06/09/2026
සයන්ෂියා ආධ්‍යාපනික ආයතනය පස්වෙනි වරටත් සංවිධානය කළ සයන්ෂියාවේ අපේ චාරිකාව - 2026 ,ආධ්‍යාපනික හා විනෝද චාරිකාව සූරියකන්ද හා අවට ප්‍රදේශ නැරඹීමට සැප්තැම්බර් 03වන බ්‍රහස්පතින්දා ගමන් කෙරිණි.උදෑසන 4.30ට පමණ පිටත් වූ අතර පළමුව රක්වාන - සූරියකන්ද මාර්ගයේ වංගු 10 හා අවට ප්‍රදේශය නැරඹීමට,පරිසරයේ අපූර්වත්වය,සුවය විඳීමට දරුවන්ට අවස්ථාව ලැබිණි.අනතුරුව මඩුවන්වෙල වලව්ව නැරඹීමට එක් වූ අතර ශ්‍රී ලංකා පුරාවිද්‍යා දෙපාර්තුමේන්තුවේ නිලධාරී මහත්වරුන් එහිදී එහි ඇති පුරාවිද්‍යාත්මක වටිනාකම් හා ඉතිහාසය පිළිබඳ හොඳින් දරුවන්ට කියාදුණි.ඉන්පසුව දහවල් ආහාරය ඇඹිලිපිටිය චන්ද්‍රිකා වැව අසලදී ලබා ගත් අතර නිදහසේ දරුවන්ට වැව් තාවුල්ලේ කාලය ගත කරන්නටත් ,වැව් තාවුල්ලේ සිසිල් සුළං විඳින්නටත් අවස්ථාව උදාවුණි.අනතුරුව ප්‍රාග් ඵෙතිහාසික සුසාන භූමියක් ලෙස සැලකෙන රංචාමඩම සුසානය නැරඹීමට එක් වූ අතර ප්‍රාග් ඵෙතිහාසික මානව ක්‍රියාකාරකම් පිළිබඳ පුරාවිද්‍යා නිලධාරීන් විසින් දරුවන්ට ක්‍රියා දුණි.පසුව උඩවලව ඇත් අතුරු සෙවණේ අලි හා ඇත් පැටවුන්ට සවස 6.00ට කිරි ලබා දෙන අවස්ථාව සඳහා එක් වූ අතර එහි වූ අලි පිළිබඳ කෞතුකාගාරය නැරඹීමටත් දරුවන්ට අවස්ථාව ලබා දුණි.
අනතුරුව නැවත නිවෙස් බලා ඒමට පිටත් වූ අතර රාත්‍රී 8.30ට පමණ පැල්මැඩුල්ලෙන් රාත්‍රී ආහාරය ලබා ගෙන රාත්‍රී 12.00 පමණ වන විට නැවත ආයතන පරිශ්‍රයට ළඟා විය.
මේ සඳහා ආයතනයේ ඉගෙනුම ලබන 6 ශ්‍රේණියේ සිට උසස් පෙළ දක්වා දරුවන්ගෙන් පිරිසකුත්,දෙමවුපියන් පිරිසකුත්,ආචාර්‍ය මණ්ඩලයේ කිහිප දෙනෙකුත් එක්විය.
