Al Bahjathul Ibraheemiyyah Arabic College

🕌 அல் பஹ்ஜாவின் பெருமை... உம்மு ஸாவியாவின் உஸ்தாத்... இனி அல்-அஸ்ஹர் நோக்கி! 🕌

எமது அல் பஹ்ஜத்துல் இப்ராஹீமிய்யா அறபுக் கல்லூரியின் முன்னாள் மாணவரும், உம்மு ஸாவியாவில் உஸ்தாதாகத் திறம்படக் கடமையாற்றியவருமான அன்புச் சகோதரர் அல் உஸ்தாத் ஆதில் அல் பஹ்ஜி அவர்கள், எகிப்தின் உலகப் புகழ்பெற்ற அல்-அஸ்ஹர் பல்கலைக்கழகத்தில் (Al-Azhar University) தனது உயர் கல்வியைத் தொடரவிருக்கிறார் என்ற செய்தி அறிந்து எமது கல்லூரி மட்டற்ற மகிழ்ச்சியும் பெருமிதமும் அடைகிறது. 🎉

எமது அல் பஹ்ஜாவின் நிழலில் ஆன்மீக மற்றும் மார்க்கக் கல்வியின் அடிப்படைகளைக் கற்றுத் தேர்ந்ததுடன் நின்றுவிடாமல், உம்மு ஸாவியாவில் உஸ்தாதாகப் பணியாற்றி அடுத்த தலைமுறைக்குக் கல்வியூட்டியவர். இன்று இஸ்லாமிய உலகின் மிக உயரிய கல்வி மையத்தில் எமது மத்ரஸாவின் மாணவர் தடம் பதிக்கவிருப்பது எமது கல்லூரிக்கும் , ஒட்டுமொத்த சமூகத்திற்கும் கிடைத்த பெரும் பாக்கியமாகும். 🎓✨

அன்புச் சகோதரர் ஆதில் அல் பஹ்ஜி அவர்கள் அல்-அஸ்ஹர் பல்கலைக்கழகத்திலும் சிறந்து விளங்கி, மார்க்க அறிவிலும் நற்பண்புகளிலும் இன்னும் பல உயரங்களைத் தொட்டு, எதிர்காலத்தில் நம் சமூகத்திற்கு நல்வழி காட்டும் மாபெரும் அறிஞராகத் திகழ வல்ல இறைவனைப் பிரார்த்திக்கிறோம்.

கல்வியைத் தேடிப் புறப்படும் உங்களது இந்தப் புதிய பயணம் பரக்கத் நிறைந்ததாகவும், மகத்தான வெற்றிகளைத் தருவதாகவும் அமைய அல் பஹ்ஜத்துல் இப்ராஹீமிய்யா அறபுக் கல்லூரி நிர்வாகம், அதிபர் , உஸ்தாதுமார்கள் மற்றும் மாணவர்கள் சார்பாக எமது நெஞ்சார்ந்த துஆக்களையும் வாழ்த்துக்களையும் தெரிவித்துக் கொள்கிறோம்! 💐

ஒரு நாட்டின் ஜனாதிபதியை உருவாக்கிய இலங்கையின் அரபுக்கல்லூரி.

படத்தில் இருப்பவர், மாலைத்தீவின் மூன்றாவது ஜனாதிபதியான மஹ்மூன் அப்துல் கையூம் (President Maumoon Abdul Gayoom) அவர்கள். அவர் அண்மையில் முன்னர் தாம் கற்ற காலி பஹ்ஜதுல் இப்றாஹிமிய்யா (பஹ்ஜா அல்லது பஹ்ஜி) அரபுக்கல்லூரிக்கு விஜயம் செய்தார். அடிப்படையில் அவர் ஓர் ஆலிமாகக் கருதப்படுகிறார்.

மஹ்மூன் அப்துல் கையூம் அல்அஸ்ஹர் பல்கலைக்கழகத்திற்குச் செல்ல முன்னர் காலி உனவட்டுன பௌனா விஸ்தா கல்லூரியிலும், காலி கோட்டை பஹ்ஜதுல் இப்றாஹிமிய்யா அரபுக் கல்லூரியிலும் கொழும்பு ரோயல் கல்லூரியிலும்
கற்றார். அதன் பின்னரே அல் அஸ்ஹரில் பட்டபெற்றார்.

மஹ்மூன் அப்துல் கையூம் உட்பட சிறந்த ஆளுமைகளை உருவாக்கிய இடமே பஹ்ஜதுல் இப்றாஹிமிய்யா அரபுக்கல்லூரியாகும்.

Sir முஹம்மத் மக்கான் மாக்கார் அவர்களின் தயாரின் மாசற்ற நீயத்தினால் உருவாக்கப்பட்ட இந்த அரபுக்கல்லூரி கி.பி 1892 முதல் பல ஆளுமைகளை உருவாக்கிய இடம் என்பது குறிப்பிடத்தக்கது.

பஸ்ஹான் நவாஸ்

Fazhan Nawas