Mahanama National College - Monaragala

29/12/2025

2025 ජ්‍යෙෂ්ඨ පාසල් කරාතේ ශූරතාවලියේ වයස අවු 13 Level 4 කාණ්ඩයේ සමස්ත ලංකා තුන්වන ස්ථානය දිනා ගැනීමට මොනරාගල මහානාම ජාතික පාසලේ D.M ශෙහාරා ක්‍රීඩිකාව සමත් විය. එම දියණියට පාසල වෙනුවෙන් උණුසුම් සුබපැතුම් එක් කරන අතර ජයග්‍රහණය වෙනුවෙන් කැප වූ පාසලේ ක්‍රීඩා අංශයට ප්‍රණාමය පුද කරමු.

19/12/2025

2025 වර්ෂයෙහි මොනරාගල මහානාම ජාතික පාසලේ රියනියාමක සිසු දරුවන් ලෙස කටයුතු කළ සිසුන් සඳහා සහතික පත්‍ර ප්‍රදානය කිරීම හා ඇගයීම අද දින සිදු කෙරිණි.

02/12/2025

ගං වතුරෙන් විපතට පත්වූවන්ට ශක්තියක් වීමට මොනරාගල මහානාම විද්‍යාලීය ශිෂ්‍ය නායක මණ්ඩලයේ දරුවන් විසින් සිදු කරනු ලැබූ "මහානාමීය සහන අත්වැල"

මෙම කාර්ය සදහා නන් අයුරින් දායක වූ ප්‍රදේශවාසී සැමට, සිසු සිසුවියන්ගේ දෙමාපියන් සහ ආදි සිසුන් ඇතුළු සැමට පාසල වෙනුවෙන් හෘදයාංගම ස්තූතිය පුද කර සිටිමු.

01/12/2025

30/11/2025

මොනරාගල මහානාමීය සමාජ සත්කාර්‍යය

විපතින් අවතැන් වූවන් වෙනුවෙන් මොනරාගල මහානාමීය අධ්‍යයන අනධ්‍යයන සහෝදර සහෝදරියන්ගේ සමාජ සත්කාර්‍යය අද දිනයේදී ඉතා කෙටි කාලයකින් සංවිධානය වී සිදු කරන ලදි.

විපතට පත් ජනතාව වෙනුවෙන් සහෝදරත්වයේ දෑත් දිගු කල මහානාම සහෘදයන්ගේ එකමුතුවෙන් අවශ්‍ය පානීය ජලය, වියළි ආහාර, බෙහෙත් වර්ග, සනීපාරක්ෂක ද්‍රව්‍ය හා රෙදි වර්ග මිළදී ගෙන මහියංගන රෝහල, පස්සර හා මහියංගන කදවුරු වලට ලබා දීමට කටයුතු සිදු කරන ලදි.
❤️❤️❤️❤️❤️❤️❤️❤️

27/10/2025

2025 උසස් පෙළ විභාගයට පෙනී සිටින දරුවන් සදහා ප්‍රවේශ පත්‍රය අද දින සෙත් පිරිත් සජ්ජායනා කර ආගමික වතාවත් ඉෂ්ට කරමින් ලබා දීම සිදුකළා

විශිෂ්ට ප්‍රතිඵලයක් ලබා උසස් අධ්‍යාපන වරම් ලැබ රටට දැයට වටිනා ශ්‍රේෂ්ට පුරවැසියෙක් ලෙස ලෝකය ජය ගන්නට ඔබ සියළුම දෙනාට අවශ්‍ය ශක්තිය ලැබේවා.

සියළුම දෙනාට සුබ පැතුම් ❤️❤️❤️

27/10/2025

පොතකින් රගමඩලට අලුත් ජීවිතයක්....

තේමාව කරගත් ඌව පළාත් පුස්තකාල සේවා මණ්ඩලය සංවිධානය කරන "ඌව පළාත් රාජ්‍ය ළමා නාට්‍ය තරගාවලිය - 2025
ඌව පළාතේ පාසල් 13 ක් සමග තරග කර මොනරාගල මහානාම විද්‍යාලය ප්‍රථම ස්ථානය ලබා ගෙන ඇති බව සතුටින් දන්වා සිටිමු.♥️

මෙම ජයග්‍රහණය ලබා ගැනීමට ශක්තියක් වූ, කැපවූ සියළුම නාට්‍ය හා රංගකලා ගුරුභවතුන්ටත් සිසු දරු දැරියන්ටත් විදුහල්පතිතුමා ඇතුලු නියෝජ්‍ය හා සහකාර විදුහල්පතිවරුන්, අධ්‍යයන අනධ්‍යයන කාර්ය මණ්ඩලය හා විද්‍යාලීය මාතාවගේ උණුසුම් සුබ පැතුම් ❤️❤️❤️❤️

25/10/2025

මොනරාගල මහානාම විද්‍යාලයේ කණිෂ්ට ශිෂ්‍යභට බාලිකා කණ්ඩායම අද දින (25 ) ජාතික කදවුර සදහා රණ්ටැඹේ ශිෂ්‍ය භට මූලස්ථානය බලා පිටත්ව ගියහ.

බාධක අභියෝග හමුවේ ඉතාමත් කැපවීමෙන් පුහුණුවීම් කල මහානාමිය ශිෂ්‍ය භට බාලිකාවන් විද්‍යාලයට සම්පතකි, ආඩම්බරයකි.

පූර්ණ පෞරුෂත්වයකින් යුතු දරුවෙකු මහානාමයෙන් බිහි කිරීමට යන වැඩපිළිවෙළ තුල විෂය සමගාමි වැඩසටහන් සංවර්ධනාත්මක ප්‍රවේශයකට ගෙන ඒම අරමුණු කර ගත් මහානාමිය ශිෂ්‍ය භට දියණිවරුන්ට මහානාමිය මාතාව, විදුහල්පති ඇතුළු සියළුම අධ්‍යයනය අනධ්‍යයන කාර්‍ය මණ්ඩලයේ සුභාශිංසන පතන අතර මහානාමීය නාමය දිවයිනේ ඉහළින්ම ඔසවා තබන්නට ශක්තිය ප්‍රාර්ථනා කරමු 🙏❤️

25/10/2025

විද්‍යාලයේ ශාන්ත ජෝන් ප්‍රථමාධාර වැඩසටහන සදහා සාමාජික සාමාජිකාවන් 85 දෙනෙකුගෙන් යුතු කණ්ඩායමක් පුහුණු කිරීම ඊයේ (24) දින අවසන් විය.

ඉතාමත් සාර්ථක වැඩසටහනක් සම්පූර්ණ කළ සිසු සිසුවියන් සදහා නිල ලාංඡන පැළැන්දවීම ඉතාමත් ඉක්මනින් සිදු කිරීමට නියමිතය.

පූර්ණ පෞරුෂත්වයකින් යුතු දරුවෙකු මහානාමයෙන් බිහි කිරීමට යන වැඩපිළිවෙළ තුල විෂය සමගාමි වැඩසටහන් සංවර්ධනාත්මක ප්‍රවේශයකට ගෙන ඒම අරමුණු කර ගත් මහානාමිය ශාන්ත ජෝන් නිළදරුවන්ට මහානාමිය මාතාව, විදුහල්පති ඇතුළු සියළුම අධ්‍යයනය අනධ්‍යයන කාර්‍ය මණ්ඩලයේ සුභාශිංසන ❤️

18/10/2025

සිංහල භාෂා හා සාහිත්‍ය තරගාවලිය 2025

උක්ත තරගාවලියේ 11 ශ්‍රේණිය කථික තරගයෙන් 5 වන ස්ථානය දිනා ගැනීමට මහානාම විද්‍යාලයේ ඉමල්ක කුෂාන් ඉදුවර සිසුවා සමත් වී ඇත.

විද්‍යාලයේ විවාද කණ්ඩායමේ සාමාජිකයෙකුද වන ඉමල්ක විවිධ වූ දක්ෂතා වලින් විද්‍යාලයට ජයග්‍රහණ අත්පත් කර දී ඇත.

ආදරණීය පුතණුවන්ට විද්‍යාලීය මාතාව, විදුහල්පතිතුමා ඇතුළු සියළුම අධ්‍යයන අනධ්‍යයන කාර්‍ය මණ්ඩලයේ උණුසුම් සුබ පැතුම් ❤️❤️❤️

18/10/2025

කොළඹ ඩී.එස්.සේනානායක විද්‍යාලය මගින් සංවිධානය කරන ලද සමස්ත ලංකාවම නියෝජනය කරමින් පැවති "නින්නාද" අන්තර් මාධ්‍ය කව තරගාවලියේ වැඩසටහන් ඉදිරිපත් කිරීම තරගයේ දිවයිනේ සියළුම ජනප්‍රියතම පාසල් වල දරුවන් අබිබවා අප විද්‍යාලයේ 9 ශ්‍රේණියේ ඉගෙනුම ලබන මහානාම මාධ්‍ය ඒකකයේ නිසල්කි යුහන්සා දියණිය ප්‍රථම ස්ථානය ලබාගෙන ඇත....

සාම්ප්‍රදායික රාමුවෙන් මිදී විවිධ ක්ෂේත්‍රයන්හි දැනුම, කුසලතා සොයා යන මහානාමිය දරුවන් සැබවින්ම රටටම මහා නාමයක්මය. දිවයිනේ ප්‍රධානතම, ජනප්‍රියතම පාසල් අබිබවා මහානාමීය නම රැන්දූ ඇයගේ දක්ෂතාවය අති විශිෂ්ට ය.

ආදරණීය දියණියට විද්‍යාලීය මාතාව, විදුහල්පතිතුමා ඇතුළු සියළුම අධ්‍යයන, අනධ්‍යයන කාර්ය මණ්ඩලයේ උණුසුම් සුබ පැතුම් ❤️❤️❤️