Sri Dharmadana Dharma Vidyalaya

14/04/2026

ලැබුවා වූ අලුත් අවුරුද්ද
සාමය සතුට සපිරි, සියලු සිතුම් පැතුම් ඉටුවන, නීරෝගිමත්
සුභ අලුත් අවුරුද්දක් වේවා ...!

06/04/2026

හෙල සිරිතට ගරු කරමින් කිරි ඉතිරවීම, ආහර අනුභවය වැඩ ඇල්ලීම හා ගනු දෙනු කිරීම, හිසතෙල් ගෑම ඇතුළු සිංහල අවුරුදු චාරිත්‍ර වාරිත්‍ර රැසක් සමගින් 2026 වර්ෂයේ ධර්‍මදාන සූර්‍යය උදානය ඉකුත් 05 වන ඉරු දින උත්කර්ශවත් අයුරින් පවත්වන ලදී.

ඒ වගේම දරුවන් හට බැලුන් පිපිරවීම, බීම බීම, වාසනා මුට්ටිය බිඳීම, සංගීත තොප්පි ‍තරගය, සංගීත බෝලය ආදී තරග ඉසව් රැසක් පැවැත්වූ අතර බැලුන් ඩාන්ස් තරඟය සඳහා ආදී ශිෂ්‍යයන් හටද සහභාගි වීමට අවස්ථාව සලසා දුනී.

අපගේ මෙම අවස්ථාව සාර්ථක කරගන්නට අපගේ ආරාධනය පිළිගෙන පැමිණි සියළුම ආරාධිත අමුත්තන් මෙන්ම, නන් අයුරින් සහාය දැක්වූ‍ දෙමාපියන් සහ ආදි ශිෂ්‍යයන් හට අපගේ ගෞරව පූර්වක ස්තුතිය පුද කර සිටින්නෙමු....

#අවුරුදු

01/04/2026

෴ අද බක් පුර පසළොස්වක පොහොය දිනයයි ෴

බුදුන් වහන්සේගේ දෙවන ලංකාගමන සිදු වූයේ අද වැනි බක් පුර පසළොස්වක පොහොය දිනයකය.
සම්බුද්ධත්වයෙන් පස්වෙනි වර්ෂයෙහි සැවැත්නුවර ජේතවනාරාමයෙහි වැඩ විසු බුදුරජාණන්වහන්සේ, ලක්දිව විසූ චුලෝදර මහෝදර යන නාගරජුන් දෙදෙනා අතර මිණි පළඟක්(මැණික් පුටුවක්) පිළිබඳව ඇති වූ සටන දිවැසින් දැක නාගයන් කෙරහි උපන් කරුණාවෙන් ඔවුනට සුවසෙතසදාදෙනු පිණිස ලක්දිව මණිනාග දිවයින නොහොත් නාගදීපයට ඍද්ධියෙන් වැඩම කළේ බක් මස අව පසළොස්වක පොහෝදිනකදීය. (* බුදුරජාණන් වහන්සේ පළමු ලංකාගමනය සිදුවූයේ බුද්ධත්යෙන් නව වැනි මස ලක් දිව මහියංගනයටයි.) මේ ගමනට දෙව්රම් දොරටුවේ කිරිපලු රුක අරක්ගෙන සිටි සමිද්ධි සුමන නම් දෙවියා තමාගේ වාස භවනය වන කිරිපලු වෘක්ෂය ඡත්‍රයක් මෙන් ඔසවා ගෙන පැමිණියේය. මෙහි දී බුදුහු කාකෝලික, “එන්දන’’ ලටුකික, වට්ටක යන ජාතක දේශනාවන් දක්වා දහම් දෙසා දෙපිරිස සමගි කරවූහ. නාගයෝසරණ ශීලයෙහි පිහිටියහ. ඔව්හු යුද්ධයට මුල් වූ මැණික් පුටුව බුදුරදුනට පූජා කළහ. තව ද මහෝදර නා රජුගේ මාමා වූ මණිඅක්ඛික නාග රාජයා කැලණියේ සිට බෑනාට උදව් පිණිස පැමිණ සිටියේය. බුදුරදුන්ගේ ප්‍රථම ලංකා ගමනෙදී බණ අසා සරණ සිල් පිහිටා සිටි මණිඅක්ඛික නා රජු එදින බුදුන්වහන්සේට තමාගේ වාස භවනය වූ කැලණියට වඩින ලෙස ආරාධනා කලේය.

11/02/2026

පළමු ශ්‍රේණිය සඳහා සිසුන් ඇතුළත් කර ගැනීම 2026-02-22 දින පෙ.ව.09.00 ට සිදු කරනු ලැබේ..
අනෙක් ⁣ශ්‍රේණී සඳහා ද සිසුන් භාර ගැනීම 15 දින සහ 22 දින සිදු කරනු ලැබේ

01/02/2026

෴ අද නවම් පුර පසළොස්වක පොහොය දිනයයි ෴
* සැරියුත් සහ මුගලන් මහ රහතන් වහන්සේලාහට සම්බුදු සසුනෙහි අගසව් තනතුරු පිරිනැමීම.
* ප්‍රථම ධර්ම සංගායනාව සිදු කිරීම. (බුද්ධත්වයෙන් පසු මුල් වරට රහතුන්වහන්සේ පුමුඛ සියලු සංඝයා වහන්සේ 1050 ක් එකට රැස්ව ධර්ම කතිකාවතක් ඇතිකිරීම)
* තථාගතයන්වහන්සේ විසින් මහා සංඝයාට ඕවාද ප‍්‍රාතිමෝක්‍ෂය (භික්‍ෂූන්වහන්සේලාට හික්මීම පිණිස අවශ්‍ය විනය මාලාව) දේශනා කිරීම.
*බුදුරජාණන් වහන්සේ විශාලාවේ චාපාල චෛත්‍යයේදී ආයුසංස්කාරය අත්හැරිම. (අතීතයේ ලොව පහළ වූ විපස්සී නම් බුදුන් අවුරුදු අසූදහසක් ද, සිඛී නම් බුදුන් අවුරුදු හැත්තෑදහසක් ද, කකුසඳ බුදුන් අවුරුදු හතළිස් දහසක් ද, කෝණාගම බුදුන් අවුරුදු තිස්දහසක් ද, කාශ්‍යප බුදුන් අවුරුදු විසිදහසක් ද, පරමායු විඳ ඇත. ගෞතම බුදුන්ගේ ආයු කාලය අවුරුදු අසූවකි. මෙතෙක් කාලයකින් පිරිනිවන්පාන්නේමියි. කාලය සීමාකර ගැනීම ආයු සංස්කාරය හැරීමයි.)
යන කරුණු නිසා නවම් පුර පසළොස්වක පොහොය දිනය අපට වැදගත් වේ.

03/01/2026

෴අද දුරුතු පුර පසළොස්වක පොහොය දිනයයි෴
* තිලෝගුරු බුදුරජාණන්වහන්සේගේ ප්‍රථම ලංකාගමනය එනම් මහියංගනයට වැඩම කිරීම.
* සුමන සමන් දෙවියන්ගේ ඉල්ලීමට අනුව කේශ ධාතු ප‍්‍රදානය කිරීම.
බුදුහාමුදුරුවෝ ප‍්‍රථම වතාවට ලංකාවට වැඩම කළේ මහියංගනයටය. ඒ බුද්ධත්වයෙන් නවවෙනි මාසයේ දුරුතු පුර පසළොස්වක් පෝදා බුදුන්වහන්සේගේ පැමිණීම ගැන කිපුණු ලංකාවේ සිටි යක්‍ෂ හා නාග ගෝති‍්‍රක අය පැමිණ උන්වහන්සේ සමග සටනට සූදානම් වුණා. බුදුහාමුදුරුවෝ ඔවුන්ට මිහිරි හඩින් ධර්මය දේශනා කළා. හැමෝම දමනය වුණා. ඒ ධර්මය අසා සිටිය සුමන සමන් දෙවියන් ද සෝවාන් බවට පත්විය. සුමන සමන් දෙවියන්ගේ ඉල්ලීම පරිදි බුදුරදුන් හිස පිරිමැද කේශධාතු මිටක් ප‍්‍රදානය කළහ. සුමන සමන් දෙවියන් ඒ කේශධාතු තැන්පත් කොට ඉඳුනිල්වන් ගලින් රියන් හතක් උසැති සෑයක් බැන්ද වූවා.වර්ථමානයේ අප මහියංගන සෑය නමින් වැඳුම් පිඳුම් කරන්නේ මෙම චෛත්‍යයටයි. මෙය ලෝකයේ ප‍්‍රථම වරට ඇති වූ චෛත්‍යය වේ.
* කැලණි විහාරයේ වාර්ෂික පෙරහැර ආරම්භවීම සිදුවන අතර වන්දනාවේ යන සැදැහැවතුන් බොහෝ විට යන්නේ කැලණි විහාරයටයි.
* ලොව්තුරා සම්මා සම්බුදු පදවියෙන් අභිසෙස් ලබා නව මසක් ඇවෑමෙන් උරුවෙල් දනව් පියසෙහි වාසය කළ උරුවෙල කාශ්‍යප, නදී කාශ්‍යප සහ ගයා කාශ්‍යප යන තූන්බැ ජටිලයන් ප්‍රධාන දහසක්වුවෝ තථාගත බුදුරජාණන් වහන්සේ හමුවෙහි දමනය වී තෙරුවන් සරණ ගොස් මේ ගෞතම බුදු සසුනෙහි උතුම් පැවිදි බව ලැබීම.

* බුදු සසුනේ පළමු ආරාම පූජාව වන වේළුවනාරාම පූජාව බිම්බිසාර රජු විසින් සිදු කිරීම.
යන කරුණු නිසා නිසා දුරුතු පොහොය බෞද්ධයන් වන අපට වැදගත් වේ.

31/12/2025

05/11/2025

෴ අද ඉල් පුර පසළොස්වක පොහොය දිනයයි ෴
වස්සාන ඍතුවේ අවසාන පොහොය ඉල් පුර පසළොස්වක් පොහොයයි. එමෙන්ම චීවර මාසයේ අවසාන පොහොය වේ. එනම් කඨින චීවර පූජා කළ හැකි අවසාන පෝයත් ඉල් පෝයයි.
* ප්‍රථම ධර්මදූත පිරිස වන රහතන්වහන්සේලා හැටනම ලෝකවාසීන්ට
සෙත සලසනු වස් ධර්ම දූත සේවය සඳහා පිටත්ව යාම.
* බුදුරජාණන් වහන්සේ තුන් බෑ ජටිලයන් දමනය කිරීමට උරුවෙල්
දනව්වට වැඩීම.
* සැරියුත් මහ රහතන්වහන්සේගේ මව ධර්මය අසා සෝවාන් වීම.
* අගසව් සැරියුත් මහ රහතන් වහන්සේ තම මෑණියන්ගේ නිවසේදී
පිරිනිවන් පෑම.
* මතු බුදුවන මෛත්‍රී බෝසතුන් වීවරණය ලැබීම.
යන කරුණු නිසා නිසා ඉල් පොහොය බෞද්ධයන් වන අපට වැදගත් වේ.

06/10/2025

෴අද වප් පුර පසළොස්වක පොහොය දිනයයි...෴
තව්තිසා දෙව්ලොවට වැඩම කළ බුදුන් වහන්සේ මාතෘ දිව්‍ය රාජයාට දහම් දෙසා දඹදිව සංකස්ස පුරයට වැඩම කරේ අද වැනි වප් පුර පසලොස්වක පෝය දිනයකදීය.
එමෙන්ම අනුබුදු මිහිඳු මහ රහතන්වහන්සේගේ නියමයෙන් දෙවන පෑතිස් රජුගේ සංදේශයත් තුටු පඬුරුත් රැගෙන ලක්දිවින් අරිෂ්ඨ කුමරුන් ප‍්‍රමුඛ දූත පිරිස දඹදිව පැළලුප් නුවර ධර්මාශෝක රජු හමුවනු පිණිස පිටත්ව ගියේ වප් පුනු පොහෝ දවසකය.
එමෙන්ම මිහිඳු මහ රහතන්වහන්සේගේ අනුදැනුම ඇතිව මහාරිට්ඨ මහ රහතන්වහන්සේගේ මූලිකත්වයෙන් ථූපාරාම විහාරයේ දී මහා සංඝයා පිරිවරාගෙන විනය පිටකය සංගායනා කළේත් වප් පොහෝ දවසකය.
සැරියුත් හිමියන් ප්‍රඥාලාභී භික්ෂූන් අතර අග්‍රස්ථානය ලැබීම, මතු බුදු වන මෛත්‍රී බෝසතුන් ගෙෳතම බුදුසසුනෙහි පැවිදි බව ලැබීම ද අද වැනි පොහොය දිනකදී සිදු වූ විශේෂ සිදුවීම් ය.
එමෙන්ම අපේ බොහෝ විහාරස්ථානවල වස් අවසානයේ දී කඨින චීවර පූජා කිරීම ආරම්භ වන්නේත් මෙම පෝය දිනයේදීයි. වප් පොහොයෙන් ඇරඹෙන කඨින චීවර පූජා පින්කම ඉල් පොහොයෙන් අවසන් වේ.

07/09/2025

෴අද බිනර පුර පසළොස්වක පොහොය දිනයයි෴
* බුදුරජාණන්වහන්සේගේ ලලාට ධාතුව තැන්පත් කොට තනා ඇති සේරුවාවිල මහා සෑයේ වාර්ෂික පින්කම පැවැත්වෙන්නේ බිනර පොහොය මුල්කරගෙනය.
* භික්ෂුන්වහන්සේලා බුද්ධ නියමය අනුව විහාරාරාමයන්හි නිබදව වැඩ වෙසෙමින් බණ භාවනා කර්මයන් හි යෙදෙමින් ස්වකීය ශාසන පරමාර්ථයන් ඉටුකර ගන්නා කාල පරිච්ඡේදයක් ලෙස මෙම කාලය හැදින්විය හැකිය.
* මෙදින වස් කාලය බැවින් සියලුම විහාරස්ථානවල විවිධ පින්කම් පැවැත්වේ. මෙම පින්කම්වලට බෞද්ධ පින්වතුන් සහභාගීවන්නේ ඉතා ඕනෑකමිනි.එම නිසා වස් සමයේ අතර මැදි පොහොය ලෙස ද මෙම පොහොය හැඳින්වේ.
* මහා ප්‍රජාපතී ගෝතමී දේවිය ප්‍රමුඛ පන්සීයක් දෙනාට ගරු ධර්ම 8ක් (අෂ්ඨ ගරු ධර්ම) පනවා බුද්ධ ශාසනයේ පැවිදි ව උපසම්පදාව ලැබීමට අවසර ලැබුණේ ද මෙම උතුම් පොහොය දිනයේදීය. ඒ අනුව මෙහණි සස්නේ ආරම්භය බිනරපුන් පොහෝදා සිදු විය.
* තවද සරත් ඍතුවේ ආරම්භය ද බිනර පුර පසළොස්වක් පොහොයයි. සරත් ඍතුව ස්වාභාවික සෞන්දර්ය රසයෙන් අවට පරිසරය පවා ආලෝකවත් වන සමයකි.
මෙම කරුණු කාරණා නිසා බෞද්ධයන් වන අපට බිනර පොහොය වැදගත් වේ෴.

08/08/2025

෴ අද නිකිණි පුර පසළොස්වක පොහොය දිනයයි ෴

පෙර වස් මඟ හැරි ගිය භික්ෂූන් වහන්සේලා *පසුවස් එළඹීම, සිදු කරන්නේ අද වැනි පොහොය දිනකය.
*භික්‍ෂූන්වහන්සේලාට වස් එළඹීමට දින දෙකක් නියමව ඇත. එම දින හඳුන්වන්නේ පෙර වස පසු වස යනුවෙනි. ඇසළ පුනු පොහෝ දිනයේ පෙර වස් එළඹෙන අතර, නිකිණි පුන් පොහෝ දා පසු වස් එළඹීම සිදු කෙරේ.භික්ෂුන් වහන්සේ නමක් පසු වස් එළඹෙන්නේ පෙර වස් එළඹීමට නොහැකි වූ විටය.
මහනුවර දළදා මාලිගාවේ අවසන් රන්දෝලි පෙරහැර වීථි සංචාරය කරනු ලබන්නේ ද නිකිණි පුරපසළොස්වක පොහොය දින රාත්‍රියේ වීමත් සුවිශේෂී සිදුවීමකි.
ධර්ම භාණ්ඩාගාරික වූ ද අග්‍ර උපස්ථායක වූ ද ආනන්ද හාමුදුරුවන් රහත් බවට පත් වීම සිදු වන්නේද මෙම අසිරිමත් පොහොය දිනයේ දීය.
එමෙන්ම බුදුරජාණන් වහන්සේගේ ලලාට ධාතුව නිදන් කර සේරුවිල මංගල චෛත්‍යරාජයා තැනීම ආරම්භ කිරීම මෙන්ම සේරුවිල වන්දනාවේ යාම ද මෙම පොහොය දින මුල් කරගෙන සිදු වු සිදුවීම් ය.
ප්‍රථම ධර්ම සංගායනාව පැවැත්වූයේ ද මෙම පොහොය දිනයේය.