Mcai campus

26/08/2026

இனி_உலகையே_திரும்பி பார்க்க_வைக்கும்_ஒரு விஷயம்_ஸ்வீடன் நாட்டில்_நடந்துட்டு இருக்கு.

26 Aug 2026 அங்க 6000-க்கும் மேற்பட்ட மக்கள், தங்களோட கைக்குள்ள தாங்களா விரும்பி ஒரு சின்ன மைக்ரோசிப்பை பொருத்திக்கிட்டாங்க.

இந்த சிப் எவ்வளவு சின்னதுன்னா, ஒரு அரிசி பருக்கை அளவு தான் இருக்கும். இதை கையில் பொருத்திக்கிட்டா, ஆபிஸ் ID கார்டு, வீட்டு சாவி, மெட்ரோ கார்டு, பணம் செலுத்துற கார்டு எல்லாத்துக்கும் பதிலா இந்த கையையே பயன்படுத்தலாம். கையை ஸ்கேனர் அருகில் காட்டினால் போதும், கதவு திறந்துவிடும்.

பலரும் நினைக்கிற மாதிரி இதில் பேட்டரி கிடையாது, GPS கிடையாது. யாரும் உங்களை ட்ராக் பண்ண முடியாது. இது Passive RFID மற்றும் NFC தொழில்நுட்பத்தில் வேலை செய்யுது. ஸ்கேனர் பக்கத்துல கொண்டு போகும் போது மட்டும் தான் அது வேலை செய்யும்.

இதை ஆதரிக்கிறவங்க, இது தான் எதிர்காலம், இனி பர்ஸ், சாவி, கார்டு எதையும் தூக்கிட்டு அலைய வேண்டியதில்லைன்னு சொல்றாங்க. அதே நேரத்துல, இது தனிநபர் பாதுகாப்பு, தகவல் திருட்டு, மனித உடலுக்குள் தொழில்நுட்பம் எந்த அளவுக்கு போகலாம்ங்கிற கேள்வியையும் எழுப்பியிருக்கு.

முக்கியமான விஷயம் என்னன்னா, இது முழுக்க முழுக்க அவரவர் விருப்பத்தின் பேரில் செய்யப்படுற ஒரு விஷயம், யாரும் கட்டாயப்படுத்தல.

தொழில்நுட்பம் நாளுக்கு நாள் நம்ம உடம்போடு ஒன்றிணைந்து வரும்போது, ஸ்வீடன் நமக்கு எதிர்காலம் எப்படி இருக்கும்னு ஒரு சின்ன முன்னோட்டத்தை காட்டியிருக்கு.

30/05/2026

ஏ. பி. ஜே. அப்துல் கலாம் காலமானபோது, ​​உலகம் முழுவதும் துக்கம் அனுஷ்டித்தது. ஆனால், உண்மையான கதை அடுத்த நாள் டெல்லியில்தான் வெளிச்சத்திற்கு வந்தது.

அவருடைய நெருங்கிய சகாக்கள் அவரது அறையைத் திறக்க வந்தனர். 40 ஆண்டுகள் அரசாங்கத்தில் உயர் பதவிகளில் பணியாற்றி, ரைசினா மலையில் உள்ள கம்பீரமான ராஷ்டிரபதி பவனில் 5 ஆண்டுகள் கழித்த அத்தகைய ஒரு மாபெரும் விஞ்ஞானி, என்ன செல்வத்தை விட்டுச் சென்றிருக்கிறார் என்பதைப் பார்க்க அனைவரும் ஆவலாக இருந்தனர்.

ஆனால், அறை திறக்கப்பட்டபோது, ​​அங்கு அமைதி நிலவியது.

அங்கு லாக்கர் இல்லை. சொகுசு கார் சாவிகள் இல்லை. வெளிநாட்டு வங்கிக் கணக்கு பாஸ்புக் இல்லை.

அறையின் மூலையில் கிடந்த ஒரு சிறிய பெட்டியில், அவர்கள் இதைக் மட்டுமே கண்டனர்:

6 கிழிந்த சட்டைகள் மற்றும் 4 கால்சட்டைகள் (அவற்றை அவரே துவைத்துக் கொள்வார்)
3 பழைய சூட்கள் (அவற்றில் ஒன்று அவர் ஜனாதிபதியானபோது தைக்கப்பட்டது, அது அவருக்கு 5 ஆண்டுகளும் பயன்பட்டது)

1 கைக்கடிகாரம் — நேரந்தவறாதது, ஆனாலும் பகட்டிலிருந்து வெகு தொலைவில் இருந்தது
1 பழைய மடிக்கணினி மற்றும் 1 வீணை
மற்றும் எல்லாவற்றிலும் மிகவும் மதிப்புமிக்க உடைமை: 2,500 புத்தகங்கள்
இந்தியாவை ஒரு அணுசக்தி நாடாக மாற்ற உதவிய அந்த மனிதரின் மொத்தச் செல்வம் இதுதான்.

இதைவிடவும் ஆச்சரியமான விஷயம் என்னவென்று உங்களுக்குத் தெரியுமா?

PURA நிறுவனம், தனது முழு சம்பளத்தையும் ஓய்வூதியத்தையும் நன்கொடையாக அமைதியாகப் பெற்றுக்கொண்டது. பில்லியன் கணக்கான மதிப்புள்ள வரவு செலவுத் திட்டங்களில் செல்வாக்கு செலுத்தக்கூடிய கையொப்பத்தைக் கொண்ட அந்த மனிதர், தனக்கென ஒரு அங்குல நிலத்தைக்கூட வாங்கவில்லை.

இன்று, நாம் ₹2,000 மதிப்புள்ள காலணிகளையும் ₹5,000 மதிப்புள்ள கண்ணாடிகளையும் அணிந்துகொண்டு நம்மைப் பணக்காரர்களாகக் கருதுகிறோம். ஆனால் அந்த மாபெரும் ஆன்மா, எந்த பிராண்டுகளோ ஆடம்பரமோ இன்றி, ஒட்டுமொத்த உலகின் போற்றுதலையும் வென்றார்.

மரணத்திலும்கூட, டாக்டர் கலாம் நாம் பார்த்துக்கொள்ள ஒரு கண்ணாடியை விட்டுச் சென்றிருக்கிறார் — அது நமக்குக் கற்பிப்பது இதுதான்:

“ஒருவர் தனது அந்தஸ்துக்காக நினைவுகூரப்படுவதில்லை, மாறாக அவரது விழுமியங்களுக்காகவும் தொலைநோக்குப் பார்வைக்காகவும் நினைவுகூரப்படுகிறார்.”

இன்று உங்களுக்குத் தங்குவதற்கு ஒரு கூரையும், உடுத்த ஆடையும் இருந்தால், பொருள் ரீதியாக நீங்கள் ஒரு காலத்தில் ஜனாதிபதியை விட செல்வந்தராக இருக்கலாம். ஆனால், அவரைப் போன்ற இதயம் உங்களிடம் உள்ளதா?

இந்த மகான் மற்றும் அவரது எளிமைக்கு எண்ணற்ற வணக்கங்கள்.

22/12/2024

படத்தில் நீங்கள் காணும் இந்த மனிதருக்கு நானும் நீங்களும் உட்பட முழு உலகமும் நன்றி சொல்ல கடமைப்பட்டுள்ளோம்.

ஆம், நீங்கள் எந்த ஒன்றையும் தேடிப் படிக்க ஆர்வம் கொள்ளும் போதெல்லாம் கூகுளில் நுழைந்து ஒரு பட்டனைத் தட்டினால் புத்தக இறாக்கை(Book rack) அப்படியே உங்கள் தலையில் வந்து விழுவது போல மொத்த அறிவுக் களஞ்சியமும் வந்து உங்கள் கண் முன் அடுக்கடுக்காக நிற்குமோ, அந்த இலவச கலைக்களஞ்சியமான (Wikipedia) வை நமக்காக வடிவமைத்தவர் இவர்தான்.

ஆம் "Wikipedia"வின் நிறுவனர் ஜிம்மி வேல்ஸ்(Jimmy Wales) நினைத்திருந்தால் இந்த களஞ்சிய தளத்தை வைத்து பில்லியன் கணக்கான பணத்தை சம்பாதிருக்க முடியும். அவருக்கு வந்த விளம்பர ஆஃபர்களை பயன்படுத்தி
பேஸ்புக் நிறுவனர் மார்க் போன்றவர்கள் போல இந்த உலகையே ஆட்டிப்படைக்கும் மிகப்பெரிய பணக்காரர்களின் வரிசையில்
நின்றிருக்கலாம்.

ஆனால் தனக்கு வந்த அனைத்து விளம்பரங்களையும் ஏற்க மறுத்தார், முழு உலகுமே பயன் பெரும் இந்த மாபெரும் கலைக்களஞ்சியம் என்றென்றும் இலாப நோக்கற்ற தளமாகவே இருக்க வேண்டும் என்பதில் உறுதியாக இருந்தார். இந்த மண்ணில் வாழும் முன்மாதிரிமிக்க மனிதர்கள் தர வரிசையில் தானும் ஒருவராகவே இருக்க வேண்டும் என்பதிலும் விடாப்பிடியாக இருந்தார்.

கல்விக்கும் தேடலுக்குமான முதல் தர தளமாக விளங்கும் விக்கிபீடியாவை (Wikipedia) பணம் பார்க்கும் நிறுவனங்கள் மற்றும் விளம்பர ஏஜென்சிகளுக்கும் தாரை வார்க்க மறுத்தே வந்தார்.

சமீபத்தில் "Wikipedia Zero" என்ற விஷேச கலைக்களஞ்சியத்தை வடிவமைத்து ஆரம்பித்து வைத்த அவர், உலக மூலை முடுக்குகளிலெல்லாம் இன்டர்நெட் பேக்கேஜுக்கு பணம் செலுத்த முடியாத,
வறுமைக் கோட்டிற்குக் கீழ் வாழும் சுமார் 400 மில்லியனுக்கும் அதிகமான உலக மக்களின் அறிவுப் பசியை போக்கவும் கலைத் தாகத்தை தீர்க்கவும் வசதியை ஏற்படுத்தி வைத்தார்.

இதன் மூலம் அவர்கள் உலகெங்கிலும் உள்ள மொபைல் நிறுவனங்களிடமிருந்து விக்கிபீடியாவிற்கான இலவச (access) களை பெற்றுக்கொள்ளலாம்.

இன்னும் இந்த பூமிக் கிரகத்தில் நன்மையை மாத்திரம் நாடும் நல்லுள்ளம் கொண்ட மனிதர்கள் வாழுகிறார்கள் என்பதை ஜிம்மி வேல்ஸ் நிரூபித்துள்ளார்.

ஒரு பட்டனை தட்டுவதன் மூலம் அறிவியல் பொக்கிஷங்கள் அனைத்தையும் நம் கண் முன்னே கொண்டு வந்து வைத்த இவருக்கு எங்கே நீங்களும் ஒரு வாழ்த்தைத் தெரிவிக்கலாமே.

13/12/2024

ஏற்கனவே விஸ்வநாதன் ஆனந்த் கார்ல்சன் மோதி கையிலிருந்து போன பட்டம்.. இன்று குகேஷ் மூலம் மீண்டும் தமிழ்நாட்டுக்கு வருது.. இரண்டரை மில்லியன் டாலர் பரிசுத்தொகையோடு.. கிட்டத்தட்ட இந்திய ரூபாய் மதிப்பில் இருபது கோடி ரூபாய் இருக்கலாம்.. பணம் இரண்டாம்பட்சம்.. ஒரு தமிழராக நாமும்.. இந்தியராக மொத்த நாடும் கொண்டாடித்தீர்க்க வேண்டிய விஷயம்... அறிவு மற்றும் கணித்தலின் பெரும் அளவுகோலாக கருதப்படும் சதுரங்க விளையாட்டில் வெற்றிகளை குவிப்பதின் மூலம் ஆனந்த் மற்றும் குகேஷ் போன்ற வீரர்கள் தமிழர்களையும் இந்தியர்களையும் பிறர் தலைநிமிர்ந்து பார்க்க வைக்கின்றனர்.. இச்சாதனையை பெற்ற உலகின் 18 வயதே நிரம்பிய இளம் வீரர் என்கிற சாதனையையும் நிகழ்த்திய தம்பிக்கு இதயம் கனிந்த பாராட்டு.

26/04/2024

26/04/2024

பலவீனங்களும் சிலவேளைகளில் வெற்றிக்கு வித்திடலாம்!!!

ஜப்பானில் பத்து வயதுப் பையன் ஒருவன் இருந்தான். ஜூடோ சாம்பியனாக வேண்டும் என்பது அவனுடைய கனவு. ஆனால் அவனுக்கு இடது கை கிடையாது. கையும் காலும் வலுவாய் இருப்பவர்களுக்கே ஜூடோ சாம்பியன் ஆவது சிம்ம சொப்பனம். கையில்லாத பையன் என்ன செய்வான் ?

பல மாஸ்டர்களிடம் போனான். எல்லோரும் அவனை பரிதாபமாய்ப் பார்த்துவிட்டு திருப்பி அனுப்பிவிட்டார்கள். கடைசியில் ஒரு குரு அவனுக்கு ஜூடோ கற்றுத் தர ஒப்புக் கொண்டார். பயிற்சி ஆரம்பமானது. குரு ஒரே ஒரு தாக்குதலை மட்டும் அவனுக்குக் கற்றுக் கொடுத்தார். நாட்கள், வாரங்கள், மாதங்கள் ஓடின. குரு வேறு எதையும் கற்றுக் கொடுப்பதாகத் தெரியவில்லை. பையன் சோர்ந்து போனான் "குருவே.. ஜூடோ சேம்பியன் ஆக இந்த ஒரு தாக்குதல் தெரிந்தால் மட்டும் போதாதே. வேறு எதுவும் சொல்லித் தருவீர்களா?” என்றான். “இந்த ஒரே ஒரு தாக்குதலில் நீ வல்லவன் ஆனால் போதும்” என்றார் குரு. குரு சொல்லிவிட்டால் மறு பேச்சு ஏது ? பையனும் பயிற்சியைத் தொடர்ந்தான்.

சாம்பியன்களுக்கான போட்டி ஆரம்பமானது ... முதல் போட்டி. சர்வமும் கற்றுத் தேர்ந்த எதிராளி. ஒரே ஒரு தாக்குதல் மட்டும் தெரிந்த இந்தப் பையன். போட்டி ஆரம்பமானது. எல்லோரும் ஆச்சரியப்படும் விதமாக பையன் வெற்றி பெற்றான்.

இரண்டாவது போட்டி. அதிலும் அவனுக்கே வெற்றி. அப்படியே முன்னேறி அரை இறுதிப் போட்டி வரை வந்தான். அதிலும் கொஞ்சம் போராடி ஜெயித்து விட்டான்.கடைசிப் போட்டி. எதிரே இருப்பவன் பலமுறை சேம்பியன் பட்டம் பெற்றவன். ஒரு கை இல்லாத எதிராளியைப் பார்த்து அவனுக்கு கொஞ்சம் பரிதாபமும், இளக்காரமும். பையன் சளைக்கவில்லை. போட்டி ஆரம்பமானது. முதல் சுற்றில் பையனை அடித்து வீழ்த்தினான். பையனின் நிலையைக் கண்டு பார்வையாளர்களுக்கு அதிர்ச்சி. போட்டியை நிறுத்திவிடலாமா என்கின்றனர், போட்டி நடத்துபவர்கள். “வேண்டாம்., பையன் சண்டையிடட்டும்” என்கிறார் குரு. இந்தப் பையனோடு போரிட இனிமேல் பாதுகாப்புக் கவசம் தேவையில்லை என எதிராளி அலட்சியமாய் வந்திறங்கினான்.பையன் தனக்குத் தெரிந்த அந்த ஒரே தாக்குதலை பலமாய் நிகழ்த்தினான். எதிராளி வீழ்ந்தான். பையன் சாம்பியனானான். பார்வையாளர்கள் நம்ப முடியாமல் பார்த்தார்கள், போட்டியாளர்களுக்கு ஆச்சரியம். அந்தப் பையனுக்கே தனது வெற்றியை நம்ப முடியவில்லை.

அன்று மாலை குருவின் பாதங்களில் பணிந்த அவன் கேட்டான், "குருவே , நான் எப்படி இந்த போட்டியில் வெற்றி பெற்றேன் ? ஒரே ஒரு தாக்குதலை மட்டும் வைத்துக் கொண்டு வெற்றி பெற்றிருக்கிறேனே “ என்றான். புன்னகைத்தபடியே குரு சொன்னார் “உனது வெற்றிக்கு இரண்டு காரணங்கள். ஒன்று ஜூடோவிலுள்ள மிகக் கடுமையான ஒரு தாக்குதலை நீ கற்றுத் தேர்ந்திருக்கிறாய். இரண்டாவது இந்தத் தாக்குதலைத் தடுக்க வேண்டுமானால் எதிராளிக்கு ஒரே ஒரு வழி தான் உண்டு. உனது இடது கையைப் பிடிக்க வேண்டும். உனக்குத் தான் இடது கை கிடையாதே ! உன்னுடைய அந்த பலவீனம் தான் பலமானதாய் மாறி உன்னை சாம்பியன் ஆக்கியிருக்கிறது !”குரு சொல்லச் சொல்ல பையன் வியந்தான். தனது பலவீனமே பலமாய் மாறிய அதிசயத்தை நினைத்து நினைத்து ஆனந்தித்தான். நமது மனம் திறமைகளின் கடல். அதில் முத்தெடுப்பதும் நத்தையெடுப்பதும் மூச்சடக்கி நாம் மூழ்குவதைப் பொறுத்தது. ஒவ்வொரு மனிதனுக்கும் வாழ்க்கை தனித் தனித் திறமைகளைக் கொடுத்திருக்கிறது...

21/04/2024

அதிக வெப்பநிலை காரணமாக
பாம்புகள் குளிர்ந்த இடங்களை
தேடும் காலம் இது..!

1. நீண்ட நேரம் ஜன்னல்களைத் திறந்து வைக்காதீர்கள். நாக பாம்பு மற்றும் சில பாம்புகள் மிக உயர்ந்த உயரத்தை எட்டும்.

2. மாலை வேளைகளில் வீட்டு முன், பின் கதவுகளை திறந்து வைப்பதை தவிர்க்கவும். இந்த ஊர்வன முற்றிலும் அமைதியாகவே நடமாடுவதால் அதன் ஓசை நமக்கு கேட்காமலே வீட்டிற்குள் நுழையலாம்.

3 குளிர்ச்சியான நிழல் கொண்டிருக்கும் மரத்தின் கீழ் உட்கார்ந்திருப்பதற்கு முன்னர், கிளைகள் மீது பாம்புகள் உள்ளனவா என்று பார்த்துக்கொள்ளுங்கள்.

4.படுக்கைக்குச் செல்வதற்கு முன்பு கட்டிலை சுற்றி பரிசோதித்துக்கொள்ளுங்கள். போர்வைகளுக்குள் பாம்புகள் பதுங்கியிருக்க வாய்ப்பு அதிகம்.

5. வீட்டுக்கு வெளியே மாலை நேரங்களில் பாய்கள் மற்றும் கட்டில்களைப் போட்டு தூங்கும் பழங்காலத்து பழக்கத்தை தவிர்க்கவும். மாலையானதுமே கொடிய விஷம் கொண்ட பாம்புகள் வேட்டையாட வெளியேறுகின்றன.

6. பாம்புகள் மட்டுமல்ல பூரான், தேள், நட்டுவக்காலி போன்ற விஷ ஜந்துக்களும் இரவிலேயே நடமாடும்.

7. உங்கள் வீட்டை சுற்றியுள்ள புதர்களை அகற்றிச் சுத்தப்படுத்துங்கள். கொடிய பாம்புகள் விரும்பி உண்ணக்கூடிய எலி போன்றவை புதர்களில் பதுங்கிக் கிடக்கின்றன.

8. பாம்பு விரட்டும் தூள் வாங்கி அதை உங்கள் வீட்டை சுற்றியுள்ள முற்றத்தில் தூவிவிடுங்கள். அது உங்கள் வீட்டிற்குள் பாம்புகள் நுழைவதனை 90% குறைத்துவிடும்.

உங்கள் வீடுகளில் நுழைந்த பாம்புகளை கொல்லும் போது (சில பாம்புகள் எளிதில் கொல்லப்படலாம்) சில பாம்புகளைக் கொல்ல முயற்சிக்கும் போது மிகவும் கவனமாக இருங்கள். ஏனெனில் அதிக வெப்பத்தின் காரணமாக பதுங்க இடம் தேடும் பாம்புகள் அதிக கோபம் கொண்டிருக்கும். நம்மைத் தாக்க முற்படும்.

நீங்கள் இதனை பகிர்வதன் மூலம் அதிகமானனவர்களை இந்த ஆபத்தில் இருந்து காத்துக்கொள்ள உதவும். கிராமப்புறங்களில் வாழும் மக்களுக்கு அதிகம் பலனளிக்கக்கூடும்.

19/04/2024

🔥♥️அண்ணன் தங்கை இரண்டு பேரும் போட்டி போட்டு கிராண்ட் மாஸ்டர் பட்டங்களை வென்று பிறகு சேர்ந்து எடுத்துக் கொண்ட புகைப்படம் வாழ்த்தலாமே.... 🙏

18/04/2024

03/01/2024

இன்றைய தினம் ஆரம்பமாக உள்ள (க.பொ.த) உயர் தர பரீட்சையில் தோற்ற உள்ள மாணவர்கள் தங்களது இத்தனை வருட கல்வி அறிவு மற்றும் பாடத்துறை சார்ந்து தாங்கள் வளர்த்துக் கொண்டுள்ள திறன்களை பரீட்சை நேரத்தில் மிகச்சிறப்பாக பயன்படுத்துவதன் மூலம் சிறந்த பெறுபேறுகளை பெற்று தங்களது எதிர் கால கனவுகளை இலகுவாக அடைந்திட எமது மனமார்ந்த வாழ்த்துக்கள்!!