De Soysarama Dhamma School

දහම් පාසල් ගුරු පුරප්පාඩු සඳහා අයදුම්පත් කැඳවීම 2026

"බෞද්ධ හර පද්ධතියක් තුළ වැඩෙන්නට ඉඩ සලස්වමින් බෞද්ධ දර්ශනයේ අගනාකම් දරුවන්ගේ චරිතය තුළ ගොඩනංවමින් ගුණ නැණ බෙලෙන් පරිපූර්ණ දරුවන් බිහිකිරීම වෙනුවෙන් ප්‍රායෝගික ඉගැන්වීම් ක්‍රියාන්විතයක නියැලෙන අප දහම්පාසලෙහි ගුරු මණ්ඩලයට එක්වීමට ආරාධනා.."

මොරටුව සොයිසාපුර, ද සොයිසාරාම ද්වීභාෂා දහම්පාසලෙහි ඉගෙනුම ලබන පුංචි මල් කැකුළු බෞද්ධ හර පද්ධතියක පිහිටුවමින් ඔවුන්ව බුදුන් වදාළ මාර්ගයේ ප්‍රායෝගිකව පියමං කරවීමේ ක්‍රියාන්විතයට ස්වේච්ඡාවෙන් සේවය සැපයීමට උනන්දුවක් දක්වන ආදරණීය ගුරු මවක් ගුරු පියෙක් වීමට කැමැත්ත ඇති ඔබට කෙරෙන ගෞරවණීය ඇරයුමයි..

අයදුම් කල යුතු ආකාරය

තමන් විසින් සකසා ගත් ජීව දත්ත විස්තරයක් (resume) සිය සුදුසුකම් සනාථ කරන සහතිකවල පිටපත් සමඟ පහත විද්‍යුත් තැපැල් ලිපිනයට යොමුකිරීම හෝ විහාරස්ථානයට යොමුකිරීම / ගෙනැවිත් භාරදීම.

අයදුම්පත්‍ර භාරගන්නා අවසාන දිනය 2026/06/20
(අයදුම්පත් යොමුකල පසු පහත සඳහන් whatsapp අංකයට තමන්ගේ නම, අයදුම්පත යොමුකල දිනය සහ ඉගැන්වීමට අපේක්ශා කරන ශ්‍රේණිය යොමුකරන්න.)

විද්‍යුත් තැපැල් ලිපිනය: [email protected]
තැපැල් ලිපිනය : ද සොයිසාරාම ද්වීභාෂා දහම්පාසල, ද සොයිසාරාම මහා විහාරය, ගාලුපාර, සොයිසාපුර, මොරටුව.
Whatsapp අංකය : 0719741890 (පුබුදිනී ලියනගේ, ජ්‍යේෂ්ඨ කථිකාචාර්ය - ශ්‍රී ජයවර්ධනපුර විශ්ව විද්‍යාලය / ප්‍රධානාචාර්යවරිය - ද සොයිසාරාම ද්වීභාෂා දහම්පාසල)

ප්‍රධානාචාර්යවරිය ඇතුළු ගුරු මණ්ඩලය

තිස් වසරක් පුරාවට ලක්මව වෙලාගත් අඳුරු යුධ සෙවනැලි දුරුකොට ලක්වාසී අප සියලු දෙනාට බියක්, සැකක්, චකිතයක් නොමැතිව නිදහසේ දිවි ගෙවනට ඉඩ සැලැස්වූ ඒ අභීත රණවිරුවනට අපගේ ශීර්ෂ ප්‍රණාමය...

යුද්ධයේදී අප සියලු දෙනා වෙනුවෙන් දිවිපිදූ සියලු රණවිරුවනට ඉක්මන් භවයකදීම නිර්වාණාවබෝධය පසක් වේවායි පතන අතරම පූර්ණ හා අර්ධ හානිවලට ලක්වූ අභීත රණවිරුවන්ට තෙරුවන් සරණින් ඉක්මන් සුවය සහ තෙරුවනේ ආරක්ශාව පතන්නෙමු.. දැනට සේවයේ නියුක්ත සියලුම රණවිරුවන්ට උතුම් දළදා වහන්සේගේ සහ ජය ශ්‍රී මහා බෝධීන්වහන්සේගේ ආරක්ශාවත් තෙරුවන් සරණත් වේවායි අප සියලු දෙනා පතන්නෙමු!

ඔබ සියලු දෙනා අපගේ හදවත්වල සදාකාලිකවම ජීවමාන බව 2026 වසරේ රණවිරු දිනයේදී අප පසක් කරන්නෙමු...❤❤

ද සොයිසාරාම ද්වීභාෂා දහම්පාසල් දරුවන්, ගුරු මණ්ඩලය සහ සංවර්ධන සමිතිය

දෙමාපියන් පිළිබඳ තැකීමක් නොකරන දරුවන් බිහිවන යුගයක බෞද්ධ දර්ශනය ප්‍රායෝගිකව ක්‍රියාත්මක කිරීමට නිරතුරු වෙහෙස වන අප, දරුවන්ගේ සිත් තුල දෙමව්පියන්ගේ අගය පිළිබඳ අගයක් එක්කිරීමේ අරමුණින් 2026 වසරේ ලෝක මව්වරුන්ගේ දිනයදා සංවිධානය කරන ලද "මව්පිය දූදරු හදවත් සනසන හෝරාව" වැඩසටහනෙහි සමරු සටහන්...

මේ සඳහා අපගේ ආරධනාව පිළිගෙන අප හා එක්වූ පොලිස් පරීක්ශක Madumal Gamage මහතා හට අපගේ හෘදයාංගම ස්තූතිය පුදකරන අතරම ප්‍රදේශවාසී සියලුම දෙමව්පියන්ටද සිය දරුවන් සමඟම පැමිණ අප හා අත්වැල් බැඳගැනීම උදෙසා අපගේ ගෞරවනීය ස්තූතිය පුදකරන්නෙමු..

මෙම වැඩසටහනෙහි සියලු සම්බන්ධීකරණ කටයුතු සිදුකල Amila Ruwan ගුරු පියාණන් හටද අපගේ ස්තූතිය පුදකරන්නෙමු..

එමෙන්ම මධුමල් මහතාට පිළිගැන්වීම උදෙසා ඉතාමත් අලංකෘත ලෙස සමරු ඵලකයක් සාදා දුන් Amara Graphics ආයතනයටද අපගේ විශේෂ ස්තූතිය පුද කරන අතරන මෙම වැඩසටහන ඡායාරූපකරණය කරදුන් අපගේ ආදිශිෂ්‍ය පවන් වින්සර පුතණුවන් හටද අපගේ හෘදයාංගම කෘතඥ්ඥතාවය පුදකරන්නෙමු...

2026/05/12 වන දින සිය ඡන්මදිනය සැමරීම නිමිති කොටගෙන අප දහම්පාසලෙහි හය ශ්‍රේණියෙහි ඉගෙනුම ලබන කවිති ලියනගේ ආදරණීය දියණියගේ දෙමව්පියන් සිය පවුලේ සියලුදෙනා එක්ව අප දහම්පාසලේ දරුවන්ට විවේක කාලය සඳහා ප්‍රණීතවත් ආහාර වේලක් ලබාදෙන ලදී...

සිය ඡන්මදිනය වෙනුවෙන් මෙවන් උතුම් පින්කමක් කිරීමට සිත් පහල වූ එම දියණියට මෙන්ම දියණියගේ දෙමව්පියන් සහ පවුලේ සැමට මේ සියලු කුසල් අනුමෝදන්ව මේ භවයේදීම නිවන් දොරටු විවර වේවා!

2026/05/10

සාතිශය සංවේගය

ද සොයිසාරාම ද්වීභාෂා දහම්පාසලෙහි තුන ශ්‍රේණිය භාර ආචාරිනී Madushika Wickramathunga ඇදුරුතුමියගේ නැන්දනියගේ අභාවය දන්වා සිටින්නේ ඉමහත් කනගාටුවෙනි.

එතුමිය හට ඉක්මන් භවයකදීම නිවන් සුව ලැබේවා!

දේහය පිලිබඳ අවසන් කටයුතු පිළිබඳ ඉදිරියේදී දැනුවත් කිරීමට නියමිතය.

📢 මවුපිය දූ දරු හදවත් සනසන හෝරාව.. ❤️
මොරටුව ද සොයිසාරාම ද්වී භාෂා දහම් පාසල, සංවර්ධන සමිතිය සහ ආචාර්ය මණ්ඩලය එක්ව සංවිධානය කරනු ලබන විශේෂ මනෝ උපදේශන සහ ආකල්ප සංවර්ධන වැඩසටහනට ඔබ සැමට ආරාධනා!

ප්‍රදේශයේ දූ පුතුන්ගේ සහ මවුපියන්ගේ යහපත උදෙසා පවත්වනු ලබන මෙම හරවත් දේශනය මෙහෙයවනු ලබන්නේ ප්‍රවීණ දේශක, පොලිස් පරීක්ෂක මධුමාල් ගමගේ මහතා විසිනි.

📅 දිනය: 2026 මැයි 10 වන ඉරිදා
⏰ වේලාව: සවස 5.00 ට
📍 ස්ථානය: මොරටුව ද සොයිසාරාම විහාරස්ථානය

දැනුවත් මවුපිය පරපුරක් සහ ගුණවත් දූ දරු පිරිසක් වෙනුවෙන් අදම මෙම හෝරාව වෙන්කර ගන්න.

වැඩි විස්තර සඳහා විමසන්න:
📞 අමිල: 0779015177
📞 පූජ්‍ය බුලන්ගම සුභූති හිමි: 0741807255

"මව්පිය දූ දරු හදවත් සනසන හෝරාව..."

ප්‍රදේශයේ දූ පුතුන් හා දෙමාපියන් වෙනුවෙන් ක්‍රියාත්මක කරනු ලබන මනෝ උපදේශන හා ආකල්ප සංවර්ධන වැඩසටහනට ඔබත් සම්බන්ධ වන්න.
දේශක: ප්‍රවීණ දේශක පොලිස් පරීක්ෂක මධුමාල් ගමගේ මහතා

දිනය: 2026 මැයි 10
වේලාව: සවස 5.00 ට

ස්ථානය: මොරටුව ද සොයිසාරාම විහාරස්ථානයේදී

"මව්පිය දූ දරු හදවත් සනසන හෝරාව..."
ප්‍රදේශයේ දූ පුතුන් හා දෙමාපියන් වෙනුවෙන් ක්‍රියාත්මක කරනු ලබන මනෝ උපදේශන හා ආකල්ප සංවර්ධන වැඩසටහනට ඔබත් සම්බන්ධ වන්න.
දේශක: ප්‍රවීණ දේශක පොලිස් පරීක්ෂක මධුමාල් ගමගේ මහතා
දිනය: 2026 මැයි 10
වේලාව: සවස 5.00 ට
ස්ථානය: මොරටුව ද සොයිසාරාම විහාරස්ථානයේදී