30/03/2026
ඔබට රුපියල් කෝටියක් දුන්නොත් ඔබගේ ජීවිතය නැති කර ගැනීමට කැමතිද? කෝටි 2ක් ? 5ක් ? 10ක් ? නෑ නේද... නමුත් පසුගිය ඊලාම් යුද සමයේ අපගේ රට ජාතිය ආරක්ශාකරනු වස් කිසිදු කොන්දේසියකින් තොරව තම වටිනා මනුෂ්ය ජීවිතය කැපකලා වූ අභීත රණකාමින් 32 ක් අතුරින් සුවිශේශී චරිතයක් වන සෙ/543841 සැරයන් සුරංග P N PWV පිලිබද මතකාවර්ජනයයි මේ.....
වර්ෂ 1982 දෙසැම්බර් මස 16 වන දින රමණීය ගාලු පුරවරයේ තලාපිටිය ගම්මානයේ දී N P ගුණවති මෑණියන්ට සහ D N ඩැනි පියාණන්ට දාව උපන් ඔහු මියයන විට විවාහ සිටියේ P W S K නදීකා මහත්මිය සමඟයි. කුඩාකළ සිටම ක්රීඩාවට හා අධ්යාපනයට එක හා සමානව දස්කම් පෑ අප කථානායකයා ගාල්ල ඕල්කොට් විද්යාලයේ සිසුවෙකී... තම පාසල් අධ්යාපනය හමාර කිරීමෙන් පසු තම කුඩාකළ ආශාව සංසිඳුවා ගැනීම පිණිස ශ්රී ලංකා යුධ හමුදාවට එක්වීය.
මූලික පාඨමාලාව සාර්ථකව හැදෑරීමෙන් දරුණු සටන් පැවති ඉදිරි ආරක්ෂක වලල්ලේ මෙන්ම දිවයිනේ විවිධ ප්රදේශ වල රාජකාරි කිරීමෙන් අනතුරුව 2006 වසරේ දී මුහමාලේ- නාගර්කෝවිල් ඉදිරි ආරක්ෂක වළල්ලේ රාජකාරි යොදවන ලදී.
තිස් වසරක කුරිරු සිවිල් යුධ සමයේ 2006 අගෝස්තු එකොළොස්වන දින සතුරන්ට එරෙහි යුද්ධයේ ඉතා වැදගත් සංධිස්ථානයක් විය. එනම් එල් ටී ටී ඊ සංවිධානයේ ගොඩබිමින් හා මුහුදින් එකවර දරුණු ප්රහාරයක් මුහමාලයේ හා නාගර්කෝවිල් ඉදිරි ආරක්ෂක වලල්ල ප්රදේශයට දියත්කිරීමයි.
එම දැවැන්ත ප්රහාරය හේතුවෙන් ඉදිරි ආරක්ෂක වළල්ල සතුරන් අතට පත් වූවද එම ප්රහාරයට එරෙහිව නොපමාව පියවර ගැනීම හේතුවෙන් එදිනම නැවතත් යුද හමුදාවේ ආධිපත්යයට මුහමාලේ - නාගර්කෝවිල් ඉදිරි ආරක්ශක වළල්ල නතු කර ගැනීමට ආරක්ශක අංශයන් වෙත හැකි විය.
එම සාර්ථකත්වය ලගා කර ගැනීමට කෝප්රල් සුරංගගේ අති විශිෂ්ඨ යුද උක්රමයන් ඉවහල් වූ බව එවකට ඔහුගේ සමකාලිනයන් අදහස් අනුව දැනගැනීමට හැකිවිය. ග්රෙනේඩ් (Granade) එල්ල කිරීමේ පුහුණු දක්ෂයකු වූ ඔහුගේ ක්ෂණික සහ ඥානාන්විත ක්රියා හේතුවෙන් කොටි බංකර් විනාශ කිරීමේ පළමු පියවර තැබීමට යුද හමුදාවට හැකිවිය. නැවත ත්රස්තවාදීන්ගෙන් එල්ල වු ප්රතිප්රහාර වළක්වා ගනිමින් සාර්ථකව හා නිවැරදි ඉලක්කයට එඩිතරව ප්රහාර එල්ල කිරීමෙන් යුද හමුදාවේ නොපසුබට ධෛර්ය හා එඩිතර බව මනා ලෙස කියා පෑ අතර එමගින් ත්රස්තවාදීන්ගේ මානසික ඒකාග්රතාවය සුනු විසුනු කරමින් ක්රියාන්විතයේ සාර්ථකත්වය ළඟා කර ගැනීමට යුදහමුදවට හැකි විය.
එනමුත් 14 වන දින එල්.ටී.ටී.ඊ සංවිධානය විශාල සේනාංක සමඟින් නැවතත් ප්රතිසංවිධානය වී ප්රතිප්රහාර දියත් කල අතර කොප්රල් සුරංගගේ අනුකන්ඩය එල්.ටී.ටී.ඊ. ත්රස්තවාදීන් සමඟ මුහුණට මුහුරා සටන් කරමින් ඉදිරියටම ගමන්කල අතර ඔහුගේ RPG ප්රහාර සාර්ථකව සතුරාට ඉතා විශාල හානි ගෙන දුන් නමුත් අවාසනාවකට ඔහුගේ RPG අවියේ උණ්ඩ අවසන් ව්විම නිසා ත්රස්තවාදීන්ගේ මැෂින් තුවක්කු කණ්ඩායමට කෝප්රල් සුරංග සිටිනා ස්ථානය නිරික්ෂණය වීමෙන් ත්රස්තවාදීන් ඔහුට සහ සගයන්ට ප්රතිප්රහාර එල්ල කිරීම අරඹන ලදී.
උණ්ඩ නොමැති තමාගේ RPG අවිය තමාට පිහිටක් නොවන බව වටහා ගත් කෝප්රල් සුරංග එඩිතරව ග්රෙනේඩ් 2 ක් අතැතිව එල්ටීටීඊ මැෂින් තුවක්කු හසුරවන පිරිස වෙත කඩා පනිමින් එය පුපුරවා ගනිමින් තමා සහ එල්ටීටී පිරිසද මරණයට පත් කරන ලදී.
එල්ටීටීඊ සතුවූ මැෂින් තුවක්කුව සහ අනෙකුත් අවි ආයුධ විනාශ වීම නිසා කෝප්රල් සුරංගගේ අනුකන්ඩයේ සගයන්ට එදින ජයග්රාහීව නිමා කිරීමට හැකි වුනා
තම ජීවිතය ගැන නොතකා ස්වේච්ඡාවෙන් සිදුකළ මෙම වීර ක්රියාවට සිදුකර ගෞරවයක් වශයෙන් කෝප්රල් සුරංගට පරම වීර විභූෂණ සම්මානය පුද කිරීම හා සැරයන් නිලයට උසස් කිරීමට පළවන බලඇණිය විජයබාහු පාබල රෙජිමේන්තුවේ එවකට අණදෙන නිලධාරි විසින් නිර්දේශ කරන ලදී.
ලක්ෂ සංඛ්යාත ශ්රී ලාංකේය ජනතාවගේ ජීවත් වීමේ අයිතිය තහවුරු කරමින් තම ජීවිතය පූජාකල වීරෝධාර රණවිරු සෙ/543841 සැරයන් සුරංග P N PWV සොයුරානෙනි " හිරු නැග එන මොහොතේත් හිරු බැස යන මොහොතේත් අප ඔබව සිහි කරන්නෙමු"
-PK-
All Rights Reserve ©
(මම ඡායාරූපය AI තාක්ෂණය ඔස්සේ නිර්මාණය කර ඇති අතර මෙම ලිපියේ හෝ ඡායාරූපයේ අඩුපාඩු ඇතොත් පෙන්වා දෙන්න)
උපුටා ගැනීමකී.... මෙහි ඇති අඩුපාඩු කිහිපයක් නිවැරදි කොට ඇත...
කතෘ අයිතිය මුල් හිමි කරු සතුය.....
