20/05/2023
_*வாழ்க்கை ஒரு போராட்டமாக உள்ளது என்று நினைக்கிறீர்களா?*_
வறுமையால், கடன் தொல்லைகளால் நீங்கள் சிரமப்பட்டு வருகிறீர்களா?
உறவு சிக்கல்கள் காரணமாக மிகுந்த மன அழுத்தத்தில் உள்ளீர்களா?
பிடிக்காத வேலை, தொழில் தொடங்கியும் வெற்றிபெற முடியவில்லை, போதிய அளவு சம்பாதிக்க முடியவில்லை என்கிற வேதனையில் உள்ளீர்களா?
இதுபோன்று நமது பிரச்சினைகளுக்கு எல்லாம் யார் காரணம் என்று சிந்தித்துப் பாருங்கள்.
உங்கள் சுற்றுச்சூழல் தான் காரணம் என்று நினைக்கிறீர்களா?
ஆட்சியாளர்கள் தான் காரணம் என்று நினைக்கிறீர்களா?
பெறும் முதலாளிகள் தான் காரணம் என்று நினைக்கிறீர்களா?
உங்களுக்கு என்ன பிரச்சனைகள் வேண்டுமானாலும் இருக்கட்டும், அதற்கு யார் வேண்டுமானாலும் காரணமாக இருக்கட்டும்,
அந்த பிரச்சனைகளை நினைத்து உங்களை நீங்களே நொந்து கொள்வதால் அல்லது பிறரைக் குறை கூறிக்கொண்டும், பிறரை காரணம் காட்டிக்கொண்டும் இருப்பதால் அதெல்லாம் மாறிவிடுமா? அல்லது சரியாகிவிடுமா?
உங்கள் மீது அந்த பொறுப்பை ஏற்றுக்கொள்ளுங்கள். அது குற்ற உணர்வாக அல்ல,
உங்களை நீங்கள் புரிந்துகொள்வதற்காக, உங்களை நீங்கள் மாற்றிக்கொள்வதற்காக, உங்களை நீங்கள் மேம்படுத்திக் கொள்வதற்காக,
உஙக்ளையும், உங்கள் வாழ்க்கையை நீங்கள் புரிந்துகொள்ளாமல் உங்கள் வாழ்க்கையை எப்படி மாற்ற முடியும் என்பதை சிந்தித்துப் பாருங்கள்.
உங்கள் வாழ்க்கையின் தலைவன் நீங்கள் தானே? அப்படியெனில், உங்கள் வாழ்க்கையை நீங்கள் தானே வடிவமைக்க வேண்டும்?
எப்படி வாழ வேண்டும்? என்பதை உங்களால் மட்டும் தானே முடிவெடுக்க முடியும்?
உங்களுடைய பொருளாதார நிலை எப்படி இருக்க வேண்டும்? உங்கள் குடும்பத்தை மகிழ்ச்சியாக வைத்துக்கொள்வது எப்படி? என அனைத்தும் உங்கள் முடிவில் தானே உள்ளது.
ஒரு நிறுவனம் சரியாக இயங்க வேண்டுமேனில், அதன் தலைமை சரியாக இருக்க வேண்டும் அல்லவா? அதுபோலவே தான் உங்கள் வாழ்க்கை சரியாக இருக்க வேண்டுமெனில், உங்களை நீங்கள் சரியாக வைத்துக் கொள்ளுங்கள்.
ஒரு நிறுவனம் வெற்றிகரமாக இயங்க வேண்டுமேனில், அந்த நிறுவனத்தின் நோக்கம், திட்டங்கள், செயல் திட்டங்கள் என அனைத்தும் சரியாக இருக்க வேண்டும் அல்லவா?
அதுபோலவே தான் உங்கள் வெற்றி, நிம்மதி, பொருளாதார வளர்ச்சி சரியாக இருக்க வேண்டுமெனில், அவை எப்படி இருக்க வேண்டும் என்பதை முதலில் திட்டமிடுங்கள்.
"உங்களைப் பற்றியும், உங்கள் வாழ்க்கையைப் பற்றியும் நீங்கள் எந்த அளவிற்கு தெளிவாக உள்ளீர்களோ? அந்த அளவிற்கு உங்கள் வாழ்க்கையும் தெளிவாக இருக்கும்..."
இதைப் புரிந்துகொண்டு பின்பற்றி உங்கள் வாழ்க்கையை வெற்றிகரமாக, மகிழ்ச்சியாக மற்றும் அபரிமிதமாக வாழ எனது மனமார்ந்த அன்பும், வாழ்த்துக்களும்...
🌷🌷
