Sirisunanda National School Media Unit

20/08/2026

නිවීගිය ගාන්ධර්ව අමර මීවිත – ශ්‍රී ලාංකීය සුගන්ධවත් සංගීත කෝකිලාවිය අමරණීය මතක අතරට...

දශක ගණනාවක් පුරා ශ්‍රී ලාංකේය හෘද ස්පන්දනය තනු හා පද අතරින් හැඩගැන්වූ, ඒ සොඳුරු ගාන්ධර්ව හඬ පෞරුෂය — කලාශූරී, ආචාර්ය නන්දා මාලිනීයන් අප අතරින් වෙන්ව සමුගෙන ඇත.

'අම්මාවරුනේ', 'සැඳෑ කළුවර', 'පාරමිතා බල' වැනි දහස් ගණනක් අමරණීය ගීතයන්ගෙන් මිනිස් සිත් සතන් සැනසූ, රටේ අසාධාරණයට එරෙහිව හඬ අවදි කළ ඒ ගාම්භීර, මාධුර්යවත් හඬ තවදුරටත් අපගේ ශ්‍රව්‍ය පරාසය තුළ අලුතින් රැව් නොදෙනු ඇත. නමුත් ඇය තබා ගිය ශ්‍රේෂ්ඨ කලාත්මක උරුමය සහ හඬ පෞරුෂය ලාංකීය ජනහදවත් තුළ සදාතනිකවම ජීවත් වනු ඇත.

හෘදයාංගම මෙහෙවරින් මුළු මහත් ජාතියක්ම ප්‍රභාස්වර කළ, අප සිතැඟි අමන්දානන්දයට පත්කළ ඒ මහා කලා තාරකාවට අපගේ උත්තමාචාරය!

ඔබට නිවන් සුව අත්වේවා! 💐🕊️

07/08/2026

ඩිජිටල් හෙට දිනකට - නැණ නුවණින් පිරි පරපුරකට!

අප විද්‍යාලයේ මාධ්‍ය ඒකකයේ සහ පුස්තකාල හා ඉගෙනුම් මධ්‍යස්ථානයේ තාක්ෂණික පහසුකම් වර්ධනය කිරීම උදෙසා පරිගණක පරිත්‍යාග කිරීමේ විශේෂ ව්‍යාපෘතිය.

"සිසු දරුවන්ගේ අනාගතය තාක්ෂණයෙන් සවිබල ගැන්වීමට ඔබේ අතහිත පතමු!"

අපගේ මාධ්‍ය ඒකකයේ නිර්මාණශීලී දරුවන්ට සහ පුස්තකාලය භාවිත කරන දහස් සංඛ්‍යාත සිසු දරුවන්ට යාවත්කාලීන තොරතුරු තාක්ෂණ පහසුකම් ලබාදීම වෙනුවෙන් භාවිත කළ (හොඳ තත්ත්වයේ පවතින) හෝ අලුත් පරිගණකයක් / ලැප්ටොප් පරිගණකයක් පරිත්‍යාග කිරීමට ඔබටත් දායක විය හැක.

වැඩිදුර විස්තර සඳහා අමතන්න:
📞 077 382 0958
📞 074 355 6811

අනාගත පරපුර වෙනුවෙන් කෙරෙන දැනුමේ ආයෝජනයක්!

07/08/2026

අන්තරායක ඖෂධ පාලක ජාතික මණ්ඩලය මගින් මෙහෙයවනු ලැබූ මත්ද්‍රව්‍ය නිවාරණ ශිෂ්‍ය නායක පුහුණු වැඩමුළුව 🌟

අන්තරායක ඖෂධ පාලක ජාතික මණ්ඩලය මගින් සංවිධානය කරන ලද මත්ද්‍රව්‍ය නිවාරණ ශිෂ්‍ය නායක පුහුණු වැඩමුළුව 2026 අගෝස්තු 07 වන දින පෙ.ව. 8.00 සිට ප.ව. 2.00 දක්වා ගා/උඩුගම මහා විද්‍යාලයීය ප්‍රධාන ශාලාවේදී සාර්ථකව පැවැත්වුණි.

මේ සඳහා සිරිසුනන්ද විද්‍යාලය නියෝජනය කරමින් 10 ශ්‍රේණියේ ශිෂ්‍ය නායක නායිකාවන් පස්දෙනෙකු (05) සහභාගී වූ අතර, විද්‍යාලයේ ශිෂ්‍ය උපදේශන හා මාර්ගෝපදේශන අංශය භාර අසංක ගොඩකන්ද මහතාද මීට එක්විය.

මත්ද්‍රව්‍යවලින් තොර සුරක්ෂිත හෙට දිනයක් උදෙසා අපගේ පාසල් ප්‍රජාව දැනුවත් කිරීමටත්, යහපත් නායකත්ව ලක්ෂණ ප්‍රගුණ කිරීමටත් මෙමගින් අපගේ ශිෂ්‍ය නායක නායිකාවන්ට මහඟු අවස්ථාවක් හිමිවිය.



Drug Prevention Student Prefect Training Workshop Organised by the National Dangerous Drugs Control Board 🌟

The Drug Prevention Student Prefect Training Workshop, organised by the National Dangerous Drugs Control Board, was successfully held on August 7, 2026, from 8:00 AM to 2:00 PM at the Main Hall of Ga/Udugama Maha Vidyalaya.

Five (05) Grade 10 student prefects representing Sirisunanda College participated in this workshop, accompanied by Mr. Asanka Godakanda, Head of the School Student Counseling & Guidance Unit.

This session provided a great opportunity for our student leaders to enhance their leadership skills and gain key insights into guiding our school community toward a drug-free future.

05/08/2026

සිරිසුනන්ද මාතාවගේ අභිමන් සෙවණේ, නුවණැස පාදන සිසු දූ පුතුන්ගේ හෙට දවස ආලෝකවත් කරනු වස් සංවිධානය වූ අබතෙල් පහන් පූජෝත්සවය... 🕯️✨

සිරිසුනන්ද විද්‍යාලයෙන් මෙවර ශිෂ්‍යත්ව විභාගයට සහ උසස් පෙළ (A/L) විභාගයට පෙනී සිටින සියලුම දූ පුතුන්ට උතුම් තෙරුවනේ අශීර්වාදයත්, සියලු දෙවිදේවතාවුන්ගේ රැකවරණයත් ප්‍රාර්ථනා කරමින්, අබතෙල් පහන් පූජෝත්සවය ඉහළ භක්ති ප්‍රමෝදයෙන් යුතුව පවත්වන ලදී.

දහසක් බලාපොරොත්තු පෙරදැරිව විභාග ශාලාවට පියනගන අපේම දූ පුතුන්ගේ සිත්හි ඇති බිය, සැකය දුරු වී, ධෛර්යය සහ නිරවුල් මනසින් යුතුව විභාගයට මුහුණ දීමට ශක්තිය ලැබේවා!

ඔබ සැමට උතුම් දළදා සමිඳු සරණින් සහ තෙරුවන් බලයෙන් විශිෂ්ට ජයග්‍රහණ හිමිවේවායි හදවතින්ම ප්‍රාර්ථනා කරමු!

20/07/2026

සිරි සුනන්ද විද්‍යාලයේ වාර්ෂික උදෑසන දානමය පුණ්‍යකර්මය සාර්ථකව නිමාවට පත්වෙයි! 🙏✨

විද්‍යාලයේ 12 ශ්‍රේණිය සඳහා අලුතින්ම ඇතුළත් වූ ආදරණීය දූ පුතුන්ට ආශිර්වාද ප්‍රාර්ථනා කරමින් සහ විද්‍යාලීය ආදිකර්තෘවරුන් ඇතුළු සැමට පින් අනුමෝදන් කරමින් වාර්ෂිකව සංවිධානය කරනු ලබන උදෑසන දාන දක්ෂිණාව අද දින විද්‍යාල පරිශ්‍රයේදී ඉතා සාර්ථකව පැවැත්විණි.
විද්‍යාලයේ විදුහල්පති සමින්ද තුෂාර මහතාගේ සෘජු මඟපෙන්වීම සහ උපදෙස් මත මෙම පින්කම ඉතා සංවිධානාත්මකව සහ සාර්ථක අයුරින් නිම කිරීමට හැකි විය.
නවක දූ පුතුන්ගේ අධ්‍යාපන කටයුතු මෙන්ම ඉදිරි අනාගතය ද සර්වප්‍රකාරයෙන්ම සාර්ථක වේවායි ප්‍රාර්ථනා කරමු!

The Annual Morning Alms Giving of Sirisunanda Vidyalaya Successfully Concluded! 🙏✨

The annual morning alms-giving ceremony of Sirisunanda Vidyalaya was successfully held today at the school premises. This meritorious event was organized to invoke blessings upon the newly admitted daughter and sons of Grade 12 and to transfer merits to the noble founders of our school.
Under the guidance and leadership of our respected Principal, Mr. Saminda Thushara, this religious event was conducted in a highly organized and successful manner.
We wish our new students a bright, blessed, and successful academic journey ahead!

15/07/2026

රාජ්‍ය ගුවන්විදුලි, පුවත්පත් හා සමාජ මාධ්‍ය අනුමණ්ඩලය සහ සංස්කෘතික කටයුතු දෙපාර්තමේන්තුව එක්ව ක්‍රියාත්මක කරනු ලබන වාර්ෂික වැඩසටහන් මාලාව යටතේ, ගාල්ල දිස්ත්‍රික්කයේ වෘත්තික මාධ්‍යවේදීන්ගේ සහ මාධ්‍ය විෂය භාර ගුරුවරුන්ගේ දැනුම, කුසලතා මෙන්ම මාධ්‍ය ආචාරධර්ම පිළිබඳ අවබෝධය වර්ධනය කිරීම අරමුණු කරගත් වැඩමුළුවක් (26) ගාල්ල ලබුදූව දක්ෂිණපාය ශ්‍රවණාගාරයේදී ගරු දකුණු පළාත් ආණ්ඩුකාර ආචාර්ය සුසිරිපාල මානවඩු මැතිතුමන්ගේ ප්‍රධානත්වයෙන් පැවැත්විණි.

වැඩමුළුවේදී
නිරවද්‍ය, වගකීම් සහගත හා ආචාරධර්ම සුරකින මාධ්‍ය භාවිතය පිළිබඳ දැනුවත් කිරීම,
නව මාධ්‍ය ප්‍රවණතා හා ඩිජිටල් මාධ්‍ය පරිසරයට ගැළපෙන වෘත්තීය කුසලතා වර්ධනය කිරීම,
තොරතුරු සත්‍යාපනය,
ව්‍යාජ පුවත් හඳුනා ගැනීම,
මෙන්ම පාසල් මට්ටමේ මාධ්‍ය අධ්‍යාපනය වඩාත් ප්‍රායෝගික හා ගුණාත්මක අයුරින් සිසුන් වෙත ගෙනයාම සඳහා ගුරුවරුන්ගේ හැකියාවන් ශක්තිමත් කිරීම පිළිබඳවද විශේෂ අවධානය යොමු කෙරිණි.

25/06/2026

සිරිසුනන්ද විද්‍යාලයේ සදහම් දේශනාව

එළඹෙන උතුම් පොසොන් පුන් පොහෝ දිනය අරමුණු කරගනිමින්, සිරිසුනන්ද විද්‍යාලයේ බෞද්ධ සංගමය විසින් සංවිධානය කළ සදහම් දේශනාව අද දින විද්‍යාලයීය මුදිතා ශාලාවේදී අති උත්කර්ෂවත් ලෙස පැවැත්විණි.

9 සහ 10 ශ්‍රේණිවල දරුවන් උදෙසා පවත්වන ලද මෙම වැඩසටහනේ මූලික අරමුණ වූයේ, හුදු අධ්‍යාපනික දක්ෂතා පමණක් නොව, ගුණයෙන් හා යහපත් ආකල්පවලින් පිරිපුන්, සමාජයට වැඩදායී දරු පිරිසක් බිහි කිරීමයි. ශිෂ්‍ය පිරිසගේ චරිත සංවර්ධනය සහ මනා පෞරුෂයක් ගොඩනැංවීම උදෙසා මෙම දේශනය මහත් පිටුබලයක් විය.

24/06/2026

සාර්ථකත්වයේ මීළඟ පරිච්ඡේදය අභිමුව... සිරිසුනන්ද විද්‍යාලීය දරුවන්ගේ අභිමානවත් ජයග්‍රහණය! 🎓✨

සිරිසුනන්ද විද්‍යාලයේ අපේ ආදරණීය දූ පුතුන් අ.පො.ස සාමාන්‍ය පෙළ විභාගයෙන් ලබාගත් විශිෂ්ට ප්‍රතිඵල අප සැමගේ හදට ගෙන එන්නේ මහත් සතුටකි.

දැනුමෙන් මෙන්ම විනයෙන් පිරිපුන් පරපුරක් නිර්මාණය කිරීමේ අරමුණින් ඔබ දැක්වූ කැපවීම සහ නොපසුබට උත්සාහය අද ජයග්‍රහණයේ පල දරා ඇත.

මෙම ජයග්‍රහණය පිටුපස සිටි විදුහල්පති ප්‍රමුඛ ගෞරවනීය ගුරු මණ්ඩලයටත්, නිරතුරුව දිරි දුන් ආදරණීය මව්පියන්ටත්, දැඩි කැපවීමකින් අධ්‍යාපන කටයුතු සිදු කළ අපේම දරුවන්ටත් අපගේ උණුසුම් සුබපැතුම්!

ඔබ සැමට අනාගතය ජය ගැනීමට අවශ්‍ය ශක්තිය සහ ධෛර්යය ලැබේවා!

18/06/2026

07/06/2026

සුවිශේෂී අමුත්තියකගේ පැමිණීමෙන් විදුපියසට එක්වූ අභිමානය! ✨

අපේ මාපලගම දේශයේ කීර්තිය ලොවටම විදහාපාමින්, ශ්‍රී ලංකාවේ පළමු විභාග කොමසාරිස් ජනරාල් ධූරයට පත්වූ විශිෂ්ට දියණිය, සුභාෂිණි ඉන්දිකා කුමාරි මහත්මිය පසුගිය දිනෙක අප සුනන්දීය විදුපියසට පැමිණීම අප විද්‍යාලයට අතිශය භාග්‍යයක් විය.

මහා සංඝරත්නයේ ආශිර්වාද මධ්‍යයේ, මුදිතා ශාලාව එදින අභිමානවත් සහ සුන්දර දසුනක් මවා පෑවේය. අපේ දරුවන්ගේ අනාගතය වෙනුවෙන් මෙවැනි විශිෂ්ටයන්ගේ පැමිණීම මහඟු ආදර්ශයකි.

අප විදුහලේ මුදිතා ශාලාවට එදින එක්වූ මේ ගෞරවනීය බව ඔබත් දකින්න.