23/10/2021
மஹ்மூத் மகளிர் கல்லூரி தேசிய பாடசாலையின்பழைய மாணவிகள் ஒன்றுகூடல் ( சுகாதார விதிகளுக்குட்பட்ட வகையில் அமைந்தது ) – ( 1999 O/L & 2002 A/L Batch )
மேற்படி நிகழ்வானது 22.10.2021 (வெள்ளிக்கிழமை), பி.ப. 4.00 மணி தொடக்கம் பி.ப.6.00 மணி வரை கமு/கமு/மஹ்மூத் மகளிர் கல்லூரியின் சேர் றாசிக் பரீட் ஆராதனை மண்டபத்தில் சுகாதார விதிகளுக்குட்பட்ட முறையில் சிறப்பாக நடைபெற்றது. 1999 ஆம் ஆண்டு க.பொ.த.(சா/த) த்திலும், 2002 க.பொ.த.(உ/த) த்திலும், கல்வி கற்று பல்வேறு துறைகளில் மிளிரும் இப்பாடசாலையால் உருவாக்கப்பட்ட மாணவிகள் இந்நிகழ்வை ஏற்பாடு செய்திருந்தனர். இந்நிகழ்வில், இப்பாடசாலைக்காக சேவையாற்றிய, சேவையாற்றிக் கொண்டிருக்கின்ற பாடசாலை சமூகத்தை சேர்ந்த அனைவரையும் நினைவு கூர்ந்து, தங்களின் நன்றிகளை வெளிப்படுத்தும் வகையில், முழு மனதுடனான விருப்பத்துடன் நிதி அன்பளிப்புக்களை வழங்கி அந்நிதியின் மூலம் 50,000/- பெறுமதியான "PODIUM" ஒன்றினையும், தற்போது நிர்மாணிக்கப்பட்டு வரும் பாடசாலை சுற்று மதில் தூண்களுக்கு பொருத்தப்படக்கூடிய 170,000/- பெறுமதியான மின்குமிழ்களின் தொகுதியொன்றினையும் பாடசாலையின் அதிபர் ஜனாப். ULM.அமீன் சேர் அவர்களிடம் கையளித்தனர். இதன் போது உரையாற்றிய அதிபர் அவர்கள், பழைய மாணவிகளால் ஒழுங்கமைக்கப்பட்ட இவ்வாறானதொரு ஒன்றுகூடலும், பெறுமதிமிக்க அன்பளிப்புக்கள் பாடசாலைக்கு அவர்களால் வழங்கப்பட்டமையும் இதுவே பாடசாலையின் அண்மித்த கால வரலாறுகளில் முதல் தடவையாகும் எனக் குறிப்பிட்டதோடு, இம் மாணவிகளின் வாழ்வு மேலும் சிறக்கவும், அவர்களின் சேவை தொடரவும் வாழ்த்தினார். அத்துடன்நிகழ்வில் கலந்து கொண்ட அனைவரையும், கெளரவிக்கும் முகமாக, பாடசாலை இலட்சினை பொறிக்கப்பட்ட "MUG" நினைவுச் சின்னமாக வழங்கி வைக்கப்பட்டது.
