27/08/2026
🌸නිකිණි පෝය කියන්නේ සිත, කය, වචනය තුන්දොරම සංසුන් කරගෙන කුසල් වැඩෙන, පසු වස් සමය පටන් ගන්නා අතිශය පින්බර මංගල දිනයයි.🌸
බෞද්ධයන් වන අපිට නිකිණි පොහොයේ වැදගත්කම් බොහෝමයකි,
🌸 *පසු සමාදන් වීමේ පළමු දිනය*
ඇසළ පුර පසළොස්වක පොහෝ දින පෙරවස් සමාදන් වීමට නොහැකි වූ භික්ෂූන් වහන්සේලා වස් ආරම්භ කරන්නේ මේ නිකිණි පෝය දිනයෙන්.
කාලය: නිකිණි පුර පසළොස්වක සිට වප් පුර පසළොස්වක දක්වා.
🌸 *වස් අනුමැතිය ලැබීම*
බුදුරජාණන් වහන්සේ විසින් භික්ෂූන් වහන්සේලාට වර්ෂාව, සීතල සහ උෂ්ණත්වයෙන් ආරක්ෂාවට එක තැන වාසය කිරීමට අවසර දුන් දිනය.
🌸 *සංඝ සමාගමය ශක්තිමත් වූ දිනය*
වස් කාලයේ භික්ෂූන් වහන්සේලා එකට වාසය කර ධර්මය ඉගෙනීම, විනය පුරුදු කිරීම සහ භාවනාවේ යෙදෙන නිසා සංඝයා අතර එකමුතුව වර්ධනය වෙනවා.
🌸*පළමු ධර්ම සංගායනාව පැවැත්වීම*
බුදුරජාණන් වහන්සේගේ පරිනිර්වාණයෙන් අනතුරුව, උන්වහන්සේ දේශනා කළ ධර්මය හා පැනවූ විනය නිවැරදිව ආරක්ෂා කර අනාගත පරපුර වෙත රැගෙන යාමේ අරමුණින් මහා කාශ්‍යප මහරහතන් වහන්සේගේ ප්‍රධානත්වයෙන් පළමු ධර්ම සංගායනාව පැවැත්විණි.
රාජගෘහ නුවර සප්තපර්ණී ගුහා පරිශ්‍රයේදී පැවැත්වූ මෙම ධර්ම සංගායනාවට මහරහතන් වහන්සේලා 500 නමක් සහභාගී වූ බව බෞද්ධ ඉතිහාසයේ සඳහන් වේ.
🌸 *පින්කම් වැඩෙන කාලය*
වස් පටන් ගැනීමත් සමඟ දානමය, ශීලමය, භාවනමය කුසල් රැස් කිරීමට සියලු බෞද්ධයන් පෙළඹෙනවා. පන්සල් වල බණ, භාවනා වැඩසටහන් වැඩි වෙනවා.
*🌼පසළොස්වක සඳ කිරණින් මුළු ලොවම නැහැවෙන පින්බර නිකිණි පොහෝ දිනයක් වේවා!*
> *ඇසිදිසි මාධ්‍ය ඒකකය*
> *ශ්‍රී ධර්මාශෝක දහම් පාසල*
