුන් අත් පා ඇත්තේය

8.ජාල හත්ථපාදෝ - එල්ලා වැටෙනසුළු නම්‍යශීලී අත්පා ඇත්තේය

9.උස්සංඛපාදෝ - උස්ව පිහිටි ගොප්ඇට සහිත පා ඇත්තේය

10.උද්ධග්ගලෝමෝ - උඩු අතට කරකැවුණු අග ඇති ලෝම ඇත්තේය

11. ඒණිජංඝෝ - ඒණි නමැති මුවන්ගේ බදු කෙණ්ඩා ඇත්තේය

12. සුඛුමච්ඡවී - සියුම් සම ඇත්තේය.
සුඛුමත්තා ඡවියා රජෝජල්ලං කායේ න උපලිප්පති - සම ඉතා සියුම් බැවින් කයෙහි දුහුවිලි කුණු දැලි නොතැවරෙයි

13.සුවණ්ණවණ්ණෝ - රන්වන් ය
කඤ්චනසන්නිභත්තචෝ - රන් හා සමාන සිවි පැහැ ඇත්තේය

14. කෝසෝහිත වත්ථගුය්හෝ - කොපුවක බහා සැගවූ දෙයක් සෙයින් පුරුෂ නිමිත්ත පිහිටියේ ය

15.නිග්‍රෝධපරිමණ්ඩලෝ - නුග රුකක් බදුව උසට සරිලන මහතින් යුතු බව ය. කය යම් පමණද, බඹයද එපමණ ය. බඹය යම් පමණ ද, කය ද එපමණය.

16. ඨිතකෝව අනෝනමන්තෝ උභෝගි පාණිතලේහි ජණ්ණුකානි පරිමසති, පරිමජ්ජති - නොනැමී සිටියේම දෙඅත්ලෙන් සිය දෙදණ ස්පර්ශ කරයි, පිරිමදියි

17. සීහපුබ්බද්ධකායෝ - සිංහයෙකුගේ බදු තේජමාන පෙර ඉදිරිපස කය ඇත්තේය

18. චිතන්තරංසෝ - මාංශයෙන් පිරීගිය පිටිකර ඇත්තේය

19. සමවත්තක්ඛන්ධෝ - සමව වට වූ කද ඇත්තේය

20. රසග්ගසග්ගී - අග්‍ර රස ලැබදෙන රස නහර ඇත්තේය.
උද්ධග්ගාස්ස රසහරණියෝ ගීවාය ජාතා හොන්ති සමාවාහිනියෝ - ගෙලෙහි උඩුකුරුව කෙලින් නැගී සිටි රසනහර ඇත්තේය. එයින් අහර රස සමව උරා දෙයි

21.අභිනීලනෙත්තෝ - ඉතා තද නිල් පැහැ නෙත් ඇත්තේය

22. ගෝපඛූමෝ - උපන් කෙණෙහි වසුපැටියෙකුගේ බදු දිගු පුළුල් නෙත්පියුම් ඇත්තේය

23. උණ්හීසසීසෝ - පිරිපුන් නළල් තලයෙන් හෙබි පිරිපුන් හිස ඇත්තේය

24.ඒකේකලෝමෝ - එක් එක් ලෝමකූපයෙහි තනි ලෝමය බැගින් ඇත්තේය

25. උණ්ණා ච භමුකන්තරේ ජාතා හෝති ඕදාතා මුදුතූලසන්නිභා - ඇහි බැම මැද ඉතා සිනිදු පුළුන් රොදක් බදුව සුදු පැහැයෙන් යුතුව ඌර්ණ රෝමය පිහිටියේ වෙයි

26. චත්තාළීස දන්තෝ - උඩු ඇන්දේ දත් විස්සකින් ද යටි ඇන්දේ දත් විස්සකින් ද යුතුව දත් සතළිසක් ඇත්තේය

27. අවිරල දන්තෝ - විරල නොවූ, හිඩැස් නැති දත් ඇත්තේය

28. පහූතජිව්හෝ - දිගු පුළුල් දිව ඇත්තේය

29. බ්‍රහ්මස්සරෝ කරවීකභාණී - මහබඹුගේ බදු නින්නාද වන හඩ ඇත්තේ, කුරවි කොවුලකගේ බදු මියුරු හඩ ඇත්තේය

30. සීහහනු - සිංහයෙකුගේ බදුව සවිමත් හනු ඇත්තේය

31.සමදන්තෝ - සමව පිහිටි දත් ඇත්තේය

32. සුසුක්කදාඨෝ - තද සුදු පැහැ දත් ඇත්තේය

මෙසේ සසරේ බොහෝ පින් කරන ලද අප පින් සිරුරාණන්ගේ කයෙහි මහාපුරුෂ ලකුණු දෙතිසම අඩු නැතිව පිහිටා තිබුණේ ය.

නමෝ බුද්ධාය!!

සියලුම ලක්වාසීන්ට පිංබර උදුවප් පොහොය දිනයක් වේවා

උදුවප් පොහොය දිනයේ වැදගත්කම

-> මිහිඳු මහරහතන් වහන්සේ ගේ අනුදැනුම මත දේවානම්පිය තිස්ස රජු ධර්මාශෝක රජතුමන්ගෙන් කල ඉල්ලීමට අනුව සංඝමිත්තා රහත් මෙහෙණිය ප්‍රධාන මෙහෙණින් වහන්සේලා 11 නමක් ශ්‍රි මහා බෝධියේ දක්ෂිණ ශාඛාව දඹදිව සිට ශ්‍රි ලංකාවට වැඩමවීම

-> අනුලා මෙහෙණින් වහන්සේ ඇතුළු සෝවාන් ඵල ලැබ සිටි කාන්තාවන් පිරිසක් පැවිදි බවට පත් කර ලංකාවේ මෙහෙණි සස්න පිහිටුවනු ලැබීම

-> ශ්‍රී පාදස්ථානය වන්දනා කිරීමේ සමය ආරම්භ වීම

සියලුම ලක් වාසීන්ට ඉල් පුර පසළොස්වක පොහොය දිනක් වේවා

ඉල් පොහොය දිනයේ වැදගත්කම,

-> ප්‍රථම රහත් හැට නම ධර්මදූත සේවය සඳහා පිටත්ව ‍යෑම.
-> මෛත්‍රී බෝසතාණෝ ගෞතම බුදු රජාණන්වහන්සේගේන් නියත විවරණය ලැබීම.
-> සැරියුත් මහරහතන් වහන්සේ පිරිනිවන් පෑම
-> කඨින චීවරය පූජා පුණ්‍ය මහෝත්සවය සිදු කළ හැකි අවසාන දිනය වීම

සියලුම ලක් වාසීන්ට වප් පුර පසළොස්වක පොහොය දිනක් වේවා

“වැපිරෑ අස්වනු නෙළාගන්නා පොහොය” වප් පොහොය යනුවෙන් හැඳින්විය හැකිය.වපුරන දේ අනුවයි අස්වැන්න ලැබෙන්නේ කියලා බුදුරජාණන් වහන්සේ දේශනා කළා. ඉතිං බෞද්ධයන් වශයෙන් අපිත් මීට මාස තුනකට කලින් අස්වැන්න වැපිරැවා පසුගිය මාස තුනේ ම එය හොඳින් ආරක්ෂා කළා.දැන් තියෙන්නේ එහි ඵලය නෙළාගැනීමටයි. ඒ කියන්නේ මීට මාස තුනකට ඉහතදී තමයි වස් කාලය ආරම්භ වුනේ ස්වාමීන් වහන්සේලාට වස් ආරාධනා කිරීම හඳුන්වන්නේ පින් නැමති බීජ වැපිරැවා කියල. වැපිරැව දේ ආරක්ෂාකළා කියන්නේ වස් තුන් මාසෙම දාන,ශීල,භාවනා කියන මේ කුසල් දහම් සිදුකරගත්තා කියන එකයි.දැන් එහි පලය නෙලාගන්නවා කියන්නේ මේ වප් පොහොයෙන් තමයි කඨින පිංකම් ආරම්භ වෙන්නේ මේ මාසය ඇතුළත තමයි අපිට පින් ඵල නෙළාගන්ට පුළුවන්.

❃ ❃ ❃ වප් පොහොයේ ප්‍රධාන වැදගත්කම් කිහිපයකි ❃ ❃ ❃

01. මාතෘ දිව්‍යරාජයන්ට අභිධර්මය දේශනාව සිදුකර සෝවාන් එලය ලබාදී සංකස්සපුරයෙන් මනුලොවට වඩිමින් දේවාවරෝහණ පූජාව සිදු කළ පූජනීය පොහොය අදයි.

02. අගසව් දෙනම අතරින් දකුණත් සව් ලෙසින් වැඩසිටි බුද්ධ ප්‍රඥාවට පමණක් දෙවැනි වූ සැරියුත් මහරහතන් වහන්සේ මහා ප්‍රඥා ලාභීන් අතරින් අගතැන්පත් තනතුරට පත්වූයේ අදවන් උතුම් වප් පොහෝ දිනකයි.

03. කල්ප ලක්ෂයක් මතුයෙහි බුදු වන මෛත්‍රිය බෝසතාණන් වහන්සේ ගෞතම බුද්ධ ශාසනයෙහි පැවිදි බවට පත්වීම සිදු වූ උතුම් පෝ දිනය අදයි.

04. අනුලා දේවිය ඇතුළු කුල කතුන් පැවිදිබිමට ඇතුළත් කිරීමට සංඝමිත්තා තෙරණිය ඇතුළු භික්ෂුණී සංඝයා සමග ශ්‍රී මහා බෝධීන් වහන්සේ වැඩම වීමට දූත පිරිසක් දෙවනපෑතිස් නිරිඳු විසින් දඹදිවට පිටත්කර හැරීම සිදුවූයේ අදවන් පෝය දිනකයි.

05. ථූපාරාමයේදී සිදුකළ විනය සංගායනාව සිදුවූයේ අදවන් පුර පෝය දවසකයි.

06. ජය ශ්‍රී මහා බෝධි අංකුරය මහ බෝධියෙන් ගැලවී රන් කටාරමක පිහිටියේ අදවන් දවසකයි.

07. වස් පවාරණය සිදුවන්නේ අද වන් පුර පෝය දවසකයි.

තෙරුවන් සරණයි 🙏

සියලුම ලක්වාසීන්ට බිනර පුරපසළොස්වක පොහොය දිනයක් වේවා.

මෙහි වැදගත්කම :
-> මෙහෙණි සසුනෙහි ආරම්භය සිදුවීම.

සියලුම ලක්වාසීන්ට පිංබර නිකිණි පොහොය දිනයක් වේවා

ඇසල පොහොය දිනයේ වැදගත්කම්

-> සිදුහත් කුමරු මව් කුස පිළිසිද ගැනීම.
-> රාහුල කුමරුගේ උපත සිදුවීම.
-> සිදුහත් කුමරු මහභිෂ්ක්‍රමණය සිදු කිරීම.
-> බුදුරදුන් දෙව් ලොවට වැඩම කර මාතෘ දිව්‍ය රාජයා ඇතුළු දෙවියන්ට අභිධර්මය දේශනා කිරීම.
-> බුදුරදුන්ගේ පරිනිර්වාණයෙන් පසුව මුල් වරට ධර්ම සංඝායනාවක් පැවැත්විම.
-> පස්වග මහනුන්ට දම්සක් පැවතුම් සූත්‍රය දේශනා කිරීම

සියලුම ලක්වාසීන්ට පිංබර ඇසල පොහොය දිනයක් වේවා