Edvicon ICT Education

"ලංකාවටම ICT - Online 2026"
✅ 6 සිට 11 ශ්‍රේණි දක්වා ICT ප්‍රායෝගිකව හදාරන්න තිබෙන හොදම Online ICT පන්තිය.

✅ සියලුම පාසල් විෂය නිර්දේශය ආවරනය වන පරිදී ඉගැන්වීම සිදු කරයි.

✅ Zoom App එක මගින් පන්තිය හා සම්බන්ධ විය හැක.

✅ මුල් දිනය සියලුම දරුවන්ට නොමිලේ.
සිංහල හා ඉංග්‍රීසි මාධ්‍ය එකතුවෙන් පංති පැවැත්වේ.

✅O/L විභාගයට A හා B ප්‍රතිඵල 1000+ වඩා ලබා දුන් Online හා භෞතික පන්තියක් වීම විශේෂ කරුණකි. (කිසිවෙක් අසමත් වී නැත)

සෑම දිනකම සහභාගී වීම තුලින් පහත සදහන් කර ඇති විෂයන් නොමිලේ ඉගෙන ගත හැක.

සම්බන්ධ වීමට 0772094080 අංකයට WhatsApp මගින් දරුවාගෙ නම 2026 දී සමත්වන ශ්‍රේණිය එවීමට කටයුතු කරන්න.

මොනවද මේ Hacking සහ හැකර් වරුන් 🤔👨‍💻

පරිගණක පද්ධතියක හෝ නෙට්වර්ක් එකක දුර්වලතා සොයා ගනිමින් ඒ හරහා එම අදාල පද්ධතියට අනවසරයෙන් ප්‍රවේශ වීම හැක් කිරීමක් ලෙස සඳහන් කළ හැක.

උදාහරණයක් ලෙස යම් පරිගණක පද්ධතියකට ඇතුළු වීම සඳහා එහි පාස්වර්ඩ් එක බිඳ දැමීම හැක් කිරීමක් වේ. Personal Data, Business Data, Security Data, ආදිය හොරකම් කිරීම මෙම Hack කිරීමෙහි මූලික පරමාර්ථය ලෙස සඳහන් කල හැක. මෙම සයිබර් අවකාශයේ අපරාද සඳහා ලොව පුරා සංවිධාන බොහෝමයක් වසරකට මිලියන ගණනින් වියදම් කරනු ලබනවා.

කවුද මේ හැකර් කෙනෙක් කියන්නේ🤔👨‍💻

හැකර් යනු පරිගණක පද්ධති සහ / හෝ ජාල වල ඇති දුර්වලතාවය සොයාගෙන ප්‍රවේශය ලබා ගන්නා පුද්ගලයෙකි. හැකර්වරු සාමාන්‍යයෙන් පරිගණක ආරක්ෂාව පිළිබඳ මනා දැනුමක් ඇති අති දක්ෂ computer programmers වේ. හැකර්වරුන් ඔවුන්ගේ ක්‍රියාවන්ගේ අභිප්‍රාය අනුව 6ය ආකාරයකට වර්ගීකරණය කර ඇත.

👨‍💻Ethical Hacker (White hat) :

අවසරයක් ඇතුව පරිගණක පද්ධති හා Network තුළ දුර්වලතා හඳුනාගෙන ඒවා නිවැරදි කිරීමේ අදහසින් Hacking වල නිරතවන්නෙකු වේ.. බෝහෝ පරිගණක පද්ධති තුල දුර්වලතා සහ එවා යතාතත්වය පත් කිරීම සඳහා මොවුන් කැපවී සිටියි.

👨‍💻Cracker ( Black hat ) :

පුද්ගලික වාසි සඳහා පරිගණක පද්ධති වෙත අනවසරයෙන් පිවිසෙන හැකර්වරයෙක් වේ. පුද්ගලික සහ ආයතනික දත්ත සොරකම් කිරීම , බැංකු වලින් මුදල් හුවමාරුව වැනි පුද්ගලික ඉටු කරගැනීම මොවුන්ගේ මූලික අරමුණයි.

👨‍💻Grey hat :

මොහු White hat & Black hat Hacket වරුන් අතර සිටින්නෙකි. මොහුගේ රාජකාරිය වනුයේ පරිගණක පද්ධති වලට අනවසරයෙන් ඇතුළු වී එහි ඇති දුර්වලතා පිළිබඳ පරිගණක පද්ධතියේ හිමිකරු දැනුවත් කිරීමයි.

👨‍💻Script kiddies :

Hack කිරීම සඳහා සාදන ලද මෙවලම් භාවිතයෙන් පරිගණක පද්ධති වෙත ප්‍රවේශය ලබා ගන්නා දක්ෂ නොවන පුද්ගලයෙක්.

👨‍💻Hacktivist :

සමාජ, ආගමික සහ දේශපාලනික පණිවිඩ යැවීමට හැකර් භාවිතා කරන හැකර්වරයෙක් මේ ලෙස හඳුන්වයි. මෙහිදී සාමාන්‍යයෙන්සි දු කරනුයේ වෙබ් අඩවි කොල්ලකෑම සහ එම පැහැරගත් වෙබ් අඩවියේ පණිවිඩය තැබීමෙනි. අපි කවුරුත් දන්න Anonymous ලා අයිතිවන්නේ මෙන්න මේ කාණ්ඩයටයි.

👨‍💻Phreaker :

පරිගණක වෙනුවට දුරකථනවල ඇති දුර්වලතා හඳුනාගෙන සූරාකන හැකර්වරයෙක් ලෙස මොවුන්ව හඳුන්වනු ලබනවා.

🔰ලෝකයේ ප්‍රථම වෙබ් අඩවිය කුමක්ද.?

මේක හැදුවේ Tim Berners-Lee 1991 වසරේදී.

Link : http://info.cern.ch/hypertext/WWW/TheProject.html

🔰YouTube එකට එකතු කරන ලද ප්‍රථම Video එක කුමක්ද.?

මේ වෙන විට මිලියන 200 කට වඩා මෙම Video එක බලලා තියනවා. 2005 වසරේදී තමයි මෙය එක කරලා තියෙන්නේ.. මෙය එක් වීඩියෝවකින් පමණක් Subscribers මිලියන 2.4 ක් ලබාගත් එකම YouTube චැනලය වේ.

Link: https://m.youtube.com/c/jawed/videos?utm_source=YouTube&utm_medium=Article+&utm_campaign=Group

🔰සැම මාසයකම 100,000 ට වැඩි .com Domain ප්‍රමාණයක් නොයෙක් දෙනා විසින් ලියාපදිංචි කරනවා.

🔐 𝗜𝗻𝗳𝗼𝗿𝗺𝗮𝘁𝗶𝗼𝗻 𝗦𝗲𝗰𝘂𝗿𝗶𝘁𝘆 කියන්නේ මොකක්ද? What is 𝗜𝗻𝗳𝗼𝗿𝗺𝗮𝘁𝗶𝗼𝗻 𝗦𝗲𝗰𝘂𝗿𝗶𝘁𝘆?

හරි අපි මෙහෙම මේක තේරුම් ගමු.

මේක උදාහරණයක් :
වෙළෙඳ දැන්වීමක්. ඔන්න දැන්වීමේ කොල්ල බිස්කට් පැකට් එකක් සහ කොලයක වචන සෙට් එකක් ලියල උගේ යාළුවො දෙන්නට දෙනවා කෙල්ලට ගිහින් දෙන්න කියලා.

හරිනේ ඔන්න අදාළ එක ගත්තා, ඉතින් කොල්ලෝ දෙන්නා යනවා ඒක දෙන්න අර ගෑනු ලමයට.

ඔන්න ඔතනින් තමා අපි මාතෘකාවට එන්නේ.
මේ කොල්ලෝ දෙන්නා අර කොල්ල දෙන ලියුම කියවනවා ඒ වගේම දුන්නේ Maliban Smart Cream Cracker එකක් කියලත් දන්නවා.

ඉතින් මේ දන්න දේ නිසාත්, එලියට පැහැදිලිව පෙන්න තියන දේ නිසාත් මොකද වෙන්නේ?
මොනා වෙන්නද කනවා ඉතින් බිස්කට් එක රසයිනේ.

හරි දැන් මොකද වෙන්නේ ඊළගට

මේ කොල්ලෝ දෙන්න අර කොල්ල දුන්න ලියුම වෙනස් කරනවා "මේ බිස්කට් 1 ඔයාට" කියලා. ඊටපස්සේ ගිහින් කෙල්ලට දෙනවා.

දැන් කෙල්ල කොල්ලට 𝐬𝐦𝐬 එකක් දානවා කොල්ලට එයා "එවපු එක ලැබුනා, බිස්කට් 1ක්" කියල.

සාමාන්යෙන් කිව්වොත් අන්තර්ජාලය පාවිච්චි කරන අපිටත් වෙන්නේ මේ ටිකම තමා

අන්න ඒ නිසාමයි අපිට 𝗜𝗻𝗳𝗼𝗿𝗺𝗮𝘁𝗶𝗼𝗻 𝗦𝗲𝗰𝘂𝗿𝗶𝘁𝘆 කියල දෙයක් හදුන්වා දීලා තියෙන්නේ

𝐒𝐞𝐜𝐮𝐫𝐢𝐭𝐲 කිව්වම ඇයි අපිට 𝐒𝐞𝐜𝐮𝐫𝐢𝐭𝐲 𝐨𝐟𝐟𝐢𝐜𝐞𝐫𝐬 ලා ඕනි වෙන්නේ කියල කාගෙන් හරි ඇහුවොත් මොකක්ද දෙන උත්තරේ?

හොරුන්ගෙන් අපේ දේවල් ආරක්ෂා කරගන්න
හොරුන්ට එන්න දෙන්නේ නැති වෙන්න
හොරුන්ට විතරක් නෙමේ අපිට උනත් අනවශ්‍ය වෙලාවට අදාළ තැනට යන්න දෙන්නේ නෑ, 𝐒𝐞𝐜𝐮𝐫𝐢𝐭𝐲 𝐨𝐟𝐟𝐢𝐜𝐞𝐫 ඉන්නවනේ බයවෙන්න දෙයක් නෑ - ඔන්න ඔහොමත් කියනවා.

අන්න ඒ වගේමේ 𝗜𝗻𝗳𝗼𝗿𝗺𝗮𝘁𝗶𝗼𝗻 එහෙමත් නැත්තම් තොරතුරු වලටත් ආරක්ෂාවක් ඕනි වෙනවා කලින් අර වෙළෙඳ දැන්වීමෙ වගේ දෙයක් වෙන්න පුළුවන් නිසා.

බයවෙන්න දෙයක් නෑ කියන්නේ මොකක්ද? අන්න එතන තමා විස්වාසය කියන එක තියෙන්නේ.

වෙළෙඳ දැන්වීමට අනුව මොකද කියන්නේ? අපි බලමුද මොකද උනේ කියල ඉතුරු ටිකෙන්.

කොල්ල යාලුවොන්ට බිස්කට් පැකට් එක දෙනකොට ඒක මොකක්ද කියල යාළුවො දන්නවා ඒ වගේම ඒ ලියුමේ තියන දේත් යාලුවෝ දන්නවා ඒ කියන්නේ අවශ්‍ය නැති පුද්ගලයන්ට පේන්න තියනවා ඒ කියන්නේ 𝗖𝗼𝗻𝗳𝗶𝗱𝗲𝗻𝘁𝗶𝗮𝗹𝗶𝘁𝘆 කියන එක නෑ.

ඔන්න මේ යාලුවෝ මොකද කරන්නේ මගදී බිස්කට් එක කනවා ඒ වගේම ලියුම වෙනස් කරනවා අන්න එතන වෙන්නේ මොකක්ද? තමන් දීපු දේ වෙනස් කරලා ඒ වගේම දීපු දත්ත වෙනස් අරුතක් එන විදිහට වෙනස් කරනවා "මේ බිස්කට් 1" කියල ඒ කියන්නේ මොකක්ද 𝗜𝗻𝘁𝗲𝗴𝗿𝗶𝘁𝘆 කියන එකත් නැති වෙනවා.

ඔන්න ඉතින් අන්තිමේදී බලද්දී ඉතුරු වෙන්නේ එක බිස්කට් එකයි එත් කොල්ල එව්වේ බිස්කට් පැකට් එකක් ඉතින් මෙතැනදී නැති උනේ මොකක්ද? ඒ තමා 𝗔𝘃𝗮𝗶𝗹𝗮𝗯𝗶𝗹𝗶𝘁𝘆
කියන දේ ඉතින් තොරතුරක මුලික දේවල් ටික තමා මේ.

ඉතින් මේ අපි ඉන්න හැමදෙයක්ම අන්තර්ජාලයට 𝗢𝗽𝗲𝗻 වෙලා තියනකොට කොහොමද අපි බය නැතුව ඉන්නේ අපි යන්නේ කොහෙද කන්නේ මොනවද ආස මොනවටද කරන්නේ මොනවද අම්මගේ නම මොකක්ද කෑල්ල කවුද එයා මොනවද කරන්නේ මේ හැමදෙයක්ම තියෙන්නේ දැන් අන්තර්ජාලයේ.

🔐 ඉතින් 𝗜𝗻𝗳𝗼𝗿𝗺𝗮𝘁𝗶𝗼𝗻 𝗦𝗲𝗰𝘂𝗿𝗶𝘁𝘆 කියන්නේ කෙටියෙන් කිව්වොත් --

✅𝗜𝗻𝘁𝗲𝗴𝗿𝗶𝘁𝘆 (අඛණ්ඩතාව)
තොරතුරු වෙනස් කිරීම හෝ විනාශ කිරීමට එරෙහිව ආරක්ෂා කිරීම හා තොරතුරු 𝗡𝗼𝗻𝗿𝗲𝗽𝘂𝗱𝗶𝗮𝘁𝗶𝗼𝗻 කිරීම හෝ අව්යාජ ලෙස ඇතුල්වීම මේකට ගන්න පුළුවන්.

✅𝗖𝗼𝗻𝗳𝗶𝗱𝗲𝗻𝘁𝗶𝗮𝗹𝗶𝘁𝘆 (රහස්යභාවය)
පුද්ගලිකත්වය ආරක්ෂා කිරීම සඳහා මාධ්යයන් සහ වානිජ තොරතුරු ඇතුළුව, ප්රවේශ හා අනාවරණය මත බලයලත් සීමා පැනවීම

✅𝗔𝘃𝗮𝗶𝗹𝗮𝗯𝗶𝗹𝗶𝘁𝘆 (ලබා ගත හැකි)
අවශ්‍ය වෙලාවට සහ විශ්වසනීය ලෙස තොරතුරු භාවිතය තහවුරු කිරීම.

කියන කොටස් 3න අනවශ්‍ය අයගේ ඇතුල්වීම නැති කිරීම, පාවිච්චිය, අනාවරණය, කඩාකප්පල් කිරීම, වෙනස් කිරීම, වගේ දේවල් වලින් ආරක්ෂා කරන එක තමා මේ 𝗜𝗦 කියල කියන්නේ, ඒ කියනේ 𝗜𝗻𝗳𝗼𝗿𝗺𝗮𝘁𝗶𝗼𝗻 𝗦𝗲𝗰𝘂𝗿𝗶𝘁𝘆

දැන් තේරුනා නේද?
අපි අපේ තොරතුරු ආරක්ෂා කරන්න ඕනෙ ඇයි කියලා 🔐

හැකර්වරුන් සතු බලගතුම ආයුධය: 𝗦𝗼𝗰𝗶𝗮𝗹 𝗘𝗻𝗴𝗶𝗻𝗲𝗲𝗿𝗶𝗻𝗴 සහ 𝗛𝗮𝗰𝗸𝗶𝗻𝗴 උපක්‍රම. ඔබේ සයිබර් ආරක්ශාව පිලිබඳ වැදගත් වන පුංචි සටහනක්👇

𝗛𝗮𝗰𝗸𝗶𝗻𝗴 කිව්වහම බොහෝ විට ඔබට මතකයට එන්නේ පරිගණක, සහ පරිගණක පද්ධති අශ්‍රිතව අවසර නොලත් පුද්ගලයෙකු සිදු කරන හානිකර ක්‍රියාවලියක් වන්නට පුළුවන්. නමුත් 𝗛𝗮𝗰𝗸𝗶𝗻𝗴 එතනින් එහාට විහිදුණු බොහොම පුළුල් මාතෘකාවක්. ඔබ දන්නවා ද 𝗛𝗮𝗰𝗸𝗶𝗻𝗴 උපක්‍රම භාවිතා කරමින් පරිගණක පමණක් නොව පුද්ගලයින් ද 𝗛𝗮𝗰𝗸 කරන්න පුළුවන් බව?

බොහෝ විට 𝗛𝗮𝗰𝗸𝗶𝗻𝗴 ප්‍රහාරයකට ලක් වෙන්නේ පද්ධතියක්. මිනිසා කියන්නෙත් එවැනිම පද්ධතියක් ලෙසින් හිතන්නට ඔබට පුළුවන් නම්, එහි දුර්වලතා - 𝗕𝘂𝗴𝘀 වගේ දේවල් හොයාගන්න එක එතරම්ම අපහසු නැහැ. සාමාන්‍යයෙන් එවැනි 𝗛𝗮𝗰𝗸𝗶𝗻𝗴 උපක්‍රම හඳුන්වන්නේ 𝗦𝗼𝗰𝗶𝗮𝗹 𝗘𝗻𝗴𝗶𝗻𝗲𝗲𝗿𝗶𝗻𝗴 කියලා. මේක එක්තරා විදියක 𝗛𝗮𝗰𝗸𝗶𝗻𝗴 𝗖𝗮𝘁𝗲𝗴𝗼𝗿𝘆 ( ප්‍රවර්ගයක්) එකක් විදිහට හඳුන්වන්න පුළුවන්. හැකර්වරු බොහෝ විට භාවිතා කරන ප්‍රසිද්ධ 𝗮𝘁𝘁𝗮𝗰𝗸𝗶𝗻𝗴 𝘀𝘁𝗿𝗮𝘁𝗲𝗴𝗶𝗲𝘀/𝗺𝗲𝘁𝗵𝗼𝗱𝘀 ගණනාවක් මේ යටතට තමයි ගණන් ගැනෙන්නේ.

මොකද්ද මේ 𝗦𝗼𝗰𝗶𝗮𝗹 𝗘𝗻𝗴𝗶𝗻𝗲𝗲𝗿𝗶𝗻𝗴?
𝗦𝗼𝗰𝗶𝗮𝗹 𝗘𝗻𝗴𝗶𝗻𝗲𝗲𝗿𝗶𝗻𝗴 කියන්නේ 𝗽𝘀𝘆𝗰𝗵𝗼𝗹𝗼𝗴𝗶𝗰𝗮𝗹 𝗺𝗮𝗻𝗶𝗽𝘂𝗹𝗮𝘁𝗶𝗼𝗻 එකක්.
සරලවම කිව්වොත් යම්කිසි පුද්ගලයන් කණ්ඩායමකගෙන් හෝ පුද්ගලයෙකුගෙන් අවශ්‍ය යම් දෙයක් ලබා ගැනීම සදහා ඔවුන්ව/ ඔහුව/ ඇයට මනෝවිද්‍යාත්මකව බලපෑම් කිරීම. හරිම සරලව මෙහෙම විග්‍රහ කළාට 𝗵𝗮𝗰𝗸𝗲𝗿 කෙනෙකු සතුව තියෙන බලගතුම අවියක් විදිහට මෙය හඳුන්වන්න පුළුවන්. සරල උදාහරණයකින් පැහැදිලි කළොත්👇

A සහ B කියලා පුද්ගලයින් දෙන්නෙක් ඉන්නවා. දෙදෙනාගෙන් A කියන්නේ හැකර්. එතකොට B තමා ගොදුර (victim), එහෙමත් නැත්නම් හැක්-වෙන කෙනා. Aට Bගේ 𝗳𝗮𝗰𝗲𝗯𝗼𝗼𝗸 ගිණුමේ 𝗲𝗺𝗮𝗶𝗹 සහ 𝗽𝗮𝘀𝘀𝘄𝗮𝗿𝗱 ලබාගන්න අවශ්‍ය යි. A විසින් Bව එක්තරා විදිහකට රැවටීමට ලක්කරනවා. B ගේ විශ්වාසය දිනාගෙන එයාටත් නොදැනෙන්න තමන්ට ඕන කරන විස්තර ටික ලබාගන්නවා. සමහරක් විට A ට කෙළින්ම තමන්ට අවශ්‍ය කරන තොරතුරු ලැබෙන්නත් පුළුවන්, නොලැබෙන්නත් පුළුවන්. මොකද ඒක තීරණය වෙන්නේ A කියන පුද්ගලයා බොරු කියලා රැවටීමෙහි කොච්චර දක්ෂ ද යන්න වගේම B කියන පුද්ගලයා අපරික්ෂාකාරී ද කියන එක මත.

තරමක් බරපතල මට්ටමේ ක්‍රියාවලියකට (𝗵𝗮𝗰𝗸 කිරීමකට) සූදානම් වෙන පුද්ගලයෙක් සාමාන්‍යයෙන් දින ගාණක් / මාස ගණනක් තමාට අවශ්‍ය පුද්ගලයා නිරීක්ෂණය කරමින්, ඔහුව හොඳින් අධ්‍යයනය කිරීමක් සිදු කරනවා. පෞද්ගලික දත්තවල සිට භාවිතා කරන සුවඳ විලවුන්, ආශ්‍රය කරන පුද්ගලයින්, විශේෂයින්ම කාන්තාවන් ගැන නිරීක්ෂණයක් සිදු කරනවා. ඒ වගේම මේ 𝗦𝗼𝗰𝗶𝗮𝗹 𝗘𝗻𝗴𝗶𝗻𝗲𝗲𝗿𝗶𝗻𝗴 ප්‍රහාරයන් පුද්ගල මූලික සහ පරිගණක පද්ධති මූලික වශයෙන් ප්‍රධාන ක්‍රමවේදයන් දෙකකට සිදු වෙනවා. කොයි ක්‍රමවේදය අනුව සිදු වුණත් ප්‍රධාන ඉලක්කය වෙන්නේ ඒ පද්ධතියේ ඉන්න දුර්වලම පුද්ගලයා. මේ දුර්වලතාව ඔවුන් මනින්න භාවිතා කරන ප්‍රධාන සාධක කිහිපයක් තියෙනවා.

♟️හදිස්සිය
♟️බය
♟️කෑදරකම
♟️කුතුහලය
♟️අනුකම්පාව
♟️අධිකාරිය(තරාතිරම) සඳහා ගරු කිරීම
♟️නොසැලකිල්ල
♟️විශ්වාසය

මේ සියල්ලම මිනිසුන් සතු පොදු දුර්වලතාවයන්. ඔවුන් පරිගණක පද්ධතියක සතුව තියෙන 𝘃𝘂𝗹𝗻𝗲𝗿𝗮𝗯𝗶𝗹𝗶𝘁𝗶𝗲𝘀, 𝗯𝘂𝗴𝘀 නිරීක්ෂණය කරන ලෙසින්ම තමයි මේවා නිරීක්ෂණය කරන්නේ. ඒ වගේම මේ පොඩි ලක්ෂණත් පුද්ගලානුබද්ධව වෙනස් වෙනවා. උදාහරණයක් විදිහට කෑදරබව ගත්තොත්, එක් පුද්ගලයෙක් කෑමට කෑදර වෙද්දී තවෙකෙක් මුදලට කෑදර වෙන්න පුළුවන්. ඒවා තේරුම් ගැනීම, සහ ප්‍රහාරය එල්ල කළ යුතු ආකාරය තීරණය වෙන්නේ හැකර් සතු දත්ත වගේම ඔහුගේ නිර්මාණශිලිත්වය මත යි.

පහත සඳහන් ක්‍රමවේදයන් සමහරකට සෘජුවම 𝘀𝗼𝗰𝗶𝗮𝗹 𝗲𝗻𝗴𝗶𝗻𝗲𝗲𝗿𝗶𝗻𝗴 භාවිතා නොවුණත්, ඉහත සඳහන් කර ඇති පොඩි පොඩි පුද්ගල දුර්වලතාවයන් අවභාවිතා කරමින් ක්‍රියාත්මක වෙන කුප්‍රකට 𝗵𝗮𝗰𝗸𝗶𝗻𝗴 𝗺𝗲𝘁𝗵𝗼𝗱𝘀 කීපයක් මේ.

𝗧𝗿𝗼𝗷𝗮𝗻 𝗛𝗼𝗿𝘀𝗲𝘀

ඔබ සාමාන්‍යයෙන් තොරතුරු තාක්ෂණයට උනන්දු පුද්ගලයෙක් නම් මේ නම නුහුරු වන්නට විදිහක් නැහැ. 𝗦𝗼𝗰𝗶𝗮𝗹 𝗘𝗻𝗴𝗶𝗻𝗲𝗲𝗿𝗶𝗻𝗴 භාවිතයෙන් සිදුවුණු කුප්‍රකටම සහ පැරණිතම ප්‍රහාරය පිළිබඳ තොරතුරු වාර්තා වෙන්නේ මේ ප්‍රවර්ගයෙන්.

වසර 3000 කට පමණ පෙර ග්‍රීකයින් ට්‍රෝයි නගරයට විරුද්ධව සිදුකළ බව කියන ට්‍රෝජන් යුද්ධය පිළිබඳ ඔබ අසා තිබෙනවා ද? අවුරුදු දහයක් පුරා ට්‍රෝයි නගරය වැටලීමට ග්‍රීකවරුන් උත්සහ කළත් ඒවා අසාර්ථක වුණා. අවසානයේ ග්‍රීකයින් ට්‍රෝයිවරුන් පූජනිය ලෙස සැලකූ සත්ත්වයෙකු වන අශ්වයෙකුගේ ඉතා විශාල දැවමය පිළිමයක් නිර්මාණය කරනු ලබනවා. රහසේ එය තුළට තෝරාගත් විශේෂ බලකායක් පුරවා, මෙය ග්‍රීක ත්‍යාගයක් ලෙස නගරයට පිවිසෙන ප්‍රධාන දොරටුව ඉදිරිපස තබනවා. ග්‍රීකවරුන් පසුබැස ගොස් ඇතැ යි සිතූ ට්‍රෝයි ජනතාව මෙම දැවමය අශ්වයා ට්‍රෝයි නගරය තුළට රැගෙන යන්නේ ඔවුන්ගේ ජයග්‍රහණයේ සංකේතයක් ලෙස යි. නමුත් දවස අවසානයේ අශ්වයා තුළ සිටි ග්‍රීක සොල්දාදුවන් අඳුර වැටෙනවාත් සමග එය පිටතට පැමිණ, ප්‍රධාන දොරටුවේ ආරක්ෂාවට යොදවා සිටි මුරකරුවන් මරා, අවසානයේ ට්‍රෝයි නගරය යටත් කරගනු ලැබුවා.

අප දැන් කතාකරන මාතෘකාවේ දී භාවිතා කරන්නෙත් මෙවැනිම ක්‍රමවේදයක්. තෝරාගත් තැනැත්තා රැවටීමකට ලක්කර, ඔහුට malicious file එකක් download කරගන්න සැලැස්වීම එහිදී සිදු වෙනවා. එම තැනැත්තා මේ file එක open කළ විට ඔහුගේ පරිගණකයේ / උපාංගයේ backdoor එකක් හැකර් වෙත විවෘත වෙනවා. ඒ හරහා අවශ්‍ය විටක දී ඔහුගේ පරිගණකය පාලනය කරන්න 𝗵𝗮𝗰𝗸𝗲𝗿 ට හැකියාව ලැබෙනවා.

𝗦𝗵𝗼𝘂𝗹𝗱𝗲𝗿 𝗦𝘂𝗿𝗳𝗶𝗻𝗴

මෙහිදී කරන්නේ තමාට අවශ්‍ය කරන target එක කෙළින්ම නිරීක්ෂණය කරන එක. මේ සඳහා එතරම් තාක්ෂණික දැනීමක් අවශ්‍ය නෑ. මේ ක්‍රමය භාවිතා කරලා 𝗵𝗮𝗰𝗸𝗲𝗿 ලට PIN අංකයන්, passwords වගේ ගොඩක් රහසිගත තොරතුරු හොයාගන්න පුළුවන්. මේ ක්‍රමය බොහෝ වෙලාවට ගොඩක් සෙනග ගැවසෙන ස්ථානවල තමයි ඔවුන් සිදුකෙරෙන්නේ. මොකද එතකොට යි තමාගේ ඉලක්කයට නොදැනෙන්න මෙය සිදුකරන්නට හැකියාව ලැබෙන්නේ.

𝗥𝗼𝗹𝗲 - 𝗣𝗹𝗮𝘆𝗶𝗻𝗴

𝗦𝗼𝗰𝗶𝗮𝗹 𝗘𝗻𝗴𝗶𝗻𝗲𝗲𝗿𝗶𝗻𝗴 වල ප්‍රධාන 𝗧𝗲𝗰𝗵𝗻𝗶𝗾𝘂𝗲 එකක් විදිහට මෙය හඳුන්වන්න පුළුවන්. තෝරාගත් ඉලක්කය සමාජය හා සම්බන්ධකම් පවත්වන online chat session, emails, phone වගේ දේවල්වලින් හැකර්ට අවශ්‍ය තොරතුරු හොයාගන්න එක තමයි සරලවම මේ වෙන්නේ.

𝗗𝘂𝗺𝗽𝘀𝘁𝗲𝗿 𝗗𝗶𝘃𝗶𝗻𝗴

බොහොමයක් විශාල ආයතනවල වැරදීම් සිදුවුණු ගමන් ලිපි ගොනු ඉවත් කිරීමක් සිදු කරනවා. ඒ වගේම බොහොමයක් සමාගම් කිසිම විදිහකට ලිපිගොනු විනාශ කිරීමේ ක්‍රමයක් භාවිතා කරන්නෙත් නැහැ. මේ විදිහට ඉවතලන phone books, system manuals, රැස්වීම් කැලැන්ඩර, මුද්‍රිත login නාම සහ passwords, මුද්‍රිත source codes වගේ ගොඩක් වටිනා රහසිගත දත්ත 𝗵𝗮𝗰𝗸𝗲𝗿 ලට කුණුගොඩවලින් හොයාගන්න පුළුවන්.

𝗣𝗵𝗶𝘀𝗵𝗶𝗻𝗴 සහ 𝗩𝗶𝘀𝗵𝗶𝗻𝗴

බැංකුවක් වැනි නීත්‍යානුකූල ආයතනයක් ලෙස පෙනී සිටිමින්, තමන්ගේ ඉලක්කයට දුරකථන ඇමතුමක් ලබා දී තමාට අවශ්‍ය තොරතුරු ලබාදීමට පෙළඹවීම 𝗩𝗶𝘀𝗵𝗶𝗻𝗴 / 𝗩𝗼𝗶𝗰𝗲 𝗽𝗵𝗶𝘀𝗵𝗶𝗻𝗴/ 𝗣𝗵𝗼𝗻𝗲 𝗽𝗵𝗶𝘀𝗵𝗶𝗻𝗴 විදියට හඳුන්වන්න පුළුවන්.

𝗥𝗲𝘃𝗲𝗿𝘀𝗲 𝘀𝗼𝗰𝗶𝗮𝗹 𝗲𝗻𝗴𝗶𝗻𝗲𝗲𝗿𝗶𝗻𝗴

𝗥𝗲𝘃𝗲𝗿𝘀𝗲 𝘀𝗼𝗰𝗶𝗮𝗹 𝗲𝗻𝗴𝗶𝗻𝗲𝗲𝗿𝗶𝗻𝗴 වල ප්‍රධාන කොටස් 3 දැකගන්න පුළුවන්. Sabotage, Marketing, Support විදිහට. Sabotage කියන පියවරේ දී වෙන්නේ 𝗵𝗮𝗰𝗸𝗲𝗿 ට තමාගේ ඉලක්කය සමග සම්බන්ධ වෙන්න ලැබුණු පොඩි ඉඩක දී එම ඉලක්කයට යම් වරදක් සිදු කිරීම හෝ එවැනි දෙයක් සිදුවුණු ලෙස හඟවනවා. එය විසඳන්නට ඉලක්කය විසින් යමෙකු හොයන මට්ටමට පත් කරනවා. දෙවැනි පියවර ආරම්භ වෙන්නේ එතකොට. Marketing පියවරේ දී වෙන්නේ අර ගැටළුව විසඳාගන්නට උත්සාහ කරන ඉලක්කයට, එයට ඉහළම සුදුස්සා තමා බව ඒත්තු ගැන්වීම. තුන්වන පියවර විදිහට Support වල දී ඉලක්කයේ විශ්වාසය දිනාගෙන, උදව් කරන මුවාවෙන් 𝗵𝗮𝗰𝗸𝗲𝗿 ට අවශ්‍ය සංවේදී දත්ත ඔහු ලබා ගන්නවා.

මේ හැරෙන්නට තවත් විවිධ ක්‍රමවේදයන් ගණනාවක් තිබෙනවා.

පොළට යනකොටත් භාවිත වෙන 𝗦𝗼𝗰𝗶𝗮𝗹 𝗲𝗻𝗴𝗶𝗻𝗲𝗲𝗿𝗶𝗻𝗴 දැනුවත්ව හෝ නොදැනුවත්ව ඔබත් 𝗦𝗼𝗰𝗶𝗮𝗹 𝗲𝗻𝗴𝗶𝗻𝗲𝗲𝗿𝗶𝗻𝗴 පිළිබඳ විශේෂඥයෙක් කියලා හිතිලා තියෙනවා ද? නොදැනුවත්වම වුණත් 𝗦𝗼𝗰𝗶𝗮𝗹 𝗲𝗻𝗴𝗶𝗻𝗲𝗲𝗿𝗶𝗻𝗴 භාවිතා කරලා ඔබේ වැඩකටයුතු බොහෝ සිදු කරලා ඇති. උදාහරණයක් විදිහට පොළෙන් බඩු මිල දී ගන්න ගියාම මුදලාලිලා එක්ක දිගින් දිගටම හෙට්ටු කිරීම් කරන්නේ මේ ක්‍රමවේදය භාවිතයෙන් තමයි. අවසානයේ ඔබ අවශ්‍ය මුදලට ආසන්න ගාණකට භාණ්ඩය මිලට ගන්නවා. සුපිරි වෙළඳසැලක තත්ත්වය මීට තරමක් වෙනස්. ඔවුන්ගේ පාරිභෝගික සහායකයින් ඔබට භාණ්ඩ තෝරාගැනීමට සහය වෙන මුවාවෙන් පැමිණ, ඔවුන්ගේ භාණ්ඩ සහ සන්නාමයන් ඔබේ බඩු ලැයිස්තුවට ඇතුල් කරන්නේ ඔබටත් නොදැනීම යි.

𝗦𝗼𝗰𝗶𝗮𝗹 𝗲𝗻𝗴𝗶𝗻𝗲𝗲𝗿𝗶𝗻𝗴 සමාජයට අහිතකර යමක් නොවෙයි. භාවිතයේ ගැටළුවක් තමයි පවතින්නේ. මේ ලිපියේ අරමුණ එවැනි අවභාවිත කිරීම් පිළිබඳ ඔබව දැනුවත් කිරීම යි. ඒ වගේම The Circle (2017), Snowden (2016), Algorithm (2014), Fifth Estate (2013), Darknet 2018, Mr. Robot, Searching, Cam(2018),Who Am I(2014), TheCircle(2017), Nerve(2016), Blackhat(2015), Transcendence(2014), Friend Request(2016) වැනි චිත්‍රපට සහ ටෙලිකතා මාලා නරඹන ලෙස මම ඔබට යෝජනා කරනවා.

ගොඩක් අයගෙ 𝗙𝗮𝗰𝗲𝗯𝗼𝗼𝗸 𝗔𝗰𝗰𝗼𝘂𝗻𝘁 හැක් වෙන නිසා අනිවාර්යෙන් මේක කියවන්න👇
𝗣𝗵𝗶𝘀𝗵𝗶𝗻𝗴 - හැක් කරන්න බහුලව බාවිතා කරන 𝗺𝗲𝘁𝗵𝗼𝗱 එකක්.

𝗽𝗵𝗶𝘀𝗵𝗶𝗻𝗴 කියන්නේ ඉතාමත් ප්‍රාථමික විදිහේ 𝗮𝘁𝘁𝗮𝗰𝗸𝗶𝗻𝗴 𝗺𝗲𝘁𝗵𝗼𝗱 එකක් වුණත්, මේ වනතුරු යම්කිසිවෙකුගේ 𝗽𝗮𝘀𝘀𝘄𝗼𝗿𝗱 එකක් 𝗵𝗮𝗰𝗸 කරගැනීමට තිබෙන, ඉතාමත්ම පහසුම විධි වලින් එකක් බවට අපි කවුරුත් දන්නවා.

𝗽𝗵𝗶𝘀𝗵𝗶𝗻𝗴 කියන්නේ සරළව, හිතන්න ඔයාට "ඔයාගේ 𝗳𝗮𝗰𝗲𝗯𝗼𝗼𝗸 𝗽𝗿𝗼𝗳𝗶𝗹𝗲 එකේ ඔයා ගැන නරක විදිහේ 𝘃𝗶𝗱𝗲𝗼 එකක් 𝘀𝗵𝗮𝗿𝗲 වෙනවා, ඒක බළන්න/ඉවත් කරන්න නම් ‍පහළ තිබෙන 𝗹𝗶𝗻𝗸 එක 𝗰𝗹𝗶𝗰𝗸 කරන්න" වගේ පණිවිඩයක් ඇතුලත් 𝗲𝗺𝗮𝗶𝗹 එකක් එනවා කියලා.

ඉතින් ඔයා පහළ තියන 𝗹𝗶𝗻𝗸 එක 𝗰𝗹𝗶𝗰𝗸 කළ සැනින් ඔයාට 𝗳𝗮𝗰𝗲𝗯𝗼𝗼𝗸 එකට 𝗹𝗼𝗴𝗶𝗻 වෙන්න ඔයාගේ 𝗲𝗺𝗮𝗶𝗹 එකයි 𝗽𝗮𝘀𝘀𝘄𝗼𝗿𝗱 එකයි ඇතුලත් කරන්න 𝗹𝗼𝗴𝗶𝗻 𝘀𝗰𝗿𝗲𝗲𝗻 එකක් පෙන්වනවා.

පහත පින්තූරය බලන්න. එහි 𝗔𝗱𝗱𝗿𝗲𝘀𝘀 𝗕𝗮𝗿 එකෙහි තිබෙන 𝗹𝗶𝗻𝗸 එක නිවැරැදිදැයි නිරික්ෂණය කරන්න.
01/ උදා: 𝘄𝘄𝘄.𝗳𝗮𝗰𝗲𝗯𝗼𝗼𝗸.𝗰𝗼𝗺 මෙය නිවැරදී
02/ උදා: 𝘄𝘄𝘄.𝗳𝗮𝗰𝗲𝗯𝗼𝗼𝗸.𝘀𝗶𝘁𝗲1.𝗰𝗼𝗺 වැරදී

පලවන උදාහරණයෙහි තිබෙන්නෙ නිවැරදි 𝗹𝗶𝗻𝗸 එක. ඔබ සැලකිලිමත් විය යුතු ප්‍රධාන අවස්තාවක් තමයි මෙ.

නමුත් විමසිල්ලෙන් බැලුවොත් ඒ 𝗽𝗮𝗴𝗲 එක ඇත්තම 𝗳𝗮𝗰𝗲𝗯𝗼𝗼𝗸 𝗹𝗼𝗴𝗶𝗻 𝘀𝗰𝗿𝗲𝗲𝗻 එක නෙවෙයි. වෙන කෙනෙක් විසින් ඒ පෙනුම තිබෙන 𝘄𝗲𝗯 𝘀𝗶𝘁𝗲 එකක් හදලා ඔයාව නොමඟ යවන්න කරන උත්සාහයක්.

ඉතින් මේ 𝗽𝗮𝗴𝗲 එකේ ඔයා 𝗲𝗺𝗮𝗶𝗹 එක හා 𝗽𝗮𝘀𝘀𝘄𝗼𝗿𝗱 එක ගහලා 𝗹𝗼𝗴𝗶𝗻 𝗯𝘂𝘁𝘁𝗼𝗻 එක 𝗰𝗹𝗶𝗰𝗸 කළ සැනින් ම, අදාල පුද්ලගයාට ඔයාගේ 𝗲𝗺𝗮𝗶𝗹 එකයි 𝗽𝗮𝘀𝘀𝘄𝗼𝗿𝗱 එකයි දැනගන්න හැකියාව ලැබෙනවා.

ඔයාලට මතක ඇති 2014 දී සිද්ධ වුණු ප්‍රසිද්ධ 𝗶𝗖𝗹𝗼𝘂𝗱 𝗛𝗮𝗰𝗸 එක, ( #𝗧𝗵𝗲𝗙𝗮𝗽𝗽𝗲𝗻𝗶𝗻𝗴). මේ හරහා ලොව ප්‍රසිද්ධ නළු නිළියන්ගේ නිරුවත් ඡායාරූප විශාල ප්‍රමාණයක් අන්තර්ජාලයට එකතු වුණා. මෙන්න මේ 𝗮𝘁𝘁𝗮𝗰𝗸 එක පවා කරන්න භාවිතා කරලා තිබුණේ මේ 𝗽𝗵𝗶𝘀𝗵𝗶𝗻𝗴 𝗮𝘁𝘁𝗮𝗰𝗸 කිහිපයක් බව පසුව අනාවරණය වුණා.

ගොඩක් වෙලාවට මේ 𝗽𝗵𝗶𝘀𝗵𝗶𝗻𝗴 𝗮𝘁𝘁𝗮𝗰𝗸 එකකට යම් කෙනෙකුව පොළඹවාගන්න භාවිතා කරන්න පුළුවන් ලේසිම ක්‍රමය වෙන්නේ 𝗲𝗺𝗮𝗶𝗹 (𝘀𝗼𝗰𝗶𝗮𝗹 𝗺𝗲𝗱𝗶𝗮 වල පළ කරන 𝗹𝗶𝗻𝗸 වුණත් භාවිතා කරන්න පුළුවන්).

අනවශ්‍ය ලින්ක් වලට යෑමෙන් වලකින්න🙂

Ransomware කියන්නෙ මොකක්ද දන්නවද?

Ransomware🤔 පරිගණක Algorithm එකක් මේක,මේකෙදී මොකක්ද දන්නවද වෙන්නේ අපි Internet එකේ සැරිසරද්දී නිතරම Download කරනවනේ .Torrent වලින් එහෙම Down කරනවා එක එක දේවල්, මෙන්න මේවා එක්කම තමයි මේ Ransomware එක එන්නේ, මේකෙන් කරන්නේ File Encrypt කරන්න එක. Encrypt කරනවා කියන එක දන්නවා ඇතිනේ, නැත්නම් මෙක බලන්න👇👇👇👇
____________________________________________

Encrypt කරනව කියන්නේ මොකක්ද?

Encrypt (සංකේතනය කරනවා) කියන එකෙන් වෙන්නේ යම් කිසි දත්තයක් එක තැනක ඉදලා තවත් තැනකට අරන්, නැත්නම් තැන්පත් කරලා තියෙද්දී තවත් කෙනෙකුට අඳුර ගන්න බැරි වෙන්න මේ දත්තය වෙනස් කරන එකට.

උදාහරණයක් කිව්වොත්
^ !MF #:5_(A!R5-(X_ # #48:
(මේ තියෙන්නේ Encrypt කරපු data වගයක් අඳුර ගන්න පුලුවන්ද මොකක්ද මේ කියලා බෑනේ )

ඔයාගේ පෙන් එකට මොනවා හරි හෝ Email කරා කියලා හිතන්න මොකක් හරි Document එකක් ඒක Encrypt කරලා යැව්වොත් හෝ තැනපත් කලොත් මෙන්න මේ වගේ විදිහට තමයි ඔයාගේ පරිගණකය ඇතුලට යන්නේ එතකොට පරිගණකයට හැකියාවක් නෑ මේ දත්තය හදුන ගන්න,දැන් ඔයාලට තේරෙනවා නේද මේක එක්තරා විදිහක Security system එකක් කියලා,Encrypt කරපු කිසිම දත්තයක් සොරකම් කරාට වැඩක් නෑ ඒක අපිට තේරුම් ගන්න බෑ encrypt කරන්න දායක වුනු පරිගණකයට හැර අනිකුත් පරිගණක වලටත් මෙය හදුනගන්න බෑ,මේ Encrypt කරන්න පාවිච්චි කරන්නේ "Cryptography" කියන තියරි එක,

එතකොට මේ Encrypt කරපු ඩේටා හදුනවන්නේ "Ciphertext" කියලා
Encrypt නොකරපු ඩේටා හදුන්වන්නේ "plaintext" කියලා,

හරි එතකොට මේ Encrypt කරන පරිගණකයට තමයි අපේ Key එක Backup වෙන්නේ ඒ කියන්නේ අපි යම් කිසි File එකක් Encrypt කලොත් ඒක Decrypt කරන්න පුලුවම් වෙන්නේ Encrypt කරපු පරිගණකයටම විතරයි,වෙනත් කිසිම පරිගණකයකට මේ Encrypt වෙලා තියෙන දෙයක් Decrypt කරන්න බෑ Key එක නැතුව

මෙතනදී මේ වගේ දේවල් නෙමෙයි ඔයා හිතන්න මෙහෙම ඔයා මොනවා හරි වටින වැදගත් යම් දෙයක් Internet එකේ uplode කරනවා හිතන්න Google drive වල කියලා,මේ Goole drive එකක් කියන්නේ Server එකක්නේ මේ Server එකට ඇතුල් වෙලා මේ දත්ත සොරකම් කරන්න පුලුවම් උනොත් ඒක ලොකු අවදානමක් නේද? මේ දත්ත Encrypt කරලා තිබුනොත් කවදාවත් සොරකම් කරාට වැඩක් තියෙනවද? මොකද decrypt කරන key එක නැතුව මේ දත්ත කියවන්න බෑ මොනවා කරත් කියවන්න බෑ,ඔන්න ඔය හේතුව නිසා අද ගොඩක්ම මේ Encrypt කියන Security එක නැතුවම බැරි දෙයක් වෙලා තියෙනවා,මේකත් එක්තරා විදිහක computer algorithm එකක්😊
____________________________________________

මෙතනදී මේ Hackers ලා නිර්මාණය කරනවා පොඩි Autorun වෙන File system එකක්, අපිට නිකම් Internet එකෙන් වැටෙන්නේ Ransomware එකෙන් ආරක්ෂා වෙන්නනම් මේ Software එක Install කරන්න, ඔන්න ඔය වගේ දේවල් Display වෙද්දී අපිත් ගොනා වගේ ඕවා Install කරනවනේ ඔන්න ඔව්වත් එක්කම තමයි අර Autorun වෙන file ටිකත් මැෂින් එක ඇතුලට යන්නේ, මෙතනදී වෙන්නේ අපේ Windows File ඇරෙන්න අපේ අනිත් හැම File එකක්ම Encrypt වෙනවා,මේ Encrypt එකක් කඩන්න බෑ ලේසියකට,මේක කරන්නේ අපේ පරිගණකය විසින්මයි, පරිගණකයම Encrypt කරලා අපේ File ටික ඒකට අදාල Key එක backup කරගන් නෑ කොහෙවත් කෙලින්ම යන්නේ අර Hackers ලට අදාල Databace එකක් ඇතුලට,

හරියටම කිව්වොත් ලොකු වයර් ගොඩක් ගලවනවා මේ වයර් තිබුනු තැන් ඔයා පිලිවෙලට කොලේක ලියා ගන්නවා,මේ කොලේ නැති උනොත් ඔයාට බෑ ආපහු මේ වයර් ටික තිබුනු තැන් හොයා ගන්න,Encrypt එකෙත් මේ වගේම මීට වඩා ගොඩක්ම Complex ව පරිගණකයම එයාගේ File වෙනස් කරගන්නවා කාටවත් අදුරගන්න බැරි විදිහට මෙයා දන්නෙත් නෑ වෙනස් කරපු විදිහ මෙයත් කරන්නේ මේ වෙනස් කරන හැමදේම සටහන් කරගන්නවා අන්න ඒ සටහන් කරගන්න එක තමා Key එක කියන්නේ, මේක නිකම් File එකක්, බැරි වෙලාවකවත් මේ File එක Delete උනොත් සොරිම තමයි ආයේ ජීවිතේකට බෑ මේ Encrypt වෙන එක Decrypt කරන්න, අපි සාමන්‍යයෙන් Windows වලින්ම File එකක් Encrypt කරාම එකේ Key එක save වෙනවා Desktop එකේ, අර Ransomware එකේ එහෙම වෙන් නෑ කෙලින්ම Encrypt කරනවා අර Key එක save වෙන්නේ අපේ මැෂින් එකේ නෙමේ උන්ගේ Computer එකක,

ඉතින් මේ Encrypt වර්ග ගොඩක් තියෙනවා හොදද? Cryptography කියන Consepts එකට තමයි මේක අදාල වෙන්නේ,ඉති⁣න් මේ Virus එක ඇතුල් උනාට පස්සේ අපේ File ඔක්කොම Encrypt වෙනවා මොනවා කරලවත් Open කරන්න බෑ .මේ file තියෙන හැම Folder එහෙකම වගේ තියෙනවා Notepad එකක හරි මොහොකම හරි මෙයලා ඉල්ලන කප්පම් මුදල සදහන් කරලා ඊට අමතරව මේ කප්පම් මුදල ගෙවන්න ඕනි දිනය, හා Bitcoin ID එක, මේවා අපි ගෙවන්න ඕනි Bitcoin වලින් මොකද Bitcoin ID එකෙන් හොයන්න බෑ කිසිම තොරතුරක් මේ කෙනා කවුද කොහද ඉන්නේ මේ කිසි දෙයක් හොයන්න බෑ, Darkweb එකෙත් මිනීමැරුම් වලට කප්පම් දෙන්නෙම Bitcoin වලින්, ඉතින් මේ කප්පම් මුදල අදාල ID එකට දැම්මම එයාලා අපට අර මම කීව Key එක ලබා දෙනවා, ඉතින් එක එක Hackers ලට අනුව මේ Key එක ලබා දෙන විදිහ වෙනස් .සමහර විට Email කරන්න පුලුවන් නැත්නම් කොහෙට හරි Uplode කරලා තියන්න පුලුවන්.

ඉතින් මේ Key එක අපට ලැබුනු ගමන් පුලුවන් අර අපේ File ඔක්කොම Decrypt කරන්න,ඕක තමයි Ransomware virus එකෙන් වෙන්නේ, ගොඩක් අය දන්නවත් ඇති.

(සැ.කි මේකෙන් ආරක්ෂා වෙන්නනම් නොදන්න Crack use කරන්න එපා,Virus gurd update කරලා තියන්න,නොදන්න Software install කරන්න එපා,Internet හැම තිස්සෙම Use කරනවනම් download කරන දේවල් ගැන සැලකිලිමත් වෙන්න, සමහර Virus gurd වලට මේ දේවල් අහුවෙන් නෑ ඒ නිසා පරිස්සමින්, මොකද මුන් ඉල්ලන කප්පම් මුදල තරම් අපේ Computer එකවත් වටින් නෑ ඒකයි)😄

ලංකාවට Internet එන්නේ චන්ද්‍රිකා වලින් නම් නෙමෙයි? එහෙනම් කොහොමද? කියවන්න👇

ලංකාවට ඉන්ටනෙට් එන විදිය... අපි හැමෝම හිතන් හිටියේ චන්ද්‍රිකා වලින් කියලනේ.. එහෙම නෙමෙයි මෙන්න මෙහෙමයි එන්නෙ.
චන්ද්‍රිකා වලින් නම් නෙමෙයි. මුහුදු පතුල දිගේ ඇදපු කේබල් කිහිපයක් මගින් තමයි දූපතක් වෙච්ච ලංකාව ලෝකෙත් එක්ක සම්බන්ධ වෙන්නෙ. මේවට කියන්නෙ Submarine cables (සබ්මැරින් කේබල්) කියලා. මේ කියන්න යන්නෙ ඒ ගැන..

SEA-ME-WE කේබල් පද්ධතිය..

ලංකාවට එන submarine කේබල් අතරින් ප්‍රධානම කේබල් පද්ධතිය තමයි SEA-ME-WE (සීමීවී) කියන්නෙ. SEA-ME-WE කියන අකුරු ටිකෙන් කියවෙන්නෙ South East Asia - Middle East - West Europe කියන එක. මේ කේබල් පද්ධතිය ප්‍රංශයේ ඉඳලා සිංගප්පූරුව දක්වාම දිවෙනවා. ඔය අතරෙ තියෙන හැම රටකම වගේ නියෝජිත ආයතනයක් (ලංකාවෙ නම් SLT) මේ කේබල් වෙනුවෙන් මුදල් ආයෝජනය කරනවා. මේ කරපු ආයෝජනයේ ප්‍රමාණයට අනුව තමයි කේබල් පද්ධතියෙන් තමන්ට ලැබෙන ධාරිතාවය තීරණය වෙන්නෙ.. දැනට SEA-ME-WE 1 සිට 5 දක්වා කේබල් පද්ධති මුහුදෙ තියෙනවා.

Copper Cables - තඹ රැහැන්..

ගොඩක් ඉස්සර මේ සබ්මැරින් කේබල් හදල තිබුණෙ තඹ වලින්. විෂ්කම්භය අඩියකට ටිකක් අඩුයි. ලංකාවට මුලින්ම ආවෙ SEA-ME-WE 1 කියන කේබල් එක. තනිකර තඹ. මේක සම්බන්ධ වුණේ කොළඹ ගෝල්ෆේස් පිටිය අසලට. ලංකාවෙන් මේකෙ අයිතිය තිබුණෙ SLT ආයතනයට.
ටික කාලයකින් මේකෙ ධාරිතාවය මදිවුණා. ඒක නිසා අර රටවල් ටික එකතු වෙලා හැදුවා SEA-ME-WE 2 පද්ධතිය. මේකත් තඹ. වෙනසකට තිබුණෙ මේකෙ කේබල් 2ක් තිබුණා. එහෙම බෙදුවෙ සංඛ්‍යාතය දෙකට බෙදලා. මේකත් සම්බන්ධ වෙන්නෙ ගෝල්ෆේස් පිටිය අසලටමයි. අධික වියදම, අනාගතයේදී වේගය ප්‍රමාණවත් නොවීම හා ප්‍රකාශ තන්තු වල ආගමනය නිසා SEA-ME-WE 1 සහ SEAMEWE 2 වගේ තඹ රැහැන් සියල්ලම වගේ අභාවයට ගියා.

Fiber Optics..

ඊට පස්සෙ ආපු submarine cables ඔක්කොම ප්‍රකාශ තන්තු (fiber optics). මුලින් fiber optics (ප්‍රකාශ තන්තු) කියන්නෙ මොන වගේ දෙයක්ද කියලා කෙටියෙන් පැහැදිලි කරන්නම්.

මුලින්ම කියන්න ඕන fiber optics ඇතුලෙ කිසිම කම්බියක් නෑ. තියෙන්නෙ ඇහැට නොපෙනෙන තරම් සිහින් වීදුරු කෙන්දක්. එතකොට කොහොමද මේක දිගේ දත්ත හුවමාරු කරන්නෙ?

හරිම සරලයි. ඕනම දත්තයක් ද්වීමය (binary) සංඛ්‍යාවකින් නිරූපනය කරන්න පුළුවන්නෙ.. 0110101001 වගේ. චිත්‍රපට වල එහෙම දැකලත් ඇති. එක සහ බිංදුව විතරක් උපයෝගී කරගෙන දත්ත සම්ප්‍රේෂණය කරන්න පුළුවන්. මෙහෙම හිතන්නකො. ඔයා ගඟේ එක ඉවුරක ඉන්නවා. ඔයාගෙ යාළුවෙක් එහා ඉවුරෙ ඉන්නවා. ඔයාට ඕන එයාට 0111010 කියන පණිවිඩය යවන්න. ඔයා කරන්නෙ විදුලි පන්දමක් පාවිච්චි කරන එක. ටෝච් එක නිවිලා නම් 0. පත්තු වෙලා නම් 1. ඔයා නිශ්චිත කාලයක් තුල ටෝච් එක
Off (0) On (1) On (1) On (1) Off (0) On (1) Off (0) හැටියට 0111010 කියන පණිවිඩය එහා ඉවුරෙ ඉන්න යාළුවට යවනවා. දැන් එයාට තියෙන්නෙ ඔය ද්වීමය සංඛ්‍යාව decode කරලා ඔයා එව්වෙ මොකක්ද කියන එක හොයාගන්නයි.

ඔය ක්‍රමයම තමයි optical fiber වලත් තියෙන්නෙ. වීදුරු කෙන්ද දිගේ යවනවා අධි බ්ලැති ලේසර් කදම්බයක්. මේක on off වෙන හැටියට තමයි එහා පැත්තෙන් 1ද 0ද කියන එක අඳුරගන්නෙ. එහෙම බැලුවම මේක ආලෝකයේ වේගයෙන් දත්ත සම්ප්‍රේෂණ කිරීමක්. තඹ කම්බි වලට මේ වේගයත් එක්ක හැරෙන්න වත් බැහැ. ඉතින් කාලයත් එක්ක submarine cable ඔක්කොම fiber වලට මාරුවුණා. පරණ copper cable එහෙමම මුහුද මැද අතඇරල දැමුණා.

වර්තමානයේ අපිට එන submarine cables..

දැන් ලංකාවට එන සබ්මැරින් කේබල් කිහිපයක් තියෙනවා. මේ ඔක්කොම fiber.

1) SEA-ME-WE 3 - මේකෙ landing station එක තියෙන්නෙ ගල්කිස්සෙ. පරණ නිසා ලඟදිම මේකෙ ඔපරේෂන්ස් නවතියි. මේකෙ ලංකාවෙ අයිතිය තියෙන්නෙ SLT එකට

2) SEA-ME-WE 4 - මේක තමයි අර ගෝල්ෆේස් එකේ මුහුද දිගේ කලු පාට බට වගේ යන්නෙ. ගෝල්ෆේස් එකට ගියොත් මේක වගේම SEA-ME-WE 1 සහ 2ත් බලන්න අමතක කරන්න එපා. මේකත් ලංකාවෙ අයිතිය තියෙන්නෙ SLT එකට. ලංකාව වැඩිපුරම වැඩ ගත්තෙ මේකෙන්.

3) SEA-ME-WE 5 - මේක තමයි අලුත්ම සහ වේගවත්ම එක. එක තරංග ආයාමයක් සඳහා වේගය 100Gbps. ඒ වගේ තරංග ආයාම 80ක් යවන්න පුළුවන්. එතකොට සම්පූර්ණ වේගය 8 Tbps විතර වෙනවා. හැබැයි ලංකාවෙ නම් තව අවුරුදු 10කට වත් තරංග ආයාම 80ක් පාවිච්චි වෙන්නෙ නෑ. ඒ නිසා දැනට උපරිම වේගය 600 Mbps වගේ තමයි යන්නෙ. landing station එක මාතර. මේකෙත් ලංකාවෙ අයිතිය SLT එකට

4) Dhiraagu - මේක නම් ලෝකෙ වටේ යන එකක් නෙමෙයි. මේක Point to point කනෙක්ෂන් එකක්. මේකෙන් තමයි ලංකාවයි මාලදිවයිනයි connect වෙන්නෙ. ලංකාවෙ අයිතිය SLT

5) Bharat Lanka - මේකත් point to point. මේක ලංකාවයි ඉන්දියාවෙ tuticorin (තූත්තුකුඩිය) අතර. ලංකාවෙ අයිතිය SLT.
SEA-ME-WE 5 එන්න කලින් තිබ්බ 3 සහ 4 වල දෝෂයක් ආවොත් මේ Bharat Lanka එක මගින් ඉන්දියාව හරහා තමයි අපි ලෝකෙට සම්බන්ධ වුණේ.

6) Bay of Bengal Gateway (BBG) - මේක UAE ඉඳල සිංගප්පූරුවට යන්නෙ. මේකෙ ලංකාවෙ අයිතිය Dialog එකට. උපරිම වේගය 6.4 Tbps ක් කියල තමයි කියන්නෙ. Landing station එක තියෙන්නෙ ගල්කිස්සෙ.

දැනට ලංකාව සම්බන්ධ වෙන්නෙ ඔය සබ්මැරින් කේබල් පද්ධති 6ට විතරයි. ඒකෙන් 5ක අයිතිය SLT එකටත් 1ක අයිතිය Dialog එකටත් තමයි තියෙන්නෙ.

මේ සබ්මැරින් කේබල් වල මුහුද දිගේ ගමන මොන වගේ ඇතිද?

මේ සිතියම් තියෙන්නෙ ඔය සබ්මැරින් කේබල් පද්ධති කිහිපයක ගමන් මාර්ගය.

මේවා සාමාන්‍යයෙන් යන්නෙ මුහුදු පතුලෙන්. මේ කේබල් ස්ථාපනය කරන්න, නඩත්තු කටයුතු කරන්න ඉන්නවා නැව්, කිමිදුම්කරුවො පවා සහිත වෙනම ජාත්‍යන්තර ආයතන. එයාලා තමයි සබ්මැරින් කේබල් සම්බන්ධව මුහුදෙ අණසක පතුරවාගෙන ඉන්නෙ.

ලේසර් එළියක් ඔය තරම් දුරට යනවද?

අපි ටෝච් එකක් ගැහුවම ඒ ටෝච් එලිය විහිදෙන උපරිම දුරක් තියෙනවනෙ. ඊට වඩා දුරින් ඉන්න කෙනෙකුට මේ ටෝච් එලිය පේන්නෙ නැහැනෙ. Fiber optics දිගේ යන ලේසර් එලියත් ඒ වගේමයි (එලියක් කිව්වට මේක එලියක්ම නෙමෙයි. තේරුම්ගැනීමේ පහසුවට එලියක් කියල හිතාගන්නකො). මේ ලේසර් ආලෝකයටත් යන්න පුළුවන් උපරිම දුරක් තියෙනවා. එතනින් එහාට එළිය යන්නෙ නෑ. එතකොට මොකද කරන්නෙ?

එතකොට තමයි රිපීටර්ස් (repeaters) අපේ පිහිටට එන්නෙ.

මේ රිපීටර්ස් මුහුදෙ තැනින් තැන හයිකරල තියෙනවා. මේවා වලට පැවරෙන රාජකාරිය තමයි තමන්ට ලැබෙන දුර්වල ලේසර් කදම්බයේ ශක්තිය වැඩි කරලා නැවතත් කේබල් එක දිගේ ඊළඟ නැවතුම වෙත යවන එක. ඒකට පාවිච්චි කරන්නෙ රිපීටර් එකේ තියෙන optical amplifiers.

Submarine cables වලට සිදුවන හානි..

1) කලාතුරකින් මුහුදෙ නැව් එහෙට මෙහෙට යනවා නැංගුරමත් මුහුදට දාගෙනම. ඔය නැංගුරමක් අපේ submarine cable එකේ පැටලුනාම කේබල් එක එතනින් කැඩිලා යනවා

2) සාමාන්‍ය fiber එකක් සිහින් කෙන්දක් හැටියට තිබුණට සබ්මැරින් කේබල් නම් එහෙම හීනි නෑ. ඒකට හේතුව තමයි fiber එකේ ආරක්ෂාවට ඒක වටේට තියෙන ආවරණ. මේ හරස්කඩ දිහා බැලුවම පේනවනෙ හීනි fiber එක වටේට කොච්චර ආරක්ෂක ආවරණ තියෙනවද කියලා..

ඔය එක ආවරණ වර්ගයකට තමයි armour එක කියන්නෙ. මේක ලෝහමය ආවරණයක්. මේ ලෝහ armour එක දිගේ තමයි repeaters වලට අවශ්‍ය විදුලිය සම්ප්‍රේෂණය කරන්නෙ. සන්නායකයක් දිගේ විද්‍යුතය ගමන්කරනකොට ඒ වටා චුම්භක ක්ෂේත්‍රයක් ඇතිවෙනවනෙ. මේකෙත් එහෙම තමයි. ඔන්න ඔය චුම්භක ක්ෂේත්‍රය කට්ටියක් වරදවා වටහගන්නවා. ඒ තමයි මෝරු. එයාලා මේක ගොදුරක් කියල හිතලා cable එක හපල හපලා කඩල දානවා.

ඔය 2 තමයි ප්‍රධාන වශයෙන් සබ්මැරින් කේබල් වලට සිදුවන අලාභහානි. ඉතින් ඔය එක කේබල් එකකට අනතුරක් වුණත් අපිට තව කේබල් ඕන තරම් තියෙන නිසා ලංකාවට ඉන්ටර්නෙට් නැතිවෙයි කියල අනවශ්‍ය බයක් ඇතිකරගන්න නම් කිසිම හේතුවක් නෑ✊