Meddeketiya Muslim Maha Vidyalaya

அஸ்ஸலாமு அலைக்கும் வரஹ்மத்துல்லாஹி வபரக்காத்துஹூ

கௌரவிப்பும் உயர்தர பிரிவு அங்குரார்ப்பணம்

எமது பாடசாலையின் 2024 ஆம் ஆண்டு கா.பொ.த சாதாரண தர பரீட்சையில் சித்தியடைந்த மாணவர்களை கௌரவிப்பதற்காகவும் 2025- 2027 ஆம் கல்வி ஆண்டுக்கான உயர்தர கலை பிரிவிற்கு மாணவர்களை உள்வாங்கும் நிகழ்வும் 23.7.2025 ஆம் திகதி காலை 9 மணிக்கு எமது பாடசாலையின் கௌரவ அதிபர் JM. IRFAN (SLPS) தலைமையில் நடைபெற்றது.

இதில் பிரதம அதிதியாக கிரியுல்ல குளியாப்பிட்டிய வலய தமிழ் பிரிவு பிரதிகல்வி பணிப்பாளர் SLM. FAIS அவர்களும் ஏனைய அதிதிகளாக எமது ஊர் ஜம்மியத்தில் உலமா, பள்ளி பரிபாலன சபை தலைவர்களும் , SDEC, OBA அங்கத்தவர்களும் பங்குபற்றியிருந்தனர்

இதில் 9A சித்தியை பெற்ற MN. AMMAR,
N.S NISMA மாணவர்களுக்கு பதக்கம் அணிவித்தும்

NF. HAMNA. 8A,1B
FF. REEMA. 7A,2B
MRF. ASKA. 6A,2B,1C
MTM.ASMA. 5A,1B, 3C
MIP. ISMA. 4A,2B,2C,1S
MPM.MUFLIH 4A,2B,3C
MPP.HUDHA. 4A,2B,3C

ஆகிய மாணவர்களுக்கு பரிசீல்கள் வழங்கியும் கௌரவிக்கப்பட்டனர்

அத்தோடு எமது பாடசாலையிலே சித்தி பெற்ற சுமார் 25 மாணவர்கள் இப்பாடசாலையிலேயே உயர்தர கலை பிரிவில் கற்க அனுமதி பெற்றனர். அவர்களுக்கும் பரிசில்கள் வளங்கி கௌரவிக்கப்பட்டனர். மேலும் இந்த வருடமே எமது பாடசாலையில் உயர்தரம் கற்கும் அதிக மாணவர் தொகையும் ஆகும்.

இந்நிகழ்வில் உயர்தரம் கற்க இருக்கும் மாணவர்களின் பெற்றோர்கள் முழுமையாக பங்கு பற்றி நிகழ்வுகளையும் சிறப்பாக நடத்த ஒத்துழைப்பு வழங்கினர்

இந்நிகழ்வு எமது பாடசாலையின் அதிபர் பிரதி அதிபர், உயர் தர பகுதி தலைவர், ஆசிரியர்கள், உயர்தர மாணவர்களின் பங்குபற்றலோடு சிறப்பாக நடைபெற்றது

ARTS
GCE A/L - 2024 (2025)
2nd place in zonal level

Mmmv media unit

எமது மெத்தேகெடிய முஸ்லிம் மகா வித்தியாலயத்தின் 2024ஆம் ஆண்டின் உயர்தர பெறுபேறுகள்

Grade 3 Exhibition albam

தரம் 3 கண்காட்சி 2025

மாணவர்களின் உள்ளார்ந்த திறன்களை வெளிக்கொண்டுவரும் விதமாக கல்விக் கண்காட்சியானது எமது பாடசாலையில் தரம் 3 மாணவர்கள், பெற்றோர்களால். இணைந்து 13.2.2025 இன்றைய தினம் எமது பாடசாலையில் சிறப்பாக நடந்தேறியது.

இதில் பிரதம அதிதியாக கிரியுல்ல குளியாப்பிட்டிய வலயங்களின் தமிழ் மொழி மூல உதவிக் கல்விப் பணிப்பாளர் SLM.பாயிஸ் அவர்கள் கலந்து சிறப்பித்தார். அத்தோடு இன்னும் எமது பிரதேசத்தை சேர்ந்த பல பிரமுகர்கள் கலந்து கொண்டமை குறிப்பிடத்தக்கது.

இக்கண்காட்சியை நடத்துவதற்கு உதவிய அதிபர் அவர்களுக்கும் ஒழுங்கமைத்த வகுப்பு ஆசிரியர்கள், பாடசாலையின் அனைத்து ஆசிரியர்கள் , கல்வி சாரா ஊழியர்கள், பெற்றோர்கள், SDEC, OBA போன்றவர்களக்கும் நன்றிகளை தெரிவித்துக் கொள்கிறோம்.

GIRI/ MEDDEKETIYA MUSLIM MAHA VIDYALAYA
1ST DAY OF GRADE ONE
NEW ADMISSION

நன்றி நவிலல்

எமது பாடசாலையின் 2024/2025 க‌.பொ.த சாதாரணதரப் பரீட்சையை எதிர்நோக்கியுள்ள மாணவர்களின் சித்தி வீதத்தை அதிகரிக்கும் நோக்கில் ஏற்பாடு செய்யப்பட்ட கருத்தரங்குகளின் முதலாம் கட்டமாக 24.12.2024 அன்று எமது பாடசாலையில் கணிதப் பாட கருத்தரங்கு நடைபெற்றது.
மேற்படி கருத்தரங்கு 2022ஆம் ஆண்டில் எமது பாடசாலையில் GCE/OL இல் கல்வி கற்று சித்தியடைந்து தற்போது உயர்தரம் கற்றுக்கொண்டிருக்கும் எமது பாடசாலையின் பழைய மாணவர்களை உள்ளடக்கிய Educational Upliftment society அமைப்பினரின் அனுசரணையில் இக்கருத்தரங்கு இடம்பெற்றது.

இக்கருத்தரங்கு வெற்றிகரமானதாகவும் மாணவர்களுக்குப் பயனளிக்கும் வகையிலும் அமைந்தது. இவ் ஏற்பாடுகளை சிறப்பாக செய்த மேற்படி அமைப்பினருக்கு பாடசாலை சார்பாக நன்றிகளைத் தெரிவிப்பதோடு வளர்ந்து வரும் சமூக சேவை அமைப்பான Educational Upliftment society இனரை வாழ்த்துகிறோம்.

கிரி/மெத்தேகெடிய மு.ம.வி
அதிபர்,ஆசிரியர்கள்.

MMMV Media

சேவை நலன் பாராட்டு விழா -2024

ஆசிரியம் எனும் அமானிதம், அறப்பணியை செவ்வனே நிறைவேற்றிச் சென்ற ஆசிரியப் பெருந்தகைகளை கௌரவிக்கும் விதமான சேவை நலன் பாராட்டுவிழா 2024 12. 17 ஆம் திகதி எமது கல்லூரியின் அதிபர் J M இர்பான் Sir அவர்களின் தலைமையில் சிறப்பாக நடை பெற்றது.

இவ்விழாவில் எமது பாடசாலையில் நீண்ட காலம் சேவையாற்றி தம் பணியை நிறைவு செய்து ஓய்வு பெற்றுச்சென்ற ஆசிரியர் சேவையில் தடம் பதித்த ஆசிரியைகளான M.H ஜனூபா ஆசிரியை, A.L சிஹானா ஆசிரியை ஆகிய இருவருடன் பாடசாலை வளர்ச்சிக்காக அயராது சேவையாற்றி விட்டு எமது பாடசாலையிலிருந்து இடமாற்றம் பெற்றுச் சென்ற ஆசிரியப் பெருந்தகைகளான C. ஹைரியா ஆசிரியை , A.S சாக்கிரா ஆசிரியை,T.A அஸ்ரா ஆசிரியை , M.J.M இஸ்திகார் ஆசிரியர் ஆகியோர் பாடசாலையால் கௌரவிக்கப்பட்டனர்.

மேலும் ஆசிரியர்களின் பணிகளைப் போற்றும் வகையிலான மாணவர்களின் கலை நிகழ்ச்சிகள் அரங்கேற்றப்பட்டதோடு பாடசாலையால் அன்பளிப்புக்கள் வழங்கப்பட்டன.

இந்த நிகழ்வில் அதிபர், பிரதி அதிபர்கள்,ஆசிரியர்கள் ,கல்வி சாரா ஊழியர்கள் ,மாணவர்கள் கலந்து சிறப்பித்தனர்.

மேற்படி ஆசிரியர்களின் அளப்பெரிய சேவைகளை நன்றியுடன் நினைவு கூர்வதுடன், அவர்களின் இருமை வெற்றிக்காகவும் பிரார்த்திப்பதோடு, அவர்களது எதிர்காலம் வளமும், நலமும் மிக்கதாக அமைய வாழ்த்துகிறோம்.

அதிபர் ,ஆசிரியர்கள், கல்விசாரா ஊழியர்கள்.

கிரி/மெத்தேகெடிய மு ம வி

அகில இலங்கை Hand Ball போட்டி 2024

நன்றி நவிலல்

தேசிய மட்ட Hand Ball போட்டி ஹம்பாந்தோட்ட வீரகெடிய தேசிய பாடசாலை விளையாட்டு அரங்கில் 2024 .10 . 07 ,08 ஆகிய திகதிகளில் நடைபெற்றது. வடமேல் மாகாண Champion Team ஆகத் தெரிவான எமது கிரி/மெத்தேகெடிய மு ம வித்தியாலய அணியும் மேற்படி போட்டியில் பங்கேற்று காலிறுதிச் சுற்றுவரை சென்று வெற்றிவாகை சூட முடியாமல் போனமை கவலையளிக்கிறது.

விளையாட்டு சார்ந்த வளப்பற்றாக்குறை கொண்ட எம் பாடசாலை சகல வளங்களும் கொண்ட பாடசாலைகளுடன் மோதி வெல்வதென்பது மாணவர்களதும் பயிற்றுவிப்பாளரின் பகீரதப் பிரயத்தனம் என்றால் மிகையாகாது. விளையாட்டில் சில சறுக்கல்கள் தவிர்க்கமுடியாதவை அவை நிச்சயமாக அடுத்த கட்ட சாதனைகளுக்கு வழிகோலும்.

விளையாட்டில் திறமைகாட்டிய எம் மாணவச் செல்வங்களை பாடசாலை சார்பாக வாழ்த்துகிறோம்.
வழிப்படுத்திய பாடசாலையின் கௌரவ அதிபர் JM இர்பான் மற்றும் பயிற்றுவிப்பாளர்களான MFM பயாஸ் மற்றும் Amith Nishantha sir அவர்களுக்கும் பாராட்டுக்களைத் தெரிவிக்கிறோம்.

இப்போட்டி நிகழ்வுகளுக்கு மிகுந்த எதிர்பார்ப்புக்களுடன் நன்கொடைகள், அன்பளிப்புப் பொருட்களை வழங்கிய
நல்லுள்ளங்கள், இன்னும் பல வழிகளில் உதவி நல்கியவர்கள், வெளி நாட்டில் இருந்து உதவி வழங்கியவர்கள் போட்டிக்கு அழைத்து சென்ற ஆசிரியர்கள், பெற்றோர்கள் மற்றும் பிரார்த்தனைகளில் ஈடுபட்ட எம் பிரதேச மக்கள் ,பெற்றோர்கள் யாவருக்கும் பாடசாலை சார்பாக நன்றிகளைத் தெரிவிக்கிறோம்.

பாடசாலை நிருவாகம்
MMMV Media

அகில இலங்கை தமிழ்த் தினப்போட்டி- 2024

2024.10.05 நேற்றைய தினம் அகில இலங்கை தமிழ்த்தின தேசிய மட்டப் போட்டிகள் கொழும்பு விவேகானந்தாக் கல்லூரியில் நடைபெற்றது.

மேற்படி போட்டியில் வடமேல் மாகாணம் சார்பாக எமது பாடசாலை மாணவி செல்வி. M I P இஸ்பா நேற்றைய தேசிய மட்டப்போட்டியில் குறு நாடக ஆக்கம் பிரிவு 5 போட்டியில் பங்குபற்றி கடுமையான போட்டிகளுக்கு மத்தியில் மூன்றாமிடத்தைப் பெற்று தேசிய மட்டத்தில் எமது பாடசாலையின் புகழை மேலோங்கச் செய்துள்ளார்.

மேற்படி மாணவியை பாடசாலை சார்பாக வாழ்த்துகிறோம்.

இவ்வெற்றியைப் பெற வழிப்படுத்திய எமது பாடசாலையின் கௌரவ அதிபர் J.M இர்பான் (SLPS) மற்றும் தமிழ்த்தினப் போட்டிப் பொறுப்பாசிரியர் M.F.S அமீனா ஆசிரியை, தமிழ்ப்பாட ஆசிரியைகளான M.H றஸ்மிலா ஆசிரியை , A.S சகீமா ஆசிரியை ,S.F.F சிராபா ஆசிரியை மற்றும் தமிழ்த்தினப்போட்டி விழாக் குழுவினர் யாவருக்கும் பாடசாலை சார்பாக நன்றிகளைத் தெரிவிக்கிறோம்.

MMMV Media

க பொ த சாதாரண தரம் 2023 பெறுபேறு

2023 ஆம் ஆண்டில் நடைபெற்ற க பொ த சாதாரண தரப்பரீட்சையில் எமது பாடசாலை சார்பாக 60 பேர் பரீட்சைக்குத் தோற்றி அதில் 42 பேர் க பொ த உயர் தரம் கற்கும் வாய்ப்பைப் பெற்றுள்ளனர் அல்ஹம்துலில்லாஹ்

சகல பாடங்களிலும் உயர் சித்திவீதம் கிடைக்கப்பெற்றுள்ளமை குறிப்பிடத்தக்கது
அதற்காக அரும் பாடுபட்ட முன்னாள் அதிபர். S A M றபீக் sir பிரதி அதிபர் மற்றும் பாட ஆசிரியர்கள் யாவருக்கும் பாடசாலை சார்பாக நன்றிகளைத் தெரிவிக்கிறோம்.

MMMV Media