24/07/2026
மருதமுனை மண்ணின் கால்பந்து பாரம்பரியமும் மற்றும் மருதமுனை ஸம்ஸ் மத்திய கல்லூரியின் (KM/KM Shams Central College) சமீபத்திய மாகாண மட்ட வரலாற்று சாதனையும்.
கிழக்கு மண்ணின் கால்பந்து தடங்களும் மருதமுனை ஸம்ஸ் மத்திய கல்லூரியின் மீள் வருகையும்!!
கிழக்கு மாகாணத்தின் விளையாட்டு சாதனைப் பக்கங்களைப் புரட்டிப் பார்த்தால், அதில் கால்பந்து விளையாட்டுக்கு என்று தனியிடம் உண்டு. குறிப்பாக, அம்பாறை மாவட்டத்தின் மருதமுனை மண், 'கால்பந்தாட்டத்தின் தொட்டில்' என்றும் 'முடிசூடா மன்னன்' என்றும் போற்றப்படும் பாரம்பரியத்தைக் கொண்டது. விளையாட்டுத் துறையில் மாத்திரமன்றி, பாடசாலைகள் மட்டத்திலும் தமக்கென ஒரு தனியடையாளத்தைப் பதித்துவந்த இக்களத்தில், மருதமுனை ஸம்ஸ் மத்திய கல்லூரி (KM/KM Shams Central College) நிகழ்த்தியுள்ள அண்மைய சாதனை, கிழக்கு மண்ணின் கால்பந்து மீள் வருகையை கிழக்கு மண்ணுக்கு உணர்த்தியுள்ளது.
மருதமுனை மண் வெறும் ஒரு கிராமம் அல்ல ஒருகாலத்தில் அது கால்பந்து விளையாட்டு வீரர்களை உருவாக்கும் தொழிற்சாலை. ஊர் மட்டத்திலும், மாகாண மட்டத்திலும் புகழ்பூத்த பல முன்னோடி விளையாட்டுத் தலைமுறைகளையும் கழகங்களையும் இது தன்வசம் கொண்டுள்ளது.
முன்னணி விளையாட்டு கழகங்களாக
(Sports Clubs)
Olympics SC
Gold Mind SC
Eastern Youth SC
Green Max SC
Marutham SC
Everedy SC
Universe SC
இவ்வாறான புகழ்பெற்ற கழகங்கள் ஊடாக உருவான வீரர்கள், பல தசாப்தங்களாக மாகாண மற்றும் தேசிய மட்டங்களில் விளையாடி, மருதமுனையின் பெயரைப் புகழின் உச்சிக்குக் கொண்டு சென்றனர் என்பது குறிப்பிடத்தக்கது.
பாடசாலைக் கால்பந்தாட்ட வரலாற்றில் மருதமுனை ஸம்ஸ் மத்திய கல்லூரி எப்போதுமே ஒரு பலமிக்க அணியாகவே திகழ்ந்துள்ளது. நீண்ட இடைவெளிக்குக் பின்னர், தற்போது 16 வயதின்கீழ் ஆண்கள் (Under 16) மற்றும் 20 வயதின்கீழ் ஆண்கள் (Under 20) ஆகிய இரு பிரிவுகளிலுமே மாகாண மட்டச் சாம்பியன்களாக (Eastern Provincial Champions) முடிசூடி, தேசிய மட்டப் போட்டிகளுக்குத் தகுதி பெற்றுள்ளமை ஒரு பொன்னெழுத்துக்களால் பொறிக்கப்பட வேண்டிய சாதனையாகும்.
அர்ப்பணிப்பும் கடின உழைப்பும்..
வீரர்களின் தொடர்ச்சியான பயிற்சி, விவரிக்க முடியாத உடற்கல்வி ஆசிரியர்களின் அர்ப்பணிப்பு மற்றும் களத்தில் அவர்கள் காட்டிய மனவுறுதி (Determination) என்பன இந்த இரட்டைச் சாதனைக்கு முகாந்திரமாக அமைந்தன என்பது குறிப்பிடத்தக்கது.
"One Team • One Dream • One Victory" என்ற தாரக மந்திரத்திற்கேற்ப, களத்தில் வீரர்கள் காட்டிய ஒருமைப்பாடும் உத்தியும் எதிரணிகளைத் திணறடித்தன என்றால் மிகையாகாது.
தலைமைத்துவ வழிகாட்டி!!
கல்லூரியின் அதிபர் அல்-ஹாஜ் MBA. ரஜி (Al-Haj MBA. Raji) அவர்களின் வழிகாட்டலும், விளையாட்டுத்துறைப் பொறுப்பாசிரியர்கள், பயிற்றுவிப்பாளர்கள் மற்றும் பழைய மாணவர்களின் பங்களிப்பும் இவ்வெற்றிப் பாதைக்கு உரமாக அமைந்தன என்பதும் இங்கு சுட்டிக் காட்டப் பட வேண்டியது.
மாகாண மட்டத்தைச் சீரான முறையில் தன் வசப்படுத்தியுள்ள ஸம்ஸ் மத்திய கல்லூரி கால்பந்து அணிக்கு, இனிவரும் நாட்களுக்கான ஒரே இலக்கு "தேசிய மட்ட வெற்றி" (National Championship) என்பதாகும்.
இச்சாதனை வெறும் சாம்பியன் பட்டத்தோடு நின்றுவிடாமல், இலங்கை தேசிய கால்பந்து அணிக்கு மருதமுனை மண்ணில் இருந்து பல இளம் திறமையாளர்களைத் தாரைவார்க்கும் கதவைத் திறந்துவிட்டுள்ளது எனவே அதில் மருதமுனை மக்கள் நலன் விரும்பிகள் பழைய மாணவர்கள் பாடசாலை அபிவிருத்தி குழு என்பன கூடிய கவனம் செலுத்த வேண்டும்..
நீண்ட இடைவெளிக்குப் பிறகு கிடைத்துள்ள இந்த இரட்டை மாகாணச் சாம்பியன் பட்டம், மருதமுனையின் மறைந்துபோன கால்பந்துப் பெருமையை மீண்டும் மீட்டுக்கொடுத்துள்ளது.
"உங்கள் வீரர்கள் காட்டிய அர்ப்பணிப்பு, உழைப்பு, ஒற்றுமை மற்றும் மனவுறுதி வெற்றியின் ரகசியம்!" என்பதற்கேற்ப, மருதமுனை ஸம்ஸ் மத்திய கல்லூரி தேசிய மட்டத்திலும் தங்களின் முத்திரையைப் பதித்து, கிழக்கு மண்ணிற்கு மேலும் பெருமை சேர்க்க வாழ்த்துகிறோம்.
"நீங்கள் கிழக்கு மண்ணின் பெருமை!"
தொகுப்பு:-
AMM JIFFRY
Senior teacher
Physical education
BT/BC/Oddamavadi Central College
