B/Haddaththawa Primary School

පසුගියදා දිවයිනට බලපෑ දිට්වා සුළි කුණාටුවත් සමග ඇතිවූ ගංවතුර තත්ත්වයෙන් පීඩාවට පත් අපේ දරුවන් වෙත කරුණාවෙන් ආදරය රැගෙන තවත් පිරිසක් පසුගිය 2026.01.06 වෙනි දින පාසල වෙත පැමිණියා. ඔවුන්ද විපතට පත් දරුවන් වෙනුවෙන් පාසල් උපකරණ,ලිපි ද්‍රව්‍ය ලබා දුන්නා. එහි ප්‍රධාන අනුග්‍රහය දැක්වූයේ
Kothari Trading Company ය සහ රත්නපුර ප්‍රියන්ත ජෙම්ස් අධිපතිතුමා සහ එහි සේවක පිරිසයි. ඊට අමතරව රෝහිත බණ්ඩාර, අකලංක බණ්ඩාර සහ සබද තක්ෂලාවෙහි ප්‍රසංග මහතා ද දායකත්වය ලබා දුන්නා. Kothari Trading company ආයතනයට, රත්නපුර ප්‍රියන්ත මැණික් අධිපතිතුමන්ට සහ එහි සේවක පිරිසටත් අනෙකුත් සියලූම මහත්වරුන්ටත් අප විද්‍යාලයේ විදුහල්පතිතුමාගේ , නියෝජ්‍ය විදුහල්පතිනියන් දෙපළගේ, අධ්‍යයන හා අනධ්‍යයන කාර්ය මණ්ඩලයේ, දෙමව්පියන්ගේ සහ සිසු දරු දැරියන්ගේ ආදර, ගෞරවය මෙසේ පුදකරන්නෙමු.

එක්සත් අරාබි එමීර් රාජ්‍යයේ Atlantis The palm Hotel - Dubai හි සිටින කේ.එච්.පී. මධුෂංක මහතාගේ මූලිකත්වයෙන් අමිල, විශ්ව, චතුර, චාමර, මලිත්, විමුක්ති, ලහිරු, කනිෂ්ක, උදාර, තුෂාන්, කේඩිස්වරන් යන මහත්වරුන් ද කොළඹ රාජකීය විද්‍යාලයේ සේවයේ නියුතු දිමුතු උපේක්ෂ මහතා, රත්නපුර, නිවිතිගල සුමන ප්‍රාථමික විද්‍යාලයේ සේවයේ නියුතු අසංක විරාජ් බණ්ඩාර මහතා, සහ අමල්, ඕෂධ යන මහත්වරුන්ගේ මූල්‍යමය දායකත්වයෙන් ද පසුගිය 2025. 12.25 වනදා හද්දත්තාව ප්‍රාථමික විද්‍යාලයේ අපේ පුංචි දරුවන්ගේ අධ්‍යාපනය නඟසිටුවීම වෙනුවෙන් වටිනා පාසල් උපකරණ රැසක් ලබාදීම සිදුවුණා. නොසිතූ විරෑ ලෙස ගංවතුරෙන් පීඩා විඳ යළි දෛනික ජීවිතය පෙර පරිදි හැඩගස්වා ගැනීමට වෙර දරණ අපේ දරුවන්ටත්, දෙමව්පියන්ටත් මෙය මහත් අස්වැසිල්ලක් වුණා. ශ්‍රී ලංකාවේ විවිධ ප්‍රදේශ වල සිට අපේ දරුවන් වෙත ආදරය නොඅඩුව ලැබුණු අතර මෙය දුරු රටකින් අපේම සහෝදරයන්ගෙන් ලැබුණු පරිත්‍යාගයක් වුණා. ඒ සියලූම පරිත්‍යාගශීලීන්ටත් මෙය සම්බන්ධීකරණය කළ හාපිටිගම ජාතික අධ්‍යාපන විද්‍යාපීඨයේ 2012/2014 කණ්ඩායමේ නුවන් ඉන්දික ගුරුතුමන්ටත් අප විද්‍යාලයේ විදුහල්පතිතුමාගේත්, නියෝජ්‍ය විදුහල්පතිනියන් දෙපළගේත් ආචාර්ය මණ්ඩලයේත් අනධ්‍යයන කාර්ය මණ්ඩලයේත් දෙමව්පියන් සහ සිසු දරුවන්ගෙත් ආදරය, ගෞරවාදරය මෙසේ පුදකරන්නෙමු. මෙවන් සද්කාර්යයන්හි ඉදිරියටත් නියැලෙන්නට එම ආයතනයටත් ඔබ සියලූ දෙනාටත් ශක්තිය, ධෛර්යය හා වාසනාව ප්‍රාර්ථනා කරන්නෙමු.

අම්පාර ගලහිටියාගොඩ සහෝදර පාසලෙන් අප ලද ආදරය ❤️🥰

පසුගියදා දිවයිනේ බොහෝ ප්‍රදේශ වලට බලපෑම් ඇති කළ දිට්වා සුළි කුණාටුවත් සමඟ මහවැලි ගගෙහි ජල මට්ටම පෙර නොවූ විරූ ලෙස ගංවතුර තත්ත්වයක් දක්වා වැඩිවිය. මින් පෙර ගංවතුර අත්දැකීමක් නොලද මහියංගන , හද්දත්තාව ග්‍රාමයේ වැසියන්, දරු දැරියන් තම වටිනාම සම්පත්, නිවාස, ගොවිතැන් මඩ සහ වැලි මිශ්‍ර ජලයෙන් යටවනු බලා සිටියේ කරකියාගන්නට දෙයක් නොමැතිවය.

එවන් අඳුරු අත්දැකීමකට මුහුණ දුන් අප පාසලේ දරුවන්ට, දරුවන්ගේ දෙමව්පියන්ට අස්වැසිල්ලක් වීමට අම්පාර ගලහිටියාගොඩ මහා විද්‍යාලය බොහෝ වෙහෙසුණි. එය සහෝදරයෙකු විපතකට පත්වූ විට රැකවරණය, ආදරය රැගෙන ආ සහෝදරයෙකු මෙනි. ඒ අනුව පසුගියදා අම්පාර ගලහිටියාගොඩ මහා විද්‍යාලයේ ගරු විදුහල්පතිතුමා, H. B.නීල් දමිත් මහතාගේ ප්‍රධානත්වයෙන් නියෝජ්‍ය විදුහල්පතිතුමිය, ආචාර්ය මණ්ඩලය, සිසු දරු දැරියන් සහ පාසල් ප්‍රජාව එක්ව හද්දත්තාව ප්‍රාථමික විද්‍යාලයේ අපේ දරුවන් 50 දෙනෙකු වෙනුවෙන් පාසල් උපකරණ හා වියළි ආහාර ද්‍රව්‍ය බෙදා දුන්නා. එම විදුහල්පතිතුමන්ටත්, නියෝජ්‍ය විදුහල්පතිතුමියටත් ආචාර්ය මණ්ඩලයටත් දරු දැරියන්ටත් පාසල් ප්‍රජාවටත් හද්දත්තාව ප්‍රාථමික විද්‍යාලයේ ආදරය, ගෞරවය පුදකරසිටින්නෙමු .

රුවන්පුරෙන් අපේ දරුවන් ලැබූ ආදරය 🙏❤️

හදිසියේ ඇතිවූ ආපදා තත්ත්වයට මුහුණ දී යළි ගොඩනැගෙමින් සිටින හද්දත්තාව ප්‍රාථමික විද්‍යාලයේ සිසු දරුවන් රැසකටත් එම දරුවන්ගේ දෙමව්පියන්ටත් දිනෙන් දින රටේ විවිධ ප්‍රදේශ වලින් ලැබෙන ආදරය, රැකවරණය, දිරිදීම් බොහෝ ය.

පසුගිය 2025.12.22 වනදා ද එවන් පරිත්‍යාගශීලීන් පිරිසක් අපේ දරුවන්ට ආදරය රැගෙන පැමිණියා. ඒ රත්නපුර කජුගස්වත්ත ශ්‍රි ඤාණසීහ තපෝවන විහාරාධිපති පූජ්‍ය අකරැල්ලේ ඤාණවංශ නායක ස්වාමින් වහන්සේගේ අනුශාසනා පරිදි විහාරස්ථ දහම් පාසල හා දායක පිරිස ඇතුළු සංවිධායක පිරිස විසින් සංවිධානය කළ පරිත්‍යාග වැඩසටහනයි. මෙහිදී අප පාසලේ දරුවන් 50 දෙනෙකුට පාසල් උපකරණ කට්ටල ද පාසල වෙත ලිපි ද්‍රව්‍යය ද ලබා දුන්නා.

එදින එම සංවිධායක මණ්ඩලය නියෝජනය කරමින් පූජ්‍ය හෙට්ටිකන්දේ විජිතධම්ම හිමි, චතුර චමුදිත, චතුර දිල්ෂාන්, කනිෂ්ක මදුශාන්,මහේෂ් මදුශංක,අසංක නෙත්සර, නිරෝෂා ජයසිංහ යන අය අප හා සම්බන්ධ වුණා.

දරුවන්ට ආශිර්වාද කරමින් පරිත්‍යාග කළ සෑම සියලු දේටත් පාසලේ දියුණුව වෙනුවෙන් කළ සුබ පැතුම් සියල්ලටත් රත්නපුර කජුගස්වත්ත ශ්‍රි ඤාණසීහ තපෝවන විහාරාධිපති පූජ්‍ය අකරැල්ලේ ඤාණවංශ නායක ස්වාමින් වහන්සේටත් එම විහාරස්ථ දහම් පාසල හා දායක පිරිස ඇතුළු සංවිධායක මණ්ඩලයටත් විදුහල්පතිතුමන්, ආචාර්ය මණ්ඩලය, සිසු දරුවන් මෙන්ම දෙමව්පියන් වෙනුවෙන් විද්‍යාලයේ ආදර ගෞරවය පුදකර සිටිනවා.

🙏🙏🙏🙏

අපේම පොඩ්ඩන්ගේ සිනහව සුරකිමු...✨

අප විසින් සංවිධානය කළ අපේ පුංචි දුවා දරුවන්ට පාසල් උපකරණ පරිත්‍යාග කිරීමේ වැඩසටහන මහියංගනය හද්දත්තාව ප්‍රාථමික විද්‍යාලයේදී පසුගිය දා (22) සාර්ථකව සිදු කෙරුණි.

පැවති ආපදා තත්ත්වයෙන් පසු විපතට පත් අපේ දරුවන් වෙනුවෙන් බොහෝ දෙනා දිවා ආහාර සඳහා අනුග්‍රහය ලබා දුන්නා. පසුගිය 2025.12.22 වන දින අනුග්‍රහය දැක්වූයේ නව නගරය, බතලයාය හසන්‍යා වෙළඳසැලේ අධිපතිතුමා එම මහත්මිය ඇතුලු පවුලේ අයයි.

එම අනුග්‍රහයෙන් දරුවන් සඳහා ආහාර පිළියෙල කළ තුන ශ්‍රේණියේ පන්තිභාර හිරුනි ගුරුතුමිය ඇතුළු දෙමව්පියන්ටත් හසන්‍යා වෙළඳ ව්‍යාපාරයේ අධිපතිතුමන් ඇතුලු සියලූම දෙනාට හද්දත්තාව ප්‍රාථමික විද්‍යාලයේ විදුහල්පතිතුමන් අධ්‍යන හා අනධ්‍යන කාර්ය මණ්ඩලය , දූ දරුවන් , දෙමව්පියන් වෙනුවෙන් හද පිරි ස්තූතිය පළකර සිටිනවා.

පසුගියදා රට පුරා ඇති වූ ආපදා තත්ත්වයෙන් පසු පාසල ඇරඹි 16 දින මෙන්ම 17, 18 සහ 19 යන දිනයන්හි ද අප පාසලේ දරු දැරියන් වෙනුවෙන් දිවා ආහාර ලබාදීම අඛණ්ඩව සිදු කෙරුණි.

ඒ, 16 දින පාසලේ විදුහල්පතිතුමා ඇතුළු ආචාර්ය මණ්ඩලය ද 17 දින නම් සඳහන් නොකරන ලෙස ඉල්ලා සිටි පාසලට නිති සුබ පතන්නන් කිහිප දෙනෙකු ද 18 දින ආචාර්ය මණ්ඩලයේ ආර්.බී. මාලනී ගුරුතුමියගේ අනුග්‍රහය මත එම පන්තියේ දරුවන්ගේ දෙමව්පියන් ද 19 දින මහියංගනය, ඇලෑවෙල ව්‍යාපාරික චතුරාණී නර්මදා මහත්මිය ද යන අයයි.

ගංවතුර හේතුවෙන් තවමත් කායිකව සහ මානසිකව පීඩා විඳින දරුවන්ට මෙන්ම පිරිසිදුව ගුණදායී ආහාර වේලක් සැකසීමට අපහසුව සිටින දෙමව්පියන්ට මෙම සද්කාර්යය මිල කළ නොහැක්කකි. මේ සඳහා අනුග්‍රහය දැක්වූ ශ්‍රමයෙන් දායක වූ සියලූම දෙනාට ගරු විදුහල්පතිතුමන් ගුරු මණ්ඩලය සහ දෙමව්පියන්ගේ ස්තූතියි පුදකරන්නෙමු.

පැවති පාසල් නිවාඩුව හමාර කරමින් දිවයිනේ පාසල් ගණනාවක අධ්‍යයන කටයුතු ඊයේ (2025.12.16) දින නැවත ඇරඹු අතර අප පාසල ද දරුවන් වෙනුවෙන් යළි විවෘත විය.

පසුගිය දින කිහිපය පුරා ඇතිවූ ආපදා තත්ත්වයන්ට විවිධාකරයෙන් ගොදුරුව කායිකව හා මානසිකව පීඩා විඳිමින් සිටින දරුවන් රැසක් සිටින අප පාසලේ ඊයේ දින දරුවන්ගේ පැමිණීම සියයට අසූවක් පමණ වීම ගරු විදුහල්පතිතුමාගේත් ආචාර්ය මණ්ඩලයේත් සතුටට, අස්වැසීමට හේතුවිය. ආදරණීය ඇදුරු මඩුල්ලේ ආදරණීය පිලිගැනීමෙන් දරුවන් මහත් සතුටට පත් වු අතර දරුවන් සමග ඔවුන් පසුගිය දිනවල ගතකළ පීඩාවන් පිළිබඳව ලැබූ අඳුරු ගංවතුර අත්දැකීම පිළිබඳව කතාබහ කරමින් පීඩාවන් අමතකර කර ඔවුන් සතුටින් තැබීමටත් මනස සැහැල්ලු කිරීමටත් වැඩසටහන් කිහිපයක්ම ගුරුවරුන් සූදානම් කර තිබුණි.

එමෙන්ම විදුහල්පතිතුමන් සහ ගුරු මණ්ඩලය එක්ව දරුවන් වෙනුවෙන් දිවා ආහාරය ලබාදීම ද විශේෂත්වයක් විය. දිවා ආහාර පිළියෙල කිරීම හා පිළිගැන්වීමේ කටයුතු සඳහා ආදරණීය දෙමව්පියන්⁣ කිහිප දෙනෙකුගේ සහය ද ලැබුණි.

තවදුරටත් දරුවන්ගේ මානසික සුවය සහ කායික පෝෂණය ගැන සිතා ඉදිරි දින හතරත් පාසලට නිති සුබ පතන්නන් විසින් දිවා ආහාර ලබා දීමට කටයුතු සූදානම් කරමින් පවතී.

බදුල්ල දිස්ත්‍රික්කයේ, මහියංගනය අධ්‍යාපන කලා⁣පයේ, මහියංගනය සිට දෙහිඅත්තකණ්ඩිය මාර්ගයේ 4kmක් පමණ ගිය විට මහවැලි නදිය අසබඩ පිහිටා ඇති, සිසු දරු දැරියන් 230 පමණ අධ්‍යාපනය ලබන බ/හද්දත්තාව ප්‍රාථමික විද්‍යාලයේ පෝෂක ප්‍රදේශයන් වන ගගේයාය, අක්කර අසූව සහ නිදහංගල ආදි ගම්මානවලට පසුගිය 27 වැනිදා දිට්වා සුළි කුණාටුවෙන් සහ ඊට සමගාමීව සිදු වූ මහවැලි ගඟ පිටාර ගැලීම හේතුවෙන් දැඩි බලපෑමක් එල්ල විය.

මෙම ව්‍යසනයෙන් එම ප්‍රදේශවල පවුල් රැසක් විපතට පත් වූ අතර එම පවුල්වලට අයත් අප පාසලේ දරු දැරියන් 60කට පමණ දැඩි බලපෑමක් එල්ල වී තිබේ.

27 වැනි දා දින සිට පුරා සතියක පමණ කාලයක් තිස්සේ ගංවතුරට ගොදුරු වී අවතැන් වූ පවුල් සඳහා අප පාසල නවාතැන්පොල වශයෙන් පවත්වාගෙන ගිය අතර විදුහල්පති, ආචාර්ය මණ්ඩලය, හද්දත්තාව ග්‍රාම නිලධාරීතුමිය මෙන්ම හද්දත්තාව ද්විතියික පාසලේ විදුහල්පති, හද්දත්තාව ප්‍රේමානන්ද විහාරස්ථානයේ වැඩ වාසය කරන අලුයටවෙල විද්‍යාලයේ විදුහල්පති ස්වාමීන් වහන්සේ, ප්‍රාදේශීය සභාව, ප්‍රාදේශීය ලේකම් කාර්යාලයේ නිලධාරි මණ්ඩලය, දේශපාලන අධිකාරිය, පාසල් ප්‍රජාව, ව්‍යාපාරික මහත්ම මහත්මීන් සහ අවට ගම්වාසීන් එක්ව පාසලේ නවාතැන් ගත් පිරිස් සදහා මූලික අවශ්‍යතා ලබා දීම සදහා නන්අයුරින් උපකාර කරන ලදී.

මෙම ආපදාවෙන් බලපෑමට ලක් වූ බොහෝ දරුවන්ගේ පොත් පත් සහ අනෙකුත් අධ්‍යාපන උපකරණ සියල්ලම පාහේ විනාශ වී තිබේ.

දැඩි ආර්ථික අපහසුතා රැසක් මධ්‍යයේ දිවි ගෙවමින් ගොවිතැන ජීවන වෘත්තිය කරගත් මෙම ප්‍රදේශවාසීන්ගේ ජීවිත තවදුරටත් දුෂ්කර තත්ත්වයකට පත්ව ඇත්තේ, ඔවුන්ගේ වතුපිටි කුඹුරු ආදියට කුණාටුවෙන් සහ ගංවතුරෙන් දැඩි හානි වී ඇති පසුබිමක යි.

මේ වන විටත් පරිත්‍යාගශීලීන් කිහිප දෙනෙකු මෙම පවුල් සහ එම පවුල්වල සිටින පාසල් දරුවන් හට සහන සැලසීම සඳහා ඉදිරිපත් වී තිබේ.

මෙම ආපදා තත්ත්වයෙන් පීඩාවට පත්ව සිටින බ/හද්දත්තාව ප්‍රාථමික විද්‍යාලයේ සිසු දරුදැරියන්ගේ අධ්‍යාපන කටයුතු නැවත නගා සිටුවීමට අත්වැලක් වීමට ඔබට හැකි නම් එය ඔවුන්ගේ ජීවිත උදෙසා සිදු කරන මහත් සද්කාර්යයක් වනු ඇත.

ඔබ හට එවන් හැකියාවක් පවතියි නම් ඔවුන් වෙත පාසල් උපකරණ, ඇඳුම් සහ සපත්තු ආදිය ලබා දීම සඳහා මෙම දුරකතන අංකය ඔස්සේ සම්බන්ධවන මෙන් කාරුණිකව ඉල්ලා සිටිමු.

විදුහල්පතිතුමා - 0784759529

🥰🥰

දඹාන ගුවන්විදුලි සේවයේ මාධ්‍ය පුහුණුව ලැබූ අපේ පළමු කණ්ඩායමේ හපන්නූ...👆👆👆

මහියංගන ප්‍රදේශීය ලේකම් කාර්යාලයේ පරිවාස හා ළමා ආරක්ෂණ අංශයේ මැදිහත්වීමෙන් 2025.07.04 වන සිකුරාදා දින ළමා සුරක්ෂිතතාව සහ ළමා මානසික සෞඛ්‍ය පිළිබඳව දැනුවත් කිරීමේ වැඩසටහනක් විද්‍යාලයෙ දී පැවැත්වුණි.

මේ සඳහා මහියංගන ප්‍රාදේශීය ලේකම් කාර්යාලයේ පරිවාස හා ළමා ආරක්ෂණ අංශයේ ස්ථානාධිපතිතුමන් ඇතුළු නිලධාරීන් පිරිසක් සහභාගී විය.

මෙහිදී විද්‍යාලයේ දරුවන්ගේ දෙමව්පියන්ට ළමා සුරක්ෂිතතාව සහ ළමා මානසික සෞඛ්‍යය පිළිබද මනා අවබෝධයක් ලබාදුන් අතර සිසු දරු දැරියන් සදහා ක්‍රියාකාරී වැඩමුළුවක් පැවැත්වීමට ද පැමිණ සිටි නිලධාරීන් කටයුතු කළහ. එමෙන්ම සහභාගී වූ සියලුම දෙනාට කෙටි ආහාර වේලක් ලබා දීමට ද ඔවුන් කටයුතු කරන ලදී.

මෙම අගනා වැඩසටහන සදහා සම්බන්ධ වූ සියලුම සාමාජික නිලධාරී මහත්ම මහත්මීන්ට විද්‍යාලයේ විදුහල්පතිතුමන්, ආචාර්ය මණ්ඩලයේ ගුරු මහත්ම මහත්මීන්, දෙමව්පියන් සහ සිසු දරු දැරියන් වෙනුවෙන් විද්‍යාලයේ ගෞරවනීය ස්තූතිය පළ කර සිටින්නෙමු.