05/10/2026
ඊයේ දවස අප දහම්පාසලට සුවිශේෂි දවසක්..
ලෝක ළමා දිනය අපි ඊයේ සැමරුවේ තනියම නෙවෙයි..
අපේ ප්‍රදේශයේ අපිත් එක්කම ලොකුවෙන අපි වගේම, එක්කෝ අපිටත් වඩා උත්සාහවන්ත නංගිලා මල්ලිලා අක්කලා අයියලා දොලොස් දෙනෙක්ට අපි ගෞරවයෙන් ආරාධනා කලා අපිත් එක්ක ලෝක ළමා දිනය සමරන්න එක් වෙන්න කියලා..
අපේ මේ ආරාධිත යාලුවෝ අපිට විශේෂ වෙන්නේම අපිට වගේම කොපමණ අඟහිඟකම් තිබුනත් අපිටත් වඩා එයාලා ධෛර්යයවන්තයි, එයාලා ශක්තිමත්.. එනිසා අපි හිතුවා අපිත් එක්ක එක දහම්පාසලට ආවේ නැතත් එයාලත් එක්ක ළමා දිනය සමරන්න..
මේ අදහස අපට දුන්න අපේ ගුරු මණ්ඩලයටත් ගොඩක් පින් අපිට මේ වගේ දේවල් කරන්න අපිව පොළඹනවාට..
ඉතින් අපි එයාලටත් එන්න කියලා අපි අතර ත්‍යාග හුවමාරුවකුත් කලා.. ඒ කියන්නේ එයාලා ලවා අපි තෑගි ගත්තා කියන එක නම් නෙවේ නැන්දේ මාමේ.. අපි තවත් අපේ එක යහලුවෙක්ට හරි අපිට පුලුවන් මට්ටමේ තෑග්ගක් අරන් ආවා.. අපේ යාලුවන්ට වගේම අපේ ආරාධිත යාලුවන්ට..
ඊට අමතරව අපේ ප්‍රධානාචාර්‍යවරිය ඇතුළු ගුරු මණ්ඩලයත් අපේ ආරාධිත යාලුවන්ට තෑගි ගොඩක් ලෑස්ති කරලා තිබුනා..
ඊටත් අමතර ශ්‍රී ජයවර්ධනපුර විශ්ව විද්‍යාලයෙන් ඉගෙනගෙන මේ වෙද්දි ජීවිතය දිනපු අක්කලා දෙන්නෙකුත් අපිත් එක්ක එකතු උනා ළමා දිනය සමරන්න.. අපිට මොන ගැටලුව ආවත් අපි ඉගෙනගන්න ඕන ඇයි කියන එක ඒ අක්කලා අපිට කිව්වා.. ඉතින් ඒ අක්කලා දෙන්නාටත් ස්තූතිවන්ත වෙනවා අපිට මේ දේවල් කියලා දුන්නාට.. ඔයාලා දෙන්නා කියපු දේවල් නිසා අපි ගොඩක් අය කොහොමහරි ඉගෙනගෙන විශ්ව විද්‍යාලයකට යනවාමයි කියන අරමුණ ඊයේ තියාගත්තා..
සින්දු කියලා නටලා සෙල්ලම් කරලා මහන්සි උන අපිට අපේ ගුරු මණ්ඩලය රසම රස කෑම වේලක් වගේම සීතලම සීතල අයිස්ක්‍රීම් සංග්‍රහයකුත් සිසිල් පැන් කෝප්පයකුත් සූදානම් කරලා තිබුනා..
ඉතින් පුංචි අපි වෙනුවෙන් මේ සියලු දේ සංවිධානය කල අපේ දෙමව්පියන්ට, ගුරුවරුන්ට වගේම අපිට සහය දෙන සියලුම නැන්දලා මාමලාට අප්‍රමාණ පින්..
ඒ වගේම දානය ගැන අපි පෙලපොතෙන් ඉගෙනගන්නවා වගේම තවත් කෙනෙක්ට අපි දෙයක් දීලා එයාලා පුදුම වෙන හැටි වගේම එයාලාගේ හිනාව දැක්ක අපිට හිතුනේ අපිට පුලුවන් දෙයක් පුලුවන් හැම වෙලේකම තවත් කෙනෙක්ට දෙන එක කොයි තරම් ලස්සන වැඩක්ද කියන එක..
- අපි ද සොයිසාරාම ද්විභාෂා දහම්පාසල් දරුවන්-
