Akuramboda junior school

විදුහල්පති භූමිකාව, ගුරු භුමිකාව දකින්නට පමණක් නොව අත්විදින්නට,අත්දකින්නට හැකි වූ shadow teachers (ඡායා ගුරු මණ්ඩලය) වැඩසටහන

අකුරම්බොඩ කනිෂ්ඨ විද්‍යාලයේ දුවා දරුවන්ට විදුහල්පතිතුමා ප්‍රමුඛ නියෝජ්‍ය විදුහල්පතිනියන්ගේ අධීක්ෂණය මත ගුරු භූමිකාව සැබවින් රග දක්වන්නට අද හැකිවිය. සිසුන්ට නවමු අත්දැකීමක් එකතු කරමින් පන්ති කාමරවල ඉගෙනුම් ඉගැන්වීම් ක්‍රියාවලියට සම්බන්ධ වී කටයුතු කිරීමට හැකිවීම, පාසල් කාලයේදී ම අවස්ථාවක් ලැබීම ඔවුන්ට අනාගත වෘත්තීය ජීවිතයට මහත් පන්නරයක් වනු ඇත.
දරුවන් ඉගෙනුම ඉගැන්වීම් කාර්‍යයේ නිරතවන අතර පාසල් පාදක වෘත්තතීය ගුරු සංවර්ධන වැඩසටහන (School Base Professional Teacher Development -SBPTD ) තවත් පසෙක සිදුවීම ද සුවිශේෂී විය.

කලාප ක්‍රීඩා තරගාවලිය - 2026
18න් පහළ බාලිකා නෙට්බෝල් තරගයෙන් තෙවන ස්ථානය හිමිකරගත් අකුරම්බොඩ කනිෂ්ඨ ව්ද්‍යලයේ දුවා දරුවන්ට උණුසුම් සුබ පැතුම් පිරිනමන අතර, මේ සදහා පුහුණුවීම් කටයුතු සිදුකළ නයනා විජේරත්න ගුරු මහත්මියට විද්‍යාලයේ ගෞරව ප්‍රණාමය පුද කරමු 💐💐

කලාප ක්‍රීඩා - 2026
16 න් පහළ බාලිකා වෙලිබෝල් තරගාවලියෙන් දෙවන ස්ථානය හිමිකර ගත් අපගේ දියණියන් සැමදෙනාට විද්‍යාලයේ විදුහල්පතිතුමා ඇතුළු ආචාර්ය මණ්ඩලයේ ශුභාශිංසන පිරිනමන අතර, මේ සදහා පුහුණුවීම් කටයුතු සිදුකළ ගාමිණී ගුණවර්ධන ගුරුතුමන්ටත්, නයනා විජේරත්න ගුරුතුමියටත්, සම්පත් ගුරුතුමන්ටත් විද්‍යාලයේ ගෞරව ප්‍රණාමය පිරිනමන්නෙමු.

නිමක් නොමැති අසීමාන්තික ප්‍රේමයේ උල්පත ඇයයි... සියලු ම මව්වරුන්ට දීර්ඝායූ වේවා!!!

"හැකියාවට අත හිත දුන් හැබහින් නොදුටු අපේ මිනිසා".....

අප මාධ්‍ය ඒකකය මගින් පළ කළ මෙතිල පුතාගේ ගීතය දැක, ඒ පිළිබඳ සතුටට පත්
ඩුබායි රාජ්‍යයේ සේවය කරන දීගායු පුස්ප කුමාර දිසානායක මහතා Puspa Kumara , අප හා දුරකථන ඔස්සේ සම්බන්ධ වී පුතාගේ ගායන හැකියාව අගයමින් විශාල මුදලක් වැය කර ගිටාර් එකක් ලබා දුන් අතර, ඒ සදහා එතුමන්ට විද්‍යාලයේ ප්‍රණාමය පුද කරන අතර, එම ත්‍යාගය විද්‍යාලයේ විදුහල්පතිතුමාගේ සුරතින් පුතණුවන් ලබා ගත් අවස්ථාව .....

176 වන ජන්ම දිනය නිමිති කර ගනිමින් අකුරම්බොඩ කනිටු විදුහලේ ආදි ගුරු විදුහල්පතිවරුන් අනුස්මරණ කිරීම හා මුල්ම පාඨශාලාධිපතිතුමන්වන ජේමිස් හේරත් මැතිතුමන්ගේ පිළිරුවට පුෂ්ප උපහාරයන් දක්වමින් ගරු බුහුමන් කළ අවස්ථාව.....

176 වසරක පෞඪ ඉතිහාසකට හිමිකම් කියන අකුරම්බොඩ කනිටු විදු මෑණියන් දෙනෙන් දින වැජඹේවා!!!

"කිරුළක අභිමන් - 2026"

අකුරම්බොඩ කනිෂ්ඨ විද්‍යාලයේ ප්‍රාථමික අංශයේ ශිෂ්‍ය ශිෂ්‍යාවන්ගේ ශිෂ්‍ය නායක නිල ලාංජන පැළදවීමේ උත්සවයට සපැමිණි මේජර් එන්. එච් සෙනෙවිරත්න මහත්මාට, ප්‍රාථමික අධ්‍යාපන අධ්‍යක්ෂ සුසිල් ප්‍රියන්ත අධ්‍යක්ෂතුමන්ට, ප්‍රදේශයේ විදුහල්පති මහත්ම මහත්මීන්ට ස්තූතිය පුද කරන අතර, අද දින ශිෂ්‍ය නායක කිරුළු පැළදි ශිෂ්‍යයින්ට ශුභාශිංසන එක් කරමු ....💐💐💐💐

ලබන්නා වූ සිංහල හා හින්දු අලුත් අවුරුද්ද සාමය සතුට සෞභාග්‍ය සපිරි යහපත් සිතුම් පැතුම් ඉටුවන, යහපත් ආකල්ප සිත් තුළ ජනිත වන සුබ ම සුබ අලුත් අවුරුද්දක් වේවා!!!✨️✨️✨️✨️