Ravana Brothers

අප ගැන…..

“රාවන සොයුරෝ ” නම් වන අප සංගමය ලංකාවේ සත්‍ය ඉතිහාසය සෙවීම මුඛ්‍ය අරමුණු කොටගත් ඉතිහාස සංස්කෘතික සංගමයකි.
අප සංගමය අතීතයේ පැවති හෝ වර්තමානයෙහි පවතින හෝ අනාගතයෙහි බිහිවන කවර හෝ දේශපාලනික පක්ෂයකට, දේශපාලනික මතවාදයකට, ව්‍යාපාරයකට, ආගමික සංවිධානයකට හෝ දේශීය හෝ විදේශීය රාජ්‍ය නොවන සංවිධානයකට හෝ සම්බන්ධකම් කිසිසේත් ඇතිකරගෙන හෝ අනාගතයෙහි හෝ ඇතිකරගන්නේ නැතිවූද මුළුමනින්ම ස්වාධීන සංවිධානයක් බව අවධාරණය කරමු.

විවිධ කාලවලදී වත්මන් තරුණ පරපුර සහ අනාගත පරපුර ඉතිහාස දැනුමින් සන්නද්ධ කිරීමේ අරමුණින් කලානිර්මාණ සිදු කරනවා හැර අන්‍ය කවර හෝ අරමුණකදී ප‍්‍රසිද්ධ මාධ්‍ය වෙත නොඑළඹෙන බවද දන්වා සිටින්නෙමු.

අප සංගමයේ නිත්‍ය සාමාජිකයන් එකිනෙකා හඳුනන පිරිසක් වන අතර ඔවුන් අන්‍ය කවර හෝ ඉතිහාස සංවිධානයකට සම්බන්ධ නැති පිරිසක්ද වේ.

අපගේ සංගමය අතීතයේද වත්මනෙහිද අනාගතයෙහිද බාහිර කිසිදු පාර්ශ්වයකින් මුදල් ලබාගෙන හෝ ලබාගනිමින් හෝ ලබාගැනීමේ අදහසක් හෝ නැති පිරිසක් බවද ඉතාමත් වුවමනාවෙන් පවසමු.
සත්‍ය ඉතිහාසය සොයා යෑමේ පරම අරමුණ තුල සිටින අප හට අන්‍ය කවර හෝ සංවිධානයක් පුද්ගලයෙක් හෝ ජන වර්ගයක් කරනු ලබන ප‍්‍රශංසාද චෝදනාද කිසි විටෙකත් බාධාවක් කර නොගන්නා අතර ඒ මත රඳා නොපවතින්නෙමු.

අප සැමවිටම ස්වාධීනව සිටිනවා මෙන්ම අපගේ පණිවුඩ කියවා ස්වාධීනව සියල්ල විමසා බලා සත්‍ය අවබෝධ කරගන්නා මෙන් ඔබ සැමගෙන් සහෘදයාත්මකව ඉල්ලා සිටිමු.