Swe Academy-Self Employment Studies

🛑🔴 රෙඩිමේඩ් නිමාවකින් කාන්තා ඇඳුම් මහන්න "ශ්‍රී ලාංකීය කාන්තාවන්ගේ ශරීරයට ගැලපෙන අන්දමින් සකස් කරන ලද සම්මත සයිස් චාට්" එක සහ එහි ඇති වෘත්තීය රහස් ගැන තමයි ඔයාලට අද මම කියා දෙන්න හදන්නේ...

🟣හුඟක් දෙනෙක් රෙඩිමේඩ් මට්ටමින් ඇඳුම් මහන්න හෝ බිස්නස් එකක් කරන්න බයයි..මොකද එහෙම කරන්න ගියාම වද වෙන ලොකුම ප්‍රශ්නය තමයි නිවැරදි Size Chart එකක් නැති එක.

🟣බටහිර රටවල සයිස් චාට් ඒ විදිහටම පාවිච්චි කළොත් ලංකාවේ අපේ සිරුරුවල හැඩයන්ට අනුව උරහිස් හැලෙන, උකුල හරියෙන් කැතට දෙපැත්තට පැනලා වගේ පේන ප්‍රශ්න ඇති වෙනවා..
අන්න ඒ නිසා, මම හිතුවා ලංකාවේ කාන්තාවන්ගේ සැබෑ සිරුරේ හැඩයන්ට 100%ක්ම ගැළපෙනම විදිහට, XS ප්‍රමාණයේ සිට 6XL ප්ලස් සයිස් දක්වා සකස් කළ සම්පූර්ණ මාස්ටර් සයිස් චාට් එකක් අද පාඩමෙන් ඔයාලට උගන්වන්න ඕනි කියලා👇

🛑මේ සයිස් චාට් එක පාවිච්චි කරනකොට ඔබ අනිවාර්යයෙන්ම දැනගෙන ඉන්න ඕන පුංචි පුංචි කරුණු කාරණා කීපයක් තියෙනවා...

🛑ඔබ සාමාන්‍ය මැහුම්කරණයෙන් වෘත්තීය මට්ටමේ ඇඟලුම් තාක්ෂණ ශිල්පියෙකු දක්වා ඉදිරියට යන්න නම් මෙන්න මේ කරුණු ටික හොඳින් අවබෝධ කරගන්නම ඕනි.

🛑මුලින්ම රෙඩිමේඩ් ඇඳුම්වල උරහිස් මිනුම තියන්නේ හැමෝටම පොදුවේ ගැළපෙන "උපරිම සාමාන්‍ය" අගයක් අරගෙන.

🛑ඔබ පාරිභෝගිකයෙකුගේ ඇඟේ මිනුම් අරන් මහනවා නම්, ඇයගේ පපුවේ මිනුම Large සයිස් වුනත්, උරහිස තරමක් කුඩා වෙන්න පුළුවන් (උදාහරණයක් ලෙස පපුව 37" වුණත් උරහිස 14" ක් වගේ අගයක් එන්න පුළුවන්.ඔබ මහද්දි ඔබ ලබාගත් ඇයගේ සැබෑ උරහිස් මිනුම 14" තමයි ඔබ පාවිච්චි කරන්නේ... ඒ ඔබ එයාගෙ උරහිස් මිනුම මැනලා ගත්ත නිසා...

🛑නමුත් රෙඩිමේඩ් ඇඳුම් මහද්දි චාට් එකට අනූව උපරිම සාමාන්‍ය මිනුම තමයි ගන්නෙ.

🛑ඇයි මෙහෙම වෙන්නේ සහ මෙතන තියෙන වෘත්තීය රහස මොකක්ද කියලා බලමු ..

🛑​කාන්තාවන්ගේ ශරීර හැඩයන් එකිනෙකට වෙනස්. එකම පපුවේ වටප්‍රමාණය උදාහරණයක් ලෙස පපුව වට 37" ක් තියෙන කාන්තාවන් තුන්දෙනෙකු ගත්තොත්, ඔවුන්ගේ උරහිස් පිහිටීම සම්පූර්ණයෙන්ම වෙනස් වෙන්න පුළුවන්

🛑​සිහින් උරහිස් ඇති අය පපුව 37" වුණත් උරහිස අඟල් 14"ක් වැනි කුඩා ප්‍රමාණයක තියෙන්න පුළුවන්.

🛑​සම්මත උරහිස් ඇති අය පපුව 37" වන විට උරහිස අඟල් 14.5" - 15"ක් වීම (සයිස් චාට් එකේ තියෙන්නේ මේ සාමාන්‍ය අගයයි).

🛑​පළල් උරහිස් ඇති අය පපුව 37" වුණත් ක්‍රීඩා කරන හෝ ඇටකටු පළල් අයගේ උරහිස අඟල් 15.5"ක් දක්වා පළල් වෙන්න පුළුවන්.

ඒ නිසා තමයි

🛑රෙඩිමේඩ් සයිස් චාට් එකකදී "ලොකු" මිනුමක් තියන්නේ
​අපි රෙඩිමේඩ් ඇඳුම් මහද්දී හැමවිටම "උපරිම සාමාන්‍ය මිනුම" තමයි සයිස් චාට් එකට දාන්නේ.

🛑​හේතුව උරහිස 14" තියෙන කෙනෙකුට 15" උරහිස තියෙන ඇඳුමක් ඇන්දුවොත්, ඒක උරහිසෙන් චුට්ටක් ලොකු උණත් ඇඟට දාගන්න පුළුවන්.

🛑​නමුත් අපි සයිස් චාට් එකට 14" දැම්මොත්, උරහිස 15"ක් පළල් කාන්තාවකට ඒ ඇඳුම කොහෙත්ම අඳින්න බැහැ කිහිල්ලෙන් සහ පිටිපස්සෙන් හිරවෙලා ඇඳුම ඉරෙන්න බලනවා..

🛑​රෙඩිමේඩ් ඇඳුම් හැමෝටම පොදුවේ ගැළපෙන්න ඕන නිසා තමයි චාට් එකේ මිනුම මඳක් වැඩි අගයක තියෙන්නේ .

🛑ඊළඟ කාරණය තමයි චාට් එකේ බලන්න 2XL සයිස් වලින් පස්සෙ පපුව මිනුම අඟල් 2න් 2ට වැඩි වෙලා තියෙනවා ඒ මොකද කියලා බලමු

🔴ප්ලස් සයිස් ඇති සිරුරු තියන ඔවුන්ට ඇඳුම ඇඳන් ඉද්දි ඇතුලතට වැඩි සුව පහසුවක් ලැබෙන්න අවශ්‍ය නිසා, ලෝකයේම සම්මත රෙඩිමේඩ් ක්‍රමවේදයේදී විශාල සයිස් වර්ග කරන්නේ අඟල් 2ක පරතරයක් තියලා.

🔴එතකොට ඇඳුම ඇඟට හිර නොවී ලස්සන නිමාවක් ලැබෙනවා.

🔴ඔයාලා චාට් එක දිහා හොඳින් බැලුවොත් පේනවා ප්ලස් සයිස් වල උකුල මිනුම් අතර පරතරය වැඩි කියලා..

🔴 2XL වලින් පස්සේ පපුවට වඩා උකුල මිනුම ගොඩක් වැඩි වෙලා තියෙනවා (අඟල් 3න් 3ට හෝ 4න් 4ට). කාන්තාවන් ප්ලස් සයිස් වෙද්දී ස්වාභාවිකවම උකුල සහ බඩ ප්‍රදේශය වේගයෙන් මහත් වෙන නිසාත්, එයාලා පුටුවක වාඩි වෙද්දී උකුල ප්‍රදේශයට වැඩි ඉඩක් අවශ්‍ය නිසා තමයි මෙහෙම කරන්නේ. නැත්නම් වාඩි වෙද්දී ඇඳුම උකුලෙන් හිරවෙලා මැහුම් ඉරිලා යන්න පුළුවන්!

🔴ඔයා ඇඳුම් නිර්මාණය කරද්දී ඔබට අදාල මිනුම මේ පරතර වැඩි සයිස් දෙකක් මැදට ආවොත් කරන්නේ මොකක්ද?

ඔයාගේ ඇඟේ මිනුම

(උදාහරණයක් ලෙස උකුල 53" හෝ 54" වගේ) සයිස් චාට් එකේ සයිස් දෙකක් මැදට ආවොත්, හැමවිටම ඊළඟට තියෙන විශාල සයිස් එක (5XL) තෝරාගන්න. ප්ලස් සයිස් ඇඳුම් වලදී ඇඟට ගොඩාක් හිර වෙනවාට වඩා චුට්ටක් බුරුල්ව තියෙන එක ඇඳගෙන සිටීම පහසු වගේම සිරුරේ හැඩය ලස්සනට කැපිලා පෙන්වීම සඳහා උදව්වකුත් වෙනවා.ඒ වගේම සමහර රෙදි තියෙනවා සේදුවම සයිස් එක පොඩි වෙන එකටත් හොඳ පිලියමක් තමයි.

🟣තවත් විශේෂ දෙයක් තමයි ​හදාගැනීමේ පහසුව...රෙඩිමේඩ් ඇඳුමක උකුල චුට්ටක් බුරුල් වුණොත් පාරිභෝගිකයාට ඒක දෙපැත්තෙන් අඟල් බාගය ගානේ මහලා ලේසියෙන්ම තමන්ගේ ඇඟට ගානට හදාගන්න පුළුවන්.හැබැයි හිර වුණොත් ඇඳුම ඇතුළේ රෙදි මදි නිසා ලොකු කරන්න බැහැ, සල්ලිත් අපතේ යනවා

🛑🛑ඉතිං මේ හැම කාරණාවක්ම පදනම් කරගෙන තමයි සාර්ථක සයිස් චාට් එකක් නිර්මාණය වෙන්නේ.....

🔷තවත් මැහුම් සම්බන්ධව ගැටළු දැනගන්න තියනවද ඒ වගේම,
අද පාඩම ගැනත් ඔයාලගෙ අදහස් පහලින් Comment කරන්න....

අද හවසට මම රෙඩිමේඩ් කාන්තා ඇඳුම් නිර්මාණය කිරීම සඳහා අවශ්‍ය වන සාර්ථක සයිස් චාට් එකක් හදාගන්න ආකාරය පැහැදිලිව කියා දෙනවා....කැමති දරුවො ඔයාලගෙ අදහස් පහලින් Comment එකක් දාන්න...

🔴වැස්සත් සමග එන⚠️ඩෙංගු උවදුරෙන් ප්‍රවේශම් වෙමු🙂

අපේ රටට දැන් නැවතත් වැසි සහිත කාලගුණයක් උදා වී තිබෙනවා. මේ වැස්සත් එක්කම අපි හැමෝම බොහොම සැලකිලිමත් විය යුතු ප්‍රධානතම සෞඛ්‍ය ගැටලුව තමයි ඩෙංගු රෝගය.
වර්ෂාවත් සමග ඩෙංගු මදුරුවන් බෝවීමට අවශ්‍ය පරිසරය, ඉතා පහසුවෙන් නිර්මාණය වෙනවා. ඒ නිසා අපි දැන්ම ක්‍රියාත්මක වීම අත්‍යවශ්‍යයි.

⭕ඩෙංගු මදුරුවා බෝවිය හැකි ස්ථාන මොනවාද?

බොහෝ දෙනෙක් සිතන්නේ ඩෙංගු මදුරුවන් බෝවෙන්නේ අපිරිසිදු ස්ථානවල පමණක් බවයි. නමුත් ඇත්ත වශයෙන්ම ඩෙංගු මදුරුවා බිත්තර දමන්නේ පිරිසිදු, පැහැදිලි ජලය රැඳෙන ස්ථානවලයි.

1- නිවස අවට:
හිස් ටින්, යෝගට් කෝප්ප, පොල් කටු, පරණ ටයර්, කුරුල්ලන්ට වතුර තබන භාජන, ගස් බෙන, කොළ අතු අතර රැඳෙන ජලය.

2- නිවස ඇතුළත:
මල් පෝච්චි, ෆ්‍රිජ් එක පිටුපස වතුර රැඳෙන තැටි, වතුර ගබඩා කරන භාජන.

3- වහලය:
වැහි පීලි අවහිර වීම නිසා ජලය රැඳීම.

⭕අපිට කළ හැක්කේ කුමක්ද?
ඩෙංගු උවදුරෙන් බේරීම සඳහා අපේ පුද්ගලික වගකීම ඉතා වැදගත්.

➡️පරිසරය පිරිසිදුව තබාගන්න:
අවම වශයෙන් සතියකට වරක්වත් ඔබේ නිවස සහ අවට පරිසරය පරීක්ෂා කර බලා, ජලය රැඳිය හැකි සියලුම දේ ඉවත් කරන්න හෝ විනාශ කරන්න.

➡️ජලය ගබඩා කරන භාජන වසා තබන්න:
ඔබ ජලය ගබඩා කර තබා ගන්නවා නම්, මදුරුවන්ට ඇතුළු වීමට නොහැකි වන සේ ඒවා හොඳින් ආවරණය කරන්න.

➡️වැහි පීලි පිරිසිදු කරන්න:
වහලයේ වැහි පීලිවල කුණු රොඩු හිරවී තිබෙනවා නම් ඒවා ඉවත් කර ජලය බැස යාමට සලස්වන්න.

➡️මදුරුවන්ගෙන් ආරක්ෂා වන්න:
මදුරු දැල් භාවිත කිරීම, මදුරු විකර්ෂක (Mosquito repellents) ආලේප කිරීම, සහ සිරුර හොඳින් ආවරණය වන ඇඳුම් ඇඳීමෙන් මදුරු දෂ්ඨ කිරීම් වලින් වැළකිය හැකියි. විශේෂයෙන්ම උදෑසන සහ සවස් කාලයේ මදුරුවන් දෂ්ඨ කරන බැවින් මේ කාලවලදී වඩාත් සැලකිලිමත් වන්න.

➡️සැක නම් වහාම වෛද්‍ය උපදෙස් ගන්න:
උණ, හිසරදය, ඇස් යට වේදනාව, හන්දිපත් රුදාව, හෝ ශරීරයේ රතු ලප ඇතිවීම වැනි රෝග ලක්ෂණ ඇත්නම්, ප්‍රමාද නොවී වහාම සුදුසුකම් ලත් වෛද්‍යවරයෙකු🩺හමුවන්න. නිවසේදීම වේදනා නාශක💊ලබා ගැනීමෙන් වළකින්න. ඩෙංගු රෝගීන් සඳහා පැරසිටමෝල් හැර වෙනත් කිසිදු වේදනා නාශකයක් භාවිත නොකළ යුතුයි.

🎯ඩෙංගු කියන්නේ මාරාන්තික රෝගයක් වෙන්න පුළුවන්, නමුත් නිසි දැනුවත්භාවය සහ නිසි පියවර ගැනීමෙන් අපිට එය සම්පූර්ණයෙන්ම වළක්වා ගන්න පුළුවන්. අපේ පවුලේ අයගේ සහ අපේ අසල්වැසියන්ගේ සෞඛ්‍යය වෙනුවෙන් අපි අදම ක්‍රියාත්මක වෙමු.

එක්වෙමු! ඩෙංගු මර්දනය කරමු!

🔷🔹💠 කාන්තා ගවුමක ඉදිරි පලුව ඇසුරෙන් පිටුපස පලුව නිවැරදිව නිර්මාණය කරමු.


✴️ පසුගිය පාඩම් වලින් අපි ගවුමක ඉදිරි පලුව මුල සිටම සරලවම නිර්මාණය කරන ආකාරය සෑම මිනුමක්ම විශ්ලේෂණය කරමින් සියල්ල ඉගෙන ගත්තා මතක ඇති ඔයාලට .

🟩අද මම කියා දෙන්න හදන්නේ, ඒ නිර්මාණය කරපු ඉදිරි පලුව පදනම් කරගෙන, ඉතාම ලේසියෙන් පසුපස පලුව නිර්මාණය කරන්නේ කොහොමද සහ එහි වෙනස් වන විශේෂ තැන් මොනවාද කියලා....

🟥මේ ඉතාමත් වැදගත් පාඩමක්.... හොඳින් අවබෝධ කරගෙන ඔයාලගෙ මැහුම් කටයුතුවලට එකතු කර ගන්න...

🔵 කාන්තා සිරුරේ ඉදිරිපස සහ පසුපස හැඩයන් එකිනෙකට වෙනස් නිසා, පතරොම් කපද්දී මේ වෙනස්කම් ටික හරියටම තේරුම් ගන්න ඕනි.

🔴 ඉදිරි පලුවට සාපේක්ෂව පසුපස පලුවේ වෙනස් වන ප්‍රධාන ස්ථාන කීපයකම තියෙනවා.

💠අපි බලමු ඒ මොනවද කියලා

🟣ගවුමක් පහසුවෙන් ඇඳ ගැනීමට හා ගැලවීමට නම් පිටුපසින් සිපර් එකක් ඕනි නේද? එහෙනම් අපි පිටුපස පලුව සඳහා සිපර් එක ඇල්ලීමට යම් ඉඩක් තියන්න ඕනි.

🟣ඒක කරන්නේ මෙහෙමයි
පසුපස පතරොම අඳින කොට, පසු මැද රේඛාවේ සිට එලියට අඟල් 1ක් හෝ 1.5ක් සිපර් එක මැසීම සඳහා වැඩිපුර ඉඩ තියා ගන්නවා...ඉදිරි පලුවේ මෙහෙම ඉඩක් තියන්නේ නැහැ.

♦️ඊටපස්සෙ පසුපස උරහිස අඟලක් ඉහළට උස්සලා අඳිනවා.මේක ගොඩක් අය කරනවා වගේම නොකරන හා නොදන්නා පිරිසක් ඉන්නවා....


🛑ඉදිරි පලුවේ උරහිස් රේඛාවට වඩා, පසුපස පලුවේ උරහිස් රේඛාව මුදුනේ සිට අඟල් 1ක් ඉහළට වැඩි පුර උස්සලා ලකුණු කරගන්න ඕනි.

🛑 ඒකට හේතුව තමයි අපේ සිරුරේ උඩ කොන්ද, අපි Upper Back කියලා කියනවා ඉංග්‍රීසි භාෂාවෙන් ටිකක් වක්‍රව තමයි පිහිටලා තියෙන්නේ.එතකොට ඉදිරිපස පපුව නිසා ඇඳුම ඉස්සරහට ඇදෙන්න බලනවා. ඔයාලා දැකලා ඇති සමහර අය ඇඳගෙන ඉන්න ඇඳුම කොයිවෙලෙත් උරහිස් වලින් පිටිපස්සට දානවා....අන්න එහෙම ඉස්සරහට ඇදෙන්න බලන්නෙ නෑ මේ විදිහට අඟලක් පිටුපස පලුව ඉහලට ඉස්සුවම.පැහැදිලි නේද.

🟥 ඒ වගේම ඇඳුම ඇන්ඳම ඉදිරිපස කර බෙල්ලට තද වෙන්නේ නෑ. පිටුපස අඟලක් උස් කිරීමෙන් උරහිස් මැහුම නියමිත ස්ථානයේ ලස්සනට පිළිවෙලට තියෙන්න ඇඳගෙන ඉන්නත් හරිම පහසුයි..

🟪 කාන්තා ඇඳුමක ඉදිරිපස කර සෑමවිටම පසුපස කරට වඩා ගැඹුරින් වැඩී.

🔴 ඉදිරිපස කර සාමාන්‍යයෙන් අඟල් 5-6ක් ගැඹුරට ගත්තත් සාමාන්‍ය ගවුමක පසුපස කරේ සම්මත ගැඹුර වෙන්නේ අඟල් 2.5 සිට 3.5 දක්වා පුංචි ගැඹුරක්...(ඔබ කරන විලාසිතාව අනුව කර ගැඹුර වෙනස් කර ගන්න පුළුවන්)

🔷 කිහිලි හැඩයත් වෙනස් කරන්න ඕන.අපේ සිරුරේ ඉදිරිපස පපුව දෙසට වන්නට කිහිල්ල ටිකක් ඇතුළට හෑරීලා තමයි තියෙන්නේ නමුත්, පිටුපස පැත්තේ පැතලිව තමයි පිහිටලා තියෙන්නේ.

🟪 ඒක නිසා ඉදිරි පලුවේ කිහිලිකට අඟල් 1/2ක් හෝ 3/4ක් ඇතුළට හොඳින් හාරා අඳිනවා පසුපස පලුවේ කිහිලි වක්‍රය එසේ හාරන්නේ නැතුව ටිකක් පිටතින් (පිටුපස අත්කට රේඛාවට අනුව) ගානට ලස්සනට අඳින්න ඕනි. මෙතන වැරදුණොත් තමයි පිටුපසින් ඇඳුම ඉස්සරහට ඇදෙන්න බලන්නෙ.

🛑 පසුපස පලුවේ පළල, ඉදිරිපස පලුවට වඩා අඟල් බාගයක් (1/2") ඇතුළට කර (පළල අඩු කර) කපාගන්න ඕනි..
ඒ කට හේතුව තමයි කාන්තා සිරුරේ ඉදිරිපස පපුව නිසා වැඩියෙන් රෙදි ප්‍රමාණයක් අවශ්‍ය වුවත්, පිටුපස ප්‍රදේශය පැතලිව තමයි තියෙන්නේ. පලු දෙකම එකම පළලට කැපුවොත් ඇඳුම ඇන්දයින් පස්සෙ අංශයේ මැහුම ඉදිරියට ඇදී එනවා ඒ වගේම පිටුපසින් කිහිල්ල ළඟ රෙදි ගුලි වෙලා බුරුල් වෙනවා. අඟල් බාගයක් අඩු කරලා කැපුවම අංශයේ මැහුම ඇඟේ දෙපැත්තේ නියමෙටම කෙළින් තියනවා.

🍄 පිටුපස පලුවේ ඉණෙන් ඉහල ඩාට් එකේ උස වෙනස් කරගන්න ඕනි

♦️මෙන්ම මේ විදිහට

🔵 ඉදිරිපස පලුවේ ඉණේ සිට ඉහළට දමන ඩාට් එක පපු මුදුන් ලක්ෂය දක්වාම උසට ගත්තට, පිටුපස පලුවේ ඉණේ සිට ඉහළට දමන ඩාට් එකේ උස පපු මුදුනේ සිට තවත් අඟල් 1.5ක් ඉහළින් උඩට වෙන්න ලකුණු කරන්න ඕනි.

පැහැදිලි නේද?

🔶 ඒකට හේතුව පිටුපස කොන්ද පැත්තෙන් පපු මුදුනක් නැති නිසා පිටුපස කොන්දේ හැඩය ඉණේ සිට ඉහළට උරහිස් තල දක්වාම යනවා... ඩාට් එක පපු රේඛාවට වඩා අඟල් 1.5ක් ඉහළට දැම්මාම පිටුපස ටිකක් නෙරලා තියන උරහිස් අස්ථි දක්වා ඇඳුම රැලි ගැහෙන්නේ නැතුව, පිට මැදටම හොඳින් ඇඟටම ෆිට් වෙලා තියෙනවා.

🛑 එතකොට ඉණේ සිට පහලට ඩාට් එකේ උස ඉදිරිපස ඩාට් උස අඟල් 4ක් ගන්නා විට, පසුපස ඩාට් උස අඟල් 5ක් හෝ 5.5ක් දක්වා දිගට ගන්න ඕනි.මෙය පිටුපස උකුලේ හැඩය ලස්සනට ගන්න ලොකු උදව්වක් වෙනවා

💠💠💠 දැන් මේ සියලු කරුණු අරන් ඉදිරි පලුව ඇසුරෙන් පිටුපස පලුව අඳින හැටි බලමු.

🟣 මුලින්ම කඩදාසියේ කෙළවරින් සිපර් එක සඳහා අඟල් 1ක් හෝ 1.5ක් ලකුණු කර සිරස් රේඛාවක් අඳින්න.

🟣 දැන් ඇඳගත් සිපර් රේඛාවේ සිට හරියටම අඟල් බාගයක් (1/2") ඇතුළට වෙන්න තවත් අලුත් සිරස් රේඛාවක් අඳින්න.මෙය පිටකොන්දේ හැඩය සඳහා සකස් කරන රේඛාව..ඔයා කලින් කපාගත් ඉදිරි පලුවේ පතරොම අරන්, එහි මැද රේඛාව අර ඇඳගත් "අඟල් බාගයක් ඇතුළතින් ඇති රේඛාව" මත හරියටම තබා පින් කරන්න.

🔷 රෙදි කපා මැසීමේදී ඔබ සිපර් එක තියලා මහන්න ඕනි මුලින් ඇඳි සිපර් රේඛාවට නෙවෙයි.එතැන් සිට අඟල් භාගයක් ඇතුලට ඇඳගත්ත රේඛාවට තමයි ඔබ සිපර් එක මහන්න ඕනි.

🟣 ඉදිරි පලුවේ අංශය සහ වාටිය ඒ ආකාරයෙන්ම කඩදාසිය මත වටේටම ලකුණු කරන්න.

🟣 විශේෂයෙන්ම ඉදිරි පලුවේ උරහිස් රේඛාවට වඩා අඟල් 1ක් ඉහළින් පසුපස උරහිස් රේඛාව ලකුණු කරන්න.

🟣 දැන් ඉදිරි පලුව අයින් කරලා පිටුපස පලුවට අදාළව කරේ ගැඹුර අඩු කරන්න. කිහිලි වක්‍රය ඉදිරි පලුවට පිටතින් අඳින්න .

🟣 ඉනෙන් උඩ ඩාට් එක පපු මුදුනට වඩා අඟල් 1.5ක් ඉහළට කර ලකුණු කර, පහලට අදාල ඩාට් උස ලකුණු කර ඩාට් එක නිවැරදිව අඳින්න.


💠💠💠 දැන් මේ වෙනස් කම් කරමින් සකසා ගත්ත පිටුපස පලුව කපා ඉවත් කර ගන්න....

✴️✴️ ඉන්පසු ඉදිරි පලුවේ කර හැඩය අනුව හා පිටු පස පලුවේ කර හැඩය අනුව අඟල් 2.5 ක් පමණ පලලට කර පේසිම් කපන්න.

🔷🔷ඊළඟ පාඩම් වලින් නිවැරදිව අත නිර්මාණය කරන ආකාරය පැහැදිලිව ඉගන ගමු අපි.🔷🔷

🛑 පසුගිය සියළු පාඩම් වලින් මම කියා දුන්න මැහුම් සම්බන්ධ වෘත්තීය රහස් ඔයාලා මහන ඇඳුම් වල නිමාවට කොතරම් වැදගත් වෙනවද කියලා ඔයාගෙ අදහස් සහ අද පාඩම ගැනත් ඔයාලගෙ වටිනා අදහස් දැනගන්න ආසයි මම...ඒ සම්බන්ධව Comment එකක් දාන්න.

🛑🛑 මැහුම් කලාවේ මෙවැනි වෘත්තීය රහස් ඉගෙන ගන්න ආසයි නම් දිගටම මාත් එක්ක රැඳිලා ඉන්න....ඔයාලා හැමෝටම සුබ දවසක්..

🔴වෙරළු කාලා ලබන සුවදායක ජීවිතය 🍈✨

අපේ ගෙවත්තේ, ගමේ ගොඩේ නිතර දකින්න ලැබෙන "වෙරළු" කියන්නේ රසයෙන් වගේම ගුණයෙනුත් අනූන අපූරු පලතුරක්. ඇඹුල්, මිහිරි රසයක් තියෙන වෙරළු, අතීතයේ ඉඳලම ලාංකික අපේ ආහාර රටාවට වගේම දේශීය වෙදකමටත් එකතු වෙලා තියෙනවා. නිකමට හරි වෙරළු ගෙඩියක් කනකොට, ඒකෙන් අපේ ශරීරයට ලැබෙන විශ්මිත ප්‍රතිලාභ ගැන ඔබ දන්නවාද?

⭕වෙරළු කෑමෙන් ලැබෙන සුවිශේෂී වාසි කිහිපයක් මෙන්න:

1- ප්‍රතිශක්තිය වඩවන විටමින් C ගබඩාවක් 🛡️
වෙරළු වල අඩංගු ඉහළ විටමින් C ප්‍රමාණය නිසා, ලෙඩ රෝග වලින් අපේ සිරුර ආරක්ෂා කරන ප්‍රතිශක්තිකරණ පද්ධතිය ශක්තිමත් කරනවා. හෙම්බිරිස්සාව, කැස්ස වගේ සුලබ ආසාදන වලින් බේරෙන්න වෙරළු කදිම ඔසුවක්.

2- තරුණ පෙනුම රැකදෙන ප්‍රතිඔක්සිකාරක ✨
වෙරළු වල තියෙන ප්‍රබල ප්‍රතිඔක්සිකාරක (Antioxidants) නිසා සමේ නිරෝගීබව ආරක්ෂා වෙනවා. වයසට යාමේ ලක්ෂණ පාලනය කරලා, සමට නැවුම්, තරුණ පෙනුමක් ලබා දෙන්න වෙරළු වලට පුළුවන්.

3- හෘදයේ නිරෝගීකමට 🫀
රුධිර පීඩනය පාලනය කරන්නත්, රුධිර නාල වල සෞඛ්‍යය තහවුරු කරන්නත් වෙරළු උපකාරී වෙනවා. ඒ නිසා හෘද රෝග අවදානම අඩු කරගන්න වෙරළු ආහාරයට ගැනීම ඉතාමත් ගුණදායකයි.

4- ජීර්ණ පද්ධතියේ ක්‍රියාකාරිත්වය පහසු කරයි 🌿
තන්තු (Fiber) බහුල නිසා, ආහාර දිරවීම පහසු කරලා මලබද්ධය වගේ ගැටළු වළක්වා ගන්න වෙරළු උදව් වෙනවා. නිරෝගී බඩවැල් පද්ධතියක් පවත්වා ගන්නත් මේක ගොඩක් වැදගත්.

5- මොළයේ සෞඛ්‍යයට සහ මානසික සුවයට 🧠
සමහර පර්යේෂණ වලින් පෙන්වා දෙන විදිහට වෙරළු වල අඩංගු පෝෂ්‍ය පදාර්ථ මොළයේ ක්‍රියාකාරිත්වය වර්ධනය කරන්නත්, මානසික ආතතිය සමනය කරන්නත් දායක වෙනවා.

⭕කොහොමද වෙරළු ආහාරයට ගන්නේ?

1- නැවුම් පලතුරක් විදිහට ලුණු, ගම්මිරිස් ටිකක් ඉහලා කන්න පුළුවන්.

2- රසවත් වෙරළු අච්චාරුවක් හදාගන්න පුළුවන්.

3- පෝෂ්‍යදායී වෙරළු ජූස් එකක් හදලා බොන්නත් පුළුවන්.

ඔබේ දෛනික ආහාර වේලට මේ පුංචි, ඒත් ගුණයෙන් ඉහළ වෙරළු ගෙඩියත් එකතු කරගන්න. නිරෝගී, සුවදායක ජීවිතයකට ඒක ලොකු අත්වැලක් වේවි!

ඊළඟ මැහුම් පාඩම එනකන් බලාගෙන ඉන්න අය ඉන්නවා ද?
කෝ බලන්න Comment කරන්න... අනිවාර්යයෙන්ම හෙට ඊළඟ මැහුම් පාඩම අරං එනවා ඔයාලට... එතකන් හැමෝටම සුබ දවසක්...